Corpus of Electronic Texts Edition

Background details and bibliographic information

Acallamh na Senórach I

Author: Unknown

File Description

Whitley Stokes

Electronic edition compiled by Donnchadh Ó Corráin

Funded by University College, Cork and
Professor Marianne McDonald via the CURIA Project.

1. First draft, revised and corrected.

Proof corrections by Donnchadh Ó Corráin

Extent of text: 105 200 words

Publication

CELT: Corpus of Electronic Texts: a project of University College, Cork
College Road, Cork, Ireland—http://www.ucc.ie/celt

(1996)

Distributed by CELT online at University College, Cork, Ireland.
Text ID Number: G303000

Availability [RESTRICTED]

Available with prior consent of the CELT programme for purposes of academic research and teaching only.

Sources

    Manuscript sources.
  1. Oxford, Bodley, Laud 610, written for the most part in 1453-54 for Émann mac Risdeird Buitler (Sir Edmond Butler). The fragments of the text begin at f. 123 and end at f. 146. There are six fragments; (i)=lines 2044-2235; (ii)=lines 2400-3520; (iii)=lines 3723-3909; (iv)=lines 4078-7356; (v)=lines 7398-7546; and (vi)=lines 7597-7546, and ends imperfectly. All the Laud sections are given in extenso in the edition. For the manuscript, see R. I. Best, 'Bodleian MS. Laud 610', Celtica 3 (1956) 338-39 (where Best points out that the section containing the Acallam is older than the rest of the manuscript and the product of another scriptorium); Myles Dillon, 'Laud Misc. 610', Celtica 5 (1960) 64-76 and Celtica 6 (1963) 135-55.
  2. Oxford, Bodley, Rawl B 487. Imperfect. It contains 4 fragments of the text: (i)=lines 187-680; (ii)=lines 780-1361; (iii)=lines 1759-4139; and (iv)=lines 4519-6579; ends imperfect and omits many of the poems.
  3. Chatsworth, Book of Lismore, written for Fínghin Mac Carthaigh Riabhach (ob. 1505) and his wife Caitilín (ob. 1506). For the history of the manuscript see R. A. S. Macalister, The Book of Mac Carthaigh Riabhach otherwise called the Book of Lismore, Facsimiles in Collotype of Irish Manuscripts 5 (Dublin: Irish Manuscripts Commission 1950). In ff 159-197 (facsimile foliation, 201r-242v) it contains ten fragments of the text: (i)=lines 1-3975; (ii)=lines 4078-5639; (iii)=lines 5940-6096; (iv)=lines 6400-6446; (v)=lines 6494-6625; (vi)=lines 6954-7125; (vii)=7138-7356; (viii)=lines 7398-7546; (ix)=lines 7565-7596; and (x)=7883-8005, and ends imperfect. Lines 1-2043, 2236-2400, 3521-3717, 3910-3975, 7565-7596, 7986-8005 are not in Laud 610 and are given in full in the edition. The text in Lismore is edited in Standish Hayes O'Grady, Silva Gadelica i-ii (London 1892), i 94-233 (text), ii 101-265 (translation); review by Kuno Meyer and correction of many errors in Revue Celtique 14 (1893) 329-31, 15 (1894) 372-82).
  4. Killiney, Co Dublin, Franciscan Library at Dún Mhuire, MS A 4, pp 1-83. It ends imperfect at a point corresponding to line 7658. It has so many variations and additions that it constitutes a second recension. For a description of the MS see Myles Dillon, Canice Mooney and Pádraig de Brún, Catalogue of Irish manuscripts in the Franciscan Library Killiney (Dublin 1969) 10-12.
  5. Killiney, Co Dublin, Franciscan Library at Dún Mhuire, MS A 20, 1r-129r. This MS was not used by Stokes, but it is close to MS 4 (Myles Dillon, Canice Mooney and Pádraig de Brún, Catalogue of Irish manuscripts in the Franciscan Library Killiney (Dublin 1969) 40-43).
    Sources, comment on the text, and secondary literature.
  1. For notices of Stokes's edition see J. Loth, 'Remarques au Glossarial Index', Zeitschrift für celtische Philologie 4 (1903) 104; Ludwig Stern, ibid. 3 (1901) 614-19.
  2. An alphabetic list of all poems occurring in the text, with references both to O'Grady's and Stokes's edition is published in R. I. Best, Bibliography of Irish philology and of printed Irish literature to 1912 (Dublin 1913, repr. 1992) 189-90.
  3. Robert D. Nuner, 'The verbal system of the Agallam na Senórach', Zeitschrift für celtische Philologie 27 (1958/59) 230-310.
  4. Gerard Murphy, 'Acallam na Senórach', in Myles Dillon (ed), Irish sagas (Dublin 1959) 122-37.
  5. The following poems from the Acallam have been edited in anthologies: 'Turus acam Día h-Aíne', 'Géisid cúan', 'Forud na Fíann fás in-nocht', 'Is úar geimred; at-racht gáeth' by Gerard Murphy, Early Irish lyrics (Oxford: eighth to twelfth century (Oxford 1956) 140-55); 'Is fúar geimhreadh, at-racht gaoth', by David Greene and Frank O'Connor, A golden treasury of Irish poetry, AD 600 to 1200 (London 1967) 189-90. 'Turus acam Día h-Aíne', 'Géisid cúan', are the subject of James Carney, 'Two poems from Acallam na senórach', in James Carney and David Greene, Celtic Studies: essays in memory of Angus Matheson (London 1968) 23-32.
  6. Six prose episodes (in restored Middle Irish and corresponding to the following lines of Stokes's edition, 1-120, 329-53, 354-468, 718-871, 949-1002, 1868-1934, together with a reprint of Murphy article cited above) were edited by Myles Dillon, Stories from Acallam, Mediaeval and Modern Irish Series 23 (Dublin 1970).
    The edition used in the digital edition
  1. Whitley Stokes, Acallamh na Senórach in Irische Texte, Ed. Whitley Stokes and Ernst Windisch. series 4volume 1 (1900) pages xiv+1-438

Encoding

Project Description

CELT: Corpus of Electronic Texts

Sampling Declaration

All editorial introduction, translation, notes and indexes have been omitted. Editorial corrigenda are integrated into the electronic edition. All variants recorded by the editor have been retained and these are tagged as variants. Editorial expansions of MS abbreviations, rendered in italic in the edition, are not marked. Missing text supplied by the editor is tagged. The manuscripts have not been freshly collated. The present file is the first of three files of the text.

Editorial Declaration

Correction

Text has been thoroughly checked and proof-read. All corrections and supplied text are tagged.

Normalization

The electronic text represents the edited text. Word-division have been made conformat to CELT practice. Lenited s and f, rendered as s and f with overdot in the printed text are here rendered sh and fh.

Quotation

Quotation marks are rendered q.

Hyphenation

Hyphenation which here also represents the segmentation of Irish compound words is that of the original edition.

Segmentation

div0=the whole volume. Paragraphs are marked and numbered (though they are unnumbered in the printed text). Line-breaks are marked and numbered.

Interpretation

Names of persons (given names), groups, and places are tagged. Such names are tagged in the variants only when they differ from or are in addition to those appearing in the lemma. Where multi-element names cross a lemma boundary, the whole name is given in the reg attribute of the first element, and subsequent separate elements are marked as names.

Canonical References

This text uses the P element to represent the ¶.

Profile Description

Created: By unknown author(s) in Irish monastic scriptoria. Date range: 1100-1200.

Use of language

Language: [GA] Middle and Early Modern Irish, and MSS variation with some Middle and Modern Irish forms.
Language: [LA] A few words in Latin, mostly textual formulae.
Language: [EN] Witness list and notes are in English.

Revision History


Corpus of Electronic Texts Edition: G303000

Acallamh na Senórach I: Author: Unknown

List of witnesses


p.1


1] Ar tabhuirtt chatha Chomuir & chatha Gabra & chatha
2] Ollurbha, & ar n-díthugud na Féindi, ro scáilset iar sin ina
3] n-drongaibh & ina m-buidhnibh fo Eirinn co nár' mhair re h-amm
4] na h-uaire-sin díbh acht madh dá óclách maithe do dereadh na
5] Féinde .i. Oisín mac Find & Cáilti mac Crundchon, mhic Rónáin
6] ar scíth a lúith & a lámhaigh, & dá naonmar óclách maraon
7] riú, & táncatar in dá naonmar laoch sin a h-imlibh Shléibhe
8] Fuait
fond-scothaigh foithremhail co Lughbhartaibh Bána amach,
9] risa n-abar Lughbhudh isin tan-so, & do bhádar co dubach do-mhenmnach
10] ann re fuinedh néll nóna in oidchi-sin.

¶ 2.
11] Is annsin adubairt Cailte re h-Oisín: ‘maith, a anum, a
12] Oisín, cá conair no rachmais riá n-deóidh laoi d' íarraidh áighedechta
13] na h-oidhchi so?’ ‘Ní fhetar ón’, ar Oisín,‘ó nach maireann
14] do shenaibh na Féinde & do shen-mhuindtir Fhind mhic Chumhaill
15] acht triar amháin .i. misi & tusa, á Cháilti, & Cámha in bhanfhlaith
16] & in ban-choimétaidh ro bhúi ac coimhét Fhind mhic Cumhaill
17] ón uair fa macaem h-é gusin laithe a fuair bás.’ ‘Dligmít
18] feis dithat na h-aidchi-so di’, ar Cáilte, ‘uair ní h-éiter a rímh
19] ná a aisnéis in mhéit ro thoirbir in flaith-féindidh Find di-si do
20] shétaibh & do mháinibh re taobh in treas sét is ferr fuair Find
21] riam do thabairt di .i. in t-Anghalach, cornn tuc Moríath ingen
22] ríg mhara Grég do Fhind, & tuc Find do Chámha.’

¶ 3.
23] Ocus fuaradar feiss na h-oidchi-sin ac Cámha, & ro fhiarfaig
24] díbh a n-anmanda, & ro indsetar di, & ro chái annsin


p.2


25] frasa díchra dér, & ro fhiarfaigset scéla d' aroile ainn-séin, & táncatar
26] iarsin isin teach leaptha ro h-órdaiged dóibh, & ro bhói
27] in bhanfhlaith .i. Cámha, ac órdugud a cotach .i. núa cacha
28] bídh & sen cacha dighi, do thabairt dóibh: uair rob aithnídh
29] di-ssi mar do biadtái a samhla-sumh, & rob aithnidh di fóss
30] in ní bud dáoithin d' Oisín & do Cháilti co menic roime-sin. Ocus
31] ro éirigh sí co h-anmfhann étláith, & ro bói ac imrádh na
32] Féinde & Fhind mic Cumaill, & táin(ic sí) tar imrád Oscair mhic
33] Oisín & tar Mac Lugach, & tar chath (Gabra & aroile). Ocus
34] ro mhuidh tocht mór orro-sumh uime-sin.

¶ 4.
35] (Is annsin ad)ubairt Cáilte: ‘ní doilghi linde anois iná
36] mar {folio 159a2} as éicin dúind in dá nónbar itamáit do deredh
37] na muindtire móire maithi-sin do scaradh & do scáiledh ó chéile.’
38] Ro freacair Oisín sin: ‘dar mo bhréithir ámh’, ar sé, ‘ní fhuil
39] indum-sa níth ná nertt ina n-deaghaid-sin.’ Ocus gérsat calma na
40] fer-ógláigh ro cháisetar co dubach dobrónach do-mhenmnach
41] maraon risin m-banfhlaith .i. re Cámha.

¶ 5.
42] Tucad a n-daoithin dighi & míre dhóibh, & ro bhátar teora
43] lá & teora oidchi annsin, & do cheileabairset do Chámha iarsin,
44] & ro ráidh Oisín:

    1. 45] Is toirrsech indíu Cámha
      do-rála i cind a snámha.
      46] Cámha gan mac is gan h-úa
      do-rála conadh senrúa.
    2. 1

47] Is andsin táncatar rompu assan bhaile imach aran fhaithche
48] b-féraigh, & gníset comairle annsin, & as í comhairle do-rónad
49] accu ann, scarad re chéile; & ba scaradh cuirp re h-anmain a
50] scarad. Ocus do-rínset amhlaid-sin, uair do-chuaidh Oisín co
51] Sídh Ochta Cleitigh, bhail a raibhe a mháthair .i. Bla inghen
52] Déirc Dhianscothaig, & téit Cáilte roime co h-Inhdber m-Bic
53] Loingsigh
a m-Bregaibh, risi-ráidter Mainistir Droichit Átha isin
54] tan-so .i. Bec Loingsech mac Airist i-torchair ann .i. mac ríg
55] Rómán táinic do ghabháil Eirenn co rus-báidh tonn tuile ann h-é
56] — & do Lind Fheic ar Bóind bhán-srothaigh, & tar Sen-Breaghmaigh
57] bhudhes, & co Ráith Droma Deirc, áit i r-raibe Pátraic mac Alpraind.

¶ 6.
58] Is annsin do bhói Pátraic ac cantain na canóine coimdheta,
59] & ic etarmholadh in Dúilemhun, & ic bendachadh na rátha a


p.3


60] roibhe Find mac Cumaill .i. Ráith Droma Deirc. Ocus at-conncatar
61] na cléirigh dá n-indsaighi iat-sum, & ro ghabh gráin & egla iat
62] roimh na feraibh móra cona conaibh móra leo, uair nír' lucht
63] coimhré na comhaimsire dóibh iatt.
64] Is and sin do éirigh in t-éo flaithemhnais & in t-uaithne
65] airechais & in t-aingil talmaide .i. Pátraic mac Alprainn .i.
66] apstal na n-Gaoidhel, & gabhus in t-esríat do chrothad uisci
67] choisrictha ar na feraibh móra, uair ro bhúi míle léighionn do
68] dheamhnaibh uas a ceannaibh conuic in lá-sin, & do-chuatar na
69] demhna i cnocaibh & i scalpaibh & i n-imlibh na críche & ind
70] orba uatha ar cach leath; & do shuidhedar na fir mhóra ina
71] dheagaidh-sin.

¶ 7.
72] ‘Maith a m' anum’, ar PátraicCáilte, ‘(cia) comainm
73] thú, a ócláigh?’ ‘Cá(ilte) mac Crundchon mic (Rónáin) misi’,
74] ar se, .‘i. mac óglaigh do muinntir Fhinn meic Cumáill mhé.’
75] Ro bádar (na cléirigh) {folio 159b1} ac ingantus mhór
76] acá féghadh re tréimhsi chian,{SG page 96} & ní roiched acht co tana a
77] tháibh nó co formna a ghualand in bh-fer ba mó dona cléirchibh
78] don fhir dhibh-sin & iat ina súidhi.

¶ 8.
79] ‘Athchuinghidh dob áil lium-sa d' iarraid ortt, a Cháilti’,
80] ar Pátraic. ‘Dá rabh ocum-sa do niurt nó do chumung sin
81] do-ghébthar’, ar Cáilte; ‘ocus abair cidh edh h-í.’ ‘Topar
82] fír-uisci d' fhagbáil inar b-fhocus annso, assa fhétfamáis tuatha Breagh
83] & Midhi & Uisnigh do baistedh’, ar Pátraic. ‘Atá ocum-sa
84] dhuit-si sin, a uasail & a fhíreoin!’ ar Cáilte. Ocus táncatar
85] rompu tar cladh na rátha a(mach), & ro gab-sum lámh Pátraic
86] ina láimh, & ní deachadur acht náoi sbáis ón dorus amach
87] an tan
it-conncatar in loch-tobar grinn glainidi ina fhiadhnaise,
88] & ba h-adbal leo mét & reime in bhilair & ind fhochluchta
89] ro bhói fair, & do bhói ac tabairt a thesta & a thuarascbhála, &
90] adubairt Cáilte in laoidh ann:

    1. 91] A thobuir Trágha Dhá Bhan
      álaind do bhilar barr-ghlan.
      92] ó ro tréigedh do chnuas ort
      nír' léiced fás dot fhochlocht,

    2. p.4

    3. 93] Do bric ód bruachaibh amach
      do mhucca allta i t' fhásach,
      94] doimh do chrega cháin sealga
      do láigh breacca broind-dearga.
    4. 95] Do mhes ós bharraibh do chrand
      t' iasc a n-indberaibh th' abhann,
      96] álaind lí do ghas n-geghair
      a ghlas uaine fhoithremhail!
    5. 97] Is uait do-chuadar in Fhiann
      dar' marbad Coinchend coimfhial,
      98] dar' cuiredh ár Féinde Find
      isin mhadain ós Maolghlind.
    6. 99] Uait do-chuaidh Fathadh na fhledh
      ba laoch do fhuilnged imned,
      100] dá fhuair rath in talman toir
      dar' marbhadh i cath Chlároigh.
    7. 101] Táinic ós cind in tobair
      Blaói ingen Deirc Dhianscothaigh
      102] gol ard con atha aicci
      dar' cuiredh cath Confaiti.
    8. 103] A(r) marbadh chon ocus fer
      ar n-athchuma laoch láin-gheal
      104] co cuala glaodh Gharaidh ghlain
      adhaigh re taobh in topair.

¶ 9.
105] ‘Maith’, ar Pátraic, ‘in táinic ár próind & ár tomhaltus
106] chucaind fós?’ ‘Táinic ón’, ar Easpac Sechnall. ‘Roind ár
107] próind’, ar Pátraic, ‘ocus tabair a leth don naonmur óclách
108] mhór út, d' iarsma na Féindi.’ Is annsin ro éirghidar a
109] espoic & a shaccairt & a salmchétlaidh, & ro choisricsat in biad,
110] & tucait a n-éna & a n-íbair-lestair dá n-ionnsáighidh,
111] & ro thó(mals)at a lór-da(e)thain bídh & lenna {folio 159b2}, amail
112] ba les anma dóibh.

¶ 10.
113] Is annsin adubairt Pátraic: ‘nár' maith in tigerna icá
114] rabhuir-si .i. Find mac Cumaill?’ Ocus ro ráid Cáilti in formolad
115] bec-so and sin:

    1. 116] Dámadh ór in duille donn
      chuiris di in caill,
      117] dámad airget in gheal-tonn
      ro thidhluicfed Find.

118] ‘Cia ro choimét sibh-si mar sin’, ar Pátraic, ‘in bar
119] m-beathaidh?’ Ocus ro frecair Cáilte .i. ‘fírinde inár croidhedhaibh
120] & nertt inár lámhaibh, & comall inár tengthaibh.’

¶ 12.
121] ‘Maith, a m' anum, a Cháilte’, ar Pátraic: ‘in rabhadar
122] cuirnn náit{SG page 97} copána naid bleidhidha búis & bán-óir isna tighibh
123] a rabhais riam romhuind?’ Ocus freacrais Cáilte sin: ‘is edh
124] do bhúi a tigh mu tigerna do chornnaibh:

    1. 125] Dá chornn déc ocus trí cét
      do chornnaibh co n-ór ac Find,
      126] mar do éirghidís don dháil
      ba h-adhbhul a lán don lind.

¶ 13.
127] ‘Mun budh coll crábhaidh, & mun bud maindechtnaige
128] urnaigthi, & mun budh tréigen acallmha rígh nime & talman
129] dúind, ro bo gairit linn t' acallaim-si, a ócláich’, ar Pátraic.


p.5

¶ 14.
130] Do bí Cáilte ac indisin na triath & na tigernadh aca rabatar,
131] & ad-bert in láidh:

    1. 132] Cuirnn ro bhátar a tigh Fhind
      is meabair linn a n-anmann,
      133] Macalla is Grugán Gann
      Cornn na m-Ban ocus Adhmall.
    2. 134] Macamh na Corn, Corn Aillbhi
      co n-ochtaibh aidbhli uile.
      135] acan t-sluag ó láim do láim
      moille a tráigh iná a thuile.
    3. 136] Adharcán corn bói ac Diarmait
      do-beirthea a fialghoit do mhnáibh,
      137] ól dá fer déc fa chethair
      dar mo bethaidh ba h-é a lán.
    4. 138] Dá chorn Mhic Lugach in láich
      Órsholus, Odhrán ind Óir,
      139] Órsholus inmain fer forlán
      scarad neach re comrádh cóir.
    5. 140] Mar do éirgimís don comhól
      i teghlach Find ba h-árd bladh
      141] Mac Alla am láim-si budhéin
      dhan ac Diarmait rom-char,
    6. 142] Grugán a láim Fhind na Féinde
      a corn féine a láimh na m-ban.
      143] Deoch dá fichet a Mac Alla
      deoch trí fichet Corn na m-Ban,
      144] deoch ceithre fichet a Mudhán
      deoch cét laoch a n-Grugán ghlan.
    7. 145] Caingasta corn Oscair áin
      is leis do éirgeadh don dáil
      146] ba mind súla slóigh tar ler
      ris ro tibed mór n-ingen.
    8. 147] Leascach ba lór a áille
      corn Aillindi co n-áine.
      148] Find ro tidluic dá bélaibh
      a laimh Gotháin gheil-méraigh.
    9. 149] Iarla ba lór a shuarca
      do cuiredh na caomchu(arta){folio 160a1}
      150] Find do-rat i tigh n-ola
      do Dhubán mac Dubnóna.
    10. 151] Fer Uaine corn do bhí ac Finn
      do-beirmís linn tar gach lear
      152] dá m-beth ac ól nír' bho dithat
      do bhiad ól trichat fer.
    11. 153] Is é lugha bhói 'nar comól
      a meic Chalpuirn i tam tigh
      154] Fer Tuillidh corn Glais meic Gathail
      a luagh agaibh nocon fhil.
    12. 155] Dobrón re feruibh ba cáidh
      corn meic Rethi co mór-ghráin
      156] misti leo beith i tigh Fhinn
      in tan no bithea i Cromghlind.
    13. 157] Brec Derg ba mór a chaire
      corn Cháilte go caemh-glaine,
      158] uime tuc Finn in tres trén
      'na torchuir Lughaid trí rém.
    14. 159] Cend Áluinn corn rígh Alban
      ris téighmís far dul fedha,
      160] corn in ríg-fheinnid Rónán
      as n-ibhmís mórán medha.
    15. 161] Fer mar Finn ní thic cu bráth
      ní thabuir fáth ar foghlaibh,
      162] ar doman 'gá m-beth a muirn
      nír' shamuil cuirn da chornaibh.

¶ 15.
163] ‘Ad-rae buaidh & bennacht, a Cháilti!’ ar Pátraic, ‘as
164] urgairdiugud menman & aicenta dhúin sin. Ocus innis óirscél ele
165] dhúin.’ ‘Inneosat ón’, ar Cáilte, ‘& abuir gá scél is áil duit.’
166] ‘In {SG page 98}rabatar eich nó echrada acuibh isin Féin?’ ‘Do bátar
167] immorro’, ar Cáilte. ‘.LLL. serrach aen-lárach & aen-eich.’ ‘Cánas


p.6


168] ar frith sin?’ ar Pátraic. ‘Adér frit a fhírinne, a anum’, ar
169] Cáilte.

¶ 16.
170] Oclách do búi ac Finn .i. Artúir mac Benne Brit, & ba
171] h-edh a lín, trí naenbair. Ocus do-rónad sealg Benne h-Edair le Finn,
172] & ba tuillmech toirtech in t-shealg-soin, & do scáilset dá conuibh
173] & do shuidh Finn i Carn in Fhéinnedha idir Beinn Edair & muir,
174] & ba maith lais a menma ag éisdecht re raibchedaigh na n-dam
175] n-díscir n-dásachtach ic á luath-marbadh do chonúibh na Fénne.

¶ 17.
176] Is ann do-rala d' Artúir mac Benne Brit beith ic coimet in
177] mara idir an (fi)adach & muir cu nach snáimhdís in (damhrad)
178] uatha; & mar do bhí Artúir amuich {folio 160a2} i cind in chuain
179] at-connaic trí coin do chonuib Finn .i. Bran & Sceolaing &
180] Adhnuall. Ocus as í comairli arar' cinn Artúir mac Benne
181] .i. é féin & a trí nónbair d' imthecht tar muir & na coin-sin do
182] breith leis 'na tír féin; & do críchnaiged in comairle-sin. Dóigh
183] ámh do-chuatar-som tar muincinn mara & na trí coin-sin leo,
184] & ro gabsat cuan & calad ac Innber Mara Gaimiach i crích
185] Breatan, & tiagait a tír, & lotar rompa co Sliabh Lodáin meic
186] Lir
, & do-rónad sealg in t-shléibi-sin acu.

¶ 18.
187] Dála na Fénne iarsin, tairnic leo a bh-fhiadach & a bh-fian-choscar
188] do dhénam, & ro ghabsat longport ag Beinn Edair meic
189] Etghaeith
in féinnedha, & ro h-áirmhit coin tighi Find annsin
190] amail ba gnáth aca; & ba h-imdha a coin-sium, amail at-bert
191] an file:

    1. 192] Airim craeibhi ar connuibh Finn
      cona chuanairt bláith bhith-bhinn,
      193] trí cét gadhar, comhull n-glé
      ocus dá cét gaidhrine.

¶ 19.
194] ‘Ba mór do dháinibh icá rabhutar sin’, ar Pátraic. ‘As
195] fír ámh duit-si sin’, ar Cáilte, ‘ór ba h-é so in lín no bhídh i
196] tigh Finn’:

  1. 197] Trí coecait ro búi i tigh Finn
    do tháisechaib Fiann fír-grinn
    198] is trí cét gilla n-grádha
    dá chét dalta dingbhála.

¶ 20.
199] Ar n-áirimh na g-con fríth móir-esbaidh forro .i. Bran &
200] Sceolaing & Adnuall, & ro h-indised d' Fhind: ‘Sírter’, ar sé, ‘trí
201] catha na Féinne.’ Ocus gia ro siredh ní fríth na coin.


p.7


202] Is annsin tucad loing-shithal bán-óir cum Find, & ro nigh
203] a ghnúis rígda, & tuc ordain fó a dét fis, & do faillsiged fírinne
204] dhó, & adubairt: ‘Ruc Artúir mac righ Bretan bhar coin
205] uaibh, & toghuidh nónbar do dhul dá n-iarraidh.’ Ocus ro togad
206] amlaid, & ba h-iat so a n-anmanna .i. Diarmaid mac Duinn,
207] meic Donnchada, {SG page 99} meic Dhubáin, do Ernaibh Muman andeas,
208] & Goll mac Mórna. ‘In mac rígh Goll’, ar Pátraic, ‘nó in
209] mac ógláich?’ ‘Mac rígh’, ar Cáilte: & at-bert:
    1. 210] Mac Taidg meic Mórna don Muig
      meic Faeláin, meic Feraduigh,
      211] meic Fiacha, meic Airt don Mhuigh
      meic Muiredhaig, meic E(oghain).

¶ 22.
212] ‘Ocus Caol Cródha cét-ghuinech ua Nemhnain (.i. cur)
213] {folio 160b1} conáich co neimh ro bhúi ac Finn, & ba h-í so
214] neimh ro bhái fair: ór nír' dhibraic a lám urchar n-imroill riam,
215] & nír' fuiligh a lám ar dhuine riamh mín bud marb acedóir
216] nach bhud marbh ria cinn nómaide, & ní thainig
217] a tig iffirn riam cech duine ro muirbfed.
Ocus Oisín
218] mac Finn in té nár' ér duine riamh acht gu m-beth cenn re
219] caithimh neich aigi & cosa re h-imthecht’ ‘Is mór in teisd
220] sin, a Cáilti’, ar Pátraic. ‘As fír cidh sin’, ar Cáilte, & adubairt:

    1. 221] Nír' ér Oisín duine riamh
      im ór ná im aircet ná im biadh,
      222] ní mó do chuinnigh ní ar nech
      gémad inn-rígh a oinech.

¶ 23.
223] ‘Ocus Oscar mac Oisín .i. in mac rígh ba ferr lúth &
224] lámach ro bái a n-Érinn, & Ferdhoman mac Buidhbh Deirg
225] meic in Daghda, & Raighne Roisclethan mac Finn, & Caince
226] Corcairderg
mac Finn, & Glas mac Eincherda Bera, & Mac
227] Lugach
lám-echtach, & misi féin’, ar Cáilte. ‘Ocus ba
228] h-í ar cétfuidh dhin féin, a naemh Pátraic, co nach raibhi ó
229] Theprofháne co Garrdha na n-Isperda a n-iarthar
230] in domain ceithre cét laech nach dingébhmais a láthair chatha
231] & chomlainn. Óir ní raibhi guala gan gel-sciath, ná cenn gan
232] cathbarr, ná des-dorn gan dá manáis móir-leabra co suainemaib
233] lín lan-chadait a foscadaib na crand
. Ocus luidh-sium
234] romhainn fón réim-sin co ráncamar Sliabh Lodáin meic Lir,
235] & nír' chian dúin ann co cualamar dluth-chomhrád na bh-fer ag
236] dénam shealga ar in muigh.’


p.8

¶ 24.
237] Dála Artúir meic Benne Brit, do eisidh ina dhuma shealga
238] annsinn cona mhuintir. Indsaighter linne iat co h-athlamh &
239] ro mharbhsam muintir Artúir uili, & iadhus Oscar a dá láimh
240] um Artúr & ainices h-é, & tucsam ar trí coin lind. Ocus déchuin
241] ro dhéc Goll mac Mórna secha con-faca in t-ech bocóidech
242] dubh-ghorm co srian co cumdach óir fria, & in décsain ro dhéc
243] dá láimh clí con-faca in n-ech n-donn n-dóghabh(á)la & srian
244] línaidi láin-geal d' airget aith(legtha) fria co m-béilgibh óir fris,
245] & g(abus) (G)oll in t-each-sin & cuiris h-í i láim {folio 160b2}
246] Oisín, & cuiris Oisín i l-láim Dhiarmada í Dhuibhni, & táncamar
247] romuinn iar m-buaidh coscair & commáidme, & cinn na trí
248] naonbar linn, & ár coin & ár n-eich & Artúir féin a láim lind,
249] co Beind Éadair meic Éatgáith an fhénneda, & tangamar assidein

250] co h-airm i m-búi Find, co Senmagh n-Elta n-Edair.

¶ 25.
251] Ocus táncamar isin pubaill i raibhe in rígh-fheinnid,{SG page 100} & at-bert
252] Cáilte:

    1. 253] Do-ratsamar Artúir linn
      co n-derna a cura re Finn
      254] cur'ba óglách d' Fhinn iar soin
      cusin laithi luid d' écoibh.

¶ 26.
255] Aincemaid Artuir 'arsin & marbmait a muintir, & tucsam
256] in dana n-ech-sin d' Fhinn .i. in feir-ech & in bain-each, &
257] is da síl-sin do bhí echradh na Fénne uili, ór nír' chleachtsat
258] eich co sin. Ocus ruc in bain-each ocht tairberta & ocht serraig
259] gacha tairberta, & tucadh do dronguibh & do dheg-dáinib na
260] Fénne na serraigh-sin, & do-rónta carpuid acu iarsin.

¶ 27.
261] ‘Ad-rae buaid & bennacht, a Cháilti!’ ar Pátraic; ‘ocus
262] innis dúin anmanna na triath & na tréin-fer icá rabhadar na
263] h-eich-sin.’ Conad ann as-bert Cáilte ocá innisi:

    1. 264] Aithnid damh eich na Fénne
      gibé adéradh re chéle
      265] in uair thicedh in sluag seng
      co h-aenach Tailltenn taeibh-sheng.
    2. 266] In Coinchenn Eochaid meic Lir
      In Aignech Diarmada dil,
      267] In Coscrach Fhinnchaid na g-cath
      In Gormlasrach Meic Lugach.
    3. 268] In Badhbh ac Mac Lugach lán
      Érim Cruthach ag Conán,
      269] Ben Mhanann tucadh tar muir
      do bí ac Finn Bhán ua Breasail.
    4. 270] In Éachtach Oscair co n-ádh
      In Dubluirgnech ag Dubán,
      271] Mídach Mairg ic Scal fo caill
      is Fer Baeth ag Mac Sidhmaill.

    5. p.9

    6. 272] Francán ocus Lúth Re Srian
      dá ech tháisigh scuir na bh-fhian
      273] Lúth ac Scuirín, codhnaibh gal
      is Francán ac Dub Druman
    7. 274] Gerr in Óir, Gerr in Arcait
      maraen do cinndís carpaid,
      275] dá ech do bhí ag Aillmi ann
      ag ingin aird-rígh Eireann.
    8. 276] Dub Esa is Dubh Thuinne
      dá ech Aenghuis Angluinne,
      277] Cáilti is Oisín amach
      maraen téigdís gach n-aenach.
    9. 278] Each Guill meic Morna don muigh
      fer fairi do b(úi) a Maenmhuigh,
      279] tan do-léicthe ar sliabh nó ar muigh
      fá comhluath r(e gaeith) n-erruigh.
    10. 280] Each dá nach dechaidh ní riamh
      do coin (ná do mhíl) ná d' fhiadh
      281] Concenn do bhí a(c Finn na fledh)
      {folio 161a1} tucad a tíribh Saxan.
    11. 282] An Glas Gaillmhe, mór in midh
      ferr ná cét ech a h-aenor
      283] do bhí ac Finn in crotha buain
      a m-brollach gacha mór-shluaigh.
    12. 284] Ceatra fichit is dá chét
      ocus míle, nocha bréc,
      285] d' fheruibh trí nech fáth co lí
      a marc-shlúag Fhinn Almhaini.

¶ 28.
286] ‘Ad-rae buaid & bennacht, a Cháilti!’, ar Pátraic: ‘as
287] gairdiugud menman & aicenta dúin sin acht min bhudh coll
288] crábaid, & min bhudh maidnechtnaighi urnaigthi, & min bud
289] trécon etarmolta in Coimdedh
dhúin é.’

¶ 29.
290] Ocus do bhátur annsin co táinic maden arnamárach, & gabais
291] Pátraic a eirredh uime, & táinic ar in faithchi amach, & trí fichit
292] sacart, trí fichit sailmchétlaid & trí fichit naeim-escub 'na fharrad
293] ac silad creidmhe & crábaid sechnón Eirenn. Ocus do-riachtadar a
294] dhá aingel fhorcoiméta cum Pátraic annsin .i. Aibelán & Solusbreathach,
295] & fiafraighios dibh in budh móid le rígh nime & talman
296] beith do-som ag éisdecht re scéla na Féinne. Frecrait na
297] h-aingil do-som co comnart cubaidh: ‘A anum, a {SG page 101} naeim-chléirigh!’
298] ar siat, ‘ní mó iná trian a scél innisit na sen-laeich út ar dáigh
299] dermait & dichuimhne orra. Ocus scríbhthar na scéla-
300] sin
let-sa i támlorguibh filed & i m-briathraibh ollaman,
301] ór budh gairdiugudh do dronguibh & do deg-dáinibh deridh aimsire
302] éisdecht frisna scéluib-sin.’ Ocus do imthigset na h-aingil
303] uada iarsin.

¶ 30.
304] Is and sin do-cuas ó Pátraic ar cenn Cáilti, & tucad dá
305] innsaigid h-é in nónbar óclaech do bí, & ba h-iat so a n-anmunna
306] .i. Failbhe mac Flainn, & Eogan Airmderg mac rígh Ulad, &
307] Flann mac Fergusa, mac ríg Cenéil Conaill, & Conall Coscarach


p.10


308] mac Aengusa, mac rígh Connacht, & Scannlán mac Ailella mac
309] ríg Osraigi, & Baedán mac Gairb, mac ríg Corco Duibne, &
310] Luaimnech mac Linn, mac ríg Érna Muman, & Aedh
311] Lethderg
mac Eogain, mac rig Tuadhmhuman, & Failbe & Uancenn
312] dá mac rig Dháil n-Áraidhi atuaidh, & Fulartach mac
313] Finghin, mac rígh tuath m-Breg & Midhi.
314] ‘(In) b-fhedubair cidh fa tucad dom acallaim sib don (chu)r
315] -so?’ ar Pátraic. ‘Ní fhedumar immorro’, ar Cáilte. ‘Ar dáigh
316] {folio 161a2} cu ro shléchtadh sibh do soiscéla rígh nime & talman
317] .i. in fír-Dia forórda.’ Is annsin tucad tonn baitsi Críst tairsibh
318] ac Pátraic, ag cinn baitse & creidme bh-fer n-Eirenn.
319] Is annsin tuc Cáilte a láimh secha i comhraid a scéith,
320] & tucustar lia druimnech derg-óir don ór ór-lasrach tíri na
321] h-Araipi
a rabutar trí cóecait uingi, do Pátraic ar baisted
322] in nónbair do bhí. ‘Tuarastal déidhinach na flatha Finn dam-sa
323] sin’, ar Cáilte: ‘do raith mh' anma-sa & do raith anma in rígh-feinneda
324] duit-si, a Phatraic.’ Ocus is ed do ghabhudh in lia
325] do Phátraic, ó bhárr a meoir medhóin co mulluch a ghualann,
326] & do bhí ferchubut ar lethet & ar reme innti, & do cuired in t-ór
327] sin ar find-cheolanuibh tráth In Táilcinn & ar saltrachaib & ar
328] lebraib aithfrinn.

¶ 32.
329] ‘Maith, a anum, a Cháilte’, ar Pátraic: ‘gá sealg is ferr
330] fuarudar in Fhiann riamh a n-Eirinn nó a n-Alpain?’ ‘Sealg
331] Arann’, ar Cáilte. ‘Cait a b-fhuil in ferann-sin?’ ar Pátraic.
332] ‘Idir Alpain & Cruithentuaith’, ar Cailte, ‘ocus trí catha na
333] Féinne teighmís-ne innti i laithi mís trogain risa ráidhter
334] in Lugnasadh, & do-gheibhmís ar lór-daethain sealga ann no gu
335] n-gairedh in chái do barruibh biled i n-Eirinn, & binne iná gach
336] ceol éisdecht re binn-ghothaib a h-énlaithi ag éirghi do thonnuibh
337] & d' aireraib na h-indsi .i. trí coecait ealta bítís 'na timchill co
338] taitnemh gacha datha idir gorm & uaine & glas & buidhi.’

¶ 33.
339] Ocus do ráidh Cáilte in láidh:{SG page 102}

    1. 340] Arand na n-aighedh n-imdha
      tadall fairge re a formna,
      341] ailén a m-biadhta buidhni
      druimne a n-dergthar gái gorma.
    2. 342] Oighe baetha ar a bennuibh
      monainn mhaetha 'na monguibh,
      343] uisce fuar ina h-aibhnibh
      mes ar a dairgibh donnuibh.

    3. p.11

    4. 344] Milchoin innti is gadhair
      smera is airne dubh-droighin
      345] dlúith a fraigreadh re fedhaibh
      doimh ac deghail 'má doiribh.
    5. 346] Díghlaim corcra ara cairrcibh
      fér gan locht ara learguibh,
      347] ós a creacaib cain cumhdaigh
      surdghail laeig, breaca ac bedhgaigh.
    6. 348] Mín a mag, méth a muca
      suairc (a guirt, scél as creidte),{folio 161b1}
      349] a cnó ar barraibh a fidcholl
      seoladh na sith-long seice.
    7. 350] Aibinn dóib ó ticc soinenn
      bric fá bruachaibh a h-abunn,
      351] freagrait fáilinn má finnall
      áibinn gach inam Árann.

¶ 34.
352] ‘Ad-rae buaid & bennacht, a anum, a Cháilti!’ ar Pátraic:
353] ‘is tairisi linn do scéla & tú fein budhesta.’

¶ 35.
354] Is annsin ad-connuic Pátraic dúnad & degh-árus uaid budhdes
355] gach n-dírech. ‘Cia in baili úd, a Cháilti?’ ar Pátraic.
356] ‘Baile is uaibrecha i rabadhus a n-Eirinn ná a n-Albuin sút’,
357] ar Cailte. ‘Cia do búi ann?’ ar Pátraic. ‘Trí meic Luigdech
358] Mind
meic Aengusa .i. tri meic rígh Eirenn. Ruidhi & Fiacha
359] & Eochaid a n-anmanna.’ ‘Crét tuc dóibh-sium in maithius
360] mór sin?’ ar Pátraic.

