Atbér frib ní do creidim na Serrisdínech doréir mur leghtur sa lebur tucc Macamétus dóib, darab ainm Acaron ic droing díb & Misáp ac cuitt ele & Haram ac cuitt ele doréir a tengtha fein. Cidh bé dogéna maith {folio 61a2} rachaid a parrthus déis a báis, & cidh bé dogéna olc rachaid a n-ifrinn, & da f[dot ]iarfuighedh duine díb crett é parrdhus aderaid sin curab inatt ína fuil cach uile shubháilchi & cach uile thorad tria bithu sír, & ina fuil sruth fína & sruth meala & sruth lemhlachta & sruth fíruisci & forgnem álaind fá thoil duine d'ór dergc & d' airget & do chlochaib búadha, & ina m-bé deichnebur ban ac cach aen-duine, & cidh dodechad 'na n-aentaid uile ní budh lughaitti dobeitis ina maighdenuib é.