Corpus of Electronic Texts Edition
The Chase of Síd na mBan Finn and the Death of Finn (Author: [unknown])

paragraph 40

Ótconnuic immorro in flaithfénnidh Find ferchuingedha na féni arna falmugud & a trénfir ar tuitim & a óes grádha arna n-airlech, ro déch in senóir forbthe fírglic gur búaine bladh iná sáegal dó & gur
10] bferr dó bás d' fagbáil ná máithmighe do dénum réna náimdib. Et is annsin tánic in rígfénnid fa slúagaib na columan & ro métaigh a menma & ro ardaig a aigned & ro lúathaig a láma & ro brestaig na béminna, gur éirig a én gaile os anáil in rígmíled go nár fétatar forni feróglach fulung i n-urchomair a áithi go fágbad in fer hi fail
15] a glúin & himad a traiged díb ina tortuib37 tamnaigthi & ina méidhib móilderga & ina cosuir chró gach conair no théged isin cath, ocus do chúaidh fúthu & tríthu & tarsa mur dam ndían ndásachtach arna drochbúalad nó mur leoman arna chrád fána chuilénaib nó mur buinni ndían ndílinn scéithes a hucht airdslébe i n-aimsir thuili brisis &
20] minaighes gach ní gusa roichend. Ocus ro timchell cath na columan fo thrí amail timchilles féth fidh nó mur chenglus ben báidh a mac, gur ba samalta fri hurlaidhi gabann hi cerdcha nó fri fúaim crínchrann hig a coimbrised nó fri lecuib aigri fo chosuib echraide fúaim les & laorg & lethchend fo dhéis a chlaidim isin chath. & ro gáiretar {MS folio 24a2}
25] bánánaigh & bocánaigh & badhba bélderga & ginite glinne & demna aieóir & arrachta folúaimnecha na firmamenti hi comórad áigh & irgaili ós cinn in rígféinned gach sligid da ngabad isin cath & nír scuir in rígmílid don rúathur-sin nogur díthláithred cath na columan iter thuitim & teched,38 acht Fer lí & Fer tái & cúig mic Uirgrenn.