¶ 36.
361] Fecht n-aen dá táncatar d' agallaim a n-athar co Fert na
362] n-Druadh
fria Temhraig aníartúaid, ‘Cán asa táncubair, a óca?’
363] ar sé. ‘A h-Echlais Banguba andes’, ar siat, ‘a tigh ar
364] m-buime & ar n-aide.’ Ocus ro batar édaighi ligda lenn-maisecha
365] umpu & bratt uaine imón mac ro bo shine dib .i. im Ruidi, & bratt
366] corrtharach d' olaind examail Tíri Tairngiri im Fiacha, & faideran
367] fir-gorm im Eochaid co cimais airgid aen-gil ina timchell, & delg
368] óir isin brut ósa bruindi
‘Cidh ro imluaidh sibh, a
369] oca?’ ar Eirenn. ‘d' iarraidh críche & feruinn ort-sa’, ar siat.
370] Do bhí in 'na thosd re h-edh & adubhairt: ‘Ní h-athair’, ar
371] sé, ‘tuc crích na ferann dam-sa, acht mu rath féin & mo ruithendacht,
372] & ní thibér ferann dáibh-si, acht cosnaidh féin ferann
373] dáibh.’ Is annsin do éirghedar-sum eirghi athlaim aein-fhir, &
374] tangatar rompa go faidhchi in Brogha braenaigh brecc-solais
375] & do eisetar ann gan nech ina bh-fharrad. ‘Cidh as
376] comairle libh anocht?’ ar Ruidi. ‘As comhairle linn’, ar a
377] bráithri, ‘troscad do dhénam re Tuatha Dé Danann re rath
378] críchi & forba & ferainn & re maithius máineach mór-adhbhul
379] d' fagbáil uatha.’ Ocus nir' chian dóibh annsin co facadar in


p.12


380] t-óclách suairc sidhamail da n-innsaigid. Ulcha deghgablach
381] dond fair, folt find-clechtach fororda 'sé buidi bocc-álaind tar a
382] formna siar sechtarda, & cael-snaithi óir ic cengal an fuilt indfada
383] fororda ardaigh nach gluaisiud in gaeth gailbech guibelta finda fa
384] rosc na fa radarc. Assa find-airgit ima chois, & in cos tecmad re talmain
385] dó is uimpi ro bui in t-assa, & ní benadh a cruindiucc
386] don rindiuc .i. a drucht do barr an feóir.
Bennuighis
387] do macuibh rígh Eirenn & frecrait-sium fón samhla cétna.
388] ‘Can duit, a ógláich’, ar iat, ‘ocus can as tice?’ ‘Asin Brugh
389] braenach breac-sholus i comhfhocraibh dhúibh’, ar in
390] t-óclách. ‘Carsat comainm, a ócláich?’ bar iat-somh. ‘Bodhbh
391] Derg
mac (In D)aghda misi’, ar sé; ‘ocus ro foillsigedh (do)
392] (Thuathaib Dé) Danann bar tiachtuin-si do throscad{folio 161b2}
393] sund anocht re ferunn & re mórrath d' fagbail, & ticidh
394] leam-sa, a ócu.’ Ocus do éirghedar a n-aein-fhecht, & do-chuadar
395] isin m-Brugh, & tucad a cathair grind glainidi ar laech-lár in
396] t-sídha iat
, & tucadh próinn dóibh, & nír' chaithset.{SG page 103}
397] Do fiafraig Bodb díbh cidh um nár' chaithset biad. ‘Eirenn’,
398] ar siat, ‘ár n-athair féin, dar n-éra um crích & um ferunn, &
399] ní fhuil acht dá airecht chudrama a n-Eirinn .i. Meic Míled
400] & Tuatha Dé Danann, & táncamar-ne d' innsaigid in dara h-airecht
401] díb-sin .i. sib-si’.

¶ 37.
402] Is annsin at-racht Bodb leisin m-beind m-blaith m-buabaill
403] bai ina laim: ‘Táíí uile’, ar sé, & ro táíetar lucht in t-sídha uile
404] co tái tostadhach, & ro taiscit a cuirnd & a copana & a
405] m-bleidedha ban-óir & ban-airgid; &
do-chuadar Tuatha
406] Dé Danann
a comhairle, & as é ba h-uaisli & ba h-uiregda isin
407] comairli-sin .i. Midhair Mongbhuidhi mac In Dagda, & adubairt:
408] ‘tabraidh trí mná dhóibh-súd’, ar se, ‘ór is ó mhnáib do gabar
409] rath nó amhrath.’ Ocus tucadh trí h-ingena Midair dhóibh .i.
410] Doirenn & Aiffe & Aillbhe. ‘Abair, a Bhuidhbh’, ar Midhair,
411] ‘cidh do-bérthair dóibh sút?’ ‘Adér’, ar Bodb, ‘.LLL. mac
412] rígh atámaid isin t-sídh-so : tabhar .LLL. uingi do derg-ór
413] ó gach mac rígh díbh-sin dóibh.’ ‘Ocus .LLL. édach uaim-si
414] dhóibh’, ar Bodb, ‘co saine gacha datha.’ ‘Ascaidh uaim-si
415] dhóib’, ar Aedh mac Aedha na n-amsach


p.13


416] a Cnuc Ardmulla amuich don muir, risa n-abar Rachlainn isin
417] tan-sa .i. macam Tuath Dé Danann sin. ‘Corn & dabhuch
418] uaim-si dhóibh’, ar sé, ‘& in dabuch do línad d' uisci eochar-ghorm, 2
420] & do-ghéna midh so-óla so-meascda de, & saile serb-dhomain do
421] chur isin corn do-ghéna fín acétoír dhe.’

¶ 38.
422] ‘Ascuid uaim-si dhaibh’, ar Lir Sídha Finnachaidh, ‘.i.
423] .LLL. cloidhim & .LLL. sleg seimnech sith-fhoda.’ ‘Ascaid
424] uaim-si dhóibh’, ar Aengus Óg macIn Dagda ‘.i. dúnad
425] & dingna & baili rígda rómhór co sonnaighib sith-árda & gu
426] n-griananaib gleorda glainidi & co tighibh rinn-radharcacha rómhóra
427] isinn inad bus áil dóibh .i. idir Ráith Chobhthaigh &
428] Temhuir.’ ‘Ascaid uaim-si dhóibh’, ar Aine ingen Modhuirn,
429] ‘.i. ban-chóic atá acum, & geis di nech d' éra fa bhiadh, ór do-ghébha
430] ní mar do-bhéra u(aithi).’ ‘Ascaid uaim-si dhóibh’, ar
431] Bodbh Derg: ‘arpeit(idh) (maith atá acum .i.) {folio 162a1} Fer
432] Tuinne
mac Troghain a ainm, & ruidhbh 'arna ruachtad, & mná
433] re gúr-lámnad, & mílidh arna moch-ledrad do choideldais frisin
434] ceol sirrechtach do-ghní, & ní mó as airfitid don dúnad a m-bí
435] inás do lucht na criche uime!’. Ocus do bhátar
436] re teora lá cona n-oidhchibh isin t-síd.

¶ 39.
437] Ocus adubhairt Aengus riu trí h-abla Aifi a Fidh
438] Omna
do breith leo .i. abhull fo bláth & abull ac tuitim a
439] blátha & abhull abaigh; & do-chuadar cum in dunaid iarsin, uair
440] ro bai urlum fa comair é
, & do bátar .LLL. bliad(an)
441] and no gu n-dechaid díth arna ríghaibh-sin, & do-chuatar ar cúla
442] chum Túaithe Dé Danann tréna cleamhnus & trena caratrad
443] & do ansat ann ó sin amach, & is é-sin in dún
444] do fhiarfaigis dím, a Phátraic, ar Cáilte.Cáilte cecinit

¶ 40.


    445]
  1. 446] Trí thuili
    ticed a dún Árd Ruidi,
    447] tuili ógán, tuile ech
    tuile milcon mac Luigdech.
  2. 448] Trí ceolu
    ac ríghuibh seghda ar sodhain.3
    450] ceol crot, ceol timpán co m-blaidh
    dórd Fir Tuinni meic Troghain.
  3. 451] Trí gáire
    bidh ann gan uair fa terca,
    452] gáir ceathnata dá faidhchi
    gáir graifni ocus gáir erca.

  4. p.14

  5. 453] Trí gáire
    gáir a muc dronnmhar n-degha,
    454] gáir a shluaigh ós blai bruidhne
    gáir muirne is gáir mheadha.
  6. 455] Trí cnuasa
    bítís ann uas a slatuibh,
    456] cnuas ac tuitim, forumh n-gnáth
    cnuas fó bláth is cnuas abaigh.
  7. 457] Trí meic for-fhácuibh Lugaid
    gersat rulaidh a bh-fheadma,
    458] Ruidi mac Luigdech Lethain.
    Echaidh is Fiacha ferdha.
  8. 459] Do-bhér-sa teisd ar Echaidh
    nach dechaidh traighidh madhma,
    460] ní bídh gan airfitiud gnáth
    ní bidh tráth gan ól corma.
  9. 461] Do-bér-sa teisd ar Fhiachaig
    gérsat rulaidh a fhaghla,
    462] nocha n-ebert guth bud ró
    is ní bhídh budh mó calma.
  10. 463] Do-bér-sa teisd ar Ruidi
    cus' ticdís na trí thuile,
    464] nar' érustar nech um ní
    is nár' iarr ní ar dhuine.
  11. 465] Tricha ruirech, tricha triath
    tricha nia ba forumh ,
    466] ba h-é lín a slúaig cétaig
    tricha do chétaib fa trí.

467] ‘Ad-rae buaid & bennacht, a Cháilti!’ ar Pátraic: ‘as urgairdiugud
468] menman & aicenta dhúin sin.’
469] Ocus nír chian dóibh (ann co) facadar in t-aen-óclách andes
470] gach n-direch dá n-inn(saigid co n-degh-éc)usc. Brat corcra uime,
471] dealg óir isin bhrut, (léine d)o shída bhuidi re grian a chnis,
472] urtlach {folio 162a2} do chnóibh corra cenn-bhuidhi & d' ubluibh
473] áille ór-bhuidhi leis, & cuiris ar lár a fiadhnaise Pátraic. ‘Can asa
474] tucais in cnuasach, a mhacáim?’ ar Pátraic. ‘A Fidh
475] gég-áluinn Gaibli
’, ar esium. ‘Carsat comainm-siu, a ógláich?’
476] ar Pátraic. ‘Falartach mac Ferghusa misi’, ar sé. ‘Cidh as
477] duthaig duit?’ ar Patraic. ‘Ríghi Tuath m-Breg & Midi &
478] Déisi Temhrach as dual damh’, ar in t-óclách, ‘& foghlaid &
479] díbercach mhé.’ ‘Cia ar a n-déne foghail?’ ar Pátraic. ‘Derbbráthair
480] damh féin, Bécan mac Fergusa.’ ‘Do dhuthaig duit
481] co gairit’, ar Patraic. ‘Forchenn air, a naeim-chléirigh’, ar an
482] t-óclách. ‘Isin bliadain a tám’, ar Pátraic: ‘can asa tucais in
483] cnuas?’ ar Patraic. ‘Ro fedar-sa ám’, ar Cáilte, ‘cáit asa tucad:
484] is a Ros meic Treoin a Fidh Gaible anall, & lubh-ghort sealga
485] h-é do bhi ag óglach grádha d' Finn mac Cumaill .i. Mac Lugach
486] láidir láin-échtach.’ ‘Maith a anum’, ar Pátraic, ‘is annsin atá
487] fer gráda dom muinntir-se .i. Cessán mac ríg Alban, & sacart
488] méisi dam-sa h-é.’ ‘Lubh-ghort sealga don Fhéinn sin’, ar Cáilte.

p.15


489] & in trath ticedh dochma shealga don Fhéin idir Eirinn & Albain
490] do gheibhdís a n-daethain sealga re teora la & re teora aidche
491] a Ros meic Treoin.

¶ 42. {SG page 105}
492] Cáilte cecinit:

    1. 493] Cluain Cesáin ro clos amach
      cus' tathaighedh Mac Lugach,
      494] ba Ros meic Treoin, forumh n-grind
      fria ré thuidechta In Táilcinn.
    2. 495] Gidh cantar na sailm fa sech
      i Cluain Cesáin na cléirech,
      496] do-connac in cluain creamhaig
      fo damraid rúaid róireabaig.
    3. 497] Gé atá léighenn uas in linn
      do bhí tan nár' bhó toillcill,
      498] ba fót abla is snáma a sruth
      adhbha cána in chluain chreamuch,
    4. 499] Táinic in tarrngairi áigh
      táilginn treabsat Clúain Cesáin,
      500] adubairt Finn fial failgech
      cumadh neimhedh naem-ainglech.
    5. 501] Menic sinn 's ar coin fa sech
      a n-diaidh dhamhrad n-óc n-uaibrech
      502] ar laeich ar n-gadhair co h-uain
      ac faghail um an caemh-chlúain.
    6. 503] Tri fichit rigan gu recht
      bátar acum i n-aoin-fhecht,
      504] do-ghnínn a leasa uili
      fa mé an cleasach cluannuidi.

¶ 43.
505] ‘Gá trath do ló ann anois?’ ar Pátraic. ‘Is fogus d' adhaigh
506] ann’, ar Beneoin. ‘In táinic ar proinn fós cuca(inn?)’(ar
507] Patraic). {folio 162b1} ‘Ní tháinic ón’, ar Beneoin. ‘A anum, a
508] naem-Pádraic’, ar Fulurtach mac Fergusa, ‘do-bherainn-se eolus
509] duit in bhaili i fhuighbhithea proinn & tomultus anocht.’ ‘Cá
510] h-inad sin?’ ar Pátraic. ‘I tigh Becain mu bhráthar féin a
511] tuathaib Breg & Midhe.’

¶ 44.
512] Ocus luidhset cléirigh roim Pátraic co tech Bécáin, & ailis
513] Beneoín feis air
, & is amlaid ro bói sein, & ocht fichit
514] finn-airge aigi, & érais um biadh iat. Ocus táinig Benén & na
515] cléirigh ar cúl, & indiset scéla do Phátraic. ‘As ced limsa’,
516] ar Patraic, ‘a bh-fhuil aigi-sium do chrudh & do mhuinntir gan
517] élaithech a m-bethaidh amárach dhíbh’, & ro fírad an ní-sin,
518] ut dixit Patricius:

    1. 519] Becan
      ní rab ilar a tredan,
      520] oiret rabh grian ar deiseal
      ní rab seiser d' óibh Bécán.

¶ 45.
521] Is annsin ro shluic in talam uili a n-aein-fhecht Becan cona
522] mhuinntir & cona mhaithius idir mhíl & duini. ‘Feis dithat na
523] h-aidhche anoct uaim-si duit, a naeim-chléirigh’, ar Fulartach
524] mac Fergusa, ‘.i. nái m-bai fichit atá ac biathadh mu ceitheirne


p.16


525] acum anallana ar fogail & ar dibfeir(g).’ ‘Rígi uaim-si duit-si
526] ó mhedhón lái amárach’, ar Pátraic, ‘& dot' shíl ad' deghuid
527] no gu ticthe risin eclais.’ Ocus do cuired Becan a talam mar sin,
528] & dofuc Patraic rígi d' Fhulartach. Conidh Díth m-Bécain ainm
529] in sceoil sin.

¶ 46.
530] Is and sin ro fhiarfaig Pátraic do Cháilte: ‘ga lín m-bráthar
531] do bhi ac Finn?’ ‘Do bátar dá bráthair aige’, ar Cáilte, ‘ocus
532] nírb' urdrucu Find innait
.i. Fithal & Cithrumach.’
533] Cailte cecinit:

    1. 534] Diamair ar senchaidi sund
      na trí meic do bhi ag Cumull,
      535] Finn ocus Cithramach den
      ocus Fithal na b-filed.

¶ 47.
536] ‘Cia dhar' Mac Lugach ro fhiarfaiges díd aréir?’ ar Pátraic.
537] ‘Robudh ceist ar neach eli sin’, ar Cáilte, ‘& ní h-edh orum-sa.
538] M(ac) do Daire Derg mac Finn’, ar Cailte, & do Lugaig ingin
539] Fhinn .i. ingen dílius aindílius do bhí ac Finn, & tucsat in
540] bantracht uili luighi cor' ingen dilius d' Finn h-i, & do comraic a
541] derbbráthair féin ria iar n-ól (cor)ma i Temhair Luachra, &
542] do-rindi {folio 162b2} in mac-sin ria .i. Mac Lugach, & ro bí
543] co cend nái mís torrach and, & tancatar bressa brighi & ella
544] do h-indsaighid, & rucustar gein meic ann
, & in adaig
545] rucad an mac táinic Finn & tri catha na Féinne don bhaile,
546] & athair in mheic .i. Daire Derg, co Temhair Luachra, & do
547] h-indisedh dhoibh sin. ‘As gáine leam’, ar Finn, ‘ór as mac
548] rucad ann, & da mad ingen ro budh olcc a breith di-si dá derb-
549] bráthair.’

¶ 48.
550] ‘Adrae buaid & bennacht, a rígh-fhéinnid!’ ar cách. ‘As
551] buadhach in t-ainm tucuis air .i. Gaine.’ Amail as-bert in fili:

    1. 552] Gaeine ainm Meic Lugach luinn
      Daire a athair ós gach druing,
      553] Cú Muighi ainm Meic Rethe
      Briuin a athair Dairethe.

¶ 49.
554] Tucadh a n-ucht Finn in mac iar-sin, & tuc Finn i n-ucht
555] Moingfhindi ingine Dubáin .i. bain-céle d' Finn, & as í ro thócaib
556] ocht cét sciath-armach don Fhéinn, & ro ail in mac-sin cur' bha
557] slán a dhá bliadain déc, & tuc a dhaethain airm & éidid dho
558] ann, & táinic roime co Carraic Chonluain, cu cenn Sléibi Smóil
559] meic Edleacair
, risi n-abar Sliabh Bladma aniu, airm i raibhi
560] Finn & in Fhian, & táinic a b-fiadnaisi na flatha Féinne, & ferais


p.17


561] Finn fir-cháine bh-fháilte fris, & do-rindi in mac a coraigecht &
562] a mhuinnterus re Finn & tuc a láimh i laimh Finn, & do bhí
563] re bliadain isin Féin, & do-righne lisdacht mhór risin Féin in
564] bliadain-sin, & ní mó iná fine naenbair don Fhéin ro soichedh
565] (do) ghuin muicci nó fhiadha ocun gilla-sin, re taoib bhuailti
566] a g-con & a n-gillanraidi.

¶ 50.
567] Is annsin tángatar in Fhiann cu Ros in Fhéinnedha ar
568] brú Locha línide Léin tes, & ar rochtuin do trí cathuibh na
569] Fénne conuice sin do-rónsat casait Meic Lugach re Finn. Ocus
570] adubratar trí catha na Féinne: ‘Do rogha duit, sinne acut nó
571] Mac Lugach a aenar.’
572] Is annsin tucadh Mac Lugach d' agallaim Finn, & do fhiarfaig
573] dhe: ‘Maith a anum, a Mheic Lugach’, ar Finn, ‘gá h-olc
574] dor(ignis) risin Féin in tan atá do miscais aco uili?’ ‘Do-beirim
575] dom bréithir’, ar sé, ‘nach fedur a bh-fhochuinn munub olc leo imad
576] do {folio 163a1} lúid nó lámhuigh do dhénamh damh-sa etarra.’

¶ 52.
577] Is annsin tuc in flaith-féinnid comhairle do Mac Lugach.
578] & do {SG page 107} bhí buaidh ara chomhairli-sium, & do mhair in comairle-
579] sin ag Mac Lugach, & at-bert Finn:

    1. 580] A Meic Lugach, toluib snas
      más e h' órd an t-óclachas
      581] corbhat sídhuigh teglach tréin
      gurbhat duilig a n-droibhéil.
    2. 582] Ná buail do choin gan chinuidh
      do mhnái co finnair,
      583] ná ben re genaidhi i cath
      gid meraigi, a Mheic Lugach.
    3. 584] Ná h-imderg duine mad cáidh
      ná h-éirigh re h-imarbáigh,
      585] ná rab tarraic imale
      ar ammaid ná ar droch-dhuine.
    4. 586] Dá trian do mhíne re mnáibh
      is re h-echlachuib urláir,
      587] re h-aes dána dénta duan
      nárbhat dian re daescar-shlúagh.
    5. 588] Ná geibh tosach leaptha dhé
      rett aes cumtha is comairle,
      589] im-ghaibh luighi claen is col
      fhaemh uile h' fiadhugodh.
    6. 590] Ná h-abair-se bréithir móir
      ná h-abair nach tibre chóir,
      591] ór is nár a rádh co tenn
      muna fedtar a comall.
    7. 592] Ná ro tréice do ruire
      in chéin bheir ar bith bhuidi,
      593] ar ór ná ar shéd ar bith cé
      na tréic-si do chomairce.
    8. 594] Nár écnaighi co ferdha
      a mhuinntir re tigerna,
      595] ór ní h-obair duine maith
      écnach a shluaig re prímh-fhlaith.
    9. 596] Nárbat buain-scélach brégach
      nárbat labhar luaith-bhédach,
      597] gérsat imdha do ghartha
      nírsat bidbha oirechta.

    10. p.18

    11. 598] Nírsat sibleach thighi n-óil
      nársat ingnech ar shenóir,
      599] in dáil ad-cluine as í in cóir
      ná ben re duine n-deróil.
    12. 600] {F§}Bidh co h-eistechtach cailli
      bid co féchsanach muighi,
      601] oir ní fedrais, mór in modh
      nach biad t' escara it farradh
      §
    13. 602] Nársad diultadach um biad
      nárab cumthach duit ainfhial,
      603] nárad furáil féin ar flaith
      na h-écnaiged gach n-ard-flaith.
    14. 604] Lean dott édach, lean dott arm
      resiu thair an gleo glas-gharbh,
      605] ná déna dibhe fád rath
      lean (d)on míne, a Meic Lugach.

¶ 53.
606] ‘(Ad-ra)e buaid & bennacht!’ ar Pátraic, ‘as maith in scél-
607] sin (ro indi)sis dúin; & cáidhe Brocán scríbhnid?’ ‘(Sunn), a
608] naeimh-chléirigh’, ar Brocan. ‘Tabair do lebar & t' adharc &
609] do pend cugat, &’
‘scríbhthar {folio 163a2} an scél
610] út lat.’ Ocus do-rinne Brocan acétóir.

¶ 54.
611] Is andsin ro fiarfaig Pátraic do Cháilte: ‘in rabatar airfitigh
612] acuib-se isin Féinn?’ ‘Do bhí imorro’, ar Cáilte, ‘in
613] t-énairfitech is ferr do bhí a n-Éirinn ná i n-Albain.’ ‘Cá
614] h-ainm séin?’ ar Pátraic. ‘Cnú Deróil’, ar Cáilte. ‘Cáit a
615] fríth é?’ ar Pátraic. ‘Eidir Crota Chliach & Síd Ban bh-Fhinn tes’,
616] ar Cailte. ‘Crét a thuarascbáil?’ ar Pátraic. Ceitri duirn Finn
617] do bhí ina áirdi & trí duirn do isin crand chiuil do sheinnedh,
618] & airfitigh Thuaithe Dé Danann do-rinde tnúth ris.
619] Luid Finn in lá-sin co Sídh Ban Finn siar do sheilg & d' fhiadhach,
620] & suidhis ar in bh-firt fótbhuigh andsin. Sillis iarum in
621] flaith-féinnid secha co n-fhacca in fer bec ac sefnad & ac sáir-sheinm
622] a chruiti ar in fhod ina fhochuir, & is amlaid ro bhúi, & folt fada
623] finn-buidi co clár a dhá leas fair, & ar faicsin Finn dó táinic
624] da innsaigid, & tuc a láim 'na láim, ór as é céd-duine {SG page 108} tárla do
625] h-é ar tuidhecht asin t-sídh amach, & ro bhúi oc seinm a chruiti
626] a fiadnuisi Finn no gu tancatar in Fhiann, & 'ar techt dóibh
627] at-cualatar in ceol sirrechtach síde. ‘Maith a anum, a Fhinn’, ar
628] an Fhian: ‘as é-sút in tres turcairthe as ferr fuaruis riamh.’ Ocus
629] do bhí ac Finn no gu fuair bás. Ocus adubairt Cáilte in láid:

    1. 630] Abhuc do fuair Finn ferdha
      do bhí d' fheabus a mheabra
      631] gacha cluinedh tiar is tair
      do bhídh aigi do meabair
    2. 632] Cnú Deróil a ainm in fhir
      a n-Eirinn nir' anaithnidh
      633] inmain leinbhín fa glic n-glóir
      dar'bo comainm Cnú Deróil.

    3. p.19

    4. 634] Indeosat dáibh, fáth gan locht
      mar do fhuair Finn in t-abhoc,
      635] bá gein shochair do fríth ann
      én-mac Logha meic Eithleann.
    5. 636] Do bhámar a farrad Finn
      idir Chrota is Shléib Ban Finn
      637] co cualumar ceol gan chol
      ar an fhót inár bh-fharrod.
    6. 638] Do bhámar ag éisdecht ris
      a cheol nír' ceol co n-eislis,
      639] beg nachar' chuir sinn 'n(ar suan)
      in ceol sirrechtach sír-bhuan.
    7. 640] Annsin at-bert risin {folio 163b1}
      Find mac Cumhaill Almhaini:
      641] ‘canas tici-si, a fir bhic’
      ‘sheinnes in cruit co caeim-glic?’
    8. 642] Tánacas o Shíth Ban Finn
      áit a n-eabhar midh is linn,
      643] is dó tháncas lem co becht
      do beith treall ad chomuidecht.
    9. 644] Do-ghébha seoit is máine
      is ór derg is degh-dáine,
      645] ór thaitnid frim do dhála
      do-ghébha mu lánghrádha.
    10. 646] Do-rad a láim a láim Finn
      annsin roba subach sinn,
      647] is tucmaid h-é linn alé
      do ba caem ar turchairthe.
    11. 648] Cetra duirn i n-airdi in fhir
      trí duirn ina chruit chaeimh-dhil,
      649] mor tairm na bláithi buige
      binn fogar na caem-chruiti.
    12. 650] Do-ratad cuigi málle
      cúic oirfitig na Féinne
      651] cur' fhogluimset ceol síde
      thall ó Chnái go caeim-Líne.
    13. 652] Díb-sin mac Senaig male
      Senach ocus dá Dhaighre
      653] do-rónsat foglaim co h-án
      ocus do-róine Cuán.
    14. 654] Ba cheisd le Finn na Fénne
      a abac gan bain-chéle,
      655] ór nír' áil don fhir chródha
      na mná remra rómhóra.
    15. 656] Adubairt Finn in flaith m(ór)
      co tibredh aircet is ór
      657] don tí uainn do fhinnfadh soin
      i n-Éirinn ben a chosmoil.
    16. 658] Adubairt Scí mac Eogain
      óglach co n-aicniud leomhuin:
      659] ‘inneosat is scél ádha’
      ‘baile a fuil a dhingbála.’
    17. 660] ‘Beir mo bennacht, éirg dod thoigh’
      ‘a mheic Eoghain a Mumoin’,
      661] ‘ocus innis dúin tré spéis’
      ‘in crích a bh-fhuil re aisnéis.’
    18. 662] ‘Roich co Tech Duinn a Mumain
      ‘a Fhinn chródha chomhramhaigh’,
      663] ‘atá ann is oirfitidh dhuit’
      ‘ingen dar' comainm Bláthnuit.’
    19. 664] Annsin ro triallsam co tric
      is flaith na Fian faebair-glic
      665] co Tech n-Duinn d' iarraidh na mná
      ba móide sin ár menmá.
    20. 666] Fuaramar Bláthnait 'san t-sídh
      tucamar linn h-í co fir,
      667] ro fháiset tall istigh mhóir
      Bláthnait ocus Cnú Dearóil.
    21. 668] Tucmait uingi dh' ór gach fhir
      in lín do bhámar d' fianuibh,
      669] a caibhche na mná gan locht
      do-ratadh (tall) don abhoc.
    22. 670] {folio 163b2} Cetra duirn i n-áirde in fhir
      trí duirn ina chruit chaeim-ghil,
      671] áirdi in ben inás in fer
      inmhain lánuma láim-gheal.
    23. {SG page 109}
    24. 672] Lámdha in domain acon mhnái
      imirt óir aircid gan ghái,
      673] lasin bh-fer, fá mór in modh
      slóigh in domain d' áirphiteodh.

    25. p.20

    26. 674] Ní raibhe ríghan 'san Féinn
      na táiseach na flaith co céill
      675] nach tuc grádh ocus máine
      don lánamhuin lánnaidhe.
    27. 676] Mar do thicedh doineann dúr
      ar in b-Féin, fa ríghda rún,
      677] do bhítis ac Finn fóa bhrat
      Bláthnait ocus in t-abac.
    28. 678] In tan ticed maith don Fhéin
      ní cheiled Bláthnait co céil,
      679] in tan do thiced dóibh olc
      ni cheiled orra in t-abhoc.
    29. 680] Nocha n-fhuil ceol ar talmain
      in neoch budh mhian le menmain
      681] nár' shuaill foghar i tigh óil
      acht a canad Cnú Deróil.
    30. 682] Trí turchairthe is ferr fuair riamh
      Finn in flaith-fhéinnid fír-fhial:
      683] Bran ocus Sceolaing gan locht
      Bláthnait araen 's an t-aboc.

¶ 55.
684] Nír' chian dóibh asa h-aithle co facadar in móirseser gilla
685] mór dán-innsaigid. ‘Canas táncabair, a óca?’ ar Pátraic, ‘&
686] cia sibh féin?’ ‘Eogan Leithderg mac Aenghusa, ó rígh
687] chóicedh Muman táncamar ar do cenn-sa, a naemh Pátraic.’
688] ‘Rachmait-ne annsin’, ar Pátraic, ‘ol dlegar mar a bh-fhuigter na
689] mainchisa a n-gabháil ann.’ ‘Crét do-géna sinne in nónbar
690] óclách so?’ ar Cáilte. ‘Fáilte mhís & ráithi & bliadna am
691] fharrad-sa dháibh’, ar Pátraic.

¶ 56.
692] Is andsin táinic Pátraic roime, & as í slighe tháinic a
693] bh-Fhidh Gaible, & a n-Druim Criadh, risa ráidter Ceall Dara isin
694] tan-sa, & tar Sruithlinn ar Dermagh, & tar Berbha bith-glais
695] & i Tóchar Léghi ingine Cuarnatan, airm i torchair Liagh {F§}le
696] Conall
ar in n-Dergruathar, &§ i Sen-Mag Roichet
697] ingine Déin meic Dileann, risa ráidter Magh Ruadh Roichet, &
698] i Sen Mhagh n-Eo, risa ráidter Mag Láissi, tar in b-Feoir
699] n-iuchar-bhradánaig & d' Achadh Bó bái [gap: MS damaged] trénbhuillig risa
700] ráidter Achad
[gap: MS damaged]
{folio 164a1} a Slighidh Dhála meic
701] Umhóir
, & do Ros in Churad, re n-abar Ros CréRos caemhálainn Cré,
702] & lámh dhes re Lathaig Bó Lodáin meic Lir, risa ráidhter Clár
703] Daire Mhóir
, & do Chorrocuibh Cnámhchoille, & do Chuillind
704] Ua Cuanach
siar in baile i torchair Cuillenn mac Mórna le
705] Finn, & do Leim in Fhéinnedha, & d' Aenach Cuili Mná Nechtain,
706] re n-abar Aenach Sétach Sen-Chlochair isin tan-sa, & tar Ath
707] m-Braengair
, risi raiter Ath Mor isin tan-sa
, & do Chenn
708] Abrat Sléibe Cáin
budhdhes, & do Tulaigh na Fénne, re n-abar
709]


p.21

Ard Pátraic isin tan-so, áit a m-bai Eogan Lethderg mac Aengusa,
710] dhá cóiced Muman, co maithibh in dá choiced Muman uime.

¶ 57.
711] Is annsin do scáiled a phuball tar Pátraic, & táinic
712] Muman co maithibh a mhuinntiri, & tuc a cenn a n-ucht Pátraic,
713] & ro shlecht do, & ro búi-sium sechtmain annsin ac todhúscad
714] mharbh & ac slánugud dháine n-galair & esláinte & gacha h-aincesa archena.

¶ 58. {SG page 110}
715] Is annsin tucadh a bhreith féin do Phátraic, & táinic
716] Eogan Leithderg roime co Rosaigh na Righ, dá dunad fein, &
717] do-chuatar maithi Muman dá n-dúintibh & dá n-deg-bhailtibh iarsin.

¶ 59.
718] ‘Maith a anum, a Cháilte’, ar Pátraic, ‘crét uma tucadh
719] Findtulach ar an tulaig-so ara tám?’ ‘Adér frit a fhírinni’,
720] ar Cáilte, as so do-chuamar-ne tri catha na Féinne do tabairt
721] catha Findtrágha, & tucad ár sleagha dar n-innsaigid, & tucad
722] fethana fithnais do chrannuibh ar sleg, & ro dhech Finn in
723] tulaig uime & adubairt: ‘As finn in tulach.’ ‘Ocus gá ferr
724] ainm da m-bia uirri iná Finntulach?’ ar siat

    1. 725]
    Cáilte cecinit:

¶ 60.
742] Ocus is as-so do-chuamar-ne do chur chatha Finntrágha, &
743] at-conncomar óclach do mhuinntir Fhinn d' ar n-innsaigid .i.
744] Cael cródha céd-ghuinech ua Nemnainn. ‘Can asa tánacuis, a
745] Chaeil?’ ar Finn. ‘Asin Brug braenach atuaid’, ar Cael.
746] ‘Cret do iarais?’ ar Finn. ‘d' acalluim Muirinde ingine Deirg


p.22


747] mo muine féin.’ ‘Cidh a adhbhar-sin?’ ar Finn. ‘Ar bhithin
748] leannain t-sídhe & ard-nuachair & torad aislinge {F§}tarfas dam.’
749] Ader-sa sin rit, ar Finn
§ .i. Crédhe ingen Cairbri
750] cnes-bháin ingen rígh Ciarraigi Luachra. ‘In bh-fedrais, a Chaeil’,
751] ar Finn, ‘conid h-í-sin bain-mhealltóir ban Eirenn, ór is terc sét
752] maith a n-Eirinn nár' bréc chum a dúnaid & a degh-áruis.’
753] ‘Ocus in fidir tú ga comha iarus ar chách?’ ar Cael. ‘Do-
754] fhedar’, ar Finn ‘.i. gibé aga m-beth do dhán nó d' filidhecht
755] duan do dhénam dhi & tuarascbháil a cuach & a corn & a cupad
756] & a h-ian & a h-aird-leasdar & a righ-thech romhór.’ ‘Atá urlumh
757] acum-sa arna tabairt damh ó Muirinn ingin Deirg, óm buime féin.’{SG page 111}
758] Ocus do áilsedhmar in cath don dula-sin, & táncamar romuinn
759] tar taebhuibh cnoc & carrac & tulach cu Loch Cuire i n-iarthur
760] Eirenn. Ocus táncamar cu dorus in t-sída, & do chansam in dord
761] fian-sa re crannuibh ar sleg n-ur(ard) n-orchrai, & do éirghedar
762] ingena míne macdhachta (mongbuide) {folio 164b1} ar
763] sceimhealborduibh grianán & ar solustighib cláraigh.
764] Ocus táinic Crédhi dar n-acallaim, & .LLL. do mhnáibh uimpi,
765] & do raidh in flaithféinnid ria: ‘Is dod thoga-sa & dod thochmharc-sa
766] tháncamar-ne’, ar se. Fiarfaigis an ingen cia dhar'
767] áil a tochmharc. ‘Do Cael chroda chet-guinech ua Neamhnainn,
768] do mac rígh Laigen anair.’ ‘Do chualamar a scéla.’
769] ar an ingen, ‘gen gu facamar é, & in bh-fuil aigi mo dhuan
770] dam-sa?’ ‘Atá immorro’, ar Cael; & do éirigh & do ghabh a
771] dhuan:
    1. 772] Turus acam dia h-áine
      gé dech isam fíráighe
      773] co tech Créidhi, ni snímh suail
      re h-ucht in t-sléibi anortúaid.
    2. 774] Ata i cinnedh dhamh dhul ann
      gu Crédhi a Cíchaib Anann
      775] co rabhar ann fo dhecraibh
      cetra lá ocus leith-seachtmuin.
    3. 776] Aibinn in tech ina tá
      idir fhira is maca is mná,
      777] idir dhruidh ocus aes ceoil
      idir dháiliumh is doirseoir.
    4. 778] Idir gilla scuir nach sceinn
      ocus ronnaire re roinn,
      779] ata a comus-sin uili
      ag Créidhi fhind fholt-bhuidhi.
    5. 780] Budh áibinn damh-sa 'na dún
      idir cholcaidh ocus chlúmh,
      781] mad áil do Crédhi ro clos
      budh aibinn damh mu thuros.

    6. p.23

    7. 782] Sithal aice a sil sugh subh
      as do-gníedh a blai dhubh,
      783] dabhcha glaine gairdheasca
      cupáin aici is caeim-eascra.
    8. 784] A dath amar dhath an aeil
      coilcidh eturra ocus aein,
      785] sída etorra is brat gorm
      derg-ór eturra is glan-chorn.
    9. 786] A grianan ac Loch Cuire
      d' arcat ocus d' ór bhuidhe,
      787] tuighi druimnech gan dochma
      d' eitibh donna is derg-chorcra.
    10. 788] Dá ursain uáinidhi ad-cí
      a comla ni dochraidh h-í,
      789] aircet échta, cian ro clos
      in crand búi 'na fordoros.
    11. 790] Catháir Chréidhi dot láim chlí
      ba suarca 'sa suarca h-í,
      791] casair uirre d' ór Ealpa
      fa chosuibh a caeimh-leaptha.
    12. 792] Lebaidh luchair na line
      fuil os cinn na caithairi
      793] do-rónad ac Tuile thair
      (d' ór) buidi is do lic lógmair.
    13. 794] (Lebaid eile) dod láim dheis
      d' ór is d' aircet gan eisleis,
      795] co pubaill co (m-bricht m-b)ugha
      co caem-slatuibh credhumha.
    14. {folio 164b2}
    15. 796] An teghlach atá 'na tigh
      as dóibh as áibne ro chin,
      797] nídat glasa slíma a m-bruit
      at casa finna a forfhuilt.
    16. 798] Do choideldais fir ghona
      cona taescaibh trom-fhola
      799] re h-énuibh sídhi ac sianán
      ós bhorduibh a glan-ghrianán.
    17. 800] Madam buidech-sa don mhnái
      do Chréidhi da n-gairenn cái,
      801] méraid ní bus lia a láidhi
      madh dá n-díla a commáine.
    18. 802] Mad áil le h-ingin Cairbre
      ní dam cuirfe ar choir cairdi,
      803] cu n-abra fein rim abhus
      ‘is mu mhóir-chen dod thurus.’
    19. {SG page 112}
    20. 804] Céd traiged i tigh Créidhi
      ón chuirr gu roich a chéle,
      805] is fiche traiged tomhais
      a leithet a deg-dhorais.
    21. 806] A h-udhnacht is a tuighi
      d' eitibh én n-gorm is m-buidhi,
      807] a h-urscar thair ac tobar
      do ghlain is do carrmocal.
    22. 808] Cetra h-uaithne um gach leabaidh
      d' ór is d' aircet coimecair,
      809] gem glaine i cind gach uáitne
      nídat cenna anshuairce.
    23. 810] Dabhuch ann do chruan fhlatha
      a sileann sugh suarc-bracha,
      811] abhull ós cinn na daibche
      co n-imat a trom-thairthe.
    24. 812] In uair líntar corn Créidhi
      do mhidh na dabhcha déne,
      813] tuitit isin corn co cert
      na cethra h-ubla a n-aein-fhecht.
    25. 814] An cethrar út do h-áirmhedh
      éirghit isin frith-dhaileam,
      815] tabrat don ceathrar anunn
      deoch gach fhir ocus ubull.
    26. 816] In tí 'gá táit sin uili
      idir tráigh ocus tuili
      817] ruc Créidhi a Tulchaib Tri m-Benn
      edh urchair do mnáibh Eireann.
    27. 818] Laidh sunn cuice ní crodh cas
      ní gres luighthi co luath-bras,
      819] co Créidhi cruthaig abhus
      bhudh luchair lé mo thurus.

