Corpus of Electronic Texts Edition

Ísucán (Author: [unknown])

p.26

Jesus and Saint Íte

1. Ísucán
   alar lium im dísiurtán;
   cía beith cléirech co lín sét,
   is bréc uile acht Ísucán.
2. Altram alar lium im thig,
   ní altram nach dóerathaig —
   Ísu co feraib nime,
   frim chride cech n-óenadaig.

---

p.28

3. Ísucán óc mo bithmaith:
   ernaid, ocus ní maithmech.
   In Rí con-ic na uili
   cen a guidi bid aithrech.
4. Ísu úasal ainglide,
   noco cléirech dergnaide,
   alar lium im dísirtán,
   Ísu mac na Ebraide.
5. Maic na ruirech, maic na ríg,
   im thír cía do-ísatán,
   ní úaidib saílim sochor:
   is tochu lium Ísucán.
6. Canaid cóir, a ingena,
   d' fir dliges bar císucán;
   atá 'na phurt túasucán
   cía beith im ucht Ísucán.