Ocus is maith in lucht cogaid íadd. Bídd da bogha nó tri bogha ac cach aenduine díb, & mórán saighett, & túagh trom, & bíd cloidhme gerra aca n-daeinib úaisle, & cennberti ima cennaib & eidedh ima n-echaib do mitaill doníther acu fein, & da teched duine acu a cath nó a comlunn muirfidhter lena muindtir fein é, & ní bíd choidhchi acht aca smuáined cindus do gébdáis na tírtha ina timchill, oir ata a tairrngire acu co n-gébuitt na tírtha lena m-boghadhaib, óir is commór marbaid daeine rompa & inandíaidh lena {folio 68a2} soighdib.