¶ 62.
820] Is andsin ro fhaietar in lánamain-sin ar feis leaptha &
821] láimh-dheraighthi, & do bátar ann re secht laithib ag ól & ag


p.24


822] áibhnes gan esbaidh bhídh ná leanna ná lesaighthe oraind acht
823] mad imnedh ele a(r Finn) .i. allmhuraigh do bheith ac Finntráigh.
824] Ocus tuc an inghen eirredh dílius dingbhála (do gach)
825] aen díb fo leith, & do timn(amar) ceilebhradh dá chéile.

¶ 63. {folio 165a1}
826] ‘Ticeadh an inghen linn’, ar Finn, ‘co bh-fhinnum
827] cia uainn da m-bia maith nó saith don n-dula-so.’ Ocus rucastar an
828] ingen drechta móra do chrudh lé do frithailimh a n-aesa galair &
829] othrais. Ocus as í an ingen ros-biath d' as & d' fírleamhnacht iat céin
830] ro bás ag cur in chatha. & is ina tigh do bhítís lucht icce & othrasa
831] na Fénne, & mar do cinn an ingen ar mhnaibh na Fénne um thidhnacul
832] sét & máine ro chinnesdar Cael .i. a fer, a n-gail & a n-gaisciudh
833] ar tri cathaib na Féinne isin cath-sin, & fa bét in ní do-rónad
834] lá déidhinach in chatha .i. a badadh Caeil, & do bhadar bethaduigh
835] ele, & comhsaegal acu re Cael & fuaradar bás da chumaid Chaeil, & tuc in tonn amuigh 'arna
836] bhádud h-é, & do-riacht an ingen & maithi na Fénne dá innsaigid,
837] & do tocbhad leo é cusin tráigh n-deisceartaigh leth andes
838] d' Fhinntraig, conadh Traigh Caeil ainm na trága ó sin ilé, & Fert Caeil.

¶ 64.
839] Táinic an inghen & do shín re (a) thaeibh h-í, & do-rinne
840] nual-ghubha & toirrsi mhór. ‘Cidh dham-sa’, ol sí, ‘gan bás
841] d' faghail do chumaid mu chéle in tan atát na fiad-mhila foluaimnecha
842] ac fagháil bháis da chumhaid?’ Ocus at-bert Crédhe:{SG page 113}

    1. 843] Geisid cuan
      ós buindi rúad Rinn Dá Bharc,
      844] bádhudh laeich Locha Dhá Chonn
      is ed cháineas tonn re tracht.
    2. 845] Luinche corr
      a seisceann Droma Dá Trén,
      846] sisi ní aincenn a bí
      coinfhiadh Dá Lí ar tí a h-én.
    3. 847] Truagh an fháidh
      do-ní in smolach a n-Druim Cháin
      848] ocus ní nemhthruaighe in seol
      do-ní in lon a Leitir Laeigh.
    4. 849] Truagh an t-seis
      do-ní in damh a n-Druim Dhá Leis,
      850] marbh eilit Droma Sileann
      geisidh damh dilenn dá h-éis.
    5. 851] Ba saeth lim
      bás in laeich do luiged lim
      852] (mac na) mná a Doire Dhá Dhos
      a bheith (is c)ros fa a chinn.
    6. 853] (Saeth lim) Cael
      do beith a richt mairbh rem thaebh,{folio 165a2}
      854] tond do thoct tar a thaebh geal
      is ed rom-mer, mét a aebh.
    7. 855] Truag in gháir
      do-ní tonn trachta re tráigh,
      856] ó do bháidh fer seghdha saer
      saeth leam Cael do dul 'na dáil.
    8. 857] Truagh in fuaimm
      do-ní in tonn risin tracht tuaidh
      858] ag cennghail um carraic cháin
      ag cáineadh Chaeil ó do-chuaidh.

    9. p.25

    10. 859] Truagh in treas
      do-ní in tonn risin tracht teas,
      860] misi do-dechaid mu ré
      mesaidi mu ghné ro fes.
    11. 861] Caince corr
      do-ní tonn trom Tulcha Leis,
      862] misi nochan fhuil mu mháin
      ó rom-maidh an scél rom-géis.
    12. 863] O do baidhed mac Crimthain
      nochan fhuil mh' inmhain da éis,
      864] is mór triath do thuit le a laimh
      a sciath a ló gáidh nir' gheis.

¶ 65.
865] ‘Ocus do shin an ingen re taebh Chaeil & fuair bás da
866] chumhaid, & do h-adlaiced iat araen a n-aein-fhert annsin, &
867] as misi fein’, ar Cáilte, ‘ro tócuibh in lia fil ós a lighi: conidh
868] Fert Caeil & Créidhe aderar ris.’

¶ 66.
869] ‘Ad-rae buaid & bennacht, a Cháilti!’ a Pátraic, ‘as maith
870] in scél do innisis. Ocus caidhi Brocan scríbnid?’ ‘Sunna’,
871] ar Brocan. ‘Scríbtar lat gach ar' chan Cáilte.’ Ocus do scríbadh.

¶ 67.
872] Nír' chian dóibh iarsin co facadar in dirim degh-shluaig da
873] n-innsaigid, & amdhubach do sciathaib donn-chorcra ana n-uirthimcheall,
874] & fidh-neimheadh do shleaghuibh urarda orcrai re guaillib
875] dhoibh. Ocus tancatar isin phupaill a raibhi Pátraic, & tucastar
876] a tighearna a cheann i n-ucht naem Phádraic & ro shlechtsat dó.
877] ‘Cia thú féin, a óglaich?’ ar Pátraic. ‘Bran mac Deirg mhisi’, ar
878] in t-oglach, ‘mac rig Muman.’ ‘Cidh um a tanacais alé?’ ar Pátraic.
879] ‘Fiannaighecht dob áil damh d' fogluim, a naeimh-chleirig, or (do-
880] chuala) óclach do mhuinntir Fhinn do (bheith i)t fharrad-sa, & dob
881] áil leam (foglaim) {folio 165b1} duird fiansa do denamh aigi.’

¶ 68.
882] ‘At-cluini sut, a anum, a Cháilti?’ ar Pátraic. ‘At-cluinim’,
883] ar eisiumh. ‘Maith, a Bhrain’, ar Cáilte, ‘cinnus do-ghníthi
884] fein fiadhach?’ ‘Iadhmait 'mon tulaig nó 'mon carn nó 'mon
885] caill maigh-shlebhe, itir coin & gilla & óclach, &
886] bímit re h-edh in chaemh-lai a n-degaid an fhiadhraidh, & marbhmait
887] fiadh {SG page 114}fecht ann, & feacht aile téit uainn.’

¶ 69.
888] Ro cháiestar Cáilte annsin a bh-fiadhnaise Pátraic co dérach
889] dobrónach, cur'bo fliuch blai & bruinne dho.

¶ 70.
890] Is annsin ro éirig Pátraic & Cáilte in lín ro bhátar do
891] shluagaibh co Cenn Abhrat Sleibi Cain suas, & is amlaid do bhi
892] suidiugud an inaidh-sin a rancatar tri leannta imon sléib &
893] loch eturra, Loch Bó a ainm, & Osmetal ainm in t-sléibi, & Cnoc
894] na h-Aeire
allaniar don loch, aitt a m-bidh Conán Mael mac
895] Mornda
, & Findinis ainm in chnuic airtheraigh úd,
896]


p.26

airm a m-bidh Fergus Fínbél mac Finn & Ferdoman mac Buidb
897] Deirg
& coin leicthi Find acco
, & Cnoc Maine ainm
898] in chnuic-sea tís, ait a m-bui gilla gráda do Find, & is annso
899] ro bui flaithes fer a lethcuarain
. Ocus annso do bhí
900] in brécairi daimh .i. Líath na Tri m-Benn, & téighedh ón Féinn,
901] idir choin & duine, re ré secht m-bliadan fichet, & ro mharb
902] óclach don Fhéinn é, & as misi in t-óclach í-sein, & ní da
903] bladh breithri aderim sin, ar Cáilte.
904] Ocus do éirigh Cailte iarsin & da chóraigh a mhuintir immon
905] loch anair & aniar, anes & atuaid, & deisidh Pátraic 'na shuidhe,
906] conadh Suidi Pádraic ainm an inaid-sin a Cenn Abhrat Sléibi
907] Cáin
, & tocbhais Cáilte a shuasán sealga & fiadhuigh & fian-choscair
908] ós aird, & ro léicestar a tri barann-ghlaedha badhbha as, cu nach
909] raibhi i comfhocraibh na a coimhnesa dho fiadh fodilmhain a
910] maigh na a moin na a maigh-shléib na a caill gan techt ina ruamannuibh
911] roretha co n-dechsat da n-infhuarad tar éis a n-aistir
912] a l-Loch bríghach Bó ina bh-fhiadhnuisi, cor' ghabh gráin & egla
913] & uaman iat resin fidhrén & resin fothram adhbul sin .i. re
914] damhuibh alltaidhi & re h-eilltib ruadha roimhera & re torcaibh
915] taebh-troma; & ni mór nach muirbfidis (a cétóir) iat le fad a retha
916] & le scís anála. {folio 165b2} Ocus ro leath in slúag imon
917] loch, & ní dhechaidh éloidech beo as don t-seilg, & do roinnset
918] in t-sealg, & ráncatar ocht cét cum ronna acu.
919] ‘Tabur dechmad in fhiadhuigh dun’, ar Beneoin. Nír'
920] escaidh le Bran mac Deirg in cuid rainic do féin do roinn re
921] nech. Gabus galar ana broinn mac rígh Muman. ‘Do lámh
922] air-so, a naeim-chleirig’, ar Bran. ‘Dar mu breiti’, ar Cáilte,
923] ‘no gu tarda a luach uait ní raga.’ ‘Gá luagh?’ ar Bran.
924] ‘Uair is at broinn atá in galar’, ar Cáilte ‘tairr
925] gacha bó & gacha muice & gacha caerach uaid do Pátraic &
926] don naeim-eclais co bráth.’ ‘Do-bér-sa sin’, ar Bran, ‘& do-bhéra
927] mo mhac am dhiaidh.’ Ocus do-chuaidh-sin a n-gnáthugad ac
928] feruibh Eirenn ó sin imach. Tuc iarsin Pátraic a láimh ar
929] broinn Brain meic Dheirg & ba slán focétóir.

¶ 72.
930] ‘Imthecht againn budesd’, ar Cáilte. ‘Gá conuir sin?’ ar
931] Patraic. ‘As cumain leam-sa, a naem Pátraic, nach lémdais sluag
932]


p.27

náit sochaide suidhi ar na tri tulchuibh-sea le ceisd Tuaithi Dé
933] Danann
.’Cáilte cecinit:
    1. 935] Cumhain leam-sa trí tulcha
      atáit gan aes gan urchra,
      936] do reithed Liath na Trí m-Benn
      otha imeall co h-imeall.
    2. 937] Cumain lim-sa tri cealla
      robsat dúine deigh-theanna,
      938] ni bídh guth cluic inntibh thall
      meince snaidm druadh 'na timcheall.
    3. 939] As Cáilte féin mh' fírainm-si
      rob-sam cenn Fénne finne,
      940] nocha dénmuis dighairse
      ac tairimthecht an glinne.
    4. 941] Ni fhuilngead Finn fianamail
      in tan ro bhoi 'na bethaid
      942] bennán baeth ac buiredhaig
      ós cinn a longphuirt lethain
    5. 943] Misi is Flann mac Failbhe
      dergmais mór laech do Laighne,
      944] as í so mu chubhus tra
      mór cath isam cumain-sea.

¶ 73.
945] ‘Ad-rae buaid & bennacht’, ar Pátraic, ‘is urgairdiugud menman
946] & aicenda duind sin’
. Ocus imthigid in sluagh cona
947] n-oiribh sealga forro co Cend Abrat Sleibi Cain, conice inadh in
948] longpuirt a m-bidís an Fíand
.

¶ 74.
949] Dechain ro dech Cailte da láimh chlí don t-sléibh co n-fhacca
950] dunad & deg-bhaile. ‘Mo chubus amh’, ar s(é), ‘nir' aithnid dhuin
951] dúnad and su(t), & dénam chum in bhaili a(nunn)’, ar sé.

¶ 75.
952] {folio 166a1} Ia(rsain) táncatar rompa chum an dúnaidh & robb
953] ingnad leo gan slóigh gan sochaide d' fhaicsin ann, acht noenbar
954] banmhogad & triar fermhogad. Tángatar-somh a n-grianán deirrit
955] do bhí isin bhaili. & dá mnái isin grianán, & siat ag cái & ag
956] toirrse. Brat corcra corrtharach imon dara mnái & delg airgid
957] and, & niamland d' ór buidi re h-édan, & faideran fir-uaine imon
958] mnai ele & delg óir isin brut osa bruindi
. Ocus
959] ro fiadhaiged & ro frithoiled iat, & ro beanad a n-errada aisdir
960] & imthechta dhíbh & do fiafraigh Cáilte díbh ‘cia an dúnad {F§}i tám?’
961] Adubratar na mna,
§: ‘dúnad dá mac rígh Fher Muighi
962] so, Lochán & Eogan a n-anmanna.’ ‘Cid um a bh-fhuilti dubach
963] dobrónach?’ ar Cáilte. ‘A aba & a adhbar againn’, ar iat-san.
964] ‘Ag dís derbbhrathar atámuit, & da deirbshiair sinn féin. & do-chuatar
965] ar bh-fhir do thabairt ban ele anoct, & ní fhuil dar
966] b-fuirech-ne isin dúnad acht co toirset ar bh-fhir & mná nuaa leo.’

¶ 76.
967] Ocus dechain ro dech Cáilte secha i n-iarthar na bruidhne,


p.28


968] co n-fhaca in rígh-lia cloichi ro bái ac oclach grádha d' Fhinn .i. ac
969] Senach mac Mhaeil Chró do shenmhuinntir Find meic Chumaill.
970] Ocus is amhlaid ro bhái in lia-sin & inneoch thuc Finn do
971] thuarasdal dó inti .i. .LLL. uingi d' ór & .LLL. uingi dh'aircet &
972] .LLL. uingi d' findruine & tri .L. falach óir ar
973] n-dúnad in lia cloichi sin impa.

¶ 77.
974] Is annsin adubairt Cáilte risna mnáibh: ‘Gá luagh do-bérad
975] sibh dham dá n-dernainn bhar bh-fhurtacht & bar bh-fhoiridin, &
976] da tucaind bhur bh-fhir féin cuguib ar g-cúl?’ ‘Da m-beth ar
977] doman againn luagh budh áil leat’, ar siat, ‘dobérmais duit
978] h-é.’ ‘Ata imorro’, ar Cáilte, ‘in rígh-lia cloichi ut i n-imel
979] na bruidhne.’ ‘Dursan duit a rádh!’ ar siat, ór do bhátar morshochraidi
980] na críche agá corugud isin baili a d-tá, & ro bui a
981] n-obair ana corugud ann, gia ro fhedta-sa at aenar ní dhi. ‘Misi
982] féin as meallta dhe-sin’, ar Cáilte, ‘muna {SG page 116}fhédur.’ ‘Rachaid
983] uain duit-si sin co m-beannachtain’, ar na mná.

¶ 78.
984] Táinic-sium iarsin asin m-baili amach, & tuc lán a glaici
985] desi do losaibh sídhe sainemhla leis dob aithnid dho ag ríghnaibh
986] & ag ro-mhnáibh na Fénne. Ocus tucas(dar do) na mnáibh,
987] & ro fhothraicset iar as(na losaib)-sin, & tuc sin a n-grádh ara
988] b-feraibh féin (cor' léicset ar c)úla arís na mná thucsat leo.
989] {folio 166a2} & tugad an lia dho-san, & at-bert Cáilte:

    1. 990] A lia Bhelaig Atha h-Í
      menic ar comdail cuici,
      991] maine Sencain maic Máil Cró
      do frith sund, ní h-ímargó.
    2. 992] Ata sunda losa díb
      is ní ba losa cen lí,
      993] ní bía 'sa doman uile
      mná bus tochu la firu.
    3. 994] Aderim-si rib-si dhe
      is fir dam in faistine,
      995] nech rom-aithnid cech dia
      lem-sa ba h-inmain an lía.

      A lia.

¶ 79.
996] Ocus do bhí Cáilte annsin in adaig sin, & ro freastlad &
997] ro frithailed cu maith é, & do (é)irig d(o) mochtrath arnamhárach,
998] & tuc ta(rraing don) lic cuigi do lár thalman.

¶ 80.
999] Ocus táncatar rompa co Finntulaig, risa n-abar Ard Pátraic
1000] aniu, airm a raibhi Pátraic, & do fiarfaig Pátraic: ‘cáit a ra baduis


p.29


1001] aréir, a Cháilti?’ Ocus ro innis Cáilte dó in scél ó thús
1002] co deireadh. Ocus nír' cian do bhátar ann co bh-fhacatar in móirsheiser
1003] da n-innsaigid. ‘Can asa táncabair, a óga?’ ar Pátraic.
1004] ‘A cuiged Connacht atuaidh’, ar iat-san. ‘Cidh ro imluaidh
1005] sib?’ ar Pátraic. ‘Ar do cenn-sa ó mhaithibh Connacht, a naeim-chléirig,
1006] dar m-breith ar do shoiscéla idir fhir is mnái.’ Adubairt
1007] Pátraic: ‘ni cóir ar an Eclais gan a siled.’
1008] Do glúais Pátraic cona muinntir, & táncatar rompa anes
1009] tre medhan Muman & do Luimnech n-Uladh, & i (Fi)dh na
1010] Cuan
re n-abar Creatshalach, & a Sliabh Uighi in Rígh,
1011] & a Sliabh Echtge inghine Nuadhat Aircetlaim, & do Chuaille
1012] Cepáin
a n-Echtghe, airm a torchair Cepán mac Morna, & do
1013] Loch na Bó Girre, risa n-abar Loch Greine ingine Finn, & a
1014] m-Breicthir, re n-abar Tír Maine isin tan-so, & do Loch Linnghaeth,
1015] re n-abar Loch Cróine isin tan-sa. Is annsin ro
1016] búi Muiredhach Mór mac Fínachta, ri Connacht, ar cinn Patraic,
1017] & ro srethadh a phupall ós Patraic cona cléirchibh, & luidhset
1018] maithi chúigid Connacht cuigi annsin, & slechtait do Phátraic,
1019] & tucsat a cinn 'na ucht.

¶ 82.
1020] Dála Pátraic immorro, tainic amach asin pupaill, & suidis
1021] ar an bh-fhirt fótbhaigh, & luidh Cáilte leis & ráidhis: ‘And so,
1022] a anum, a naemh Pátraic, tucastar Oscar a chétcath.’ ‘Ga
1023] h-adhbar bái aigi?’ ar Pátraic. ‘Ní annsa’, ar Cáilte, um Neim
1024] ingin Aedha Duinn meic Ferghusa Find, ingin rígh (Uladh),
1025] ro snadhmad d' Aedh mac Fhidhaig meic (Fhinntain, & tucadh)
1026] h-í do mac rígh Connacht. Ocus ni rai(bhe se lín catha) {folio 166b1}
1027] d' Oscar ná don Fhéinn no gur' siredh uaidh {SG page 117} sochraidhi shlóigh ar
1028] Cormac ua Chuinn, ar rígh Eirenn, & do chuir Cormac .iiii.
1029] cuicidh Eirenn lais do thabairt chatha don Fhéin, & do-radadh
1030] an cath imon n-ingin isin maigin-sin, & ba h-iat so céit-ghnímha
1031] Oscair isin cath-sin, amail adubairt Find:

    1. 1032] Eirigh suas, a Oscair
      ro fes as tu in bunad,
      1033] gidh lór méd na n-daighfer
      dingaibh dín cét curad.
    2. 1034] Eirigh tritha is tarrsa
      gursat maela a méidhe,
      1035] geibh sciath engach uaine
      geibh cloidimh co n-géire.
    3. 1036] Geibh sciath is geibh slegha
      on arm niadh rot-rubha,
      1037] geibh lúirigh rot-meala
      nár maidhedh do thuba.

    4. p.30

    5. 1038] As mór an gním dam-sa
      a bh-fhiadnaise fhiadhan
      1039] derlágadh mu náidhen
      a cinn a nái m-bliadan.
    6. 1040] Ní thicfa is ní tháinic
      bhudh fherr lám na luighe
      1041] is ní fhuil crann sleighi
      as sia do-ria a n-duine.
    7. 1042] Mairg gus tibre a shidhe
      le claidem gu n-géiri
      1043] ó thic ferg a láimhe
      an fhírghairg ar n-éirghe.

¶ 83.
1044] Is ann as-bert Cailte:

    1. 1045] Céit-ghníma Oscair co m-buaidh
      Ulad gusan n-arduaill
      1046] ocus Laigen gan acht
      ocus ri cródha Connacht.
    2. 1047] Is do-rala chuigi iar soin
      Aedh mac Fhidaig meic Fhinntoin,
      1048] ocus fácbhais h-é gan cheann
      ni gnáth an comhrag coimhthend.
    3. 1049] Aedh Donn mac Ferghusa Finn
      ri Uladh gusan imrinn
      1050] a los scéith is cloidim cruaidh
      do marb Oscar a n-aen-uair.
    4. 1051] Baetán mac Fir Nairb co neim
      do bó lonn do Laighnibh,
      1052] do mharbh gér' lór a cruaidhi
      re h-athladh na h-aen-uaire.
    5. 1053] A chomhalta caemh crínna
      Oscar áluinn inn-ríghdha,
      1054] Linne mac Ligne gu n-glonn
      do mharbh Oscar a n-imroll.
    6. 1055] Tainic d' féchain in chatha
      Niamh an éduigh ildatha,
      1056] mebhuis in cath ana cenn
      marbhthar in ríghun roithenn.
    7. 1057] {§}Do-bér teist ara cuingid
      ara laech co luath-buillib
      1058] nar' iadh a dha chois im each
      bud ferr engnum na einech
      §
    8. 1059] Adeirim-se rit-sa dhe
      a Phádraic co bh-fhírinde,
      1060] ro ba mór a rect rígda
      nír bo ceart a chéit-gnímha.

¶ 84.
1061] ‘Ad-rae buaid & bennacht, a Cháilte!’ ar Pátraic; ‘& caidhi
1062] Brocan? Scríbh(thar in) scél út lat, gomba gairdiughadh do
1063] {folio 166b2} fhlaithibh deridh domain é.’ Ocus do scríb Brocan.

¶ 85.
1064] ‘Maith, a anum, a Cháilte’, ar Pátraic, ‘cia in fert-sa ar an
1065] tulaig ar a tám?’ ‘Ní annsa’, ar Cáilte, ‘óclach d' fianuibh
1066] Eirenn fuair bás annso .i. Airnélach mac Adhmalláin, mac
1067] rígh Laigen, & táinic fer dána le duain do annso, & do ghabh
1068] a dhuan. ‘Maith a anum, a fhir dhána’, ar eisiumh, ‘léic cairdi
1069] dam no gu rabat mu sheoit & mh' innmusa im fharrad.’ ‘Dar
1070] mo bhréithir ámh’, ar an fer dána, ‘ní leiceabh gan do ghlamad
1071] & t' aeradh isin ló aniuaniu mun bá am buidech.’ Mar at-chuala-seom
1072] sin, tuc a airgid re talmain & nir' thócaib a ghnúis no gu
1073] bh-fhuair bás do {SG page 118} náire; & do muiredh in tuluch thonn-ghlas so air,
1074] & ro tócbad a lia ós a chinn, gurab ris ata do dhruim-si, a
1075] naemh Phádraic.’


p.31


1076] Cáilte cecinit
    1. 1077] An fert fuil fan líg Lodain
      ba fert fhir uallaigh o thaigh,
      1078] fertán in láich niamaigh náir
      Airnelaigh meic Admallain

¶ 86.
1079] ‘Neamh uaimsi dho’, ar Pátraic, ‘a lógh a náire, & a thabairt
1080] a péin.’ Ocus táinic a anum a péin isin uair-sin gu raibhe
1081] 'na cholum ghel arin cairthi cloichi ós cinn Pátraic.

¶ 87.
1082] ‘Cia ata isin chinn-sa thes don tulaig, a Cháilti?’ ar Pátraic.
1083] ‘Sálbhuidi mac Feidleacair, mac rígh Muman, fuair bás ann a
1084] n-degaidh fhiadha sídhe .xxx. con & .xxx. gilla & .xxx. óclach, &
1085] ro muiredh in tulach orro’: ut dixit Cáilte:

    1. 1086] Atá isin chinn-sa thes
      mac Sálbuidhi na n-eceas,
      1087] ní h-áirimthi mar mháin bhic
      cóeca conghlann finnaircit.

¶ 88.
1088] ‘Do ba maith linn’, ar Benén, ‘na seoit-sin d' faghbail’.
1089] ‘Fo-ghébha-sa sin’, ar Cáilte, & ro oslaic in fert, & do bhí lán
1090] crainn a shleigi d' fhailghibh ann. ‘Tucas nemh ar a náire don
1091] fhir ó chianaib’, ar Beneoin, ‘& tabair nemh ar a shéduibh don
1092] óclach ele ud.’ ‘Do-berthar’, ar Pátraic.

¶ 89.
1093] Is andsin do fhiarfaig Pátraic do Cháilti: ‘créd ro dithaig
1094] sibh uili in bar bh-Fhéinn?’ ar se. ‘In dá chath tucsam fa deiredh’,
1095] ar Cáilte, .i. cath Gabra & cath Ollarbha. Tri catha do-chuamar-ne
1096] do chur chatha Innbhir Ollarbha, & ní thoracht acht sé
1097] cét uainn as, & nir' cheis menma Fhinn ar an bh-Fhéin riam co
1098] sin a g-cath ná a g-comhlonn, & tuc da uidh an uair-sin esbadha
1099] na triath & na tigernad & na curadh & na caithmhiledh & an
1100] aesa gradha do thuit isna c(athaib-sin):

    1. 1101] Finnaidh dun in lín atám
      ni meisdi nech uaib (a rádh),
      1102] co finnam sunn, lith gu n-gal
      in lia duin n(a dhóib 'sin cath).
    2. 1103] Maith mo muinter taeb re taeb
      nocor' marbad Cellach caem,
      1104] gaet do shleigh Deirg meic Dulaigh
      isin tress a Tuath-Mumain.
    3. 1105] Cellach caem
      do bí fam sithail is braen
      1106] cecha cluindís in dias glan
      ní théighedh acu ar imral.
    4. 1107] Seisiur do bí ar mh'inchaib
      ní leicdís nech fa dímdhaigh,
      1108] d' fostaighidis a techt amach
      cech dáim ba h-ecail d' écnach.
    5. 1109] Beithech, Barran, Bresal Derg
      cruad Connla na canad cealg,
      1110] Dubróid ocus Mac Da Dér
      conochtaidis dam cech scél.
    6. 1111] Dub Drumann do berrad dam
      ba h-inmain lam gasta glan,
      1112] ní tabrad sgín ar aighidh
      is lugha d' fácad ainimh.

    7. p.32

    8. 1113] Dér mac Daigri círadh m'folt
      maith doní ocus ní h-olc,
      1114] ní benad finda asa tuind
      ocus ní brisedh degh-bairr.
    9. 1115] Cú Cuilli doroinded biadh
      inmain óclach fuilech fíal,
      1116] ba maith m'imdaigh ar laighi
      o Dubthach mac Dairene.
    10. 1117] Cú Cuilli
      trom a berrnaidh a builli,
      1118] bai inesair aici co dian
      is ní benad a lam riam.
    11. 1119] Mara gabra Glas mac Deirg
      uathad ro fit
      [gap: MS damaged/extent: 3 syllables]

      1120] Daire rob
      [gap: MS damaged/extent: 3 syllables]
      roind ris
      ba ferrdi in leth cos' teigmis.
    12. 1121] Lir mac Gabra bai fam sciath
      inmain gilla robo
      [gap: MS damaged/extent: 1 syllable]

      1122]
      [gap: MS damaged/extent: 1 syllable]
      curraigh mo shlegh ro aeb
      ní delighidis rim
      [gap: MS damaged/extent: 1 syllable]
    13. 1123] Taisech comóil Corc mac Suain
      a h-airer Alban adfuair,
      1124] tricha laech ro bai im thigh
      co laithi mona ma faidh.
    14. 1125] Cairpri Cas
      ro tindbed duind ar midh mas,
      1126] don
      [gap: MS damaged/extent: 1 syllable]
      do ocht feraib déc
      do denam da
      [gap: MS damaged/extent: 1 syllable]
      m-bem céd.
    15. 1127] Da assa don airgit bán
      ro bi etarro is lár
      1128] (c)liabinar siric dar ler
      ima corp comlan comgel.
    16. 1129] Cathbarr caecdiabul co n-ór
      bai machi leg. 'ma chínn re h-uair tinóil
      1130] co cét n-gem n-glaine cen oil
      co cét n-gem do líg lóghmair.
    17. 1131] An uair do-berthea ar cuid dúind
      sólus ó ursaind co cúil,
      1132] coindel do cách sund imne
      a cathbarr im cenn Cairbre.
    18. 1133] Andum lim cesacht ar shluagh
      a dénam ní dam is dúal
      1134] cosaníu ní dernus riam
      a focus na a n-eitercían.
    19. {folio 167a1}
    20. 1135] Ecoir d' Fathod tachair frim
      mor lá ro leasaiged lim.
      1136] ní do deoin Luighdech Meic Con
      do thaicérad frim Fathod.
    21. 1137] Is leasc leam tachar don treas
      giamad lim no ricthe a les
      1138] mu ceim as ceim co n-glaine
      gu Dubhthor Dháil n-Araidhe.
    22. 1139] Ochtar is sé fichit fer
      do neoch ba dingmala dhamh
      1140] do marbad ag Ard Abla
      fa Donnghus mac Lánamhna.
    23. 1141] Tri cét cath do chuir in Fhían
      itir tuaid is tes is tíar,
      1142] nochar' chuirset riam co sé
      en-chath as mó egcaine.
    24. 1143] An luct-sin do-chuadar dínn
      no dhingebhdais a dhá lín,
      1144] aniu dá mairdis ar magh
      ní h-é Fathod nach finnfadh.

¶ 90.
1145] ‘Ad-rae buaid & bennacht, a Cáilti!’ ar Pátraic. ‘Is mor
1146] do maith do canais isin láidh-sin; & scrib sud, a Brogain’, ar
1147] Pátraic, & ro scrib
. Is annsin ro fiarfaig
1148] Caínen mac Failbhe, meic Ferghusa, meic Eogain Mhoir do
1149] Cháilti: ‘Cait ar' marbad Oilill Olom mac Mogha Nuadat?’
1150] Freagrais Cáilte sin: ‘Marb é do cró-bhainne chumad a {SG page 119} mulluch
1151] Slébhi Claire thes’. ‘Ocus {F§}cait inar' marb Sadb ingen Cuind?’


p.33


1152] ás Cainen
§. ‘As marbh Sadb ingen Chuinn do chumaid
1153] a meic mhór-ghrádhaig .i. Meic Con a Temhraig na
1154] rígh
’, ar Cáilte. ‘Cáit ar' marbad Ferchis mac Comáin
1155] eices?’ ar Cainén. ‘Urchar’, ar se, ‘tuc Ael mac Dergdhuib do
1156] bhir chruaidh chuilinn a mullach Sléibe Crot do dhamh
1157] allaid, gur' mharbh Feirchis de.’ ‘Ocus secht meic áilli Aililla’,
1158] ar Cinén, ‘cait a fuaradar bás?’ ‘Benne Brit ros-mughaig iat
1159] i cath mhór Mhuighi Mucramha ria mórshochraidi Meic Con.’
1160] ‘Áth ísseal ar Magh Mínadhbul, cidh dia tá?’ ar Cainén.
1161] ‘Connla Derg a Cnuc Dhein ro ghonasdar Fiacha Muillethan
1162] mac Eogain ann, & Áth Tuiseal de-sin h-é’. Ocus at-bert Cáilte:
    1. 1163] Ath Tuisil ainm an átha
      do chach as fis fírfhátha,
      1164] tuseal tuc Connla Cnuic Dhean
      ar Fiacha maith Muilleathan.

¶ 92.
1165] ‘Ocus cath Samna’, ar Cainén, ‘cia lasa tugadh & cia
1166] thorchair ann?’ ‘Cormac Cas, mac Aililla Óluim, tucastar h-é
1167] d' Eochaidh Abhratruadh do rígh Uladh atuaidh, & do tuit ann
1168] Eochaidh Abratruadh, & do buailed Cormac Cas ann, & ro bhái
1169] trí bliadna déc ica leighius & a inchinn (ac si)led, & sé a ríghi
1170] Muman ris-sin. Ocus do-rónad dúnad (& deg-bai)le aigi ac dún
1171] ar sléibh, & is amlaid ro bhái (in dúnad s)in, & loch-topar grinn
1172] glainidi ar lár an (dúnaid), & do-rónad rígh-thech romhór aigi
1173] imon {folio 167a2} tiprait, & ro saidhit trí liagána cloiche uimpe,
1174] & ro suidhiged leabaidh in rígh & a cenn siar idir na trí h-uaithnibh
1175] cloiche sin, & óclach grádha da mhuintir ag tabairt uisce
1176] a cuach nó as sithal ima cenn. Ocus fuair-sium bas iarsin
1177] ann, gur' cuired fo fhochlaidhibh talman h-é isin dún-sin. Ocus
1178] as de-sin atá Dún Trí Liacc d' ainm fair’, ar Cáilte. ‘Ocus as
1179] é-sin in scel ro fhiarfaighis dim, a Cainéin’, ar Cáilte. Ocus
1180] adubairt Cáilte an láidh:

    1. 1181] Aibhinn gidh in dún-sa thair
      risa n-abar Dún Eochair,
      1182] as aibhne fós o thic lá
      loighe Sadhbha is Oililla.
    2. 1183] Marbh Sadb do chumaid Meic Con
      ro gaet Ferchis d' aen-urchor
      1184] don fhairind ana fharrad
      marbh Ailill do thámh-ghalar.
    3. 1185] Ba marbh Eogan Mór gan mheth
      a cath Mucramha maeithnech,
      1186] borr-shlat ro las ó ghnímuib
      marbh Cormac Cas d' fhuill-ídhain.
    4. 1187] Goin Fhiacha Muillethain mas .
      meic Eogain gu n-airechas,
      1188] lór a sholmha ro bái tan
      ro gaet Connla ic Áth Leathan.

    5. p.34

    6. 1189] {F§}Ocus Áth Lethan bodhéin
      sloindit sár-fir co sár-céill
      1190] is Dun Eochair os maidh móir
      caidhi fochaind a claechlóigh?
    7. 1191] Áth Sisel ainm in atha
      is e so in fis fírfádha,
      1192] don tuisel tuc Connla a Cnucc Dean
      ar Fiacha maith Mullethan.
      §
    8. 1193] Cath Samhna ro ládh ann soin
      ann ba raen madma ar Ulltaib,
      1194] do buailed Cormac 'san cath
      do marbad na n-Ulltach.
    9. 1195] Tángadar a chnedha ris
      re mac rígh fega findlis
      1196] gilla nár' bho dimbuan bladh
      usce innfhuar ro fhoiread.
    10. 1197] Gach lá do théiged fon es
      mac Oililla Cormac Cas,
      1198] an leas dia m-bí do bo ghar
      dul fo Es Maighi mor-ghlan.
    11. {SG page 120}
    12. 1199] Do-luidh as co dún ar sléib
      co dún a athar budhéin,
      1200] ro saidhtea tri liaga lais
      d' innfhuarad a chinn chaem-chais.
    13. 1201] Dona trí liacuibh at-ciat
      aderar ris Dún Trí Liac,
      1202] as é ainm ó sin ale
      tar éis ChormaicChinn Chlaire.
    14. 1203] Marbh mac ríg Muman iar soin
      do chneaduibh is d' fuill-idhoin,
      1204] ro adnacht 'san dún glan grind
      a leabaid innfhuair áibind.

¶ 93.
1205] Dála Mhuiredhaig mheic Fhinnachta rígh Connacht indister
1206] asa h-aithle-sin
. Ro bói mac grádach aigi .i. Aedh mac
1207] Muiredhaigh, & ro fuacradh imáin ag macraid choicid C(onnacht)
1208] in tan-sin, & ruc Aedh mac Muiredhaig sé (cluichi) ar an macraid
1209] gan nech do chuid(iugud leis) {folio 167b1} & ro shuidheastar
1210] iarsin, & ro ghab slaedan tiughmaine , trom-ghalair h-é, &
1211] fuair bás annsin, & ro h-innisedh da mhuinntir sin & da mhathair
1212] .i. Aifi Foiltfind ingin rígh Ulad, & do-rónad nual-ghubha mór
1213] ag mnáibh an cóicid do bhás in macaimh-sin, & adubhairt a
1214] mháthair a thabairt a n-ucht in Táilcind .i. in tí dar' thidhluic
1215] Dia Eire uile, & comus lesaigti cáich innti. ‘As imdergad mór
1216] leam-sa sin’, ar Connacht, ‘mun bhadh deoin do féin h-é.’

¶ 94.
1217] As annsin do-cuas ar cenn Patraic asin pubaill a raibi
1218] Connacht cona slóghuibh, & in mac marbh ann, & brat corcra
1219] corrtharach thairis & culpait chaemh chorcardha 'na thimceall.
1220] Ocus adubairt a mháthair & a trí comhaltada & a deirbhshiur cumad
1221] marbh da chumaid iat. Ocus ó 't-chuala naem Pátraic sin ba
1222] truagh lais, & tainic a chraidhe forro.

¶ 95.
1223] Is annsinn tucadh loing-shithal bhán-oir chum an chléirig, &
1224] a lán d' uisci innti, & coisercaidh in t-uisqi, & tucadh a cuach


p.35


1225] fetta finn-aircit an t-uisqi, & éirghis an naem- chleirech & tócbais
1226] in chulpait caeim corcordha, & tuc trí bainne don uisqi a m-bél
1227] Aedha meic Mhuiredhaig, & in treas loim tuc ina bheol ro éirigh
1228] ógh-shlan, & tuc a láimh dara agaidh mar do beith a m-bandail no a
1229] cuirm-thigh,
& do éirig asan imdhaid amach. Cáilte cecinit:
    1. 1230] Aed mac Muiredaigh meic Fíndachta
      air re h-imred fir-ferta
      1231] ro athbeóaigh Patraic co m-blaid
      re h-athlum 'san aidchi-sin

¶ 96.
1232] Ocus ba subach somenmnach na slóig de-sin, & do creitset
1233] do Dia, & tucsat a cinn a n-ucht Patraic, & tucsat a comus ó
1234] bhic gu mor dhó, & do bádar annsin re h-edh na h-oidhche-
1235] sin co tainic lá cona lan-soillsi, & ro fhácbhatar in
1236] baili arnamhárach. Ocus táncatar na slóig uili rompa a n-Gannmhagh,
1237] risa n-abar Magh Find isin tan-so, & i Tochar an Bhanchuire,
1238] re a ráidhter Tochar Find isin tan-so, & lámh dhes re
1239] Ros na Fingaili, re n-abur Ros Camain isin tan-so .i. nái meic
1240] Uair meic Idhaist ro marbsat a chéli ann, conad de aderar Ros
1241] na Finghaile
ris, & do Ráith Glais, re n-abar Raith Brénaind.
1242] Ocus ro saidhed pupall rígh Connacht annsin, & do-riact Patraic
1243] & Cáilte, {SG page 121} & ro suidhset ar an firt fótbaig ós or na rátha, (&
1244] táin)ic Connacht co lín a shlóig, & suidhit a farrad {folio 167b2}
1245] Pátraic & Cáilti.

