Corpus of Electronic Texts Edition
Two Tales about Finn (Author: Unknown)

p.242

story 1

Bruiden Atha Hi inso sis


1] Fecht do Find hua Baiscne i Cind Chuirrig. Boui-sium cin mnái fri re chian. Luid-sium didiu docum na Siuiri co n-accae in ingin m-bachlaig oc Dun Iascaig for Siuir oc folcud a ind. Badamair a hainm side. Condotuc laiss co
5] m-bói ina farrud.

Cuirrech Lifi do Laignib, diatá Raith Cuirrig, is e romarb a comalta-som .i. Dub hua Duibne, diaraibi Diarmaid macc Duib mac Duibne. Luid Finn didiu fecht n-aill do thetarracht ale for Currech. Doluid Currech
10] síar cotallaid a cenn dia mnai-sium .i. do Badamair, condoruc lais sair. Doluid didiu Finn ina diaid-sim coruc a chenn de-sium siar. Is de ata Cenn Currig. Is de rocét:

    1. Currech Lifi cona lí
      in cach? rígh dia rodamair,

      15] rucad uad a cenn a cein
      gusan tsleib os MBodamair.
Mac mathar do Fhothud Canainne in Currech sin. Boi-sium didiu for eill Fhinn, condernsat cora fadeoid & conderna Find coirm do Fothud & rocuired iarum don cormaim
20] hé. Fa geis immorro do Fhothud Cananne ól corma cin chinnu marbu ina fhiadnaise. Fá doilig sin tra in inbaid sin, ar bói sidhchain Chormaic i n-Ere co cenn secht m-bliadan nadrubther guin duine ar Fhind. ‘Acht chena atat rudilsi gona duine’, ar Find .i. slighi Midluachra
25] & Ath Fhirdiad, 'Ath Cliath, Belach n-Gabrain, 'Ath Nóa, Cnamchaill, Conachlad, Da Cich Anann for Luachair Dedad.

Luid iarum Find corici Da Cich n-Anann do tharrachtain gona duine.


p.243


30] ‘Tiagom’, or Teit ingen Maic Niad, siúr Fothaid Canainne. ‘Bid linn in coirm si dogní Finn dom' brathair-si. Tiagum da hol’, or sí fria celi .i. Find mac Reghamain a ainm. Doteccat sair ina carput diblinaib, in ben iar cúl, esium fria ar dó. Occ techt sech Fhinn hua
35] m-Baiscne
dusléicci dono Carrfiaclach mac Connla urchur ina n-diaid co m-bói i m-bruinnib in fhir iarna thecht triasan mnái ar tús, co n-apatar de. Conad de robói sírchocad itir Fhind & Fothad Cananne dogres.

Dóigh laisin fear didiu is í in ben ronguin & is ann roraid
40] in fear: ‘Huar gaeth gaeth domanicc uait, a ben!’ ‘Duirp tonnaid dom dimbrig dobaib roí nid gairechtach cró, ar domrecma rinn rogér roamhnus a gaeth, ni scél iar cuairt coimtech dó nadbia ait tormenar’.

‘Dall adbur no ferai form-sa’, ol in ben, ‘a fir, beo
45] marb, ar is trim-sa rosiacht saso iarnainceret ben?atoncomnaic dib-línaib ar cach beoil blaisid écc. Issuachnid dam-sa natmair Fothad iar coscraib Canainde, ar dia maired mac Maic Niad do {MS folio 66a2}
[gap: illegible/extent: five lines]
sum,’ or si, acht adanaithrig robai olcc[...] iarsin conararad
50] ar fenid n-Erenn eturru iarum[...] didiu cechtarnai for ecell a cheile on uair sin imach, cein batar i m-bethaid .i. Finn & Fothad Cananne.

Finit.

p.245