Búi rígféinnid; for Condachtaib fecht n-aill .i. Fothad Canainde. Bráthair side & Fothad Airgtheach & Fothad Cairpteach. Is de asbertha na Fothaig friu .i. fotha-suith iat, ar isí cétchlann ruc Fuinche iat1 do Macnia. Nó Fothad & .i. fó-táide .i. fo clith dorónad la Mac Niath iat fri Fuinche ingin Náir maic Armara. Nó Fothad .i. fí-áeda .i. olc-teine .i. teine neimneach iat ic orcain clann & cinél. Aendia immurro & Tréndia & Cáendia a n-anmanna. Aendia in t-Airgteach, Tréndia in Cairptech, Cáendia Fothad Canann.