¶ 97.
1246] Is andsin ro fhiarfaig Muiredach mac Finnachta do
1247] Cáilti: ‘Cidh dia tá Ráith Glais ar in ráith-si?’ ‘Adér-sa rit’,
1248] ar Cáilte. ‘Glas mac Dreacain, mac rígh Lochlainn, táinic cúic
1249] catha fichet do ghabáil rígi n-Eirinn, & is ann tángatar, gu
1250] Cathair Dhaimh Díleann, risa n-abar Dún Rosarach, & is ann
1251] bái Find mac Cumaill, a n-Almain Laigen in tan-sin’.

¶ 98.
1252] Do fhiafraig Muiredach do Cháilti: ‘cidh fa tucadh Almha
1253] uirre?’ Freagrais Cailte: ‘óclach do Thuaith Dé Danann do
1254] bhí isin Brugh braenach breacsholus. Bocan a
1255] ainm, & do bí ingen a n-oighi aigi, Almha a h-ainm, & tucastar
1256] Cumhall mac Trénmhoir h-í, & ba marb do bhreith mheic do
1257] Chumall h-í, & ro múired in tulach tonn-ghlas so thairrsi, gurub
1258] uaithi ainmnigther an tulach, & Tulach na Faircsina a h-ainm co


p.36


1259] sin. Nó Almha ainm an tí ro ghabh re linn Neimhidh. Nó dana
1260] Nuadha drái do-róine dún & dingna ann, & do ghab almhain
1261] don dún, cunad de atá Almha.’ Ocus adubairt Cáilte:
    1. 1262] Almha Laigen, lis na fian
      bhaili ar' ghnáthaig Find fír-fial,
      1263] atá sunn do réir gach shin
      an ní dia fuil in t-ainm-sin.
    2. 1264] Almha ainm in fhir do ghabh
      re linn Neimhid co nert-bhladh,
      1265] marbh thall 'san tulaig uaine
      do thámh obunn én-uaire.
    3. 1266] Oclach d' Feruib Bolg nár' bhaeth
      Iuchna ba h-ainm don óclaech,
      1267] ba lán an dún tiar is toir
      do éidib & da almhoib.
    4. 1268] Luidset á tainti le tart
      d' ól usce cum na tiprat,
      1269] gleacsat le truma a tarta
      gur' fhacsat a n-adharca.
    5. 1270] d' adharcuibh na m-bó m-breac m-bán
      ro fhágsat imon uaran,
      1271] as de fhuil ann sunna 'na
      Adharc Bó Adbhul Iuchna.
    6. 1272] Coic inghina ac Iuchna ard
      'con óclach ghasda glé-gharg,
      1273] is uathaibh-sin leath a fat
      gach ferann mar do ghabhsat.
    7. 1274] Carman i Carman nach mín
      'ga m-bitis baird (sel) co m-brigh,
      1275] ben Trega 'na thigh treorach
      (nir'bh í) ben ná h-aithgeonadh.
    8. 1276] Mag Life a(r lí an óir)
      gun og-mhnai gasda geal-mhoir,
      1277] dar leam ni senchas soebh so
      'san cóiced ingen Almho
    9. 1278] Nuada drai ba gilla garg.
      do-ronad lais Dun Dronard
      1279] a n-Almhain gu n-gloine n-grinn
      do shonnach a dhúin dighainn.
    10. 1280] Aein-gheal an dun dreimnibh drann
      mar do ghabadh ael Eirenn,
      1281] don alumhuin tuc o thoigh
      as de ata Almha ar Almain.

¶ 99.
1282] ‘Is maith do h-innised an scél-sin, a Cháilti’, ar Muiredach
1283] mac Finnachta. ‘Is ann do bámar-ne annsin’, ar Cáilte, a
1284] n-Almain Laigen, & {SG 122}ráinic fis na loingsi-sin chugainn, & as í
1285] tuc an fis-sin lé, Sprédh Aithinne, ingen Mhughna Míancraesaigh,
1286] bain-echlach rígh Eirenn. Ocus do gairmedh a bhain-echlach
1287] cum Find do thinól & do thoicheasdul Fhian Eirenn & Alban,
1288] & do thinóil Cormac ua Cuinn tuatha Temra & buidne Breagh
1289] & mór-shochraide b-fer n-Eirenn, & tancatar cúic catha fichit cusan
1290] mag-so, & do-ronad crandchar idir in bh-féinn & aes na treabaire
1291] cia dhíbh da roised tus do thabairt an chatha dona h-allmharchaib,
1292] & ro-siacht don Fhéinn in cath do thabairt ar tús. Tucad in cath
1293] gach lái co cenn sectmaine & ro marbad cuic cét déc d' allmarchaib
1294] & d' Eirennchaib, & tucadh in mór-chath iarsin & torchuir
1295] Glas le Finn mac Cumaill, & torcratar a secht meic leisin Féinn.
1296] Ocus tri .l. óclach do-cuamair-ne maraen re Find do chur in
1297]


p.37

chatha-sin, & do thuit .l. laech la gach nech uainn, & do-chuamar-ne
1298] triar oclach don Fhéin maraen re Finn isin phupaill a
1299] raibhi Glas mac Dreagain, & fuaramar nái n-uaitne óir ann, & an
1300] t-uaitne ba lugha díbh ba commór re cuing n-imechtair, & ro
1301] fholchamar isin móin ruaidh se don taeibh tuaidh don ráith iat.
    1. 1302] {F§}A Ráith Glais
      cosa tathaighmis mór n-uair,
      1303] do fhoilghes nói n-uaitne óir
      isin móin rét múr atuaidh.
    2. 1304] Tríar bamar 'ca folach-sin
      ba h-é ar lin re ar comáirem,
      1305] Find is Oisin, Cailti cruaid
      sind ros-folaigh re h-en-uair.
    3. 1306] Tri coecait ro lodmair-ne
      faré Find co mét maisi,
      1307] marbsum coecait cech tratha
      fa cladh na ratha glaisi.
      §

¶ 100.
1308] Ocus do cuireadh Glas mac Dreacain fo thalmain annso, conadh
1309] uaidhe ata Ráith Glais ar in ráith-so.
1310] ‘Ad-rae buaid & bennacht, a Cháilti!’ ar Pátraic, ‘is maith
1311] an scél do innisis duinn: & scríbhtar an scél út lat, a Brocáin’,
1312] & do scribh Brógán.

¶ 102.
1313] Ocus do bádar annsin re h-edh na h-aidhchi-sin, & do
1314] éirghetar co moch arnamhárach, (&) táncatar rompa i Ré Carpuit
1315] Fearghusa
, fris(a r)aidhter Imaire Meic Chonnrach isin tan-so, &
1316] do Cnuc na Ríg, frisa n-abar Uarán n-Garad, & do gabadh
1317] {folio 168a2} sosad & longphort les ann, & do srethad a phuball
1318] tar cend irsi na n-Gaedel .i. tar Pátraic, & do chan
1319] a thrátha annsin, & do bennaig an tuluch taebh-áluinn togaidi
1320] & do ráidh: ‘Bid h-í so an t-ochtmad releac dhéc bhus dili leam
1321] a n-Eirinn.’ ‘As eadh ar doilghi’, ar Connacht, ‘gan uisce a
1322] comfhochraibh di.’ ‘Madh deoin don Dúilemain’, ar Pátraic, ‘biaid
1323] usce annso.’

¶ 103.
1324] Is annsin ad-racht Pátraic & beann cairrgi cloichi ad-connaic
1325] a n-imeal in bhaili táinic do h-innsaighidh, & saidhis a trosdán
1326] isin carraic gur' ben re grian & re grinneall, gur' mebhadar
1327] trí sreabha d' uisqi eochar-gorm fir-uaine asin carraic.
1328] ‘Fácbala ar in tiprait, a naemh Patraic’, ar Beneoin. ‘Coimgi
1329] gu cenn nomhaidhi do gach neach ibhes a h-uisqi’, ar Pátraic,
1330] ‘& ma h-uime bus marb é nem Dé dó, & usce Eirenn
1331] uili do dhighbhugud fo trí re {SG 123}deiread an domain tre mhóid in


p.38


1332] Dúileman, & Eire do leasugud asin tiprait-si, & in t-uisqi-se fo
1333] trí do thabairt cum duine galair, & ni fhuil aincis nach foirfe.’

¶ 104.
1334] ‘Indis athscél duinn, a Cháilti’, ar Patraic. ‘Indésat’, ar
1335] Cáilte, scél ima tarmairt fianna Eirenn, etir choin & duine, do
1336] mharbad aran tulaig-si a d-tai. Guaire Goll & Flaithes Faebrach,
1337] dá ghilla imairchthe fithchle Find, & táinic óclach d' imirt
1338] fidchle re Guaire ar an tulaig-si .i. Finn Bán mac Breasail,
1339] mac rígh Laigen. ‘Imérat-sa geall friut’, ar Guairi Goll. ‘Crét
1340] in geall?’ ar Finn. ‘Tri uinge d' ór ó chechtur againn co ceand tri
1341] lá & tri n-aidchi,
’ ar Guaire. Ocus is amhlaid do bí
1342] Find Bán as é an treas fidcheallach as ferr do bhí isin Féin
1343] h-é .i. Finn mac Cumaill & Diarmaid o Duibhne & Flaithius
1344] Faebrach
gilla na fidchli. {F§}Ocus ro raid Oisin so and:

    1. 1345] Flaithius Faebrach gilla Find
      's é is ferr ro imred fithchill,
      1346] nocha tarraid ar clár beirt
      lámh budh áille ica h-imbert
      §

¶ 105.
1347] Ocus do imredar an dias-sin re trí lá , & ní ruc Guaire
1348] én-chluichi rissin, & do thuit a gheall uadha, & tucastar ail &
1349] aithis ar an óclach ele, & adubairt nár' ghilla a n-gillaighecht
1350] h-é, & nár' óclach i n-óclachus & nár' ghaisceadach a n-gaisced.
1351] Ocus tócbus Finn Bán in láim, & tuc dorn do Ghuaire co tuc
1352] trí cláir-fhiacla asa charpat uachturach & tri fiacla asa charpat
1353] ichtarach
. Ocus do tarla ina luighe (ar) chlár na fidchle.
1354] Indister sin (don rígh-feinnid), & adubairt Finn Bán (cona
1355] mhuintir do mharbad). ‘Dom bhréithir’, ar Oisin, ‘ní muirbfider,
1356] acht ra(chaid i m-breith) Cáilte & Diarmata í Dhuibne & Fher(gusa
1357] Fínbeoil)
(.i.) {folio 168b} ollaim na Féinne, duit-se, a Fhinn’.
1358] Ocus rucsat an triar-sin a m-breith .i. áit a comraicfisi & gilla
1359] Finn Bháin tabair-si dorn dó, & rachaid ascaidh duit-si leis
1360] sin .i. uingi d' ór ó gach tháisech Féinne d' fiannaib Eirenn;
1361] & do-rónad síd amlaid-sin acu.
1362] Ocus a cinn fichet bliadan tángamur gu Caill Coimhéda
1363] i crích Ua Tairrsid Laigen, risa raidter Druim Criadh isin
1364] tan-so, & do-chuadar an Fhian do sheilg, & do fhacbhatar óclach
1365] don Feinn ac coiméd in bantrachta dar' bho comainm Garad


p.39


1366] mac Morna, & is amhlaid do bhí Garad annsin 'ar techt urmhóir
1367] a aeisi, & 'ar marbad a bhráithrech acht becan namá.
1368] Ocus adubratar na mná ris-seom: ‘Maith, a anum, a
1369] Gharaid, in áil let-sa fidchell d' imirt frinne?’ ‘Ni h-áil immorro’,
1370] ar eisium. ‘Cidh ón?’ ar an bantract. ‘Laithi n-aen do bámar-ne
1371] ac Tulaig na Rígh & ag Loch an Eoin a cuiced Connacht’, & do
1372] innis an scél dóibh, & is é so é, a naemh Pátraic. Ocus adubairt
1373] ben dibh: ‘nách uime do fácbhadh Garad inar farrad-ne
1374] do dhénam theined duin & d' imirt fidchle rinn, uair do-chuaidh
1375] ara lúth & ara lámach, & loighi aeisi {SG 124}dho in loighi a d-tá.’
1376] ‘Darm' bréithir’, ar Garad, is glor ban m-bidhbad sin, & gidh
1377] fada do beinn-si a coimhlenmain na Fénne nírsat carait bunaid
1378] fa deredh iat. Is annsin ro addá theinid moir isin m-bruidin
1379] & ro dhúin na secht n-dorais bai uirre, & táinic féin amach &
1380] tuc a airm leis, & adubairt riu-san an sen-rann:
    1. 1381] A mna áilli Fénne Finn
      imridh-se féin bhur bh-fhidchild,
      1382] sib-si sósar in rígh ghlic
      misi senóir, sean m' imeirt.
    2. 1383] Bruth aeisi orm snas ar sin
      an comhaes re bhar n-aithribh,
      1384] is áithe cach n-delg as só
      chom-aeis ar comh-chluicheo.
    3. 1385] Cumain lim lá ag Loch an Eoin
      ni maith senóir gan sein-sceoil,
      1386] do tarmairt ar n-ár uili
      tre imarbháigh én-chluiche.
    4. 1387] Do bí Guaire gilla Finn
      ag fáith-imirt ar fidchill,
      1388] ocus Finn Bán mac Bresail
      da tarla dóibh imresain.
    5. 1389] Dob ferr d' im(ertach) Finn Bán
      iná Guaire a Glaiss berrán,
      1390] ruc Finn Bán cetra cluichi
      ní ruc Guaire (acht én-chluiche).
    6. 1391] (Fásaid ferg mór) a n-Guaire
      re mac Bresail brat-uaine,
      1392] do-ráidh olcc (daririb ris)
      (tré)na beirt n-dírig n-dílis.
    7. {folio 168b2}
    8. 1393] Ba mór imnairi Fhinn Bain
      is tócbaidh gu luath an láimh,
      1394] gur' ben tar bél Guaire gloin
      dorn ó mhac buadach Breasoil.
    9. 1395] Eirghit suas an Fhian amra
      fhial oscurdha fhír-chalma,
      1396] saeth leo gilla na flatha
      do bhualad tré droch-fhatha.
    10. 1397] Eirghit suas fianna Find bháin
      is fian meic Cumaill d' én-láim,
      1398] fiann Cáilti, fian Conáin chain
      fian Oisín, fian Fherdhomhain.
    11. 1399] Ergid a l-los gaiscid gloin
      fiann Find fein, fian Mail Enaigh,
      1400] fian Duib Drumann a Ros Guill
      fian Guill ocus fian Irguill
    12. 1401] Is ann adubairt Find féin
      dech amuich, a meic mhóir-tréin,
      1402] cidh 'ma fuil ferg na Fénne
      crét adbar a coiméirghe?

    13. p.40

    14. 1403] Guaire do ghilla-sa, a Fhinn
      óclach do bhi fot fhidchill,
      1404] ni maith in t-adbar da fuil
      a marbad do mhac Breasuil.
    15. 1405] {F§}Gabar mac Bresail cen brath
      ar mac rechtaire Temrach
      1406] baeth do neoch cemad tren-fer
      marbad gilla in righ-féinded
      §
    16. 1407] Gabhthar mac Breasail, ar Finn
      ná gabhthar comha da chinn,
      1408] ní ba comairce dhó dhe
      Diarmait, Oisín, ná Cáilte.
    17. 1409] Dar do láimh, a Fhinn gu n-glóir
      dar h' uaisli is dar h' onóir,
      1410] ní muirbhfither mac Breasail
      ó tarla 'na imreasain.
    18. 1411] A athair, oiris 'gut chéill
      a mheic Cumaill, ar Oiséin,
      1412] breth dírech as dú do fhlaith
      is ní briathar bhaeghal-bhraith.
    19. 1413] Gidh sinne no beth gan chosc
      dit-sa dlegar ar tecosc,
      1414] tabair fod déid fis do mér
      na beir luaith-breith ar leith-scél.
    20. 1415] Gabhthar Faelchu mac Fir Chruim
      gilla meic Breasail barr-truim,
      1416] mad do marb-san Guaire glan
      marbhthar lat-sa féin Faelchad.
    21. 1417] Tiaghmait i n-degaid Fhinn Bháin
      ó mac Cumaill einech-náir
      1418] co tucsam mac Breasail lenn
      co righ-fhéinnid Fían Eirenn.
    22. 1419] Do fhiafraig Find d' Finn aili
      Find mac Cumaill Almhaine,
      1420] créd 'má raibhi do Ghuaire
      ar n-imthecht ar n-anbhuaine?
    23. 1421] Guaire do ghilla-sa, a Fhinn
      bachlach do bhí fat fhidchill,
      1422] táinic tri maitne muichi
      rom-greannaig fa én-cluichi.
    24. 1423] Rucus cetra cluchi annsoin
      ar Ghuaire mac Beobeartoigh,
      1424] rom-loisc in uair fa lonn leis
      tre fheirg ocus tre aitheis.
    25. {SG 125}
    26. 1425] Do-rat orum aithis tenn
      a fhiadhnaisi Fhian Eirenn,
      1426] nír' bhám gilla, nir'bam laech
      tan ba h-airc nír 'bham óclaech.
    27. 1427] Tócbhaim mu láim n-dirigh n-deis
      nocha n-dernas ann eisleis,
      1428] do-radus dorn dara bhél
      ni innisim acht fír-scél.
    28. 1429] Bennacht don láim do-rat dó
      ar Oisín, ní h-im(argó(,))
      1430] do gilla-sa, a Fhinn na fledh
      ní gan fath(adh do buailed).
    29. 1431] Muna maithi in dorn co daith
      ícfaither rit, a (ard-flaith),
      1432] rot-fia screabal óir gach fir
      olc dia (m-bíthea gan chluinsin).
    30. {folio 169a1}
    31. 1433] Doigh damad maith let-sa sin
      a n-olc do chosc ót ghillibh
      1434] Guaire, Comán, Saltrán seng
      ag imdergadh fian Eirenn.
    32. 1435] Guaire do imderg Finn Bán
      Glas d' imdergad do Chomán,
      1436] mó gach scél Saltrán solam
      do rádh uilc re Ferdhoman.
    33. 1437] Finn mac Breasail ó Ráith Chró
      mad thuc dorn dod ghilla-so,
      1438] tabair a fhlaith na corn cain
      dorn do gilla meic Bhreasail.
    34. 1439] Beir mo bennacht, eirg dot thoigh
      ar Finn re Finn mac Bresail,
      1440] luach a n-dubairt Guaire féin
      dligid sár-briathar sár-béim.
    35. 1441] As í ascaidh iarruim ort
      a flaith na fian faebhar-nochd,
      1442] narub bés ó aniu cu bráth
      gilla d' fhuigeall re h-óclach.

    36. p.41

    37. 1443] Tucsam lughi lámh do láim
      fian meic Cumuill einech-nair,
      1444] nach lémadh beith a b-féin Fhinn
      gilla nach tibhredh uirrim.
    38. 1445] Misi as gilla dháibh anocht
      orraim uaim dhaibh, a bhanntrocht,
      1446] tucus form bréithir theglaich
      nach trotfainn re h-ingenraidh.
    39. 1447] Gidh cian do bheimís male
      a bhanntracht Finn Almaine,
      1448] cein bus cumhan lim rem lá
      ni imér-sa ribh, a mhná.

¶ 106.
1449] ‘Ad-rae buaid & bennacht, a Cháilti’, ar Pátraic, ‘is maith
1450] an fis & in forus-sin do innisis.’

¶ 107.
1451] Ocus do éirghetar in slógh rompu do Carnd na h-Airmi,
1452] risi n-abar
Carn Fraeich meic Fhidhaigh isin tan-sa,
1453] , & táinic Pátraic suas isin cnuc. ‘Maith a anam, a
1454] Cháilti’, ar Pátraic, ‘ar' chreideabair-se do ríg nime & talman,
1455] nó an fetubair a beith ann etir?’ Frecraidh Cáilte sin: ‘ro fitir
1456] in flaith-féinnid’, ar Cáilte, ‘ór ba drai & ba fáidh & ba flaith
1457] é, & do thuicemar-ne uili cu raibhi Dia ann tré urchra n-oidche
1458] ad-conncamar’. ‘Crét an urchra-sin?’ ar Pátraic. ‘Teg(l)ach mór
1459] bái ag rígh Eireann ac Cormac mac Airt, deich fichit mac ríg
1460] bá sedh a lín, & ní bái duine díb-sin acht mac rígh & ríghna,
1461] & ni tabrad duine dib-sin ben acht ingen righ & righna
1462] & ac Ros na Rígh fria Te(mhraig) anorthuaidh no bítis.’
1463] ‘Crét in ros éisein?’ ar Pátraic. ‘Ros Cailledh’, ar Cáilte, &
1464] míle do cenél gacha crainn ann. & do bhí ríg-bhruiden romór
1465] ann ag na macaibh rígh sin, & ní déntai acht a cuid do thidlacad
1466] o Themhraig dóib, & do bádar iar n-ól & iar n-áibnes
1467] adhaigh ann, & ro déirget a n-imdaidhi dóibh, (& d)o bádar
1468] ann re h-edh na h-oidhchi-sin.

¶ 108.
1469] Is annsin (tái)nic prímh-rechtairi na Temrach .i. Binde
1470] (Bóinde)
d' agallaim mecc rígh Eirenn do bhí isin bruidin, (&
1471] ro dhéch) {SG 126}uime in tech, & is amlaid do bátar, {folio 169a2} & siat
1472] marbh uili, & do thuicemar assin go raibi in
1473] fír-Dhia forórdha ann .i. in nech aca raibe comus & cumachta
1474] orainn uili. Ocus at-bert Cáilte:

    1. 1475] Baili na ríg, Ros Temhrach
      ann ba meinicc mór-theglach,
      1476] ba h-imdha sluag is groigi
      ar a thaebh go tonn-ghlaine.

    2. p.42

    3. 1477] Deich fichit mac rígh ba ráin
      do bí 'san teglach trom-náir,
      1478] an coimlín cétna do mnáibh
      do bhí 'san tulaig thonn-bháin.
    4. 1479] Ni faca urchra mar soin
      a Pádraic uasail idhoin,
      1480] iar n-dul uili as male
      in slóg do bí i n-én-bhaili.

¶ 109.
1481] Ocus do h-adlaiced isin tulaig-sin na deich fichit fer & na
1482] deich fichit ban sin, conid Cnoc an Áir ainm in chnuic ó sin alé,
1483] & dála na cailledh a rabatar ro shluic an talam fana comair in
1484] ros uili, & ro thuicsem g nime & talman trít-sin, ar Cáilte.

¶ 110.
1485] ‘Ad-rae buaid & bennacht, a Cháilti’, ar Pátraic.
1486] Is annsin adubairt Cáilte: ‘As mithigh dam-sa imthecht
1487] amárach, a anam, a naem Patraic.’ ‘Crét um a n-imthighi?’ ar
1488] Pátraic. ‘d' iarraid cnoc & céite & dingnadh in bhaili i r-rabutar
1489] mu choicli & mu chomaltada & in flaith-fénnid & maithi Fian
1490] Eirenn am fhochair, ór is fada lim beith a n-aein-inad.’ Ocus
1491] do bátar ann in adaig-sin, & do éirigh in slóg uili, & do éirigh
1492] Cáilte, & tuc a chenn a n-ucht Pátraic, & adubairt Pátraic:
1493] ‘Nemh uaim-si duit gibé inad amuich nó a tigh a n-gébha
1494] Dia lámh ort am écmaisi’.

¶ 112.
1495] Is andsin do éirig Muiredach mac Fhinnachta ri Connacht
1496] roime d' imluadh a ríghi & a fhlaithiusa, & táinic Pátraic roime
1497] do shílad chreitmhe & crabaid & crois-fighill & do
1498] dhíchur deman & druadh a h-Eirinn, & do togha naemh & fhírén
1499] & do tocbáil cros & uladh & altoiredh, & do
1500] thairnemh idhul & arracht & ealadhan n-dráidhechta.

¶ 113.
1501] Dála Cáilti immorro, ráinic roime budthuaidh co leathan-Magh
1502] Luirg in Dagda
, & tar Corrshliab na Féinne, risa raidter Es Mac
1503] n-Eircc
isin tan-so, & i Sliabh Seaghsa ua Eibric budtuaidh,
1504] & i m-Bernaidh na Cét, risi raidter Ceis Coruinn, & a clár-machaire
1505] in Choruinn amach.

¶ 114.
1506] Ocus is annsin at-cualadar in fidhrén adbal da n-innsaigid,
1507] & déchain (ro déch) Cáilte secha co fhacaidh na nái n(daim
1508] discire) alltaidhi, & tucsat nái n-ur(chair doib, {folio 169b1} gur')
1509] marbhsat na nái n-daimh, gu raibhi cuid na h-aidhche acu, &
1510] do thócbhatar orro iat, & tucait co h-Es Meic Modhairn, re n-abar


p.43


1511] Es Dara, & i Crích in Cosnama, re n-abar Crích Cairbre,{SG 127} & do
1512] Rinn Eabha inghine Geibhtine meic Morna, áit ar' bháidh tonn
1513] tuili h-i, & do Druim Derg re n-abar Druim Cliabh, & d' Áth in
1514] Chomraic
, re n-abar Áth Doim Ghlais. Ocus luidhset as sin rompo
1515] co Leacht na Muice co Beind n-Gulban, áit ar'
1516] marbh an muc Diarmait ó Duibhne, & gu mullach na tulcha
1517] tond-glaisi suas, áit i tá Leabaidh Dhiarmada.
1518] Ocus do chuir Cáilte a arma re lár ann, & do luigh ar leacht
1519] & ar lighi a coicli & a chomhalta & a fir grada
1520] .i. Diarmata ua Duibne,
. & ro cháiestar déra folcmara
1521] fír-truagha gur' bhó fliuch blái & bruinne dhó, & adubairt:
1522] ‘truagh amh mar do-chuaidh mo coicli & mu
1523] chomalta uaim!’ Ocus o bátar ann ó medón lái co crích fuinid
1524] nóna. ‘Truagh sin, a chairdi’, ar sé, ‘ni bhadh dúthracht
1525] lim-sa dul ón lighi-se cu bráth do chumhaid Diarmada & a
1526] chloinne.’ ‘Cidh ón’, ar Flann mac Failbhe: ‘in rabhutar meic
1527] ag Diarmait?’ ‘Do bátar immorro’, ar Cáilte, & ac so a
1528] n-anmanna:
    1. 1529] Anmann mac n-Diarmada duinn
      re h-ingin Cormaic h-í Chuinn
      1530] Donnchad is Illann is Uath
      Sealbuch, Sercach is Iruath.

¶ 115.
1531] Ocus in t-Áth Daim Glais sin adubramar, as ann do
1532] chomraic Cailti coscair ríg re Dithrumach mac in Scáil, meic
1533] Eogain, mac ríg Muman & mac máthar d' Finn h-é. Ocus at-bert
1534] Cáilte:

    1. 1535] Do chuirset comhlann cu cruaidh
      a fiadhnaise in t-slóig mhóir mhais,
      1536] tócaibset fidhbadh ra feirg
      ar in leirg ós Áth Daim Ghlaiss.
    2. 1537] Cáilte ro dhibraic ar tús
      in sleigh tre dlús gaiscid grinn,
      1538] nír' mhó iná a cur as a láimh
      in uair tarla an t-sleg áigh inn.
    3. 1539] A lámh dhes is a chos chlé
      do bhen do Dhíthrumhach dhían,
      1540] a cenn do fác Cáilte cruaidh
      don táibh atuaid do Druim Cliab.

¶ 116.
1541] Ocus lotar rompo gu Caill na m-Buiden, re n-abar Caill
1542] Muadhnatan
, & tar Beinn Gulbain Guirt mheic Mhaeil Ghairbh
1543] bothuaidh & gu Garbhros, re n-abar Daire na Damhraidhi,
1544] & do-ghniat fian-both fairsing fulachtaidh and, & (ro ecrat)ar h-í
1545] do sheisc barr-ghlais buin-ghil (ó féici co) fornasc, & do-rónad
1546] inneonadh {folio 169b2} & fulachtadh leo ann. ‘In fuil uisci a


p.44


1547] n-imfogus duin?’ ar fer dibh. ‘Atá ámh’, ar Cáilte ‘.i. Tipra
1548] Oisín
.’ ‘Is dorcha an adhaig’, ar na h-ócláich. ‘Ni damh-sa is
1549] dorcha’, ar Cáilte, uair ni fhuil inad asa tabar lán én-chuaich
1550] a h-aill na a h-abhuinn no a h-indber a cúic oll-coigeduibh
1551] Eirenn nacham eolach itir lá & oidhchi indtib-sin..
1552] Ocus ro gab cuach airgdidhi isin dara láimh do, & a shlegha
1553] crann-remra cró-dhaingne isin láimh araill, & táinic roime docum
1554] na tiprat, & at-cuala in m-blaisechtaigh & in m-buaidirt ar an
1555] uisqi, & is edh búi ann, torc taeibh-leabar ag ól an uisqi; &
1556] tucastar a mhér a suaineam na sleigi seimnigi sodibraicthi, & {SG 128}
1557] tuc urchar don mhuic co ros-marbh, & ruc leis ara mhuin & in
1558] cuach 'na láimh ar aen-rían.

¶ 117.
1559] Ocus do bátar ann re h-edh na h-aidhche-sin, ocus
1560] tángatar rompu arnamhárach tar Es Ruaid Mheic Mhoduirn, &
1561] co Sídh Aedha Esa Ruaid, ocus ar tiachtuin dóibh and
1562] at-cíat in t-óclach ar an tulaig tonn-glais ar a cinn, & brat corcra
1563] corrtharach uime, & dealg aircit isin brut ós a bruinne, &
1564] geil-sciath co tuaigh-mhílibh óir deirg fair, & cuach-shnaidm
1565] loghmur ar a fholt, & dá choin shelga ar slabraduibh
1566] snímacha sen-aircit 'na láimh, & airm tréna trom-ghlasa 'na láim.
1567] Ocus ar rochtain do Chailti dha innsaigid toirbiris teora póg
1568] co dil is co díchra dhó, & suidhis ar in firt 'na fhochair.

¶ 118.
1569] ‘Cia thusa, a ócláich?’ ar Cáilte. ‘Derg Dianscothach mac
1570] Eogain, a tuathaib Uisnig amuich, do chomalta budhéin.’ ‘Cinnus
1571] ata dó betha ag muintir do mháthar?’ ar Cáilte. ‘Ní fuil a
1572] n-uiresbaid duin do biudh na d' étach’, ar an t-óclach, ‘& ba
1573] h-iat triar is mesa betha búi isin Féin .i. Ligarne Licon &
1574] Semenn Sacaire & Bec Gilla na m-Brodhmucc,
1575] & ro badh fhearr lim-sa beith 'na m-bethaid-sin iná bheith isin
1576] bethaidh a fuilim isin t-sídh.’ Gidh uathadh duit-si oc seilg
1577] aniu, ar Cailte, ‘at-connarc-sa thu cu mór-bhuidnech a Comar
1578] Trí n-Uisqi
tes, áit a comraic Siuir & Beoir & Berba, cuic cét
1579] décc óclach & cuic cét déc gilla & cuic cét déc ban.’ Ocus at-bert:


p.45

    1. 1580] Uathad selga sin a Dheirg
      do scaruis redt fheinn 's ret' sheilg,
      1581] inat eolach, comull n-glé
      a n-oidheduib na Fénne?
    2. 1582] Am eoluch-sa, línibh gal
      gach baile (a) torchratar,
      1583] {folio 170a1}gé bheth i síth mo cliu chain
      fuil mo menma ar na fianaibh.
    3. 1584] Nocho rabha-sa fós riamh
      toir na thuaid na tes na thiar,
      1585] bhaili bud gairdi rem ghal
      ná na mesc gémad uathad.

¶ 119.
1586] ‘Maith, a anum, a Deirg, cia don Féinn ata isin firt fótbaigh
1587] ar a tám?’ ar Cáilte. ‘As misi & tusa ro adhlaic h-é’, ar Derg,
1588] ‘cóir gia beth a fhis acam’. Ocus at-bert:

    1. 1589] Cuinnscleo gilla, mac Annscleo
      ros-foirrghedh fira a fuirrsceo,
      1590] naenbar for dairbre n-duillech
      foirrged in cuinged duinnscleo.
    2. 1591] Cuinnscleo gér' bhaeth nír' briathrach
      do bo laech i ló luaith-creach,
      1592] áit a tollta scéith breaca
      nochar' é in t-egal uaimhnech.

¶ 120.
1593] Ocus is e-sin, a Cailti, atá isin firt fótmaighi-sea, & is sind
1594] araen ro cuir fa fochluidib talman

1595] ‘Cia risa n-derna an rith dian doilig, a Dheirg?’ ‘Risan
1596] ech n-dub ro bái ac Dil Mac Da Creac’, ar Derg:

    1. 1597] Each dubh ac Dil Mac Dá Creac
      in gach cluiche ro chuirset,
      1598] ocon carraic ós Loch Gair
      ruc trí lán-bhuadha an aenaig.

¶ 122.
1599] ‘Gá tech a rabhumar in adhaigh-sin, a Cháilti?’ ar Derg. ‘A
1600] {SG 129} tigh Catháir meic Ailella’, ar Cáilte, ‘ar m-breith Finn & na
1601] Fénne leis ar cuiredh. Ocus do bámar teora lá & teora h-oidhchi
1602] a tigh Catháir cen athscis, gan uiresbaid bídh na
1603] leanna na leasaigthe ar ar sluagaibh’. ‘In tucsam ní dhó, a
1604] Cháilti?’ ar Derg. ‘Tuc Finn’, ar Cáilte, ‘trí cét bó & .ccc.
1605] brat & tri cét uingi dh' ór.’ Ocus adubairt Cáilte:

    1. 1606] Trí cét bó is trí cét brat
      trí cét claidem ba comnart,
      1607] do-rad Finn fiach a leanna
      do Caithír mac Ailealla.

¶ 123.
1608] ‘Cia tuc in t-ech dub d' Fhinn?’ ar Derg, ‘an h-é Dil Mac
1609] Da Creaca
nó an h-e Caithir mac Ailella?’ {F§}Fregrais Cáilte co
1610] comnart sin: ‘Ní nechtar dib’, ar Cáilte, ‘acht
§ Fiacha
1611] Muillethan
mac Eogain’, ar Cáilte; & adubairt:

    1. 1612] Ac súd duit-si an t-ech dub dian
      ar Fiacha re flaith na fian,
      1613] ac sut mu chloidem gu m-blaidh
      ocus ech uaim dot araidh.
    2. 1614] Luid Finn d' imluad an eich duibh
      gusin tráigh ós Berramuin,
      1615] is teichim-se di fo trí
      or baam luaithi aná gach ní.

p.46

¶ 124.
1616] Ocus luidh an t-ech gu cenn iartharach na (trá)gha, & fuair bás
1617] ann do ghal retha, conad Tráigh in (Eich) Duibh ainm na trágha,
1618] & Tráigh Berramain a h-ainm co sin.

¶ 125.
1619] ‘(Is dered do ló) ann’, ar Cáilte, ‘ór do-chuadar neoil áilli
1620] (aen-gela) an lái as, & táncatar damalta dorcha {folio 170a2} na
1621] h-aidchi chucainn’.

¶ 126.
1622] As annsin táinicc Derg Dianscothach roime isin sídh
1623] anunn d' urfhuigeall Cháilti re h-Ilbreac Easa Ruaid & re h-Aedh
1624] Minbrec
mac an Daghdha, & do innis a imacallaim re Cáilte
1625] ó do-riacht chuice co h-aes na h-uairi-sin. ‘A thabairt isin sídh’,
1626] ar siat, ‘ór do-chualamar a einech & a engnam.’ Ocus luidh
1627] Derg ara chinn, & ruc leis é cona mhuintir, & ro (suidigedh)
1628] iat ana n-inadaib dílse dingbhála isin t-síd. Ba h-í-sin aimser
1629] do-rála cocad mór idir Lir Sídha Findachaid & Ilbreac Easa
1630] Ruaid
, & ticedh én co n-gob iarnaide & co n-err teinedh ar fuindeoig
1631] ordhaidi isin t-sídh, & do chrothadh é gacha nóna ann, cu
1632] nach fácbadh claidem ar cenn-adairt, ná scíath ar dealgain, ná
1633] sleg ar aidhlinn, gan leacadh a ceann lochta in t-sídha. Ocus do
1634] bítis lucht an t-sídha ica dibhracad, & cech urchar do-berdis
1635] cuici
is ed do thecmad ar cenn meic nó mhná nó
1636] dhalta do lucht in t-sída . Ocus ro h-ecradh a tech n-ola in
1637] adhaigh-sin aca, & do-riacht in t-én cédna chuca & do-róine
1638] in t-aidmilledh cédna. Ocus do bhádar luchd in t-sídha 'ga
1639] dibhrucad & nir' chuimngetar a bec dhó.

¶ 127.
1640] ‘Cia fot atá in t-én mar sút?’ ar Cáilte. ‘Ré bliadna anosa’,
1641] ar Derg, ‘ó ro gabsam cocad & lucht an t-sídha aile.’ Ocus
1642] it-bert Ilbrecc so and: Fó fos nargart fiad firu airm n-grindi
1643] colg dremni dibad dasachtach ni duindi is fó .Fo. fos

1644] 4

¶ 128.
1645] Is annsin tuc Cáilte a láim a comraidh a sceith, & fleasc
1646] umhaidhi bái aige, & tuc urchar don eon di trena ucht
1647] cu rus-marb d' oen-urchar, co tarla {SG 130}ar lár in t-sídha cuca
1648] é. ‘In n-derna nech riam lámach budh fherr iná sin?’ ar Ilbreac.
1649] ‘In raibi isin Féin’, ar Aedh Minbreac Esa Ruaid, ‘nech bhudh


p.47


1650] commaith lámach frit-sa?’ ‘Báigim-se mu bhréithir ris’, ar Cáilte,
1651] ‘nár' bo cóir do neoch sech araili díb bocasach do dhénam, ór
1652] do bhí a lór-dhaethain lúidh & lámaigh in gach fhir dhibh, &
1653] do bhí indam-sa, 'no’, ar Cáilte.

¶ 129.
1654] Is annsin tuc Ilbreac a láim secha suas, & tucastar gái
1655] nemnech áith uillind-glas da h-aidhlinn, & tuc a
1656] láim Cáilti h-í. ‘Decha lat, a anum, a Cháilti, cia in t-sleg-sin,
1657] & cia d' fhiannaib Eirenn ica raibhi?’ Ro benastar Cáilte a foirtcedh
1658] & a h-incasnaidi don t-sleig, & do bátar tricha semann d' ór thíre
1659] Araibe ar a (chró. ‘Aithnim-si so’, bar Cáilte): sleg Fiachach meic
1660] Congha, (& is ón t-sleigh-si) {folio 170b1} do ghabh Find mac Cumuill
1661] ríghi Fíann Eirenn & Alban ar tús, & a Síd FinnachaidSídh fhér-uaine
1662] Fhinnachaid
tugad í, & Aillén mac Midhna do Thuathaib
1663] Dé Danann
do tigedh ó Charn Fhinnachaid atuaid co Teamraig,
1664] & is amlaid ticedh, & timpain ciuil 'na láimh, & do codlad
1665] gach nech at-cluinedh h-é, & do chuiredh ainnsein cairche teined
1666] as a bheol, & ticedh co Temhraig i líth-laithi na samhna gacha
1667] bliadhna, & do seinnedh a thimpan, & do chodladais cách risin
1668] ceol sídhi do-níth, & do shéidedh a anáil fon cairche teined, &
1669] no loiscedh Temhair cona turrscar gacha bliadna amlaid-sin
1670] fri ré trí m-bliadan fichet. Ocus ba sí-sin aimser a tucad cath
1671] Cnucha, & do thuit Cumull mac Trénmhóir and, & do fhácaibh
1672] ben torrach da éis .i. Muirne Munchaemh ingen Taidg meic
1673] Nuadat.

