Corpus of Electronic Texts Edition

Cormac cecinit (Author: [unknown])

p.561

1. Mac nach lium líthir form-sa,
   a Dé, díthig dom chind-sa:
   ná roib coraither immom
   do bara findoll find-sa.
2. Ní fuil túith ina bailiu
   thair, thíar, thes, deilm as druiniu,
   ad-biur fíad meic Dé athar:
   nidom athair do duiniu.
3. Día dúileach, dí na m-bocht-sa,
   Ruiri rúineach romalt-sa,
   is re léigind ro-beithi
   acht ge do-gneithi in mac-sa.
Mac.