Corpus of Electronic Texts Edition
The Voyage of the Hui Corra (Author: Unknown)

section 26

Tiaghait leis isin mbaili. Is annsin do ronnsat in coimhthinól comairle .i. macc ecalsa do beth re forcetal dóibh, & gan labhra dóibh re nech acht risin oiti. Forcetal do bheth acu go cenn mbliadna. Bliadain doib ocon urd sin cor-rolegsat canoin. O thairnic leo sin, ba buidhech in coimthinol6 dia crabud & dia sobesaib.