¶ 130.
1674] Ar n-díth Cumhaill tugad rígh-fhéinnidhecht Eirenn do
1675] Gholl mór-glonnach mac Morna, & do bí deich m-bliadna aigi.
1676] Rucad iarum mac do Chumhall .i. Finn, & do bhí ar foghuil
1677] & ar díbhfheirg cu cenn a dheich m-bliadan. Ocus do-rónad feis
1678] na Temra isin dechmad bliadain le Conn Cétchathach, & amail
1679] ro bátar fir Eirenn ag ól & áibhnes i Tigh mor Midchuarda
1680] nír' rathaigset ní no gu riacd in maccamh óg il-dealbach cucu,
1681] a cind a deich m-bliadna, & ro shuidestar a bh-fhiadnaise
1682] Cuind Chétchathaig, & Ghuill meic Morna, cu maithib
1683] Fian Eirenn uime isin tig, & ba do bhuadaibh feisi na Temra
1684] na lamadh nech fala ná frithfala do thabairt fri ré caeicdigis 5
1685] ar mhís airet bíte ag ól — nó do chaithim — feisi na Temra.


p.48


1685a] Ro dhech Eirenn in macamh, doigh nir' aithnidh dho h-é ná
1685b] do nech eli da raibhi isin bruidin.
1685c] Is annsin do-riacht a chorn dála gu righ Eirenn, & tuc
1685d] a láimh in macaeimh é. As annsin adubairt Érenn: Taíi,
1685e] a fhiru Érenn! & ro táietar ríghrad co tái tostadach fria guth
1686] in uasail & in ard-righ .i. Cuind
. Ocus do fiarfaig
1687] iarsin cuich in macaemh? ‘As misi Finn mac Cumaill’, ar an
1688] macaem, ‘mac don óclach oca m-bái rígi na Fénne annallana, &
1689] tánac do dhénum mu mhuinnterais rit-sa, a Eirenn.’ ‘Mac
1690] carut & fir grádha thu, a mhacaeim’, (ar Conn). Ocus do éirigh
1691] in macaem & do-rinne a cora(igecht & a mhuinteras fri) rígh
1692] Eirenn
, & gabus Conn ar leth-láim h-é {folio 170b2}, & tic ar
1693] gualainn Airt meic Cuinn, & do gabsat ag ól & ag áibnes re
1694] h-edh is re h-athaid.

¶ 132.
1695] Is annsin ad-racht Eirenn re beinn m-bláth-cháin m-buabhaill
1696] do bhí 'na láim, & adubairt: ‘Da bh-fhaghainn aguibh, a
1697] fhira Eirenn, nech do choimétfaidh Temair gu tráth éirghi do
1698] ló amárach gan a loscad d' Aillén mac Midhna do-bhérainn a
1699] dhúthchus do, gémad beg, gémad mór h-é.’ Do éistetar immorro
1700] fir Eirenn co tái tostadhach ris-sin, uair no choidelduis mná co
1701] n-idhnaib & laeich letairthe risin ceol sírrechtach sídhi & risin
1702] n-gothán n-glésta n-guithbinn do chanad in fer
1703] soinemail sídhi no loiscedh Temair gacha bliadna.

¶ 133.
1704] Is annsin do eirig Finn & adubairt re rígh Eirenn: ‘Créd
1705] bus cuir & bus tennta dam-sa tar do cheann im a chomhall-sin?’
1706] ‘Cóicedaig Eirenn’, ar Conn, ‘ocus Cithruadh mac Fir Cóecat
1707] cona dráithib.’ Ocus tugaid uili isin coraighecht,
1708] & gabus Finn do láim Temair cona turrscar do coimét gu trath
1709] éirghi arnamhárach. Ocus do bhí óclach grádha do Chumhall
1710] a comhuidecht rígh Eirenn .i. Fiacha mac Conga.

¶ 134.
1711] ‘Maith a mhacaeim’, ar Fiacha: ‘cá luaighidhecht do-bértha
1712] dam-sa da fagainn sleg neimhnech áith uillend-glas
1713] duit, & nír' dibraicedh urchar n-imraill dhi.’ ‘Gá luagh chuingi
1714] oram?’ ar Finn. ‘Gid beg mór do rath ghéba do lámh dheas


p.49


1715] a trian dam-sa & trian do chocair & do chomairli.’ ‘Raghaidh
1716] dhuit’, ar Finn, & do naidm air fo a bréithir. As ann do ráidh
1717] Fiacha: ‘Mar at-cluinfe in ceol sirrechtach síde & an
1718] timpan téit-bhinn & an fedán fogur-binn, ben a cumhdach do
1719] chenn na cráisighi, & tabuir redt' édan nó re ball eli dot ballaib,
1720] & ni léicfe gráin na sleigi neme codlad fort.’

¶ 135.
1721] Is annsin do éirig Find i fiadhnaisi fher n-Eirenn do
1722] choimét Temrach, & tuc Fiacha mac Congha sciath & sleg dhó
1723] gan fhis do Mhacuibh Morna ná do neoch eli dá raibe a tigh
1724] Themra, & táinic roime mar sin i timcheall na Temra, & nír'
1725] chian dó gu cuala in ceol sirrechtach, & tuc slinn na sleigi &
1726] a forgraín {SG 132}re a édan, & gabhaidh Aillén ac seinm a thimpain
1727] {folio 171a1} no gur' chuir cách 'na codlad mar do chleacht, & léicidh
1728] iarsin a chairce teined asa bheol do loscad na Temhrach, & do-condaicc
1729] Find sin,
& chuireas Find in brat corcra corrtharach
1730] búi ime a n-agaidh in cairce, & tuitit anuas asin aier, co ruc cairche
1731] in brat ceithir-fhillti sé láma fichet a talmain. Conadh Ard na
1732] Teinedh
ainm in aird, & conidh Glenn an Brait ainm an ghleanna.

¶ 136.
1733] Mar do rathaigh Aillén mac Midhna a dráidhecht do
1734] mhilled uime, tainic tar a ais d' innsaigid Sídha Findachaid &
1735] gu mullach Sléibi Fuait. Ocus leanus Find h-é co Carn Finnachaid,
1736] & mar do bhí Aillén ac dul tar dorus in t-sídha anunn
1737] tucFind mér a suaineamh na sleigi, & tuc urchar ádhmhar urmaisnech,
1738] co tarla a mullach a droma a n-Aillén, gur' chuir a chraidhi 'na
1739] lia dub-fhola tar a bhél. Ocus ros-díchenn Find h-é, & tuc in cenn
1740] for cúla co Temraig, & do chuir ar cuailli bhadhbhdha, & do bhí
1741] ann co h-éirgi gréine ós airdibh & ós innberaibh an talman.

¶ 137.
1742] Táinic iarum a máthair co h-Aillén, & tuc treas ar thoirrsi,
1743] & do-chuaidh d' iarraid leagha dhó.

    1. 1744] Toir-che a bainn-liaigh Amharrtha
      do gaet Aillén mac Midhna
      1745] do shleigh Fiacha meic Conga
      don brat bodhbdha, don birgha.
    2. 1746] Uchán ad-rochair Aillén
      táncatar a tri tonna,
      1747] atá sunn fuil a chraidhi
      maraen is smir a dhroma.
    3. 1748] Uchan ad-rochair Aillén
      sídhaidi Benne Boirche,
      1749] anois tairnic a mhaill-néill
      a Boirche a bainn-liaigh toir-che.
    4. 1750] Uch ba suairc
      Aillén mac Midhna a Sléib Fuait,
      1751] cuma nái ro loisc Temair
      ar gach n-ard-blaid ba h-í a chuairt.

p.50

¶ 138.
1752] Is andsin do éirghetar fir Eirenn uili um a rígh ar
1753] faithchi na Temhrach airm a m-búi Find. ‘At-chí sin, a ri’, ar
1754] Find, ‘cenn an fir do loisced Temair, & a fheadán & a thimpan
1755] & a chairchi ciuil, & dar leam ro saeradh Temair cona turrscar.’

¶ 139.
1756] Is andsin do línadh láthair leo, & do cruthaigedh comhairli,
1757] & as í comairle do crichnaiged acu, rígh-fhéinnidhecht Eirenn
1758] do tabairt d' Find. ‘Maith, a anam, a Ghuill mheic Morna’, ar
1759] Conn Cétchathach, ‘(do ro)gha duit, Eire d' fhacbáil nó do lámh
1760] do thabairt i láim Find.’ ‘(Dar mu b)réithir’, ar Goll, ‘as í mu
1761] lámh do-bér i láim Find.’

¶ 140.
1762] Is ann(sin tainic) a nert isin sén & isin soladh, & do
1763] éirghetar (trí catha na) Fénne, & tucsat a lámha a láim Fhind,
1764] {folio 171a2} & tuc Goll mac Morna rompa comad lugaiti an náire le
1765] neach ele don Fhéinn a tabuirt. Ocus do bhí Find isin ríghi-
1766] sin, ar Cáilte, ‘no gu bh-fuair bás & aidhed a n-Aill in Bruic
1767] a Luachair {SG 133} Degadh. Ocus an t-sleg do-beiri-se and laim-si, a
1768] Ilbric, as di do-rónad an gním sochair sin d' Eirinn, & as lé fuair
1769] Finn gach rath riamh, & ‘Birgha ainm bunaid na sleigi.’ ‘Coimhét
1770] acut in t-sleg, a Cáilti’, ar Ilbrec, gu finnam in ticfa Lir Sidhi
1771] Findachaid
cona braithrib,
do díghailt a e(oin) orainn.’
1772] Is annsin ro tócbait a cuirn & a cupada, & do bátar ac
1773] ól & ac áibhnes & ac urgairdiugad menman & aicenta. ‘Maith,
1774] a anum, a Cháilti’, ar Ilbrec: ‘c(ia da tibérthar) comus in chatha
1775] da tí Lir cona braithrib do dhíghail a eoin orainn?’ ‘Don tí
1776] da tabradh Find comus a chatha .i. do Derg Dhianscothach
1777] annsút. Inn gebhe de láim sút, a Deirg?’ ar lucht in t-sídhe.
1778] ‘Gabhaim cona shochar cona dhochar’, ar Derg. Ocus do bádar
1779] amhlaid in adhaigh-sin. Ocus nír' chian dóibh ar matuin gu
1780] cualatar seitfedach na n-ech & culgaire na carput, & glonn-béimnech
1781] na sciath & tairm in mhór-slóig, & táncadar 'mon sídh, &
1782] táncas asin sídh dá fhégad gá lín do bádar, & is edh do bádar,
1783] trí catha cródha commóra. ‘Pudhur leam-sa’, ar Aedh Minbreac,
1784] ‘a n-dingéntar annsin .i. bás & aidhedh d' faghbáil dúin, & ar
1785] sídh-brugh do beith ag cloinn Lir Sídha Finnachaid’. ‘Nach


p.51


1786] fedrais, a Aedh’, ar Cailte, ‘cu téit an trén-torc allaid ó chonuib
1787] & ó chuanartaib, & in tan ghabus a bedg in búiridan daimh allaid
1788] téit imshlán o chonuibh mar an cédna.’ 6Cáilte cecinit
    1. 1791] {F§}Ro soich tretirni tulaigh
      re cuanairt con craeb tubaid,
      1792] ó ro soich buirech a bedg
      re cosair conart crob-derg
      §

¶ 142.
1793] ‘Gá comhlann as doilghe libh isin cath?’ ar Cáilte. ‘In
1794] fer as ferr engnam do Thuathaib Dé Danann’, ar siat, ‘.i. Lir
1795] Sídha Findachaidh.’ ‘An ní fa tucus-sa láimh in gach cath riam’,
1796] ar Cáilte, ‘.i. in comlann as ferr do bhiath ann do frithailimh
1797] ní léiceabh aniu re lár h-é.’ ‘Ocus caidhi do chomlann-sa
1798] dhúin, a Dheirg?’ ar siat. ‘Gá comhlann is doilghi lib 'na
1799] dhegaid sút?’ ar Derg. ‘Donn & Dubh’, ar iat-som. ‘Dingébhat-sa
1800] iat araen’, ar Derg. Ocus do éirghedar sluaigh in t-sídha
1801] amach a n-aein-fhecht cum in catha, & ro dibhruic cách a chéli
1802] dhíbh do shoighdibh (sith-go)rm(a) & do gháibh bega bir-ghéra
1803] & do (laighnib) lethan-glasa; & do chuired in c(ath) {folio 171b1}
1804] ó solus-trath éirgi do ló co medón lái. Ocus do comraic Cáilte
1805] & Lir Sídha Finnachaidh co fuilech fobartach, & torchair Lir
1806] a crích in chomraic le Cáilte. Is annsin do gabsat an dias
1807] deg-laech .i. Dubh & Dond dá mac Eirgi Anghlonnaig a h-Innsib
1808] Gaid
, ac coimét an chatha. Ocus is amlaid ro chuirset an
1809] gliaidh .i. Dubh a tosach na dírma & Donn re deg-fheithium
1810] 'na diaid. Ocus at-connaic sin Derg Dianscothach, & tuc a
1811] choirr-mér a suainemh na sleige, & tuc urchar ádhmur don fhir {SG 134}
1812] ba nesa do, gur' bhris a dhruim ar dhó, & go tarla i compar cléib an
1813] fir ba sia uaidh, gu torchratar don aen-urchur. Is ann as-bert Ilbrec:

    1. 1814] Do-rochair Lir le Cáilte
      ocus ní gním nach máidte,
      1815] do-rochair Donn ocus Dubh
      le mac Eoghain d' aen-urchur.
    2. 1816] Do mhinaigh in cath budhtuaidh
      ar Lir co méit a mhor-slúaig,
      1817] ni dhechaid dhíbh don muig mhas
      acht ein-triar gu n-deigh-eolas.

¶ 143.
1818] Ocus táncatar rompa isin sídh iar m-buaidh coscair &
1819] commáidhmhe, & do gabsat nert & forlámhus ar Shídh Findachaid
1820] asa h-aithle-sin riamh. ‘Do shleagh duit, a Ilbric’, ar
1821] Cáilte. ‘Nír' chomadhas duit a rádh rim’, ar Ilbrec, ‘ór gin


p.52


1822] gu beth d' arm im Lir acht an t-sleg-sin as duit-si do-rachadh,
1823] ór comarba dílis dingbála di thú.’ Ocus do bátar teora lá &
1824] teora adaig isin sídh iarsin.

¶ 144.
1825] ‘Maith, a anum, a Cháilti’, ar Ilbrec Esa Ruaidh: ‘cia
1826] airm a n-derna Find creidium, nó inn derna riamh?’ ar se.
1827] ‘Do-róine ón’, ar Cáilte. ‘Cáit a n-derna & crét adbar a dénmha?’
1828] ar Ilbrec. ‘Ag Druim n-Diamhair, risa n-abar Druim Dhá Én, ar
1829] in Sinaind, & ba h-é adbar in creitmhe ar bíthin Findine ingine
1830] Buidbh ro mharbh a céle féin .i. Conán, & ro mharbh cách a
1831] céli dhíbh .i. Conán & Ferdhoman, & do-riact an Fhian co
1832] Fidh n-Enaig, re n-abar Druim n-Diamhair isin tan-sa, & tucadh
1833] loing-shithal bán-óir do shaigid Fhinn, & do innail a ghel-ghlaca,
1834] & do chuir in t-uisqi eochar-ghorm im a ghnúis, & tuc a ordain
1835] for a dhét fis, & do faillsiged fír dhó & do ceiledh gái fair, & do
1836] faillsiged do gu ticfadh in Táilceann tabarthach re dereadh
1837] domain, & gu n-gébadh tech ar leth Eirenn .i. Ciarán mac an
1838] t-Saeir
’. Ocus adubairt Cáilte:

    1. 1839] Inmain ceall (bus comra)mach
      bias fo eochair na h-abhunn,
      1840] (inmain fertán forba)rach
      bidh anacal mór n-anum.

¶ 145.
1841] {folio 171b2} Ocus do-riacht fis an chomhraic-sin cucainn conice-
1842] sin, & do-righne Find in creidemh-sa ann & fuair nemh trit:

    1. 1843] Mairg féinnid at-cuala in scél
      ar techt duin co Snámh Dha Én,
      1844] aidhed Conáin Maeil don Mhuigh
      ocus aidhed Fherdhomain.
    2. 1845] Druim n-Diamhair
      a ainm so cusna fiannaib,
      1846] Druim n-Énaig ó sin ale
      d' énach Fhind is na Féinne.
    3. 1847] Is amra in gein berthar ann
      do deoin Ruire na rochlann,
      1848] mac dingbála rígh nime
      aingil ica fhurnaidi.
    4. 1849] Bidh eisidhe Ciarán caidh
      is é berthar 'san ríg-raith,
      1850] gébuidh leth Eirenn male
      Mac in t-Saeir a Muirtheimhne.
    5. 1851] Rachait faghlaidh a chille
      bás obunn do ruaidh-rinne,
      1852] crochad is riaghad gan rath
      ocus iffern íchturach.
    6. {SG 135}
    7. 1853] Aderim-se ribh-si dhe
      as fír dhamh in fháitsine,
      1854] creidim Athair ocus Mac
      is Spirat Naem a n-aein-fheacht.
    8. 1855] Sáilim flaithius ríg nimhe
      as ferr iná gach fine,
      1856] in rom-cuir ar cairdi
      nim-léicfe fo bith-mairgi.

p.53

¶ 146.
1857] Do bátar isin t-sidh iarsin gu cenn cáicdigis ar mís. ‘As
1858] mithig dúin imthecht’, ar Cáilte, ‘ór atámuit re h-athaid abhus.’
1859] ‘Bennacht Dé & dáine abhus ort’, ar lucht an t-sídha, ‘& gid
1860] choidhche bidh áil duid beith acainn fo-ghébtha. Ocus ac sud’,
1861] ar Ilbreac, ‘ó's imdecht do-ní, nai n-édaigi lígda lennmhaisecha, &
1862] nái scéith & nái slegha & nái cloidim inntláis órdhaidi, & nái coin
1863] caeimh-shelga duit.’ Ocus do thimnadar ceileabrad, & do fhácbatar
1864] bennachtain, & rucsat buidechus, & gér'bh fada an cath-sin, ba
1865] foidi le Derg n-Dianscothach (scarad) le(a) choicle & le a chomhalta
1866] bhudhéin, ór nír' faide leis in lá do scar re Find & risin
1867] Féin iná in lá-sin.

¶ 147.
1868] Táinic roimhe Cáilte in naenbhar óclach sin, & do bí a
1869] Sliabh Cuire & a Sliabh Cairbre & a Sliabh Céide budhtuaidh
1870] & do Chathair Daim Deirg, & nír' chian do bátar ann, co facadar
1871] in dias niamhdha n-dath-áluinn ara cinn isin carn .i. óclach áluinn &
1872] ríghan a com-aeisi 'na fharradh. Fiarfaigis an t-óclach scéla do
1873] Cháilte, & do innis Cáilte a scéla dho. ‘Do mhuintir Finn meic
1874] Cumaill dam, & Cáilte mac Rónáin m' ainm. Gá comainm thúsa,
1875] a óclaich?’ ar Cáilte. ‘Eoghan Flathbrughaid m' ainm’, ar sé, ‘& do
1876] shen-mhuintir Chair(bri) Lifechair mheic Cormaic dam. Ocus Becnait
1877] Banbhrugaid
ainm (na) mná maithe si, & com-aeis dam-sa & di. Ocus
1878] as slan deich fichit bliadan duin araen.’ ‘Na(ch raibi){folio 172a1}
1879] maithes mór-adhbhul acat-sa, a óclaich?’ ar Cáilte. ‘Ro bhói immorro’,
1880] ar Eogan, ‘ar ní raibhi ó Es Ruaid Meic Mhodhuirn gu
1881] Cnoc in Fhomhoraich budhthuaid, re n-abar Torach thuaiscirt
1882] Eirenn nach raibhi finn-airghi gach re m-baile nó gach treas baili
1883] dib acam.’ ‘Cidh ro dhíghbadh sin’, ar Cáilte. ‘Torathar táidi &
1884] fomor fir-grána & mac mí-raith ro mhill sinn, & ro chaith na secht
1885] tricha cét comlána co na fil nech re gabáil forba na ferainn co ro
1886] fhásaigh uile arna n-díthugad-som, & ro dighbadh & ro airg
1887] mhisi dano acht oct fichit find-airghi do deired mo mhaithiusa
1888] ocum.’ ‘Cáit a m-bí in fer-sin?’ ar Cáilte. ‘Carrac comdaingin
1889] cloichi atá rinn atúaid ar an cuan coimlethan, is ann bhís, &
1890] beiridh lán a luinge leis a triur muinntiri & comhlín ceithre cét
1891] é féin, & comlín tri cét a chú, & {SG 136} comlín tri cét a ingen, & ní
1892] chumngann nech ní dóibh.’ ‘Cáit a tic-sium isin cuan?’ ar Cáilte.


p.54


1893] ‘Risin m-baili aníartúaid amne’, ar Eogan. Do bádar ann re
1894] h-edh na h-oidhchi-sin, & ro freastladh & ro frithoiledh da gach
1895] leith iat.

¶ 148.
1896] Do éirigh Cáilte a oenar cu moch arnamhárach, & ro ghabh
1897] a sciath & a chloidem & a dhá shleig, & táinic roime cusin
1898] carraic n-di-thoghlaidi do thaeibh an chuain, & do bí re h-edh &
1899] re h-athaid ann, co facuidh in curach da innsaigid, & triar isin
1900] curach .i. madra gairbh-fhindach glas-odhar & slabrad agarb
1901] iarnaidi ima bhrághait, & scailp ingin maeili duibhi fa cosmail
1902] re beinn cairrgi do chéin h-í a tosach in churaig, & birga imdaingen
1903] iarnaidi ina láim, & in t-eathach a n-deiredh in churaig,
1904] & do gabsat cuan & calad a comfhocus do Cháilti, & do gab
1905] gráin & egla Cáilte rompa. Adubairt an fer mór re a ingin:
1906] ‘Oslaic don choin’, ar sé, ‘& léic cum in aen-duine móir út
1907] h-í cu ro loingi a lór-dhaethain de re n-dul ar fect & ar turus.’
1908] Ocus ro osluic an ingen don choin, & gabus gráin & egla Cáilte
1909] roimpi nar' ghabh riam a cath ná a comlann. Ocus adubairt:
1910] ‘Mo Dhúilium & mho Tháilgenn uaim-se an bar (n)-agaid’ , ar
1911] Cáilte. Ocus gothnait umhaidhi do bhí aigi ro di(braic rod
1912] n-urchair di cum na con, cu tarla in dara (cenn don bhi)r isin
1913] carput uachturach & in cenn (ele isin carput)íchtarach, cu ros-dúin
1914] a glomar, ‘ocus do thuit asin curach (co)mad i n-domain in
1915] mara fuair bás’ {folio 172a2} & do chuir in tonn i tír h-í iarsin.)

¶ 149.
1916] Táncatar an dias eli a tír ar amus Cáilti, & do comraicset
1917] co dána dúrcraidech ris, & tuc an ingen .xxx. gon ó ladhair
1918] a choisi có a urla air, & tuc Cáilte béim cloidim di gur' léic
1919] a h-abach & a h-inathar aisdi. Ocus ro dhánaigh & ro dhíchraigh
1920] in comrac risin b-fer mór, & do-ríne trí h-oirdne ur-granna dhe,
1921] & ba h-í in treas ordu dhíbh, a cenn. Ocus do ben a trí cindu
1922] dib, & tuc leis iat cum na bruidhne, co tech Eogain.
1923] Do éirigh Eogan & muinter Cáilte, & tucsat aithne ar na cennaib-
1924] sin, & ro altuighset in gnímh, & is Cailte co h-anmhunn étlaith.Cáilte cecinit:

    1. 1926] {§}I n-adhaigh a tigh Eogain
      is im craide ata a beo-ghuin,
      1927] facaim Maelan is a chú
      ar in tracht, na comnaidhiu.
      §

    2. p.55

    3. 1928] Marbaim Maelan is a cú
      is a ingin can caem-clú,
      1929] ó maidin co trath érgi
      ro bo cruaidh ar comergi.
    4. 1930] Gachar' shires tess is tuaidh
      don doman co mét mor-shluaigh,
      1931] ní fuaras i n-uair na a ló
      a comolc na h-aidci-so.

¶ 150.
1932] Ocus ro thuitset taisi & táimnéllu fair, & tucad losa ícce da
1933] innsaigid, & bái re h-edh caicdhighis icá leighius, co n-dernad
1934] sleman sláin-chréchtach dhe.
1935] ‘Imthect acainn amárach’, ar Cáilte, ‘& bennacht fhácmaid
1936] acaibh-se.’ ‘Beir buaid & bennachtain’, ar Eogan,
1937] Ocus ro thimnadar ceilebrad d' Eogan, & táncatar
1938] rompa assin co Tulaig na Céd, risi ráidhter Tulach Dá
1939] Ech
isin tan-sa, & do Chuillendros na Féinne budhtúaid,
1940] & do Churrach {SG 137}na Milchon, re n-abar Currach na Cuan, & do
1941] Bhoith Chnó budhtúaid, áit ar' thaispen an eicsi cenn do Lugh
1942] Lámhfhada
mac Eithlenn, & in bhaile a rucadh Colum Cille mac
1943] Feidlimid, & do Dhoire Guill budhtúaid. Ocus ac toidhecht
1944] dóibh dar bord in daire amach co facadar in t-aen-óclach & a
1945] druim re cairthi comdaingen cloichi, & brat corcra corr-thurach
1946] uime, & dealg óir isin brut ós a bruinne, & inar maeth-sróil
1947] uime, & dá choin caeim-shealga 'sna láim, & cuanart gadar 'na
1948] fhiadhnaise. Bennachais Cáilte don óclach, & freagrais in t-óclach
1949] in bennachad. ‘Cia danad muinter sibh-se?’ ar in t-óclach.
1950] ‘Ní mharann ar triath ná ar tigerna .i. Find mac Cumaill’,
1951] ar Cáilte.

¶ 152.
1952] Is annsin ro cháieasdar an t-óclach déra falcmara fír-truagha,
1953] gur' ba fliuch blaei & bruinne dho. ‘Cia thusa amhlaid,
1954] a óclaigh?’ ar Cáilte. ‘Do-ghén mo shlonnad duit-si’, ar
1955] éisium: ‘Donn mac Aeda, mheic Garaid, meic Morna, misi.’ ‘Do
1956] ba mhaith h' athair’, ar Cáilte, & adubairt:

    1. 1957] Rob é in bríghach buan-bladach
      dob é in fénnid fír-ghalach,
      1958] dob é in ghég toraid co m-blaidh
      re fogail séd in domhoin.

¶ 153.
1959] ‘Maith, a anum, a Cáilte’, ar Donn: ‘in fuil sleagh m' athar
1960] acut-sa?’ ‘Atá cidh a sciath & a chloidem’, ar Cáilte. ‘(Ar fír)
1961] do ghaili & do ghaiscid frit’, ar Donn, ‘innis d(am an fochaind)


p.56


1962] bhunaid umar' marbad h-é.’ ‘Indeos(at duit)’, ar Cáilte, ‘uair
1963] {folio 172b1} isam meabruch ann’.

¶ 154.
1964] Dubh Dithre righ-fhéinnidh fhiann Osraige do mharbad dot
1965] shen-athair-se do Gharadh mhac Mórna, & Carrac Guill do
1966] ghabháil ar Goll mac Morna thiar, & tri catha na Féinne do
1967] beith ac forbhaisi fair gu cenn caeicdighis ar mhís ann, & a
1968] bheith nái n-aidchi gan bhiadh, & scithlim do dul ar a luth &
1969] ar a lámach, & dul do Muc Smaili mac Duib Dithre anund
1970] isin carraic, & Goll do dícennadh a fiadhnaise fhiann Eirenn,
1971] & tuc leis in cinn d' innsaigid Fhind, & do bhí h' athair-se ag
1972] iarraidh dligid & cora ar Muc Smaile .i. inneoch ro búi idir
1973] rígh & óclach do tabairt dó.

    1. 1974]
    Cáilte cecinit:

¶ 155.
1977] Ocus adubairt h' athair-se coimdhilsi do lécen etorra & Muc
1978] Smaile
. ‘Do-bér-sa comha duit, a Aedh’, ar Muc Smaile. ‘Gá
1979] coma sin?’ ar Aedh. ‘Do-bér’, ar eisium, ‘dá shleig Guill meic
1980] Morna, & {SG 138} sciath Cairill í Conbroin, & corn Duibh Dithre, &
1981] cloidem Muirinne Macha do bhí ac Goll, & muince sealga
1982] Sigmaill, & misi’, ar Cáilte, ‘do-chuaidh lesin techtairecht’: dia
1983] n-ebrad in láid:

    1. 1984] Tiagat techta uainn cu h-Aedh
      ráidhid risin segainn saer
      1985] ar gealladh dó, toluibh gal
      co bráth nocho coimeltar.
    2. 1986] Targa dho muinci sealga
      tucad d' Finn as Síth Nennta
      1987] gan cor no a fhiadh tar cladh
      nócha teit gan a mharbadh.
    3. 1988] Targa sciath Cairill co m-bloidh
      do bhidh air isin imghoin,
      1989] suairc in sét in sciath scenmdha
      gráin céd ara tigerna.
    4. 1990] Targa dho in cloidem catha
      do bídh ac Muirinn Macha,
      1991] Targa fós corn Duib Dhithre
      gidh do bádhus ga dhicleith,
      1992] geall caeca mogadh tar muir
      atá d' ór ana borduibh.
    5. 1993] Targa dhá sleig, monar n-glé
      co crannuib ruis ro-bhuidé,
      1994] gid beg a fuili nó a loit
      is marbh gach duini a tiagoit.
    6. 1995] Ocus gé tharga-sa sain
      nír' gabhsat Clanna Garoidh
      1996] ar imad a slóg 'masech
      na mac mór fial-gharg fuilech.
    7. 1997] Do faeth le Cloinn Morna moill
      Findtan Ferrda a Feadhaibh Cuill,

      p.57


      1998] Banbh Sinna Sciathbreac in áigh
      ocus Finn Mór mac Cuáin
    8. 1999] Sirit ar Mac Lugach lonn
      a éraic ór do gon Goll
      2000] is ar Cáilte is airm géir gloin
      'sar
      [gap: extent: 4 syllables]
      a Luachoir
    9. 2001] (Óclach do thuai)th Temra Breag
      do fer cuinnscleo re Goll n-geal,
      2002] mael-gorm {folio 172b2} 'san treas, ferdha in roinn
      dar' ainm Flaithius
      2003] Firáloinn
      .
    10. 2004] Dá m-beitis trí caecait mac
      ag Goll gasda na n-geal-ghlacc,
      2005] nír' bo annsa le cloinn cain
      ná lim-sa mo dhegh-athoir.
    11. 2006] M' athair-si Dub Dithre dian
      féinnid forusda fír-fhial,
      2007] ni chlos a écnach a cath
      fa maith a lúth 'sa lámhach.
    12. 2008] Ráidh risna feruibh ní gó
      uaim ní bérat ní bhus mó,
      2009] nái cét is a n-druim re feart
      isin tulaig a tiagat.

¶ 156.
2010] ‘Ar fír do ghaili & do ghaiscid, a Cháilti’, ar Donn, ‘tabhuir
2011] arm-gaisced mh' athar dhamh.’ ‘Do-bhér immorro’, ar Cáilte, ‘dóigh
2012] ba fial-nár fria h-athchuingid h-é féin.’ Ocus tuc Cáilte arm-ghaisced
2013] a athar uili dhó. ‘Tabair eolus dúin anosa, a Dhuinn’,
2014] ar Cáilte. ‘Cia h-áirm a sire eolus, a righ-fhéinnid?’ ar Donn.
2015] ‘Do tigh Conaill meic Néill, rígh Ceneoil Conuill.’


    2016] Cáilte cecinit:
  1. 2017] A Dhuind tabair eolus dún
    gan meirg ocus gan mhí-rún,
    2018] ór atái at aenar male
    tar éis h' féinne is h' foirne.
  2. 2019] do-chuadar as Meic Morna.
    adbar bróin is bith-dogra,
    2020] deich cét laech, ba h-edh a lín
    dob é in t-oirecht gan imsním.
  3. 2021] Adeirim-se rib-si de
    bidh fír gach a ráidhem-ne,
    2022] re taeibh óir is arcait uill
    fo-ghébha sin uaim, a Dhuinn.

¶ 157.
2023] ‘Raghat-sa romat-sa annsin’, ar Donn, ‘uair derbbhráthair
2024] mo mháthar h-é, & as é ro oileasdar mhé, & gidh aigi-sium atá
2025] in ríghi is acam-sa atá a tóthacht.’ Ocus do ghabh Donn a
2026] arma & táinic {SG 139} roime co tech Conuill, co Dún na m-Barc. ‘Innis
2027] scéla dhuinn, a Dhuind’, ar Conall mac Néil. Do indis Dond
2028] mar tuc Cáilte na h-airm dhó féin & a beith ar sligid cum in
2029] righ. ‘Do-gébhu-som sin’, ar Conall, ‘ór as do Leith Cuinn dó,
2030] & ar a n-derna féin do maith.’ Ro thaisfen
2031] Donn na h-airm & na h-il-fhaebair tuc Cáilte dhó. ‘Is ó deg-dhuine’,
2032] ar in t-airecht, ‘fríth na h-aisceda út.’ ‘As degh-dhuine immorro’,
2033] ar Conall, ‘ór ni dubhrad mac ócláich re duine budh fherr anás.’
2034] Ocus do-riacht Cáilte reme dar Sruth na Feindi fothuaidh, &


p.58


2035] tar Ard na Macraidi, risi n-abar Ard n-Glas isin tan-sa, & d' Fid
2036] Mór
, co facatar in dunad uaithib
. Ocus mar at-conncas
2037] Cáilte cum in dúnaid, do éirigh Conall co maithibh a
2038] shlóigh & a mhuinntiri d' ferthain fáilte re Cailte, & suidis Cáilte
2039] ar in carn a n-dorus in dúin, & suidhit in slúag uime.

¶ 158.
2040] Do fhiarfaig Conall do Cháilte, ‘crét ima tucadh Carn Gairbh
2041] Daire
ar in carn-so?’ Do freagair Cáilte in ceisd-sin, ór is
2042] aigi do bhí a fis. ‘Óclach gráda dh' Find mac Cumaill do bói
2043] ann so’, ar Cáilte ‘.i. Garbh Daire mac Aenghusa mac rígh
2044] {Laud 610 folio 123a} fer Muman andes, & ro bói ac dénam t-shelga
2045] laithi n-aen annso, & ro bí selg taidiur taibs(en)ach aigi,
2046] & ro marb tri chaeca dam & tri .l. muc & tri .l. eilit,
2047] & at-conncadur lucht in tíre & in fheraind sin, & ro lingset chuice,
2048] & rucsat a fiadach & a t-shelg uaide, & atorchair tri cét óclach
2049] leis ac breith a t-shelga uada, & ro iadsat lucht in tíre uimme, &
2050] do-rigned ubhall im rendaib de, & ro marbad h-é, & do-riachtamar-ne
2051] tri catha na Féinne da dighailt, & do falmaigemar in
2052] chrich & in ferann, & ro marbsamar trí ríga in tíre, & ro éladar
2053] drong aile a n-ailenaib, conar' fhacamar acht beccan díb gan
2054] marbad.’ Ocus adubairt Cáilti:

    1. 2055] Marbad Gairb Daire issin traig
      Cenel Eogain imlain,
      2056] marb-sum coeca laech malle
      sunn a n-díghail Gairb Daire.

¶ 159.
2057] ‘Ocus is sé atá issin charnn-so cona arm-gaisced, & is aici
2058] ro bói slabrad Logha meic Eithlend ro bíd ac comet braiget
2059] Mac Miled & Tuaithe Dé Danann aici.’

¶ 160.
2060] ‘Ro bad maith lind’, ar Conall, ‘na h-airm & na h-il-fhaebair-
2061] sin d' fagbail.’ ‘Mad maith let’, ar Cailti, ‘tochailter in carnn
2062] anocht.’ ‘Ní h-ed’ , ar Conall, ‘acht tochailter amairech h-é, uair
2063] adhaig ann, & ól & áibnis do-gentar acaind anocht.’ Ocus tangadur
2064] rompo issin m-bruidin moir, & tucad Cailti cona muintir
2065] í tech n-derrait n-diamair, & ro frithailed iat commaith, & is sí
2066] bá ban-cheili do Chonall, Bé Bhind ingen Muiredaig meic Fhínnachta,
2067] ingen g Connacht. ‘Maith m' anam, a ingen’, ar Conall,
2068] ‘cid fata gairit bes Cailte abhos, tabair proind deich cét cach


p.59


2069] láe dó, & cuirter ocht fichit bó a fér-gort gabala ina chomair,
2070] & a m-blegon cach n-áidchi dó, & in nech do-berthar do as &
2071] do lemnocht uaithib a tabairt dó
’.
2072] Ocus ro badur ann re h-ed na h-áidhchi-sin co tainic lá
2073] cona lan-shoillsi arnamairech, & ad-rachtadur ann dochum cairnn
2074] Gairb Daire, & ro tochlad in carnn, & frith Garb Daire ann cona
2075] arm-gaisced, & frith slabrad Logha meic Eithlenn ann, & frith
2076] in sciath imlan amal tucad ré thaeb h-é, & tucad na h-airm
2077] imshlán anís, & tucad in cend & in fer fa mó no bith
2078] issin tulaig-sin do thoilled ina t-shuidhe ar lar chind ind ócláig-
2079] sin. ‘Is mor in cend, a m' anum, a Chailti’, ar Conall. ‘Is
2080] mor’, ar eissim, ‘& is maith in tí ar a raibe’, ar Cailte, & tuc
2081] Cailte na h-airm-sin do Chonall, & ro bói in slabrad aici féin
2082] da thabairt do naem Patraic, & ro muired in fert 'ar sin, &
2083] tancatar sun anund iarsin, & ro batar re teora la & re teora
2084] aidchi and
.

¶ 162.
2085] Is annsin ro fhiarfaig Conall Mor mac Neill do Chailti:
2086] ‘Atá ailén ar in muir-sea ar comair amuig & dúnad ann &
2087] annlacud mor annsein, & ní fhetamur crét da fuil.’ Ocus is ann
2088] sin ro cháiestar Cailte ica cloistecht-sin. ‘Ar fír do gaile & do
2089] gaiscid riut’, ar Conall, ‘tarra-sa linde da fhechain.’ ‘Dar mo
2090] breithir ám’, ar Cailti, ‘is sé-sin in tres inadh a n-Eirinn nar'
2091] b' áil lium-sa do fheicsin tar éis na muintire moiri maithe ro bói
2092] ann, & gid ed rachat let-sa amairech ann, a Chonaill’, ar Cailte.

¶ 163.
2093] Ro badur ann co tainic lá arnabarach. Ad-racht Conall
2094] & a ben & sluaig in baile uile, uair fa h-irgairidugud menman
2095] & aicenta leo eistecht re Cailti, & tangadar
2096] {folio 123b} réompa chum in dúnaid anunn, & ro t-shuidestar Cailti
2097] ar in firt ro bói issin dúnad, & .iiii. .ix. traig do Chonall i fat
2098] in fherta & ocht traigthi .xx. ina leithet. ‘Maith m' anam, a
2099] Chailti’, ar Conall, ‘ní h-inganta lium-sa ní da facca riam ina in
2100] fert-sa, & indis duind ciasa fert so?’ ‘Ader riut a fhírinde’, ar
2101] Cailte, ‘.i. fert in cethramad ben is ferr ro laighestar lé fer a
2102] n-aen-aimsir fria.’ ‘Cia na ceithri mná sin?’ ar Conall. ‘Sadb


p.60


2103] ingen Chuind Chétchathaig’, ar Cailte, ‘& Eithne Ollamda ingen
2104] Caithír Moir, & Ailbe Gruadbrec ingen Chormaic, & ben in
2105] lectha-so .i. Berrach Brec ingen Chais Chuailgne, ingen rig
2106] Ulad atuaid, ban-cheile grádach Fhind meic Cumaill, & má ro bói
2107] maithius imarcraid a mnái díb-sin is inti-si ro bói, & is ana
2108] tigh do bith in t-áighi ollaman ó luan taite t-shamhna
2109] co taite n-imbuilg, & a rogha dó imthecht nó beith acon muintir
2110] ossin amach, & in duine nach faghad a daeithin airm no etaig
2111] do-bered si do a daeithin o ladhair a choissi co urrla.’ ‘Adhbur
2112] a h-aidheda?’ ar Conall. ‘Ata lim-sa duit’, ar Cailti .i. mathair
2113] & athair Guill meic Morna ro ailestar h-í, & ní raibe do chomalta
2114] mná acco-som acht h-í, & ro cuindig Find ara h-athair h-í
2115] .i. ar Chas Chuailgne ríg Ulad. Ocus adubairt nach tibred
2116] d' Fhind h-í munbad deoin le Goll mac Morna, & siris Find ar
2117] Goll a chomalta, & {SG 141} adubairt Goll: ‘Fuil coma ara tibar-sa duit
2118] h-í’, ar se, ‘.i. gan a léicen tre bithu’, ar Goll, ‘& a beith don
2119] tres mnái accut, & gan a h-éra um ní da cuindigfea ort.’ ‘Do-bér-sa
2120] sin duit-siu uile’, ar Find, ‘uair is maith in ben.’ ‘Cia
2121] bus chuir duind?’ ar Goll. ‘Do ragha cuir duit’, ar Find, & tuc
2122] Find a tri comaltada féin ac coraigecht fria .i. Daigri &
2123] Garad & Conan. Ocus do bói ac Find co ruc tri meic dó .i. Faelan
2124] mac Find & Aed Bec mac Find & Uillind Faeburderg mac Find,
2125] & do bí 'na mnái grádaig ac Find nóco n-dechadur a comaltadha-
2126] si .i. Clanna Morna ar foghail & ar dibeirg ar Fhind, & deich cét
2127] ar .xx. cét óclach a lín. Ocus adubairt Cailti:
    1. 2128] Is eol dam in lín atat
      Clanna Morna na mor-bárc,
      2129] ocus gar aírem na fer
      tar cach múr, tar cach maigen.
    2. 2130] Deich cét ar fichit cét ann
      do Clannaib Morna miad clann,
      2131] cóic cét déc ó sin amach
      lín a ríg is a taissech.

¶ 164.
2132] Lodur maic Morna co Daire Tharbgai i cuicid Connacht, &
2133] rucadur tri catha na Féine orro ann resíu deirgedar assa longport
2134] amach, & ro thuitset .u. fhir déc dighraisi deg-armacha do
2135] Macaib Morna issin Daire.

¶ 165.
2136] Is annsin ad-racht in milid mor-chalma .i. Goll mac Morna,
2137] & tuc sciath tar lorg doib, & nír fhétsamar a bec doib o sin o


p.61


2138] ro gab Goll a sciath fair. Ocus do-ronsat Clanna Morna comairli
2139] gan nech issa caradrad do biad fria Find, & frissin Feinn
2140] do léigen cen marbad uile, & is se thuc in chomairli-sin .i.
2141] Conan Mael mac Morna, uair ba trotach airechta, {folio 123b1}
2142] ocus ba deabthach muintire, & ba h-imchassaidech sluaig
2143] & sochaide. Tangadur rompo Meic Morna conice in faichthe
2144] fér-glais seo, & do badur 'ca rada créd do-géndais re Berraig
2145] Bricc
ingen Chais Chuailgne .i. re comalta bodéin, & adubradur
2146] coma do tabairt di .i. a seoit & a maine & a h-indmusa do
2147] breith di lé, & Find d' fhacbail, & nach bad ecail lé ní cen no
2148] beidis-sim béo. ‘Truag sin ám!’ ar Berrach, ‘inn é m' olc-sa
2149] do b' ail lib do dénam, a chomaltada craide?’ ‘Is sé immorro’,
2150] ar siat, & adubairt-si: ‘Nocho treigiub-sa mo cheile & mo chóem-lenann
2151] & mo chét-muinter .i. Find mac Cumaill ríg-fhéindid Fiann
2152] Eirenn & Alpan oraib-si etir.’ Ocus do eirgedur Meic
2153] Morna
in cath-grinde ro badur chum in baile, & tuc cach a
2154] lám i l-láim a chéili immon m-baile, & do chuiredar teindte
2155] cacha slessa issin m-baile. Ad-racht in rígan rosc-lethan &
2156] .xxx. da bantracht lé assin baile amach, & do-condairc Art
2157] mac Morna h-í do scemel in dúnaid ac dul ar in n-geltracht n-gainmidhe amach chum a luinge, & tuc a chorr-mér a suainem
2158] na sleige & tuc rót n-urchair di, & at-chualaid in rigan fidhrén
2159] na sleige, & impais a h-aighed rissin sleig co tarla ina h-ucht
2160] & ina h-urbruinde di h-í, cor' briss a druim ar dó & co fuair bás.
2161] Ocus rucad suas {SG 142} 'arsin léna muintir féin h-í 'ar n-argain in
2162] dúnaid, & ro h-adhlaiced h-í issin dún, & is h-í atá issin firt-sa,
2163] ar Cailte. Ocus adubairt Cailte:
    1. 2164] Berrach Brecc
      ingen Cais Chuailgne nir' cert,
      2165] robo rigan fhuilt buide
      ocus dirma deg-duine.
    2. 2166] Do marbad h-í ar in tráig
      dob é-sin in gnim nar' thlaith,
      2167] do-radad teine 'na dún
      rob í in fogail gan mí-rún.
    3. 2168] Tri cét sciath ina tigh tall
      tri cét brandub is fidchell,
      2169] is tri cét bleide ré h-ól
      risa tabartha derg-ór.
    4. 2170] Ni ro h-ér sí duine riam
      uair fa maith a cruth 's a ciall
      2171] in bail i tá a lecht co m-blaid
      risa raiter Fert Berraig.

    5. 2172]

      Berrach.


p.62

¶ 166.
2173] ‘Ocus atá fuibh-si sunn’, ar Cailte, ‘in ben issa fert & isa scela-sin.’

¶ 167.
2174] Ocus at-racht Cailti iarsin, & tuc lám rissin m-baile bothuaid,
2175] & tangadur cach ina diaid, & tuc a lám ar lia cloiche ro
2176] bói a slis in dúnaid amach, ocus ‘a firu’, ar se, ‘gabaid leith-chenn
2177] na cloiche & léicid dam-sa in cend aile.’ Ocus tangadur na sluaig
2178] da indsaigid, & nír' fhetsat ní di. ‘Cait a fuil’, ar Cailti, ‘Dond
2179] mac Aeda meic Garaid?’ ‘Sund’, arse Donn. ‘Eírig’, ar
2180] Cailti, ‘am aghaidh , ór mac curad & cath-miled thú, & da faghaind
2181] étail fan cloich, do-béraind a trían duit.’ Do eirgetar
2182] araen do h-indsaigid, & tucsat sreng-tharraing bodbda urri, &
2183] do tharraingset co lonn & co lan-laitir, cor' chuirset ré lar &
2184] re lan-talam h-í.

¶ 168.
2185] ‘Ad-rae buaid & bennacht, a m' anam, a Duind’, ar Cailti,
2186] ‘is ferr dam do chungnum amain ina cungnum muintire Conaill
2187] uile. Ocus cáit a fuil Conall & in rigan & Donn?’ ar Cailti.
2188] {folio 123b2} ‘Sunn’, ar siat. ‘Eirgid issin n-uaim anunn’, ar
2189] Cailte, ‘ocus atáit tri dabcha inti .i. dabach oir & dabach
2190] aile lán do cuachaib & do chopanaib & do chorrnnaib inti, &
2191] dabach lán d' airgget, & na tabraid dona sétaib dam-sa acht mad
2192] in Cráeb Glasach .i. claidem sliasta Find, & escra láma Find,
2193] co tucar do Patraic iat, uair ata tri .l. uinge d' ór & tri .l.
2194] uingi d' airget & tri .l. gem glainidhe ina chomecor.’ Ocus do-cuadur
2195] a triur issind uaim, & tucsat a n-airi léo do cach maith
2196] díb-sin, & téit in sluag uile isin n-uaim & tucsat a lór-doethain
2197] léo, conach raibe fine nonbuir dib gana n-daethin d' ór & d' airget.

¶ 169.
2198] Is andsin tainic a charpat chum Conaill. ‘Eirg issin
2199] carpat, a Cailti’, ar Conall. ‘Ricim a les’, ar Cailti, ‘uair is
2200] scithech mé isin airechtus’. Ocus do-chuadur issin carpat.
2201] Do greis Conall brod forsin echraid, & do-chuadur siar co
2202] Tráig Conbice, & do fhiarfaig Conall: ‘Cid fa tucad Tráig Chonbice
2203] ar in tráig seo, a Cailti?’ ‘Ní ansa’, ar Cailti. ‘Cú
2204] grádach do boi ac Find .i. Conbec a h-ainm, & in fiad risa
2205] licthea h-í ní fhaghad a dín a n-Eirinn, noco tabrad a cend
2206] chon & gilla {SG 143} fhiann Eirenn, & nír' loigh cú a n-aen-lepaid ré
2207] Find riam acht h-í, & is ann so ro báid Goll mac Morna h-í,


p.63


2208] & do chuir tonn tuile annso fo thír h-í, co fuil fan carnn n-glas
2209] at-chi a cind na trága’. Cáilte cecinit.
    1. 2210] Truag lem oidhed Conbice
      Conbec ba lór a gloine,
      2211] ni fhacca bud chrob-glici
      a n-diaid muici ná oighe.
    2. 2212] Soeth lium oidhedh Conbice
      Conbec in gotha gairge,
      2213] ní fhacca bo chrob-glicci
      ic marbad doim na h-airde.
    3. 2214] Bid saeth lem 'ga forngaire
      os tonnaib arda uaine
      2215] a h-oidhed bá comraime
      a bás is lor a truaigi.
      2216]

      Truag lem.

¶ 170.
2217] Tangadur reompo co Dún na m-Barc ind aídchi-sin, &
2218] iarnamairech adubairt Conall re Cailti: ‘ata druim annseo i
2219] comfhocraib duind .i. Druim Náir ainm in droma, & ata mucc
2220] ann, & ní fhetait coin na dáine ní di.’ ‘Ro bádus la’, ar Cailti,
2221] ‘& rob fiadaigi maith muici mé, & cáit a fuil Donn mac Aeda
2222] meic Garaid?’ ar Cailti. ‘Sunn’, ar Donn. ‘Gab t' airm & denam
2223] d' fhiadach na muice in lín Feinde atámait’. Ocus ro gluaissidur
2224] rompo & tangadur issin druim anund, & at- chonncadur in
2225] mucc ann & .ix. fiacla asa carbut uachtarach &
2226] náe fiacla assa carpat ichtarach, & ro screchastar in mucc ic
2227] faicsin na con & na fer mor, & ro gab gráin & ecla iat-som
2228] roimpe. ‘Lecar etrum-sa & in mucc’, ar Donn, ‘& is cuma mo
2229] betha no ma bás’. ‘Aiscid churad chuingi’, ar Cailti, & do indsaig
2230] Dond in mucc, & ac drud don muicc chuici tuc Cailti
2231] sádhud don t-shleig inti co rainic on oscail có cheile di, & fuair
2232] in mucc bas léo mar sin, & nír fhetsat a breith assin nó co tainic
2233] sluag Conaill uile ara cend, & tucad i fiadnaissi Chonaill h-í.
2234] ‘Is mor in mucc’, ar Conall. ‘Is fir’, ar Cailte, ‘uair is sí
2235] sin in Muc t-Shlanga, & is immá leithéit-sin tainic {folio 173b2}
2236] (olc) Cloinni Morna & Cloinni Báiscni.’
2237] Ocus nír' chian (ro batar ann co facatar) {folio 174a2} in
2238] móirsheiser gilla mór cucu. ‘Can asa táncabair, a ógu?’
2239] ar Conall mac Néill. ‘Táncamar’, ar siat, ‘ó Phádraic mac
2240] Calpuirn & ó Oisín mac Find & o Dhiarmaid mac Cerbaill ar
2241] do cenn-sa & ar cenn Cáilte.’ ‘Ní h-éiter lim-sa dhul ann aniu d' éis


p.64


2242] mu shealga, & éirigh-se ann, a Conuill’, ar Cáilte, ‘& beir let na
2243] h-aisceda út .i. in t-eascra do bhí ac Find do Phátraic, & in
2244] Craebh Ghlasach, claidem Find, do Diarmait mac Cerbaill do
2245] rígh Eirenn, & in muc do marbad ann do ríg Eirenn, ós as í-
2246] so in Mhuc Shlángha, & co faicit cách í & gu roinne Eirenn
2247] dóib h-í idir mhaith & saith.’ Do- rónad uili mar sin, & tucadh
2248] in cloidem i láimh Duinn mheic Aedha meich Gharaidh mheic
2249] Mhorna. ‘A sochar & a dochar in chloidim ort, a {SG page 144}ghilla’, ar
2250] Cáilte, ‘ no gu ria co rígh Eirenn.’ Ocus tuc Conall féin in
2251] t-eascra leis do Phátraic, & tucsat na moghuid an muic leo,
2252] & lotar rompa co ráncadar Cnoc Uachtair Erca, re n-abar
2253] Uisnech isin tan-so, i m- Midi medoin do ló. Ocus
2254] 'ar rochtain dóibh ann is ann do bhói Pátraic i Mullach Uisnig,
2255] & Diarmait mac Cerbaill ara láim n-deis, & Oisin mac Find ar
2256] a láim clí, & Muiredach mac Finnachta Connacht fora láim-sein,
2257] & Eochaid Leithderg Laigen ar a láim-sein, & Eoghan
2258] Derg
mac Aenghusa, dá cóiced Muman, ar láim rígh Eirenn.

¶ 172.
2259] Táinic Conull mac Néill iar sin & tuc a cenn a n-ucht Pátraic,
2260] & do shlécht do. ‘Tar sunn, a Chonaill’, ar Diarmait. ‘A bh- fiadhnaisi
2261] Pátraic biat’, ar Conall, ‘gurab é bias ós mu cinn a
2262] nim & a talmain.’ ‘Rígi uaim-si duit’, ar Pátraic, ‘ocus tricha
2263] ríg dot shíl a ríghi. Mo cathair & mh' abdaine duit fós, &
2264] in neoch fo-ghébh o chóic oll- choicedhaib Eirenn do chaithimh acat.’

¶ 173.
2265] Tuc Conull an t-eascra óir i láimh Pátraic. ‘Do chara
2266] féin, Cáilte mac Rónáin, tuc in aiscidh-sin duit’, ar Conall. ‘As
2267] cara, dar mo bréithir’, ar Pátraic. Ocus tuc Pátraic secha i
2268] láim ríg Eirenn é, & do bhí Eirenn ica fhégad co fada, & adubairt:
2269] ‘Ní facamar riam sét budh ferr iná in t- escra, & dégha
2270] let, a Oisín, cia ica raibe’. ‘Acam athair féin’, ar Oisin, ‘ac
2271] Find mac Cumaill. & tuc do bain-chéli dho é .i. Berrach
2272] Breac
ingen Cais Cuailgne. As í ro marbhsat Meic Morna
2273] ar in foghail, & is deimin leam-sa’, ar Oisín, ‘in tí
2274] fuair so co fuair se in sét eli as ferr do bí a n- Eirinn ná a
2275] n-Albain(.i. in) Craeb Glasach, cloidem Find.’ ‘Atá acam-sa
2276] sunn’, ar Conall, ‘(do rí)g Eirenn & is maith in aithne tucais.
2277] Érigh, a Dhuinn, & tuc in cloidem do rígh Eirenn, ór is do


p.65


2278] tuc Cáilte (é. Ocus tuc in gilla) in cloidem i l-láim Oisín, & ba
2279] lán glac {folio 174a2} Dhuinn do dornchla in chloidim’. ‘Ingnad
2280] lim’, ar Oisín, ‘do glac do línadh don chloidem, ór nír’ lín
2281] glac riam acht glac fhir do Cloinn Bhaiscni nó do Cloinn Mórna.
2282] ‘Can duit a gilla?’ ar Eirenn. ‘Donn mac Aedha, mheic
2283] Garuid, meic Mórna mhisi.’ ‘Dar mu bhréithir’, ar Oisín, ‘do
2284] bo mhaith h' athair & do shen-athair.’ Ocus tuc an cloidem i l-láimh
2285] rígh Eirenn. ‘Caidi dece an cloidhimh, a Eirenn?’ ar
2286] Donn. ‘Cá dece shire?’ ol in . ‘Rígh-féinnidhecht Eirenn amail
2287] bái ag derbbhráthair mo shen-athar.’ ‘Madh cet le h-Oisín &
2288] le Cáilte’, ar Érenn, ‘ragaid dhuit.’ ‘As ced
2289] ámh’, ar Oisín, ‘ór is é mu chet-sa cet Cáilti, ocus as duthaig
2290] do Dhonn h-í, ór ro ghabsat secht rígha uime rígh- féinnidhecht
2291] Eirenn & Alban.’ ‘Is amlaid do-beirim duit {SG page 145}h-í’, ar an , ‘gan
2292] chís gan chánachus óir ná aircit do tabairt duit aisdi, amail
2293] tucad do gach rígh-fhéinnid romut, acht comus sealga & fiadaigh
2294] Eirenn duit.’ Ocus do ghabh- som cuir & tennta ann sin, &
2295] do bhí secht m-bliadna fichet a rígh-fhéinnidhecht Eirenn &
2296] Alban no gur' mharbh Dubh mac Dolair a cath Cuire thall a
2297] n-Albain h-é.

¶ 174.
2298] Tucad iarum in mhuc a fiadhnaisi rígh Eirenn. ‘Ac sin’,
2299] ar Conall, ‘in muc ro mharbh Cáilte & Donn, & tuc Cáilte
2300] duit-si h-í da roinn ar feruibh Eirenn ar dáigh cumad coimhdhi
2301] dóibh a cuid don Muic Slangha do rochtuin dóibh.’ Ocus do
2302] roinn Eirenn in mhuc dona .u. cathaib fichet bátar fir
2303] Eirenn i n-Uisnech gur'bhat subaigh so-brónaigh uili iat. Ocus
2304] ba h-í-sin Muc Shlángha déidhenach do roinned idir feruibh
2305] Eirenn.

¶ 175.
2306] Is andsin adubairt Conoll Mór mac Neil re rígh Eirenn:
2307] ‘Cá breth is áil let-sa do breith ar Cháilte da tí dot innsaigid?’
2308] ‘Proinn deich cét óclach dho’, ol in , ‘& ocht fichit bó do
2309] chur i fér-ghurt gabhála & a loim do thabairt do digh doib
2310] ré loigi & dá chomalta, dh' Oisin.’ Ocus do bátar
2311] ann in adhaigh-sin co h-arabárach.


p.66

¶ 176.
2312] Dála Cáilti immorro, do gabadh eich Chonuill do, & do
2313] h-innleadh a carpat, & táinic roime i fos- mhullach Sléibi Fuait,
2314] & do Chaerthenn Ban Finn, re n-abar Caerthann Cluana Dá Dhamh,
2315] & d' Ard in Ghaiscid atúaid, frisi ráidhter Fochaird Muirthemne,
2316] bhaili a n-derna Cú Chulainn in foicherd gaiscid ar sluaiged tána
2317] bó Cuailngi, & d' Áth na Car- pat budhtúaid, re n-abar Áth Guill,
2318] & d' Echlaisc Ech Con Culainn, re n-abar Lighi in Léith Macha
2319] (iter Dún Dealgain & muir, & do Slíab na Com(
[gap: damage to MS]
)
risa ráidter)
2320] Slíabh Bregh.

¶ 177.
2321] As í-sin aes & uair ro ghabh (íttu Diarmait) {folio 174b1}
2322] mac Cerbaill i Mulluch Uisnigh, & maithi bh-fhear n-Eirenn 'na
2323] fharrad ann, & do fhiarfaig in raibhi uisce a com- fhocraibh do. ‘Ní
2324] fhuil’, ar cách. Do-chuala Oisín sin & at-bert: ‘Sithal damh’, ar
2325] sé, ‘co n-dechuinn d' iarraidh uisci.’ ‘Gilla leat’, ar Diarmait.
2326] ‘Ni thicfa gilla na óclach’, ar Oisín.

¶ 178.
2327] Ad-racht Oisín & do chuir in cairci frith-roisc
2328] for a lurg co nach facad nech a longphurt fher n-Eirenn é, & ráinic
2329] d' innsaigid na tiprat .i. in Findfhleascach tipra Uisnig, & ó
2330] thucadh cath Gabra ní fhuair nech d' feraibh Eirenn h-í co sin.
2331] Ocus ráinic Oisín co grian-tracht an tobair, & at-connuic na h-ocht
2332] n-éicne áilli eochair-breaca ann, ór do bí do dhiamhair an inuid
2333] nar'{SG page 146} ecal leo-sum ní ann, & benais ocht n-gais bhiroir & ocht
2334] n-gais fothlachta, & tuc in t-sithal fón tiprait, & tuc lais na h-ocht
2335] m-bratáin beo ac baeith-léimnech isin t-sithail & na gais birair &
2336] fhothlachta ar a h-uachtar, & táinic roime co h- Uisnech amlaid-sin,
2337] & tuc in t-sithal a fiadnaisi rígh Eirenn, & ba h-ingnad le cách
2338] sin, & do théiged glún Diarmada a m-bun gach gaisi díbh. ‘A
2339] roinn-sút ar dhó’, ar Diarmait, ‘& a leath do Phátraic & a leth
2340] aili dúinne.’ ‘Ní h-amhlaid’, ar Pátraic, ‘ór lia dáibh-si, & roinnter
2341] ar trí iat, & tabar a trian donn eclais, ór as i-sin a cuit féin.’
2342] Ocus do-rónad amhluidh. ‘Maith, a Eirenn’, ar Pátraic, ‘ná
2343] benudh in dias út do chuid nimhe dít-sa.’ ‘Cidh é-sein, a naem Pátraic?’
2344] ol Diarmuid. ‘A mhéd do-beiri dot uidh iat’, ar Pátraic.

¶ 179.
2345] Dála Cailte immorro, indister andso: do-riacht-
2346] sein co faithchi in Brogha atúaid, tar Linn Féig ar Boinn


p.67


2347] bhán-tsrothaig, & lámh des re Cnoc Tlachtgha, & lámh clé re Cnoc
2348] Tailltenn ingine Magmóir
, & a Rót na Car- pat suas i Mullach
2349] Uisnigh
bhaile i r-rabhatar firu Eirenn. Toirlingidh Cáilte isin
2350] aenach, & táinic mara raibhi Pátraic, & táirnes do & tuc a chenn
2351] a n-ucht Pátraic. Éirghis ath- laech do muintir Phátraic roime
2352] .i.Mu Chua mac Lonáin. ‘Maith a anam, a Cháilti’, ar Pátraic,
2353] ‘innis dúin cuich é Mu Chua.’ At-bert Cáilte:
    1. 2354] (Mu Chua) mac Lonáin na lenn
      meic Senaigh arnach saighfem,
      2355] meic Aenghusa in greaga ghuirm
      (meic Mughna,) meic Blait breac-duirn.
    2. 2356] Meic Aedháin, meic (Blae Aeda)
      meic Fhergais, meic Chinaetha,
      2357] meic Fiachach, (meic Airt don Muigh)
      (meic) Muiredaig meic Eogain.

¶ 180.
2358] ‘Crét fuil acum-sa’, {folio 174b2} ar Mu Chua, ‘acht do chuimnigud-sa
2359] a n-ocht trathaib na h-Ecailsi?’
2360] ‘Alléra anís ar mo ghualainn-si, a Cháilti’, ar Diarmait,
2361] ac a gabail ar leth-laim. ‘Ní fer gualann rígh mhe’,
2362] ar Cáilte, ‘acht fer fiadhnaisi rígh, ór mac óclaich mhé, & is
2363] ferr in té atá ar do ghualainn innú-sa.’ ‘Dom bréithir fris’, ar
2364] Oisín, ‘nach ruc ben a com-aimsir frit a n-Eirinn neach dar'
2365] chóir a rádh gur' ferr é fein iná thusa.’

¶ 182.
2366] Is annsin ro fersat fir Eirenn fáilti re Cáilte, & ferais in
2367] fáilte fo trí ris, & tuc Cáilte teora póc d' Oisín, & suidhis ar
2368] a leth-láim. Lán duirn do bhiror & fothlacht búi i láim Oisín tuc a
2369] láim Cáilti. Biror & fothlacht na Flesce so, ar Cáilte, ‘& in fuaruis
2370] iasc innti?’ ‘Fuarus ocht maigre’, ar Oisín, ‘& atá in t-ochtmhadh
2371] maigre acainn araen díbh.’ ‘Dar mo bréithir’, ar {SG page 147}Cáilte, ‘ní roibhi
2372] mo chuit-se riam i l-láim mná ná fhir budh annsu lim innái-si.’

¶ 183.
2373] Is annsin tuc Cáilte a láim a comraidh a scéith, & tuc
2374] slabrad línidi Logha meic Eithlenn ar lár 'na bh-fiadhnaisi. ‘I
2375] Carn Gairb Daire fuaruis in slabradh, a Cháilti’, ar Oisín. ‘As
2376] ann co deimhin’, ar Cáilte. Ocus tuc Cáilte do rígh Eirenn
2377] in slabrad, ocus .u. catha fichet búi in slúag, & do thicedh 'na
2378] timchill & ocht cét óclach do thoilledh ann, & dúnad ar in cét-fer
2379] dhíbh, & gan comus a osluicthi no gun-oslaici in cét-fher.

¶ 184.
2380] Is and adubairt in : ‘Maith, a Cháilti, ba maith in cethrar
2381] bátar a n-Eirinn a n-aen- aimsir .i. Cormac mac Airt & Find &


p.68


2382] Cairbre Lifechair & Oisín.’ ‘Ba maith in t-óclach Cormac’, ar
2383] Cáilte, ‘&dob aithnid do chách maithes Finn.’ Ocus at-bert Cailte:
    1. 2384] Da tísadh fo breith dála
      a mhac cuigi 'sa náma
      2385] ba do maithib líne dhó
      eturra ní bérad gó.

¶ 185.
2386] ‘Ocus, a Cailti’, ar Diarmait, ‘inar' fherr Cormac iná Find &
2387] inar' fherr Cairbre iná Oisín?’ At-bert Cáilte:

    1. 2388] Dar in Rígh fhuil ós mo chinn
      nír fherr Cormac iná Find,
      2389] 's nír' mesa Oisín co m-blaidh
      iná Cairbre Lifechair.

¶ 186.
2390] Is and do fhiarfaig Eochaid Lethderg, Laigen, do Cháilti:
2391] ‘Crét fo-dera d' Finn & don Fhéinn gan in péisd adbal- mór
2392] atá acainn a n-Glenn Ruis Enaigh do mharbad sech gach n-arracht
2393] eli dar' dhíchuir sibh a h-Eirinn?’ ‘Is ed fo-dera sin’, ar
2394] Cáilte, ‘in ceathramad rann d' inchinn Mes Gedra h-í, & ro sluic
2395] in talam ann h-í co n-derna peisd adbul- mor di. Ocus ní raibhi
2396] a n-dán dúinne a marbad no gu toirsedh an Táilcend & deiscibul
2397] da mhuintir chenglus d' aen-shifinn luachra ar deiredh na h- aimsiri
2398] h-í, & biaidh isin cengal-soin co tí in b(ráth).’ ‘Cidh uma téígdis
2399] an Fhian da marbad féin (& do mharbad a con) ar an loch-sin
2400] don phéisd?’ ‘Leannán sídh(e) {Laud 610 folio 124a1} do bói
2401] ac Find’, ar Oissin .i. Uaine ingen Moduirnd, & tuc Find éra
2402] tochmairc furri ar a immat d' ilreachtaib a téiged sí, uair ní raibe
2403] bethadach na téighed sí 'na richt, & tangadur ind Fhiann laithe n-aen
2404] ar in carnn os chind in locha-sin, & tainic in fiad amach ar in
2405] loch, & do lenamar-ne ar in loch h-é, & do eírig in peist duind,
2406] & do marb cét cú & cét fer accaind, & is annsin do iarfaig
2407] Cailte do Fhind: in lind tuitfis in peist, & mased co cuirmis ria
2408] & co n-dighlamais ar muintir furri. Ocus tuc Find a ordain fa déd
2409] fis, & ro faillsiged fír faistine dó, & ro ceiled gae fair ann,
2410] & adubairt in laid: {SG page 148}

    1. 2411] Glend Rois Enaig, bid fir dam
      bid bind guth cluic ann nach than,
      2412] gé beth fó damaib ruada
      robsat ili a ard- buada.
    2. 2413] Ro gab in doinend dubad
      ni soinend acht ar selaibh,
      2414] do gab in talam trochull
      do gab cochull cend n- enaig.
    3. 2415] Enach feinde fadb fulaig
      im-rulaig garb re conaib
      2416] siat srotha elta enaig
      rian tregain ter- chtha trogain.

    4. p.69

    5. 2417] Crotholl Feinne fuath curraig
      os duillib ruada rindib,
      2418] sceo gaithi céo tar rindib
      os rengaib leabra ar lindib.
    6. 2419] Coscrach at-chiu-sa an muirbich
      rosc dercain brath tar buidnib,
      2420] taeb-úaine taithnem taidlech
      biaid Cáemgin ga m-bia cuibrech.
    7. 2421] Muirbech lonn Locha h-Enaig
      tonn 'na degaid ad-raigi,
      2422] sissi ac slaidhi na Féinde
      óig na Feinde 'ga slaide.
    8. 2423] Deich m-bliadna ar da bliadnaib
      a h-ocht riagail ar relaig,
      2424] ar da cét deg sét saíre
      gusin áine ro genair.
    9. 2425] Loch n-Enaig adhba elad
      scith cen fhianna 'na fharrad ,
      2426] tailgind contagfat uime
      badh binde chanfat aille.
    10. 2427] Loch n-Enaig adhba ela
      dind m-bera itir da m-broine.
      2428] enach trogain blái théite
      otá in chéiti có 'raili.
    11. 2429] Glend Enaig itir da t-shliab
      iss é is áille at-connarcc riam,
      2430] Abhand Da Loch ar a lar
      iss é lán don leith aniar.
    12. 2431] Bidh adhba ailithrech uar
      bid adba trén ocus truag,
      2432] bid adhnacht rig cend a cenn
      ticfa Cáemgein issin n-glenn.
      2433]

      Glenn.

¶ 187.
2434] Ní h-éitir a indissin na a aisneis neoch ro indisstar do
2435] denam dóib féin do mor-gnimaib gaile & gaiscid & do maithib
2436] na Féine, re táeb dind-senchais cach cnuic & cach fheraind ro
2437] fhiarfaigetar fir Eirenn díb.

¶ 188.
2438] IS ann sin tainic Tamun Trénbrugaid mac Tréin
2439] .i. flaith-briugaid cétach comramach do ríg Eirenn .i. tri. l.
2440] fer mor ina fharrad & faideran fír-gorm im cach fer díb &
2441] fedana find-uma isna brataib os a m-bruindib

2442] & leinti lígdha lán-gela umpu, & tri .l. gabal-lorg ina lámaib,
2443] & ro bennaigedur do g Eirenn & fregrais in iat. ‘Atá
2444] fled mor acaind duit, a ríg’, ar siat ‘.i. deich fichid dabach
2445] do midh, & deich .xx. dabach do chuirm glain gabaltaig cona
2446] daeithin do biadaib ilarda écsamlaib léo’, & tucsat in biad &
2447] in lind léo don ríg. Ocus do fhiarfaig Eirenn d' Oissin: ‘in
2448] a n-aen-tech re maithib Eirenn rachtthaisi nó in tech óil & aib- niusa
2449] ar leith bes accaib?’ ‘Ar cuit bíd & lenda duind
2450] {folio 124a2} ar leith’, arsi Oissin, ‘uair ní lucht comdíne na comaimsire
2451] duind na daíne anois.’ ‘Cá lín atáthi?’ ar Eirenn.
2452] ‘Da naenbur’, ar Oissin ‘.i. nonbur dam-sa & naenbur dom


p.70


2453] chomalta, do Chailti.’ ‘Fiche dabach cona n-daeithin bíd doib’,
2454] ar Eirenn. ‘Maith a ’, ar Cailti, ‘na cutrumaig-siu sind
2455] do bíud nó do lind chaichi, uair in tan do-berthea deich n-dabcha
2456] dam-sa, {SG page 149}.xxx. dabach b(ud) chóir d' Oissin’, Ocus ro chaithedur
2457] ind adhaig-sin co subach so-brónach, co tainic la cona lan-shoillsi
2458] gan uresbaid bíd na dighi forro.

¶ 189.
2459] Ocus do cuired a phupall tar rig Eirenn issin tulaig
2460] thonn-glais in lá-sin, & nír' léiced ach gdamna issin pupaill,
2461] & tainic Patraic cona chleírchib issin darna leth don phupaill, &
2462] nír' léiced acht esgob & sacart & mac ochta rig nime & talman
2463] issin leith i r-roibe Patraic.

¶ 190.
2464] Suidhis Oissin i fiadnaissi Pátraic & Cailti i fiad- naisi rig
2465] Eirenn
. ‘Cia accaib as sine?’ ar Eirenn. ‘Missi’, ar Cáilti,
2466] ‘uair .x. m-bliadna .xx. do bo th-slan dam in tan rucad Oissin & .uii.
2467] m-bliadna déc dó am leapaid-sea, & as mo thigh ro gab feind & foirind.’
2468] IS ann sin do fhiarfaig rig Eirenn: ‘cá lín do rígaib Eirenn
2469] leis a tucad ferann don Fheind?’ Fregrais Cailti sin, or do bói
2470] a fhis aice .i. ‘ ro gabusdur Eirinn .i. Feradach Fechtnach,
2471] & da badur da mac aici .i. Tuathal & Fiacha a n-anmanna, &
2472] fuair Feradhach bás, & do roindset a da mac Éire eturru .i.
2473] seóit & maine & indmusa & buara & bó-thainte, a failgi & a
2474] fornasca, a n-duinte & a n-dingna & a n-deg- bailti don darna fer;
2475] a h-alla & a h-indbera, a mes & a mor-thorad & a h-éicne
2476] aille eochur-breca & a fiadach don fhir aile.’ ‘Cait a n-dernnsat
2477] in roind-sin?’ ar Eirenn. ‘Immon cnoc-so ara fuilmid inar
2478] suidhe do roindset da mac rig Eirenn eturru.’ ‘Ní samlaithi
2479] in da roind-sin’, ar maithe fer n-Eirenn. ‘Cé díb roind bod
2480] ferr lib-si?’ ar Oissin ‘.i. a fleda & a tighi & a maithius archena
2481] issin darna roind dib, a feda & a fassaigi, a selg & a fiadach
2482] issin roind aili’. ‘In roind ba messa díb’, ar Cailti, ‘dar lib si
2483] is sí ba ferr linde.’

¶ 192.
2484] ‘Ráid & indis a fhírinde-siut, a Chailti’, ar Oissin,


    2485] Oissin cecinit
  1. 2486] Raid a Chailti cid dia fuil
    mor eolus ré iarfaigid,
    2487] cét-roind Eirenn leth ar leth
    do cach crich fil um Uisnech.

  2. p.71

  3. 2488] Cia do-rat ferann don Féind
    ind abrai frium a Oisséin?
    2489] cia ro scar re gillacht chon
    cia ros-dil fa thuarus- dul?

¶ 193.


    2490] Cáilte cecinit.
  1. 2491] Mebair lem in ní dia fuil
    a meic ingine in Deirg druin,
    2492] ó ro lessaig Fiacha in Féind
    co ro athrígis-si, a Oisséin.
  2. 2493] Deich m-bliadna do fhlaithius maith
    duit-siu a Ossin, a ard-fhlaith,
    2494] ó rus-brég Fathad in Féind
    co rus-tréigset tú, a Oissein.
  3. 2495] Deg-mac Feradaig dar lim
    dar' bo chom-ainm Fiacha Find,
    2496] Eithne ingen Daire Duib
    ro bí in Morrigu a mathair.
  4. {folio 124b1}
  5. 2497] Feradhach is Fiacho Find
    roindset Eirinn tind a tind,
    2498] badur ar Eirinn co m-blad
    gan chocad, gan chomardad.
  6. 2499] Ruc do roga in mac ba só
    beith ré Féind, ní h-imargó,
    2500] foithri, fássaigi, feda
    aibhne is alla is indbera.
  7. 2501] Ro gab Feradach, dar lem
    airdrígi ar feraib Eirenn,
    2502] a fleda, a thairgthi, a tighi
    a táinti 's a trebaire.
  8. {SG page 150}
  9. 2503] Rígi Feradhaig ba maith
    cor' thuit lé Mál in mac-fhlaith,
    2504] bá tásc rígh ruamnus a gail
    bás in ríg ind áidchi-sin.
  10. 2505] Luid Fiacha a Temraig co rath
    ó do-rochair Feradach,
    2506] gabais nert Eirenn uile
    la marmuir mac Rocraide .
  11. 2507] IArsin do-rat Fiachan in Féind
    do Morna gusin mor-cheill,
    2508] cethrar dóib-sein, dreimne gal
    ina diaid ro gabsatar.
  12. 2509] Morna mac Cairpri co n-gus
    deich m-bliadna dó ina fhlaithius,
    2510] a deich do Garad nár' gann
    nó cor' scarad ré cháem- chend.
  13. 2511] Daighri mac Garaid co n-gus
    cóic bliadna dó 'na flaithius,
    2512] áirim secht m-bliadan gan brath
    Donn mac Morna in deidinach.
  14. 2513] Eochaid mac Nárchada anair
    Fhiann Eirenn a h-Ultaib,
    2514] bliadan co leith a líne
    ós in Féind a n-airdrígi.
  15. 2515] Cas mac Cannáin, cruaid a neim
    aen-bliadan aici a h-Ultaib,
    2516] Duban a mac, monar n-grind
    da bliadain aici áirmim .
  16. 2517] Gabsat a Mumain, miad cealg
    Liath Luachra is Labraid Lamderg,
    2518] deich m-bliadna doib, lith nach gann
    do macaib aithig Árann.
  17. 2519] Trénmor h-ua Baiscne ba baic
    ba h-úa do Shetna Shithbacc,
    2520] sen-athair Fhind, ségda in roind
    athair Cumaill is Crimaill.
  18. 2521] Tarraid Trénmor, trén a báig
    Fianna Eirenn a n-aen- dáil,
    2522] rigsatar a ríg andes
    secht m-bliadna déc a reimes.
  19. 2523] Ro gab Cumall, cruaid a neim
    a l-los sceith ocus chlaidim,
    2524] rígi fá tuc teora cath
    scannlach, congalach, cocthach.
  20. 2525] {F§}Ro gab Cumall, cruaid a nim
    i l-los scéith ocus cloidim
    §
    2526] deich m-bliadna dó sunn ana
    co torchair i cath Chuncha.

  21. p.72

  22. 2527] Arsin gabsat maic Morna
    ar brón & ar bith-doghra,
    2528] tricha laech, ba mor a n-gal
    im Daigri, im Goll, im Garad.
  23. 2529] Goll Mór ba mílid i cath
    mac do Morna déidenach,
    2530] deich m-bliadna dó, lith nar' gann
    i nd-airdrigi fhiann Eireann.
  24. 2531] 'Ar sin ro gab in t-éo óir
    Find mac Cumaill meic Trénmóir,
    2532] ar tairbertach saer sluagach
    ar sái amra il-buadach.
  25. 2533] {F§} Ar flaith, ar séghaind, ar sái
    ar m-breithem, ar n-druth, ar n-drái,
    2534] ar cend cumaing, ar slicht slóigh
    Find mac Cumaill meic Trénmóir.
  26. 2535] Dob é Find in cóiciud laech
    uasal forusta fir-gaeth
    2536] noch dob ferr delb ocus drech
    dob ferr arm ocus édach
    §
  27. 2537] Dá cét bliadan co m- blaithe
    ocus tricha gan tlaithe
    2538] saegal Find, ba fata re
    co torchair 'ga léim baissi.
  28. 2539] Secht déc, is deimin lem
    do gab rigi Fhiann Eirenn,
    2540] ferr Find inait sín uile
    cath- milid ard Almaine.
  29. {folio 124b2}
  30. 2541] Cuicir druad , ba dám duilig
    is ferr taraill Iath Fuinid,
    2542] is mebair lim-sa co becht
    a n-aísneis is a n- dráidecht.
  31. 2543] Ba díb Badgna a Síd Badgna
    díb Cathbad drái deg-amra,
    2544] Stocán mac Cuirc chrechtaig cháim
    Mog Ruith is Find a Formail.
  32. 2545] Cuicir legha, lith n-amra
    is ferr taraill tír Banba.
    2546] cid cían atú-sa da n-éis
    isam eolach 'na faisnéis.
  33. 2547] Miach is Oirmed, dalaib drecht
    ocus a n-athair Dian Cecht,
    2548] Gabran liaig tar muir anair
    Find féin h-ua Baiscne barr-glain.
  34. 2549] Cuicer filed, uasal drem
    is ferr tharaill iath n-Eirenn,
    2550] is mebair lium-sa co becht
    a faisneis, a filidecht.
  35. 2551] Cairbri fili fuair dar ler
    Amairgin Indsi Gaeidel,
    2552] Feircheirtne re Labraid Lorc
    Mogh Ruith is Find Faeburnocht.
  36. 2553] Cuicer is gaithe um ceill n- grind
    ro bói a n-aen-tig a n-Eirinn,
    2554] Fithel ocus Flaithri a mac
    Carpre ocus Aillbhi is Cormac.
  37. 2555] In cheist do-chuirdis tri cheill
    prap ro fhuaslaiced Find féin,
    2556] in cheist do-nith Find na fled
    nech don chuicer ní chuimged.
  38. {SG page 151}
  39. 2557] Cuicer laech luaidis ferga
    is ferr táraill Iath n-Elga,
    2558] budh gairbe gnim ocus glonn
    bud gairge í cath 's a comlunn.
  40. 2559] Lugh mac Céin meic Cáinte anall
    Cú Culainn ocus Conall,
    2560] Lugaid Lágda, lám ar gail
    Find féin h-ua Baiscne barr- glain.
  41. 2561] Cuicer is féile frith riam
    budh fherr um brat is um biad,
    2562] do chined na n-Gaeidel n-gle
    maith ro chaithset a maine.
  42. 2563] Lug mac Eithlenn, Aengus áin
    na cerda, crúaid a báig,
    2564] Conaire caem, cruth nar' chlé
    Find is Mac Luchta ar aen- cháe.
  43. 2565] Cuicir flatha ferrdi lem
    is ferr taraill tír n-Eirenn,
    2566] is mebair lim-sa co becht
    a n-aisneis 'na flaithemnacht.
  44. 2567] Eirimon mac Miled moir
    Iugaine a n-diaid Eirimoin,

    p.73


    2568] Aengus Tuirbech,treissi a n-gail
    Conn Cétchathach, Find féindid .
  45. 2569] Laech ar gairbe, co n-gnim n-glonn
    ocus óglach ar chomund,
    2570] cleirech ar procept Maic Dé
    ocus flaith re fírinde.
  46. 2571] Ni fhetar locht ar Fheind Fhind
    dar in Rig fhuil os mo chind,
    2572] acht, a Dé tadhaill talman
    gan in Mac do mor- adhrad.
  47. 2573] Ni mairit in muinter maith
    ní mairenn Find in fír-fhlaith,
    2574] ní fhuil in cuire gan cleith
    na ruire 'mun rigfhéindid .
  48. 2575] Ferr a sretha na cach sreath
    ferr na cach rig a taissech,
    2576] mét na fer is mét a sciath
    mét a laech n-gasta n-garb-liath.
  49. 2577] Ba ríg, bá fáid, ba fili
    ba triath co mét mor-fhine,
    2578] ar fisid 's ar n-drai 's ar fáid
    ba bind lind cach ní do ráid.
    2579]

    R.

  50. 2580] I N-abraim do thestaib Find
    dar in g fhuil os mo chind,{folio 125a1}
    2581] ba ferr-som fos co ba tri
    cid mor in ní raidim-sí.
    2582]

    Raid.

  51. 2583] Gu ba shecht do chreid in
    Find mac Cumaill Almaini,
    2584] in sechtmad fecht do bói ar fás
    is do thainic a thiug-bás.
  52. 2585] Leth Moga ac Eogan do bói
    Trénmor is ré laim ro láe,
    2586] mac dó Cairill fa gein Scail
    ba bínd lais cach ní ro ráid.
    2587]

    Raid.

¶ 194.
2588] ‘Ad-rae buaid & bennachtain, a Chailti’, ar Diarmait mac
2589] Cerbaill, ‘& caid a filet sin & senchaide Eirenn? Scribthar i tamlorgaib
2590] filed & a slechtaib suad & a m-briathraib olloman sud,
2591] co m-bere cach a chuid lais da crich & da ferann
2592] bodein da cach ní dar' indis Cailti & Oissin da mor-gnimarthaib
2593] gaile & gaiscid, & do dind-shenchus Eirenn.’ Ocus do-gníd
2594] amlaid-sin.

¶ 195.
2595] IS annsin ro fhiarfaig Find mac Faeburdeirg, mac rig
2596] h-Ua Ceindselaig. ‘A Chailti’, ar se, ‘crét fa-dera in Giussach
2597] Fhind
náim & fíreoin ic a h-adhrad seoch cach n-inad aile issin
2598] crich?’ Frecrais Cailte sin. ‘Lúb-gort selga d' Fhind h- í’, ar se,
2599] ‘& in tan na fagdais in Fhiann a cuiged letharthach Laigen óta
2600] Indeoin Maighi Feimin co Beind Éadair a n-daeithin selga do
2601] geibdis issin Giussaig Fhind.’

¶ 196.
2602] ‘Maith m' anam, a Chailti’, ar Find mac Faebair, ‘cret
2603] ima n-abar Áth Ferna risin n-ath atá ar lar na Giussaigi?’
2604] Frecrais Oissin sin: Goll mac {SG page 152}Morna ro marbustar Fernn mac
2605] Cairill ann ar foghail Chlainde Morna, & mac rig na n-Deissi


p.74


2606] andes h-é, & óclach grádha d' Find h-e, & 'arna chur fá fhochlaitib
2607] talman tuc Find a ordain fá déd fis & ro faillsiged fírinde
2608] dó, & ro ceiled gói fair, & adubairt: ‘a Fhernn
2609] maic Cairill, mo-genair duit ro h-adlaiced issinn inudh a tái.
2610] Uair mor do fhind-cheolanaib ceilebartha & do fhind- leabraib trath
2611] & do eadbairt chuirp in Choimded do-gentar ós do chind.’ Ocus
2612] adubairt:
    1. 2613] Ath Ferna
      áit a m-bia M' Aedóg fhedbda,
      2614] aníu cid imda a chuana
      bid imda a duana nemda.
    2. 2615] Ath Ferna na féorainde
      bid fedbda in fer 'ga m-bia,
      2616] da-roiset ann anmcharait
      bat im-fhoicsi do Dia.
    3. 2617] Da-ria M' Aedog muintirach
      tar Áth Find Glaissi fia
      2618] bidh chrom-chind ros-tairgéba
      bid roibh-chind duíní Dia.
    4. 2619] Da-ria M' Aedog muintirach
      maissi greine tar cithu,
      2620] da-ria mac na retlaindi
      retla buadach tré bithu.
    5. 2621] Bíd h-é in t-inad oirrnidi
      a m-bíd fianna fa fulacht,
      2622] da-ria M' Aedóg muinterach
      mo- chin darab rulacht.
    6. 2623] Bidh h-é in torc trén tulcháinim
      bid h-í in lassar borb brátha,
      2624] da-ria M' Aedóc muinterach
      bid tonn tar ilar n-átha.
      2625]

      Ath.

¶ 197.
2626] ‘Is maith am ro indissis’, ar Find mac Faebair, ‘& atá
2627] ceist aile accum is áil lium d' fhiarfaigi dít, a Chailti?’ ‘Cret
2628] in cheist-sin?’ ar Cailte. ‘Baile atá acainde annso í comrac
2629] in da chóiced .i. Comar ollbuidnech na Tri n- Uisci, áit a comraicend
2630] Siúir & Fheoir & Berba, & Ros {folio 125a2} m-Brocc
2631] ainm in baile-sin, & rob ail lium-sa a fhis d' fhagbail uait-siu
2632] cia ic á raibe in dúnad út ann.’ ‘Urusa lium-sa a fis-sin duit’,
2633] ar Cáilte .i.
.

¶ 198.
2634] ‘Dá óclach gráda d' Fhind mac Cumaill ro bói ann .i. Cellach
2635] Braenbili
& Mo Ling Luath do chóiced Laigen, & do badur
2636] da cét óclach & da cétgilla & da cét con ac cechtar de díb,
2637] & cid iat tri catha na Féinde do t-shirthea ba terc ann dias
2638] budh fherr luth nó lamach anait-sium, & do bí maith aile
2639] intib-sium mailli ris-sin, uair is 'na tigib do bith in Fhiann re
2640] bliadna gan teirce bíd na lenda orro ris-sin.’

¶ 199.
2641] ‘INgnad linn’, ar Finn mac Faebair, ‘uisci in baili-sin in


p.75


2642] ard & a t-shruth ina all, & foírid in t- uisci-sin cach eslainti re
2643] m-benann.’ ‘INdeossat-sa duit adbur in ratha-sin’, ar Cailte.
2644] Is é-sin cét-uisci ro bennachadur aingil Dé a n-Eirinn, & is sé
2645] uisce déidinach béos bendeochar inti, & Táeidiu
2646] ainm na h-abhann, ar se.

¶ 200.
2647] Ocus do badur in dá óclach-sin ann nóco n-dechadur Maic
2648] Morna
ar fogail ar Fhind, & nir' rathaigset áidchi ann nó cor'
2649] gabsat Maic Morna anair & aniar immon m-baile acco, & ro
2650] badur teora lá & teora aídchi ac dul ar in m-baile, & nir' fhedatar
2651] ní dó ris-sin, & a cind in tres lá fuaradur baegal {SG page 153}teined do
2652] chur ann, & do loisced in baile léo, & do-rigned a argain, &
2653] ní thernó duine béo d' fhir na do mnai gan a loscud ann, &
2654] in tan tairnic leo in baili d' arggain & d' indrud tangadur reompo
2655] tar sgairb Indbir Dub Glaissi, tar Berba síar ar sodain, & is sí-
2656] sin aimsir i r-rangamar-ne tri catha na Féinde dochum in baile
2657] gin gur' chobair doib-sium sin. Ocus suidhis Find & tri catha
2658] na Feinde ar faichthe in dúnaid, & ro cháisetar co dérach
2659] do-bronach, uair ní minic má do-rinded riam gnim bo doilgi
2660] leissin Féind ina sin. Ocus tucad loing-shithal bán-óir chum
2661] na flatha Find annsin, & ro indail a láma & tuc uisci ima
2662] gnuis rígda ro-alaind, & tuc a ordain fa déd fis & in tres
2663] fis is mó ro faillsiged dó riam issin tan-sin ro faillsighed
2664] dó h-é, & adubairt: ‘Ceithri cáidi foghaide ticfat tar m' eissi a
2665] n-Eirinn, & do rig nime & talman do-génat a faistine, & bid annso
2666] ticfa in cethramad fer .i. Mo Ling mac Caelain, meic Feradaig
2667] Find
, meic Fhidgai, & cath chuirfither re deiredh aimsire i nd-Eirinn,
2668] .i. cath Maigi Rath, & Suibne Geilt tic assin chath-sin
2669] is annsa baili-seo muirbfither h-é & aidhlécthar, & ben d' feraib
2670] Muman máthair in chleirig-sin, & ní lemat fir Muman olcc in
2671] baili-seo do denam chaídche.’ Ocus adubairt in laid ann:

    1. 2672] Ros m-Brocc aníu is conair chuan
      romur ruad itir da all,
      2673] cian gar co toirset nóim ind
      Mo Ling ainm in tí 'sa ceall.
    2. {folio 125b1}
    3. 2674] Taediu chorrach cham-lindtech
      ar ur na cairrgi is lia,
      2675] da-roichid sunn sochaide
      imtheghdaid ann ar Dia.
    4. 2676] {F§} Taídíu grianach genter leis
      beith ara greis bud maith lim,
      2677] truagh deired in domain dein
      saeth lim mé féin can beith ind
      §

    5. p.76

    6. 2678] Do-roichfea in fer foluaimnech
      atuaid a Maig Rath,
      2679] bid gairidugud don chleirech
      maiden co méit rath.
    7. 2680] Tech Mo Ling meic Fhaelain
      meic Fheradaig Fhind,
      2681] uingi d' ór ó nech
      ar a thech 'na chill.
    8. 2682] Bennan Mo Ling Luachair
      bentar isna trathaib,
      2683] ní lémat láich Luimnig
      ben Muimnech a mathair.
    9. 2684] Tiucfat fir Chualann atuaid
      forba a sluaig co Tech Mo Ling
      2685] ó sin amach co brath mend
      ferr issa ferr Tech Mo Ling,
    10. 2686] Adeirim-si rit reime
      bid fír dam in fhaistine
      2687] geib re h-anmain Fhind í bhos
      tarrngaire Mo Ling don Ross.

      Ros


2688] ‘Maith a anum, a Find meic Faebair’, ar Cailti, ‘is i-sin
2689] in ceist ro fiarfaigis dim’
.

¶ 202.
2690] IS andsin adubairt Eirenn re Patraic: ‘is mithig lem-sa
2691] dul co Temraig bodesta, & ín ticti-si lím co Temraig’, ar
2692] Diarmait, ‘don dula sa, a shenorchu?’ ‘Ni rechum’, ar
2693] siat, ‘co cend m-bliadne. IS annsin adubairt Eochaid Lethderg
2694] Laigen: ‘Bérat-sa Oissin lem’, ar se, ‘frissin m-bliadain-seo co
2695] Dún Liamna Lendchaime ingine Dobrain Dub- thaire’. ‘Berat-sa
2696] Cailti lem’, ar Conall Mor mac Neill,{SG page 154} ‘co Dún na m-Barcc bothuaid
2697] rissin m-bliadain-seo.’ ‘Berat-sa Pátraic lem’, ar Diarmait
2698] mac Cerbaill co Temraig do baisted & do bennachad & d' ordugud
2699] fer n-Eirenn ina cirt & ina riagail féin.’

¶ 203.
2700] Ro scailset fir Eirenn dochum a crichi féin, co ro chomraicset
2701] a cind bliadne i Temraig.

¶ 204.
2702] Corub h-í Accallaim na Senorach ac in chartha a Mullach Uisnig
2703] sin & cach ar' chansat d' fhis & d' eolus d' feraib Eirenn uile ó sin amach.

¶ 205.
2704] Dala Chailti immorro, ro eirig-sein reime maraen re Conall
2705] mac Neill do Raith Artrach bothuaid a crichaib Ceineil Conaill.
2706] IS annsin do eirgedur ingena míne macdachta mong-buide &
2707] meic becca brat-uaine & amais & óclaig in dúnaid
2708] d' fherthain faeilte re Cailti. Badur ac ól & ac áibnuis re h-ed
2709] & re h-athaid in caem-laithe- sin no cor' eirig grian assa circcaill
2710] truim teintidhi cor' línastar alla & essa & indbera in talman.

¶ 206.
2711] INa degaid-sin tainic Conall & Cailti co maithib a muintire
2712] assin baile amach, & ro fhiarfaig Conall: ‘cid fa tucad Raith
2713] Artrach
ar in raith-seo, & cid ima tucad Raith Mongaig ar


p.77


2714] in raith-seo thuaid, & cid imma tucad Lis na n- Éices ar in lis-
2715] so thes?’ Frecais Cailte sin: ‘Tri meic ro badur ic Bodb Derg
2716] mac in Dagda issin Brug brec-solus .i. Artrach & Aed Alaind
2717] & Aengus, & tarrla imressan eturru & a n-athair fein.’ ‘Maith
2718] m' anam, a maccu’, ar Bodb Derg, ‘fácaid-si dam-sa Tuatha Dé
2719] Danann
, & imthigid chum rig Eirenn .i. chum Cormaic h-úi
2720] Chuind, & atá adhbur 'mana cóir dáib {folio 125b2} Tuatha
2721] Dé Danann
d' fhagbail, uair ní fuil do crich ac Tuathaib
2722] Dé Danann
a fulang féin & a fuil do maithius ic Artrach
2723] inmain, & is lia d' Aengus mac Buidb ná do Tuathaib Dé
2724] Danann
uile etir gilla & óclach, & is lia d' Aed Álaind eíces
2725] annsiut na do chliaraib Eirenn & Alban.’

¶ 207.
2726] IS annsin tangadur tri meic Buidb co Cormac, & fiarfaigis
2727] dib cid do gluais iat. ‘Ar n-athair fein ro fhogair a Tuathaib
2728] Dé Danann sind
, & tangamar d' iarraid fheraind fort-sa.’ ‘Do-
2729] gebthái-si sin’, ar Cormac, ‘do- ber-sa daib ceithri triucha na
2730] Garbthire’, frisa raiter Tír Conaill aníu, & ro bói in mac ro-ba
2731] t-shine díb .i. Artrach & bruiden secht n-dorus aici, & mo-chen
2732] re cach n-dáim. Ro bói Aengus ilclessach í Raith Mongain, &
2733] maccu rig Eirenn & Alban ac foghlaim lamaig, & ro bói Aed
2734] eíces a Lis na n- Éices & cliara Eirenn & Alban ina fharradh ann
2735] .i. deich m-bliadna fichet ro chaith- set do fhlaithius Chormaic h- úi
2736] Chuind nó co fuair bás ic Raith Spelain a m-Bregaib.

¶ 208.
2737] Tangadur ar cula doridhissi co Tuatha Dé Danann, &
2738] ro ba lis ballach breic-derg in lis-so do {SG page 155} chnoib caema cend-chorcra
2739] caillide & d' ublaib aille ór-buidhe, cid raith ruad aniu.


    2740] Cailti cecinit
  1. 2741] IS ruad aniu Raith Artrach
    ger'bo raith óc il-armach,
    2742] solus bodes is bothuaid
    in raith-seo co n-ilar m- buaid.
  2. 2743] IN cloch-sa in táib thuaid don lis
    sochaide ata 'na h-ainfhis,
    2744] tri coeca uingi fa tri
    fuil fo bruinde na cloichí.
  3. 2745] Ainm na ratha rind atuaid
    deg-raith Mongaig in mor-shluaig,
    2746] as gairit uaithe bodes
    co Raith Aeda na n- Éices.
  4. 2747] {F§} Deich m-bliadna fichit ba cert
    co trath erghid na mor-mac,
    2748] riam nochar' troitset ria fein
    conach creiti cach ro- reidh
    §

p.78

¶ 209.
2749] ‘Cait a fil in cloch, a Chailti?’ ar Conall, ‘fó fuill in t-ór
2750] & in t-airget?’ ‘Ní h-í in chloch as doilig d' fhagbail’, ar Cailti,
2751] ‘acht a tabairt a talmain.’ ‘Ní doilig ón’, ar Conall, ac eirgi
2752] co ceithri cétaib fer n-armach nertmur, & tucsat a lama a n- aen-fhecht
2753] chum na cloiche da tarraing a talmain, & ni raibi tarba
2754] issin trén-feidm, ór nir' fhetsat a becc di. ‘Ni fuil fer cobartha
2755] na tócbala aire acaind anossa’, ar Cailte, ac tabairt sádaid do
2756] crann a t-shleigi fuithe cor' thóc h-í da h- áit, & tuc Cailte lám a
2757] n-inad na cloiche & tuc lia Find meic Cumaill as ina raibi tri
2758] .l. uinge d' airget & tri .l. uingi do dergór & tri .l. slabrad
2759] órda & claidim catha assa h-inad & ro íadh Cáilte in cloch
2760] iar sin
, ‘Maith, a Chailti’, ar Conall, ‘roind
2761] na seóit’. ‘IN cloidim & in slabrad duit- si’, ar Cailte, ‘& in
2762] lia derg-oir do nóem Patraic, ór iss é lia na creidme & irsi na
2763] n-Gaeidel h-é.’

¶ 210.
2764] IS andsin ro fhiarfaig Conall Derg mac Neill do
2765] Chailti: ‘Filet tri tul- cha acaind annseo & nil a fis acaind cid
2766] dia fuilet na h-anmanna ata orro .i. Lecht na Laechraide ar
2767] thulaig díb & Tulach in Banchuiri ar tulaig {folio 126a1} aile díb,
2768] & Lecht na Maccraide ainm in tres tulaig díb, & tipra isin tul-
2769] sin, & abhann aisti amach, & Glaissi na Fer a h-ainm-sein?’
2770] ‘Do-geba-su a fhis-sin uaim-si’, ar Cailte ‘cín gob inand in ní dia
2771] tait’
. Ben tuc Find .i. Sadb ingen Buidb Deirg
2772] meic in Dagda, & ro t-shirestar coibchi ar i flaith ar Fhind .i.
2773] leth feissi & leth n-etála do thabairt di, & rob é adhbur a
2774] iarrata-sin, uair is terc má do bói ó Thiprait Fáine co Garrda
2775] n-Isperda
ben budh fherr ina h-í, & ro naidmed d' Fhind h-í ac
2776] Síd Ar Femen, risa raiter Sídh Ban Find issin tan-so, & 'arna
2777] naidm dó do-chuaid Find ar slicht-lorg Chlainde Morna, & ro bói
2778] ar fogail & ar dibeirg fair nó co toracht conici in raith-seo .i.
2779] Raith Artrach, & ro gabad sossad & longport aici annso, & do
2780] ráid Find re Ferrdoman mac Buidhb Deirg meic in Dagda, re
2781] brathair na h-ingine: ‘Is fata’, ar se, ‘le Saidb ingen Buidb
2782] atú-sa amuigh, & adéra is ail & aithis & eisleis tucusa urri re
2783] bliadain anossa, & techta as choir dam-sa do chur ar a cenn’, ar


p.79


2784] Find, ‘& cia as chora do chur ar a cend?’ ar Find. ‘A cethrur
2785] comalta fein .i. Conaing & {SG page 156} Cathal, da mac Duib meic Aengusa
2786] Tirigh
, da
mac rig Muman, & in da comalta
2787] aile .i. Cathal & Crimthan da mac Cuind Cétchathaig .i. da
2788] mac rig Laigen, & is iat-sin cethrar as dile lei-ssi a n-Eirinn.’
2789] ‘Ocus in trath na bith ben i lebaid Fhind iss iat-sin do bith ina
2790] fharrad’, ar Cailti, ‘& cia uaib, a firu, rechus ann?’ ar Find.
2791] ‘Rachmaid-ne ann’, arsi da mac rig Muman .i. Conaing &
2792] Cathal, ‘uair is 'nar crich & 'nar ferann atá, & is sí is dislí & is
2793] dochu lind do mnaib Eirenn.’ Ocus tangadur-sin reompo ceithri
2794] cet óclach & ceithri cét gilla cona conaib co Síd Ban Find, &
2795] do-chuadur issin síd solus-mór anund, & ro canad fír-cháin faeilte
2796] friu gan meing & gan mebail ann, & tucad doib nua gacha
2797] bídh & sen gacha dighi, & do badur ann re teora lá & re teora
2798] aídchi.
2799] De scelaib Saidbe ingine Buidb Deirg
2800] & ro ráidset ria: ‘is ar do chenn-sa tanacamur ó Fhind mac
2801] Cumaill.’ ‘Cred fil ann?’ ar inn ingen, ‘acht dul da indsaigid.’
2802] IS ann sin ro gabsat in bantracht a n-eirred & a n- étach
2803] aistir & imthechta umpu, cét ingen rig & taissech co n-étaigib
2804] cacha datha, & tangadur conici in tulaig-sea, & do scuired a
2805] n-eich, & do geltsat fér co h-urchleithe talman. IS ann do gab
2806] ítu mor in ingin .i. Sadb ingen Buidb & in bantracht uile.
2807] ‘Ní h-aichnid dam uisci annso a comfhocraib’, ar Conaing
2808] mac Duib meic Aengusa Tirig, mac g Muman, & in ríglia
2809] chloichi ro bói a mullach na tulcha & ro ergetar in lín fer ro
2810] batar,
& tucsat feidm ferrda cacha fir furri cor'
2811] chuirset assa tuinide in trom-chloch, & ro moid loch- thopur grind
2812] gloinide assa h-inad. ‘Is feramail ro tochlad in t-uisci- sin’, ar
2813] in ingen, ‘& ca ferr {folio 126a2} ainm da m-bia urri na Glaissi
2814] na Fer
?’ Ocus at-ibset a lor-daeithin don uisci.

¶ 212.
2815] ‘Dála Fhind, ro geallsabair do beith annso’, ar in ingen.
2816] ‘Dar ar m-breithir ám is andso ro geall beith, & atá a fhis accaind
2817] is a n-degaid Chlainde Morna do-chuaid i coiced ollbladach


p.80


2818] Ulad’, ar siat, ‘& co Bennaib Boirchi.’ Ocus ni cían ro badur
2819] ann co facadur in luath-grinde áigh & irgaile atuaid cach dírge
2820] chucca, i r-rabadur ocht cét óclach. ‘In aithintí siut?’ ar Sadb.
2821] ‘Aithnigmait’, ar Conaing ‘.i. Goll mór-glonnach mac Morna
2822] fuil ann & dar n-indsaig-ne thic.’ Ocus ró ergetar na fir & ro h-indled
2823] a carbait,
& do cuired in ingen ina carpat leo, & is
2824] annsin adubairt Goll: ‘in aichintí na fir út?’ ‘Aithnimaid’, ar
2825] Conan mac Morna ‘.i. da mac Duib meic Aengusa Tírig .i.
2826] da mac rig Muman, & da fher gráda d' Fhind mac Cumaill iat.’

¶ 213.
2827] IS andsin tucsat muinter Fhind glun re gliaid & aighed
2828] re h-eislind do Goll cona muintir, & do dibraicedar cach a
2829] cheile díb, co torcradar ceithri cét fer n-armach {SG page 157} n-inchomlaind
2830] do Macaib Morna le muintir Fhind, & atorcradur-sum féin gan
2831] eladhach a m-bethaid díb. Dála in ban-chuire tucsat a n-aichthi
2832] re lár & fuaradur bás d' uathbás ann :‘conid de atá Tulach an
2833] Banchuire
ar in tulaig-so’, ar Cailte.
2834] IS annsin tainic Find & tri catha na Feine conici seo,
2835] & at-connairc in t-ár, & dála da mac rig Laigen tangadur issin
2836] tulaig, & tucsat a m-beil re lár, & fuaradar bás ann do cumaid
2837] a dá comalta, & at-connairc Find sin, & do thuitedur a airm
2838] assa lamaib, & ro chaiestar frassa falcmura fir-thruaga cor'ba
2839] fhliuch blái os bruinde dó, & ro cháiestar in Fhiann uili archena,
2840] & adubairt Find: ‘is mairg’, ar se, ‘ro soissed co tech Cuind
2841] Cétcathaig
co Síd Liamna Lendchaime, & is olcc in scel indestar
2842] do Dub mac Aengusa Tírig do rig da choiced Muman co
2843] cathair t-Shleibe Claire bodes & co for-imell t-Shleibe Cúa bodes,
2844] & is olcc in scél ro sia co Bodb Derg, co Síd Ban Find bodes
2845] .i. bás a ingine.’ Ocus ro eirig Find iarsin & ro fechadh in t-ár
2846] aicci, & ní fhuair Sadb. Ocus ro eirgedur in Fhiann, & do cuired
2847] na ceithri cét-sin do muintir Fhind fó fhochlaidib talman, & is
2848] amlaid do-geibthea cach fer do muintir Fhind, & fer do Macaib
2849] Morna
marb fói, & ro scribad a n-ainm oghaim oss a cind, & ro
2850] ferad cluiche cáintech ann, gurub de atá Cnoc na Laechraide
2851] ar in cnoc-sa, & corub de atá Cnoc in Ban- chuire ar in cnoc


p.81


2852] aile seo, & Ard na Macraide ar in cnoc-so thuaid ó macaib
2853] ríg Laigen ro cuired fo thalmain ann. ‘Ocus is sé-sin, a
2854] Chonaill’, ar Cailte, ‘in ní ro fhiarfaigis dím & in ní dia fuilet.’

¶ 214.
2855] IS ann sin do fhiarfaig Conall {folio 126b1} do Chailti in ra badur
2856] gessa for Fhind. ‘Rob imda iat’, ar Cailti, ‘& ni h-iat tainic
2857] ris, & do gab crith & uromain annsin Find’, ar Cailti, ‘asa h-aithli
2858] na muintire-sin do chur fo talmain.’ Ocus adubairt:

    1. 2859] IS truag in gnim
      da mac Duib, da mac in rig,
      2860] cét gilla ocus cét con
      atorchradar gan imrol.
    2. 2861] Mór in scél
      im Raith Artrach immat dér,
      2862] bas Conaing ocus Cathail
      do beith im chenn aen-achaid.
    3. 2863] Glais na Fer
      bid h-é in topur suthain sen,
      2864] bid irdraic ac cach in scel
      meraid co tí brath na m-meadh.
    4. 2865] Gan imthecht maitne a moin Breg
      gan teiched re daim fhiled,
      2866] gan feis adhaig ic Dún Rath
      gan tuarustul da n-óclach.
    5. 2867] Gan feis re h-ingin Buidb Deirg
      fescur is faide tar leirg,
      2868] 's gan imtecht Sídh Ár Femen
      re daigir nua n-deirg-thened.
    6. {SG page 158}
    7. 2869] Ni ro diult re duine riam
      dar Mac Muiri na mor- giall,
      2870] dh' ulcc nó do maith, comall n-gle,
      Find mac Cumaill Almaine.
    8. 2871] Éc Cathail is Crimthain chais
      atait fó thulaig tonn- glais.
      2872] ní fhaca-sa thes na thuaid
      ár mar sin uile a n-aen-uair.
    9. 2873] Do marbad Find na Feinde
      ic tabairt a laech-leime,
      2874] is do bris mo craide ar tri
      ruc mo nert uile ar nemfní.
      2875]

      IS truag.

¶ 215.
2876] ‘Ad-rae buaid & bennacht, a Chailti’, ar Conall, ‘is mor in
2877] fis d' fhácais acaind ré indissin do lucht deirid na h-aimsire.’
2878] Ocus tangadur issin m-baile anunn 'arsin, & ro badur ac ól &
2879] ac aibnius co trath cumsanta dóib. Ocus eirgis Cailti arnamairech
2880] & timnais ceileabrad do Chonall Derg mac Neill & da
2881] muintir uile, & ‘is mithig dam-sa imtecht ar leith aili festa’, ar
2882] eissium, & téit reime sair co Loch Daim Deirg in la-sin, a
2883] n-Dail Araide, co h-airm i r-rabadur da chruimtir uaisli do muintir
2884] Patraic .i. Colman Ela & Eoganan, & siat ic gabail na
2885] cánoine cáime coimdeta & ic etarmolad in Duileman. Áigidecht Cháilti co tech Colmáin Ela & Eoganain
2887] ar Loch Daim Deirg.


p.82


2888] IS ann sin tangadur tri maic ecalsa do muintir na cleirech,
2889] & do chuirset a curach amach do gabail éisc, & iat ac denam
2890] a n-uird & a trath, & at-connairc Cailti iat, & ro bói icc á
2891] n-eistecht, & adubairt in láid:
    1. 2892] Ba h-annam re h-ó mo chind
      cloistecht re léigind os lind,
      2893] ba minca lim ro bói than
      eistecht re dordan deg- ban.
    2. 2894] Gebé nech ica m-biad pend
      fada do biad 'ga scribenn,
      2895] is truag mar atu-ssa bos
      is mor d' ingantaib fuarus.
    3. 2896] Mall mo thurus ó Thráig Lí
      fada atú 'ga furnaidí,
      2897] liubair léighind, mór in mod,
      a n- eistecht lem ba h-annam.
      2898]

      Ba h-annam.

¶ 216.
2899] IS andsin tainic Colman Ela & Eoganán amach & at- chondcadur
2900] na fir mora & na coin mora ina lamaib. ‘IS fír’,
2901] ar Colmán, ‘is é Cailti siut, & do muintir Fhind h-é’, arsi Colman,
2902] ‘& is do muintir nóem Patraic fos dó, & a thobairt isin ailen {folio 126b2}
2903] dár n-indsaigi na tri náenmuir atait.’ Ocus tucad & do cuired iat
2904] a tech n-diamair n-derrait iat, & tucad sen cacha lenda doib ann
2905] & nua cacha bíd, & ó thairnig dóib a proind & a tomultus,
2906] Cid diata Loch Daim Deirg? Ni insa.
2907] is ann sin do fhiarfaig Colman do Chailti: ‘Cred fa tucad Loch
2908] Daim Deirg
ar in loch-sin?’ Fregrais Cailti sin: ‘Dam derg’,
2909] ar se, ‘do bói a les-lergaib na Luachra lend- braenaigi thes, &
2910] teighed d' feraib & do chonaib na Féinde fecht fá tri cacha
2911] bliadna, & ro lensat ind Fhiann bliadain h-é conici seo. Tárthamar-ne
2912] cethrar don Fheind air .i. Diarmaid h-ua Duibne &
2913] Mac Lugach & Glas mac Aencherda Bérra,{SG page 159} & missi fa nessa
2914] dó ic techt dochum in locho-so, & do chaithim ar ceithri slega
2915] a n-aen-fhecht fris, & do-rochair lind, & tar- rasa in darna congna
2916] de, & tarraid Diarmait in congna aile, & ruc leis co Temair
2917] Luachra
d' indsaigid Fhind, & tuc Find bun in chongna ar a
2918] traig, & do bói in benn uachtarach de ara bathus, & is sé nech
2919] ba mó don Fheind h-é, & ro fhacusa in con- gna aile a cind na
2920] h-indsi-seo, & damad t-sholus dam is doig co beraind eolus da
2921] indsaigid.’ Ocus adubairt in láid ann:


p.83

    1. 2922] IN loch-so in Loch Daim Deirg
      fris tangamar leirg do leirg,
      2923] bid h-é a ainm óssin amach
      co tí in díne déidhinach.
    2. 2924] {F§} Do-rorithius re feind Find
      ar techt dam a h-Ibarg(lind),
      2925] ba h-ainm dam-sa Cailti cas
      rob aith- nid dam oglachas.
      §
    3. 2926] Mad solus dam-sa co fír
      is mád lethan tar cach tír
      2927] do-bér-sa daib ar in lár
      congna ocus h- é comlán.
    4. 2928] In cethrur lodmur aníar
      a crich Muman na mór-giall,
      2929] ba maith ar luth is ar cloth
      noco rangamur in loch.
      2930]

      IN loch.

¶ 217.
2931] ‘Ad-rae buaid & bennachtain, a Chailti’, ar Colman, ‘iss mor
2932] in fis & in fir-eolus-sin do marthain ac nech.’ ‘Ocus decha let,
2933] a meic ecalsa’, ar Cailti, ‘nar' eirig in t-éscca ina pupaill aérda
2934] fós?’ ‘Ra eirig’, ar in mac ecalsa, ‘conid com- sholus muir & tír
2935] de.’ Ocus is annsin ro eirig Cáilti a cúil íartharaig ind ailén, &
2936] tuc a lam sís issin m-bruach, & tuc leis anís in congna, & léicid
2937] ar lár in tighe i r-rabadur na cleirig, & is é ba ríg Ulad in tan-sin,
2938] Eochaid Faeburderg mac Firglinde, & ro bói í comfocus dóib-sium
2939] a Tulaig na n-Arm, risa raiter Mag Rath.

¶ 218.
2940] IS annsin do eirig Colman & Eoganan co moch sé meic
2941] ecalsa, & rucsat in congna léo da thaispenad do rig Ulad &
2942] d' Ultaib archena, & do badur a n-aenach ann, deich fichit fer
2943] n-armach ina timchell ann, & tuc in mac ecalsa in congna i
2944] fiadnaissi rig, & ro thuillfidis uile in lin-sin ré doinind & re
2945] derdan fói . ‘Cé fuair in congna?’ ar Ulad, ‘& cáit a frith?’
2946] ‘A Loch Daim Deirg fuair Cailti h- é’, ar siat. ‘Mochin dam-sa’,
2947] ar se, ‘da toirsed dom' indsaigid, uair do fhuicfed senchus cacha
2948] criche & cacha céite & eter-deiliugud cacha find accaind.’

¶ 219.
2949] Dála na cleirech, {folio 127a1} tangadur ar cúl dochum a tighi,
2950] & ro facsat in congna ac g Ulad. ‘Maith, m'anam, a Cholmain’,
2951] ar Cailte, ‘créd adbur na n-ocht trath út chum a
2952] n-eirigthi-si eter lá & áidchi?’ Frecraid in naem-chleirech sin:
2953] ‘Mor a fáth & a n-adhbur’, ar Colmán, ‘.i. ocht caire atá ic
2954] lenmain chuirp & anma cach duine, & dílait na h-ocht tratha-
2955] sin iat.’ Ocus adubairt Colman in laid: {SG page 160}

    1. 2956] Na h-ocht caire chollaide
      coceilet co grian,
      2957] na h-ocht tratha toghaide
      da n-díchur co dian.

    2. p.84

    3. 2958] Prim re craes nach coimsigi
      teirt ré feirg na fáth,
      2959] medhon láe suairc soillsighi
      uaim ré h- etrad n-gnáth.
    4. 2960] Nóin i nd-aghaid n-occobair
      ar brú talman theind,
      2961] esparta suairc soccomail
      uaim re toirsi theind.
    5. 2962] Compléid re snim sechmallach
      or is comroind choir,
      2963] iarmeirge thenn togaide
      fria maithnighi móir.
    6. 2964] Maiten maic Dé dílgedaig
      fri díumus n-dúr n-drocht,
      2965] gu rum-saera a brethaig
      a Íssu fa ocht.
      2966]

      Na h-ocht.

¶ 220.
2967] ‘Ad-rae buaid & bennacht, a Colmain Ela’, ar Cailte, ‘is maith
2968] ro uaslaicis in cheist-sin. Ocus cidh dam-sa’, ar Cailti, ‘gan na
2969] h-ocht tratha-sin do thathaighid ó ro fhuirig Dia mé i com-aimsir ríu?’
2970] IS annsin do fhiarfaig Colman Ela do Chailti:
2971] ‘créd fa n-abar Tipra in Bantrachta rissin tiprait-sea a cind in
2972] locha?’ Ocus do fhrecair Cailte sin:
2973] Athad ingine ríg Muman le h-Oissin inso

¶ 222.
2974] ‘Niam ingen Aengusa Tírig, ingen rig da cúiced Muman,
2975] luidh ar athad & ar élod le h- Oissin mac Find ó ta Dún na
2976] m-Bárc
i cóiced Muman aniar con- ice in tiprait-sea, & ro bói
2977] Oissin ina farrad ann cáeicis ar mís ac denam t-shelga & fhiadaig
2978] chuicid Ulad ann, & ticed in ingen .x. mná .xx. cacha maitne
2979] d' indlat a lám & a n-gnuissi assinn uisci eochar-gorm-sa. Dála
2980] immorro Aengusa Tírig Muman, ro chuir co mór air a ingen
2981] do dul lé h-Oissin ar athad & ar élod, & ro tinoiled da cúiced Muman
2982] leis .i. cóic catha mora & deich cét ar fichit cét cacha catha, &
2983] tangadur a n-iarmoracht na Féinde conici-seo, & ro bói Niam
2984] in tan-sin ac indlat ac in tiprait & a bantracht, & at-chonncadar
2985] na cóic catha ar in tulaig oss a cind. ‘Truag sin!’ ar-si in
2986] ingen: ‘mo-genar do-gébad bás & aidhed’ , ar sí, ‘sul do chífed
2987] a oidi & a athair & a tri derbbraithri, & maithi do cóicid
2988] Muman amlaid-sin h-í!’ Is annsin tuc inn ingen a gnuis re
2989] lár, & fuair bás ann in tricha ban ro boi, & ro chuir a craide
2990] ina lia fhola tar a bél amach. Conid Cnoc ind Áir ainm na
2991] tulcha ossin anall cosaníu, & curab Tipra in Banchuire ainm na
2992] tiprat óssin ille.’ Ocus adubairt Cailte:


    p.85

  1. 2993] Atá 'sa chnoc in rigan
    sochaide rissa digal,
    2994] Cnocc ind Áir óssin ille
    baile chaich 'na comnaide.

¶ 223.
2995] At-conncadur da cuiced Muman bás na h-ingine. Adubairt
2996] in rig: ‘as olcc amus Fhind & Oissin & na Féinde oraind’, & adubradur
2997] re ban-echlaig {folio 127a2} da muintir .i. Muirend ingen
2998] Muirisci, dul chum Find & cath d' fhuagra fair. Ocus do-chuaid roimpe
2999] co Raith Chind Chon i n-Dail Araide, áit i r-raibe ind Fhiann, &
3000] fiarfaigis Find {SG page 161}scela di, & indissid ind echlach a toisc dó, &
3001] adubairt in laid:

    1. 3002] Cath uaind ar do t-sheilb, a Fhind
      a fhir na m-briathar m-bith-bind,
      3003] is tiachtain leis co Cenn Chon
      gan aithcheo, gan éliugod.
    2. 3004] Comrac Find is fear Muman,
      sochaide ris ba cuman,
      3005] marbaid cach díb a chéile
      bid curuta a com-eirge.
    3. 3006] Adeirim-si riut reime
      bid fír dam in faistine,
      3007] mina thairge breth bus grind
      biaid cath ar do t-sheilb- se,

      a Fhind.

¶ 224.
3008] ‘IS andum’, ar Find, ‘cath d' fhuacra orum gusaníu. Eirig
3009] amach, a Gairb Chronain’, arsí Find, ‘& abair rissin Féind
3010] eirgi chum in catha.’ Ocus tainic Garb Cronan amach co
3011] longphort na Féinde, & ro leicestar tri barann-glaeda bodbda ar
3012] lár longphuirt na Féinde, & ro fhrecradur in Fhiann sin, uair
3013] do aithenset co raibe deithbir mor fair.
3014] Is annsin ro eirgedur ind Fhiann, & ro cóirged cath croda
3015] accu, & is ann adubradur in Fhiann re Find: ‘créd adhbur in
3016] catha, a ríg- fhéindid?’ ar siat, & ra indis Find sin.

¶ 225.
3017] IS annsin at-bert Fergus Fínbél, fili na Féinde, re Find: ‘is
3018] cath écoir duit-siu in cath-sin do thabairt do rig Muman i
3019] folaid a ingine is marb accut.’

¶ 226.
3020] IS annsin ro cenglad comairle ac Find & ac maithib na
3021] Féinde, & at-bert Find: ‘cait a fuil Smirgat ingen Abhartaig?’
3022] ‘Sunn’, ar sí. ‘Eirg co luath & abair re h-Aengus Tírech &
3023] re maithib Muman do-ber-sa breth Chormaic h-ua Chuind &
3024] Eithne Ollaman ingen Chathair Móir, & Cithruaid maic Fhir Chaecait’.
3025] Ocus do imthig frissin techtairecht-sin, & do fhrecair Muman
3026] di, & adubairt: ‘Da tucthar cuir & tenta ris, gebat-sa sin.’ ‘Ocus
3027] cia na cuir chuingi?’ ar Smirgat. ‘Mac ind fhir do-roine olc


p.86


3028] rium .i. Osccur mac Oissin & Ferrdoman mac Buidb Deirg,
3029] meic in Dagda, & Diarmait mac Duind, meic Donnchada.’ Ocus
3030] do fháem Find sin, & do-chuadur in Fhiann & Muman co
3031] Temraig
, & is sí breth rucsat na breithemain ro toghad ann .i.
3032] inn ingen do thogbail assin tulaig thogaide i r-raibe, & a cur a
3033] meidh, & a comthrom d' ór & a comthrom d' airget ina h-éiricc
3034] do rig Muman, & éiric ar leith in cach ingin ríg & taíssig
3035] atorchair ann.

¶ 227.
3036] IS annsin adubairt Find: ‘cindus roindfimait ind eiric út,
3037] a Fhianna Eirenn?’ Ocus ro fregrad sin acco-sum: ‘a trian do
3038] chlaind Báiscne & a dá trian duinde inar fiannaib.’ ‘Corub
3039] h-ísin’, arsi Cailte, ‘aen-éiricc do roind Find riam ar in Féind,
3040] & is é-sin’, ar Cailte, ‘a chleirig, in scél {folio 127b1} ro th-siris orum,
3041] & in ní dia tá Cnoc ind Áir & Tipra in Bantrachta ainm na tiprat’.

¶ 228.
3042] IS andsin ro chuir Eochaid Faeburderg mac Firglindi .i.
3043] Ulad, fessa & techta ar cenn Chailti o Raith Aíni, & do-riachtadur-
3044] sin co Loch Daim Deirg ar cenn Cailti. Ocus ro
3045] timna Cailte ceilebrad do Cholman & d' Eoganan, & gellsat na cleirig
3046] nem dó-sum, & a écnairc do gabail, & nime & talman do guidhe fair.

¶ 229.
3047] Dála Chailti immorro, do-luid i carput rig Ulad co Raith
3048] Aíni
i nd-airther Ulad, ait i r-raibi Eochaid Faeburderg mac
3049] Firglinde Ulad, & ba uassal oirdnide in -sin, uair ní
3050] airged nech cen chóir, & ni benad a bunad-chenel féin do neoch.
3051] Raith Aine cid dia tá?

¶ 230.
3052] IS annsin ro bói in tri catha cutruma i nd-aen-inad, &
3053] is annsin do-riacht Cailte {SG page 162}chuccu, ocus tairlingid assin carput,
3054] & do-riacht Ulad chucu, ocus feraid faeilti fris cona
3055] t-shluagaib. ‘Maith m' anum, a Cailti’, ar in , ‘ca ferr duind ní
3056] da fiarfochamais dít na senchus na ratha-so .i. Rath Áine?’
3057] ‘Atá acum-sa inní dia tá sin’, ar Cailte ‘.i. Áine ingen Mughirnn,
3058] ingen rig Alban anall, & ro badur fir Alban íc a rada ria:
3059] ‘Cid taí-ssiu, a rigan, gan feis re fer maith i nd-Albain nó a
3060] n-Eirinn?’ Ocus adubairt nach raibe inti-sin fer budh dingbala
3061] lé acht madh Find mac Cumaill amain, & at-clos do Fhind sin.


p.87


3062] Is annsin adubairt Find re Find Fer in Champair & re Ronán
3063] Rígóclach
, da ríg-fhéindid Alban, dul da tochmarc ara h-athair.
3064] ‘Cé coma bérmaid lind?’ ar iat-som. ‘Comus a fil a n-Eirinn
3065] & a n-Albain acum-sa di.’ ‘Maith a ríg- fhéindid’, bar iat som,
3066] ‘dias gráda do t-shen-muintir-si fein lind gura moide do chreidfed
3067] in rigan sinde.’ Eírig-siu & Mac Lugach leó, a Cailti’, ar
3068] Find, ‘& gid mor gabthai sí foraib do-bér-sa di hé.’
3069] IS annsin luid-sim reomaind in cethrar sóer-óclach sin co
3070] Dún Monaid i nd-Albain, & tucad i tech n-diamair ann sind, &
3071] is annsin do-riacht Mogdhurnn Alban is'tech & a ingen
3072] araen ris .i. Áine ingen Mogduirnn, & ro fiarfaiged ar fecht
3073] & ar turus dínd, & ro indissemar ar n- aithescc. ‘Ocus at-chluine
3074] siut, a ingen’, ar in ríg, ‘in fer is ferr i n-Eirinn & i nd- Albain.’
3075] ‘Fáefat-sa leis’, bar inn ingen. Ocus ina degaid-sin ro naidmed
3076] in ben-sin d' Fhind mac Cumaill, & cach ní do t-shir sí ar Fhind
3077] do tabairt di, & tangamar-ne & inn ingen lind dochum Eirenn
3078] co n-ilar cacha maithiusa lé chum na ratha-so i tamait, & do-
3079] riacht Find tri catha na Féinde i n-ar coinde & i n-ar comdáil ó
3080] Themair Luachra conici in raith-sea, & do-rigned dúnad & deg-baile
3081] & grianan ann, & ro frithoil & ro fhrestail sí tri catha na
3082] Féinde re bliadain gan uresbaid bídh na lenda orra issin baile-seo
3083] re taeb ar n-áighed.

¶ 232.
3084] I cind bliadna immorro, arsi Cailte, adubairt Mac Lugach
3085] re Find: ‘is lór let-su do crich & d' fherann .i. Áine ingen Mog-
3086] duirnn
.’ ‘Dar mo breithir, a Meic Lugach’, ar Find, ‘ní {folio 127b2}
3087] fhetar-sa cidh do t-sirfind a n-Eirinn no a n-Albain acht in ní do-
3088] geibit in Fiann a tigh Aine.’ ‘Ocus do bói in rigan-sin co
3089] cenn sé m-bliadan ina degaid-sin ac Find, & do bói buidhechus
3090] fer n-Eirenn & fer n-Alban urri fris-sin, & ruc da mac d' Fhind .i.
3091] Aed Bec mac Find & Illan Faeburderg mac Find, & marb
3092] issi do breith Aeda Bic meic Find’, ar Cailte. Ocus adubairt
3093] Cailti in laid ann:

    1. 3094] Falum aníu Raith Aine
      a cuirdís óic il-gáire,
      3095] fa minic sluaig is graighe
      ara taeb co tonn-glaine
    2. {SG page 163}

      p.88

    3. 3096] Trí cét rigan issin lis
      sochaide itá 'na n- anfhis,
      3097] ocus tri cét fer n-grada
      ocus n-dalta n-dingbala.
    4. 3098] Dob fherr in ben na cach ben
      do bói d' immat a h-áighed,
      3099] fa marb uile sin malle
      co ro falmaig in baile.
      3100]

      Falum.


3101] ‘Ocus do cuired fo fhochlaidib talman annso h-í’, ar-se Cailte,
3102] ‘& ro tócbad a lia oss a lighi, & ro ferad a cluiche caintech &
3103] ro scríbad a h-ainm oghaim.’

¶ 233.
3104] ‘Ad-rae buaid & bennacht, a Chailti’, ar Ulad: ‘as maith
3105] in scel ro h-indisis duind; & scribtar lib in scel-út in tamlorgaib
3106] filed & i l-lechtaib fiann.’

¶ 234.
3107] IS annsin immorro do-luid Eochaid Faeburderg mac Firglindi,
3108] Ulad, reime co Raith na Sciath os chind Trachta romir
3109] Rudraig
, risa n-apur Tonn Rudraigi isa tan-so, & tangadur isin
3110] n-dunad anunn, & tucad tech derrait diamair do Cailti and, &
3111] do frithailed h-é do cach maith ann, & tucad in baile uile ar
3112] comus Chailti ó bec co mór. Ocus ro batur ac ól & ac aibnius co
3113] tainic la cona lan-soillsi arnamarach,
.

¶ 235.
3114] IS annsin ro fhiarfaig Ulad do Chailti: ‘Atait da fhert ar
3115] Tráig Rudraigi annseo, & cid dia fuilet?’ ‘Issim meabrach in ní
3116] dia fuilet’, ar Cailte ‘.i. da mac d' Aed mac Fhidaig, meic
3117] Fhintain, do g Connacht aniar, do h-adhlaiced ann. Ocus rob
3118] inmain lé Find & leisin Feind uile iat, & rob é adbur a n-gráda
3119] ac Find & ac ind Fhéin, uair ní raibe do theirce nó d' immat
3120] eladan ac nech do-rechad falum uaithib-sium gan ní, & ní bí a
3121] n-debaid re Find & rissin Feind nach sidaigdís re bliadain, &
3122] comlann ceithri cét óclach cechtar de díb, & secht m-bliadna déc
3123] ro badur issin Féind’, ar Cailte, ‘& do ba mac dingbala do
3124] Chormac mac Airt nó d' Fhind iat.’ Fecht dano do-riacht Find
3125] & tri catha na Féinde co Traig Rudraigi annseo ar mor-sheilg
3126] Eirenn, & adubairt Find foraire & forcoimet do denam, uair
3127] dias mac rig cona muintir do-nith foraire Fhind & na Féinde cach
3128] n-áidchi, & do da mac rig Connacht .i. Art & Eogan, rainic
3129] ind foraire ind aidchi-sin. Ocus do eirgedur ceithri cét óclach &
3130] ceithri cét gilla, & tangadur co cind na trága-so. Ocus nir'


p.89


3131] chían doib ann co tangadur da ríg do rigaib Lochlann ituaid
3132] .i. Conus & Conmael a n-anmanna, ar marbad a n-athar d' Fhind
3133] mac Cumaill i cath Droma Deirg tall i nd-Albain, & do-riachtadur
3134] in dá ríg sind da chath croda cutruma conici in traig-seo
3135] do digailt a n-athar ar Fhind.

¶ 236.
3136] IS annsin at-chonncadur na .iiii. cét sciath-armach urlum
3137] ar a cind ar in tracht, & is amlaid bói Art mac rig Connacht
3138] & gái neimnech {folio 128a1} uillind-glas aici tucasdur Find
3139] bliadain roime-sin & inn Órlasrach a {SG page 164}h-ainm, & sleg aile tucusdar
3140] Find d' Eogan fos .i. in Munderg a h-ainm.

¶ 237.
3141] IS annsin ro fhiarfaigedur na h-allmuraig cia do bói ac
3142] comét na trága? & adubairt Art corub do muintir Fhind iat.
3143] ‘Mo-chin immorro do-gébad in comlín-so da muintir, uair ní
3144] rechad élaithech as díb.’ ‘Má frith drem a m-baegul riam díb’,
3145] ar Art, ‘ní sinde sin.’
3146] Cath Traga Rudraigi inso.

¶ 238.
3147] Ocus tangadur in da cath mora sin a tír, & ro bo mor in
3148] t-anborlann dona h-ocht cét óclach in da chath mora d' fulang,
3149] & ro chumaisc in n-imguin annsin & in t- imbualad o fhuined
3150] néll nóna co tainic medon aídchi. Ocus is sí-sin áis & uair at-chonnairc
3151] Find fís & aislingthi, & iss ed at-chonnairc, da ron
3152] glasa ac díul a da chich, & ro muscail in flaith Find asa
3153] chotlud. ‘Cáit a fuil Fergus Fínbél?’ ar eissium. ‘Sunna’, ar
3154] se. ‘Crét ind aislingthi at-connarcus .i. da rón muiride ac
3155] díul mo da chich?’ ‘Da mac ríg Connacht do chuiris do forcomét
3156] na Féinde anocht atait a n-éccomlann ac allmurchaib’,
3157] ar in fili. ‘Eírgid, a fhiru’, ar-si Find, ‘& is fír a n-abair in
3158] fili rib.’ Ocus is annsin ro eirgedur ind Fhiann a n-aen-fhecht &
3159] a n-aen-uair, & tangadur co Tráig Rudraigi, & ní fuaradur béo
3160] da Feind féin acht da mac ríg Connacht, & irsi a sciath imma
3161] m-braigdib, & ní mó ro bói fer máiti gnima don da chath tangadur
3162] na h-allmuraig béo, & is amlaid do frith da mac rig Connacht,
3163] & a cuirp ina cró-lindtib fola & a sceith & a slega ica
3164] congbail ina sessum, & nir' dingbadur dias reime-sin riam don


p.90


3165] Fhéind comrac mar sin. Ocus luidset ind Fhiann & ro airgset na
3166] láidhenga do bói ac na Lochlannachaib, & ro tairrnged na
3167] longa-sin léo a tír, & do cuired da mac ríg Lochlannfhochlaidib
3168] talman .i. Conus & Conmael. Ocus dala da mac rig
3169] Connacht .i. Art & Eógan, marbh iat fó chétóir & tócbait in
3170] Fhiann suas os chind Tuinde Rudraigi iat annseo, ar Cailte, &
3171] ro fiarfaig Find dib : ‘In bud inleighis sib, a chairde?’ ar se.
3172] ‘Dursun duit-siu sin do ráda’, ar siat-som, ‘& febus t' aithne,
3173] uair rangadur náe cét laech uim cach fer uaind & adorcradar-
3174] som & torcramar dono, & dentar ar fert & tócthar ar lia os ar
3175] lighi, & na h-airm da n-dernnsamar maith’, ar siat, ‘& tucaissi a
3176] tuarustal duind adhlaicter iat maraen rind.’ Ocus ro deilig
3177] anam re corp dóib ann, & ro cuired a n-dís brathar fa fhochlaidib
3178] talman annsin iat, & is í-sin in chúis ima raibe a m-blad
3179] & a nós da n-eis. Ocus adubairt Find:
    1. 3180] Fertan Airt ocus Eogain
      socaide risar' beo-guin,
      3181] inmain dias, nir' dáer a m-breth
      na n- gilla n-óc n-amulchach.
    2. 3182] Da mhac rig Connacht aniar
      rop aiti chon is choniall,
      3183] rob aiti maitius malle
      eisdrecht ocus obhloire.
    3. 3184] Adeirim-si riut reime
      is fír in ní ráidim-ne,
      3185] inmain dias fa calma glecc
      nochur' cuired iat 'sin fert.

¶ 239. {folio 128a2}
3186] ‘Ar fír do gaile & do gaiscid riut, a Chailti, tabair
3187] na h-airm duind assin fhirt fhótbaig anís’. ‘IS lesc lem-sa sin’, ar Cailte,
3188] ‘ar son Fhind meic Cumaill & na {SG page 165} muintire moire ro adlaic iat, &
3189] do-gébthái-si iat.’ Ocus ro eirgetar & ro oslaicetar in fert, &
3190] tucsatar na h-airm as anís .i. In Órlasrach & In Munderg, &
3191] tucad in darna sleg díb d' Aengus, do mac rig Ulad, & in t-shleg aile
3192] .i. In Órlasrach, ac g Ulad féin. Conidh Cath Trága Rudraigi
3193] ainm in catha-sin, & tallann do thallannaib na fiannaigechta.
3194] Ocus ro cuired issin fert iarsin iat, 7 ro tócbad a lía, & ro
3195] scribad a n-ainm oghaim and.

¶ 240.
3196] ‘Ad-rae buaid & bennacht, a m' anum, a Chailti’, ar
3197] Ulad: ‘is mor in fis & in t-eolus do fhácais acaind.’ Ocus tangadur
3198] isin n-dunad anunn, & ro cóirged tech n-óla accu, & do


p.91

7
3200] badur co subhach ind áidchi-sin. Cailti immorro, ro bói crot-boll
3201] sádaile & senordachta air in lá-sin, & tainic Ulad ar
3202] amus Cailti, & suidhis ar in imdaid aici. ‘Maith m' anum, a
3203] ríg- féindid, a Cailti, cindus atathar accut aníu?’ ‘Da faghaind
3204] selg & fiadach Beinde Boirchi do denam dam, is ferrde do beind.’
3205] ‘Do-geba immorro’, ar Eochaid Faeburderg mac Firglinde, Ulad.
3206] IS andsin ro tinoiled a choin & a cuanarta d' indsaigid in rig, & do-luid
3207] co Beind Boirchi bothuaid, & do-luid Cailte leis & do ordaig Cailte
3208] in t-shelg in la-sin innus co tabrad in fer in coneill i l-laim a chéile
3209] ó Ethaig co Tuind Tuile bothuaid i nd- aird tuaiscirt Beinde Boirchi.

¶ 242.
3210] IS ann immorro ro bói Cailti & Ulad ar Tuind Tuile
3211] ac mor-dechsain na mara amach, & at-chonncadur in n- ingin
3212] maccaemda arin túind amuich & sí ic cul- shnámh & ic táeb-snám
3213] & ic traigir-snám, & ro t-shuid ar in tuind ina fiadnaissi mar do
3214] t-shuidhedh ar tulaig nó ar carraic, & ro thócaib a cend & adubairt:
3215] ‘Nach h-é Cailte mac Ronain siút?’ ar inn ingen. ‘Is mé
3216] co deimin’, ar Cailte. ‘Is mór la at-chonncamar thú ar in
3217] carraic-sin ar a fuili at shuidhe í farrad in fhir is ferr do boi a
3218] n-Eirinn & a n-Albain .i. i farrad Find meic Cumaill.’ ‘Cia
3219] thussa amlaid?’ ar Cailte. ‘Lí Bán ingen Echach meic Eogainn
3220] meic Aililla, missi’, ar sí, ‘& atú cét bliadan ar in uisci, & nir'
3221] thócbus cend do neoch ó do-chuaid in flaith Find gusaníu, &
3222] iss ed fo-dera dam cend do thócbail aníu .i. Cailte d' fhaic- sin, {F§}
3223] in mac oglaigh is ferr ruc ben i n-Érinn’. Cailti cecinit:

    1. 3224] Canas a tic in tond tuile
      asin aicén folt- buidhi?
      3225] cá tír asa luidh lith co n-ádh
      cred do-beir suan na sianán?
    2. 3226] Inn í Tond Rudhraigi ruaidh
      tic andes nó tic atuaidh?
      3227] nó inn í in tond báidhes ille
      gáires i Tráig n-Eothaile?
    3. 3228] Inn í Tond Beindi Étair fhuair
      Tond Indbir Colpa cruaidh?
      3229] nó Tond Trágha Baile bind
      fil isa h-aire ar Érinn?
    4. 3230] Inn í Tond Clidhna co m-buaidh
      tuaires in caladh comcruaid,
      3231] no inn í Tond Duiblindi dhe
      nó inní Múr meic Dairíne?
    5. 3232] Cid be tond dib aille imnail
      alaind a lí co lan- glain,
      3233] bind a torman 'sa cúan cas
      is fuar in comrad canas.
§

p.92

¶ 243.
3234] INa degaid-sin tangadur na fiada amach isin muir ar
3235] teiched roim na conaib. ‘Iassacht don t-shleig dam, a Chailti’,
3236] ar Lí Bán, ‘co marbur na fiada dí & co cuirer ar tír suas dáib
3237] iat.’ Ocus tuc Cailte in Coscuraig ina laím, & ro marb na
3238] fiadu amlaid-sin, & in t-shelg is mó do- róine Find riam issin
3239] n-inadh-sin ba comeit re in t-shelg do-roni {folio 128b1} Cailti in lá-sin.

¶ 244.
3240] Ocus dala na h-ingine ina deghaid-sin, ro diubraig a {SG page 166}t-shleg
3241] chum Cailti suas ar tír, & do imthig féin uathaib annsin & tairrnig
3242] in t-selg-sin do denum
, & amail indissit
3243] úghdair co rainic mucc & agh & eilit do cach cúicir d' Ulltaib
3244] in lá-sin, & co rainic .xxx. fiad fo dilmain do rig Ulad & do
3245] Chailti, & tangadur reompo co Raith na Sciath ris raiter Raith
3246] Imil
issin tan-so.

¶ 245.
3247] Conid h-i Selg Beindi Boirchi & Imaccallaim Li Baine,
3248] ingine Echach meic Eogain g Eirenn, & Cailti
conici sin.

¶ 246.
3249] Ocus tangadur anunn issin raith, & ro cóirged tech óla &
3250] áibniussa accu, & is annsin do chonnairc Cailte raet rob ingnad
3251] leis isin tigh n-ola .i. ingen mín mong-buide isin fhochla
3252] fhéinneda ic tidlocad t-shet & máine ar son ar' gabad do dán &
3253] d' eladain
astigh.

¶ 247.
3254] IS annsin ro fiarfaig Cailte do rig Ulad: ‘Cia inn ingen
3255] da tabur in miad & ind anóir seoch cach uili?’ ‘INgen óclaig
3256] dam-sa’, ar Ulad, ‘& ní'l da t-shíl ina bethaid acht in n-ingen-
3257] út, & is amlaid atá inn ingen, a Cailti’, ar Ulad, ‘& leth-rann
3258] aicce, & ní fhaghann a n-Eirinn nech do-ní leth-rann dílis dó-sin.’
3259] Ocus adubairt Cailte: ‘ní fer dana missi ám’, ar Cailte, ‘& gab, a
3260] ingen, in leth-rann.’ Ocus adubairt inn ingen in leth-rann, &
3261] adubairt Cailte 'na degaid:


    3262]
  1. Rann.
    Dún Fhir Duib.
    is sé in dunad fata ar fuil:
  2. 3263] Dixit Cáilte:

3265] Ocus ro chuir Cailte in cornn assa láim, & ro cháiestar déra
3266] falcmara fír-thruaga cor' bo fliuch blái & bruinde dó. ‘Ciall in
3267] raind, a m' anam, a Cailti?’ ar in . ‘Atá accum-sa a chiall’,

p.93


3268] ar Cailte, ‘& dursain dam a tar- rachtain in ní da tá, & in fetrais,
3269] a Ulad, in cethrar is ferr eineach ro bói a n-Eirinn & a
3270] n-Albain i com-ré & i com-aimsir ríu .i. Find mac Cumaill &
3271] a mac Oissin, & Dub mac Tréin annso do Ultaib & a mac- séin
3272] .i. Fial mac Duib, & ro bói enech d' imarcraid accu-sin. Uair da
3273] tuctha i r-raibhi a n-Eirinn & a n-Albain doib ro thidlaicfidis
3274] acht co faghbadais nech da iarraid orro, & do bo truag lé Cormac
3275] & lé Find in t-einech-sin do beith acco, & gan a beith do
3276] maithius mor-adbul acco ní ro dilfad h-é.’

¶ 248.
3277] IS annsin tangadur fir Eirenn fecht co h-aenach Taillten
3278] .i. Cormac h-úa Cuind Eirenn & Find mac Cumaill, tri catha
3279] na Feinde & aes na trebaire uile, & do-riacht ann Dub mac
3280] Tréoin & a mac Fial mac Duib, & ro t-shuidhedur a fiadnaissi rig
3281] Eirenn
& a meic. Ocus nirb' aichnid do g Eirenn roime-sin h- é
3282] fein na a mac, acht a chloistecht, & iss é ro bói ar leth-laim
3283] Chormaic .i. Find mac Cumaill & Oissin ar laim Fhind, & Cairpre
3284] Lifechair
ar {SG page 167}laim aile Chormaic.

¶ 249.
3285] ‘Maith a m' anum, a Chormaic’, ar Fhind, ‘ind aichnid duit-siu
3286] in t-óclach atá at' h-fiadnaissi?’ ‘Ní h-aichnid um’, ar Cormac.{folio 128b2}
3287] ‘Dub mac Treoin, do cuiced Ulad atuaid, & a mac
3288] Fial mac Duib.’ ‘Inn é siut’, ar Eirenn, ‘in t-óclach daibir
3289] deig-einig at-chluinmíd d' imrád?’ ‘Iss é immorro’, ar Find, &
3290] ro fhiarfaig in : ‘Caide Fial do mac?’ ar se. ‘Ic seo am
3291] fharrad h-é’, ar Dub mac Treoin. ‘Cred ima tarrla in t-einech
3292] atá acaib eter athair & mac’, ar in , ‘& sibh in bar macaib
3293] óclach?’ ‘Truag sin, a uassail, a Chormaic’, ar in mac .i. Fial,
3294] ‘dar lind da tucmais eitech nó éra ar nech do- gébmais bás, eter
3295] athair & mac.’ ‘IS truag duib, a fhiru Eirenn’, ar Cairpre
3296] Lifechair
mac Cormaic & ar Oissin mac Find, ‘gan furtacht &
3297] gan foirithin do thabairt ar Dub mac Treoin & ar a mac.’
3298] Ocus at-chuala Find & Cormac sin, & maithe fer n-Eirenn, ‘&
3299] do-béram-ne’, ar siat, ‘ind fhoirithin aderthai-si orru, uair is re
3300] feraib Eirenn caithfither a tiubarthar doib.’ ‘Do-bér-sa, ar


p.94


3301] Cormac, ‘cét do cach crud cacha bliadna doib.’ ‘Do-bér-sa in
3302] coibeis cétna’, ar Find, ‘cacha bliadna doib’, & do gellsatar
3303] maithi fer n-Eirenn fos maithius aile doib. Ocus tainic Dub
3304] mac Treoin reime chum a dúnaid fein, & ro bói ac caithem
3305] in maithiusa-sin ann co cend secht m-bliadan n-deg, & ní h-eitir
3306] a aírim in neoch do-rínset do maith rissin re-sin, no co tainic
3307] torrthaim & tupaist chuice ar faichthi a dúnaid féin adhaig
3308] ann .i. marc-shluag sirrachtach sidhe do thiacht adhaig n-aen
3309] ann co Raith Duib Meic Treoin í coiced Ulad’, ar Cailti, ‘& ro
3310] fhiarfaigedur cia in baile-sea, & adubairt nech ríu’: ‘baile Duib
3311] meic Treoin, in aen-óclaig as ferr einech do Macaib Miled &
3312] do Tuaith Dé Danann.’ Ocus adubairt fer dib: ‘Is truag gan
3313] fer a frestail accainde do Thuaith De Danann’, & ro gabustar
3314] fer dib sleg neimnech ro bói aici, & tuc builli dó i nd-odhur a
3315] chiche cor' marb. Ocus gabais Fial a mac a inad ré ré .x.
3316] m-bliadan & tri .xx. bliadan. ‘Maith m' anam, a ingen’, ar
3317] Cailte, ‘ca caradrad do bói duit-si riu-sin in tan ro fhiarfaigis dim-sa
3318] in scél-sin?’ ar Cailte. ‘Ingen don óclach déidenach sin
3319] misi’, ar issí ‘.i. do Fhial mac Duib, & ní mairenn don muintir
3320] moir sin do-conncais achtmád missi am aenur, & airi-sin, a
3321] m' anam, a Chailti, tuc Ulad comus a t-shét & a máine dam-sa
3322] re tindlucudh.’ ‘Ocus ca comainm tusa, a ingen?’ ar Cailte.
3323] ‘Uaíni ingen Fheil meic Duib m' ainm’, ar si; & adubairt Cailti:
    1. A Uaíní, a ingen Féil
      ropo maith t' athair do chein,
      3325] rob é-sin cara na cliar
      in laech forusta fir-fhial.

¶ 250.
3326] ‘Ocus is sé-sin’, arsi Cailte, ‘ciall in sceil ro fhiarfaigis dim
3327] & córugud t' athar & do t-shenathar, & cubaid do rig Ulad comus
3328] a t-shét & a máine duit re tindlucud.’
3329] IS annsin adubairt in .i. Eochaid Faeburderg mac
3330] Fir Glinde, re mac .i. re h- Aengus: ‘tabair, a m' anam, a gill’, ar
3331] se, ‘in ingin ut, uair ní fuighbé tú a cóiced aile a n-Eirinn ben
3332] as ferr scela athar & {SG page 168}sen- athar ina sí.’ Ocus tuc in t-óclach h-í
3333] iarsin, & do bói d' aen-mnái aici nó co n-dechaid éc. Ocus ina


p.95


3334] degaid-sin ro badur ac ól & ac aibnius co cenn tri la & tri
3335] n-áidchi.

¶ 252.
3336] Ocus adubairt in Cailti {folio 129a1}: ‘Maith m' anum,
3337] a Chailti, do bo maith lem-sa dul d' fhiadach & d' fhiann-choscur co
3338] Forad na Féine annso.’ Ocus do eirgedur co moch arnamairech
3339] tri catha co Forudh na Féine, & Cailte maraen ríu, & 'ar rochtain
3340] doib ann tancadur na maithe & Cailte issin lis mor do
3341] bói ann, & at-chonnairc Cailte in t-inad-sin, & adubairt: ‘sochaidhe
3342] ám’, ar se, ‘ro dílad don tellach-so d' ítaid & d' occorus, & do
3343] dán & d' eladhain ac Find mac Cumaill.’ Ocus ro t-shuid Ulad
3344] ann, & maithi in t-shluaig, & Cailte maraen ríu.
3345] Is ann tainic Cas Corach mac Caincinde dochum Cailti.

¶ 253.
3346] Ocus ní cian ro badur ann co facadur in scolóc da n-indsaigid,
3347] & brat álaind uaine uime, & delg airgit ann, & leine
3348] do t-shidha buidhe ria cnes, & inar maeth-sroill tairsi anechtair,
3349] & timpan toghaide ara muin. ‘Canas tice, a scolóc?’ ar
3350] Ulad. ‘A Síd Buidb Deirg meic in Dagda andes, a deiscert
3351] Eirenn’. ‘Cid rot-imluaid andes nó cia thú féin?’ ar in .
3352] ‘Cas Corach mac Cáincinde, mac ollaman do Thuaith Dé
3353] Danann
, & damna olloman mé fein’, ar eissim, ‘& iss ed rom-imluaid,
3354] d' fhoglaim fhessa & fhir-eolais & scelaigechta & mor-gnim gaiscid
3355] na Féinne ó Chailti mac Ronain.’ Ocus tar a eis-sin do-roine
3356] céol & airfided dóib, & ro chuir ina suan chotalta iat. ‘Maith,
3357] a m' anum, a Chailti, ca fregra do-beire forum?’ ar eissium.
3358] ‘Cach ní da tangais d' iarraid d' fhagbail duit, & da raib acut
3359] fein d' eladhain & d' intlecht cach ní do- rindedur ind Fhiann do
3360] gnimradaib gaile & gaiscid do denum. Ocus ro bói óclach issa
3361] baile-seo .i. Find mac Cumaill, & do ba mor do chrod & do
3362] thuarustal-sa uaidi ar th' airfided, cid falam in baile at-chí.’
3363] Ocus adubairt in láid ann:

    1. 3364] Forud na Fiann fás anocht
      gus' ticed Find Faeburnocht,
      3365] do bás deg-duine gan brón
      as fás Almu uassal-mór.
    2. 3366] Ni mairend in muintir maith
      ni mair Find féin in fir-fhlaith,
      3367] ní fuil in cuire gin cleith
      na ruire 'mun rig-fhéinid.

    3. p.96

    4. 3368] As marb uile Fiann Find
      ge do-chuadur glind de glind,
      3369] olc atú a n-diaid na ríg rán
      tar eis Diarmata is Chonan.
    5. 3370] D' eis Guill meic Morna don Maig
      ocus Ailella Cétaig,
      3371] iar n-dith Eogain in gái glais
      ocus Chonaill don chet-fhrais.
    6. 3372] Adeirim-si riut reime
      as fír dam ind fhaistine,
      3373] is mor ar n-esbada ann
      gan Dub Dírma ic Tech Drumann.
    7. 3374] 'Ar n-dith na cuire is na cét
      is truag nach ann fuarus éc,
      3375] iarna n-dul a h-or a nd-or
      corob forlan in Forud.
      3376]

      Forud.

¶ 254.
3377] IS annsin tuc Cailte da uidh & da aire esbaid na carat &
3378] na comalta & na n- drong-buidhen mor iter a raibi, & ro cháiestar
3379] déra troma fír-thruaga ann, cor' bo fhliuch blai & bruinde dó.
3380] Ocus tangadur amach assin co Tulaig in Trir, & do t-shuidhedur
3381] ann .i. Ulad & Cailte & cach archena, & ro fhiarfaig Ulad
3382] do Chailti: ‘IS álaind in tulach tonn- glas toghaide’, ar in ,
3383] ‘& crét ima tucad Tulach in Trir ar in tulaig-seo, {folio 129a2}, &
3384] cid fa tucad Abhann Deisi ar ind abhaind-seo, & cid fa tucad
3385] Lecht Chind Con ar in inad út thall?’ ‘Gingub nua in ní
3386] dia tá, indessat duit in ní dia tá sin, & ní ba sen missi ind
3387] uair do lenadur na h-anmanna-sin ucut .i.’

¶ 255.
3388] ro bí ar Albain .i. Iruath mac Ailpin, ri Alban, & ro
3389] badur tri h-ingena aici .i. Muiresc & Aiffi & Aillbi a n-anmanna,
3390] & tucsat gradh do thriur óclach i fiannaib Eirenn .i. do thri
3391] macaib Aencherda Berra .i. Ger & Glas & Guba a n-anmanna,
3392] & tucsat na h-ócláig-sin grád dóib-sium, & ro bói com-sheirc re
3393] .xx. bliadan eturru, & ro éladur fecht n-óen ann, & tangadur
3394] conici in tulaig-sea, & ro thuit a torrthaim suain & cotalta forro
3395] annso, & is sí-sin uair & aimser ro cuired bruigen uathmur re
3396] Find mac Cumaill & re mac Mic Con, maic Maic Nia, i cuiced
3397] lán-alaind Laighen, & nocho n-uil airem ac filedaib a torchair
3398] dona Fiannaib ann & do muintir Fhathad Canand, & do-rocradur
3399] dono ann na tri geraiti gaiscid sin .i. tri meic Aencherda Berra.
3400] Ocus dala in trir ingen sin, ro eirgedur assa cotlud, & do-chonncadur
3401] triar óclach don Fheind do n- indsaigid, & ro fhiarfaigedar


p.97


3402] scela díb, & indissit in bruigen do thabairt & ár na
3403] Féine do thabairt ann, & tri meic Aencherda Berra do thoitim.

¶ 256.
3404] IS annsin do-ronsat na h-ingena nuall & toirrsi isin tulaig-
3405] sin, & fuaradur bás ann do chumaid na tri mac-sin Aencherda
3406] Berra
, & do badur da derb-chomalta ac ni h- ingenaib-sin .i. dá
3407] mac ríg Catt atuaid .i. Uillenn & Eochair a n-anmanna, &
3408] do-ronsat airbirt tenn treorach a n-diaid a comalta, & do-riachtadur
3409] conici ind abhaind-seo, & ro thuil ind abhann ríu, & at-chonncadur
3410] na h-étaigi iudhlaidhe ingantacha don leith aile, & tangadur
3411] isind ath co rodana, co ro báid in tuile na h-abhann iat,
3412] & iss iat atá fa in da fert glasa út for ur ind atha.

¶ 257.
3413] ‘Ocus cred fa n-abar Lecht Chind Chon rissin lecht út allanall
3414] don ath?’ ‘Cú grádach ro bói ac Find mac Cumaill, ar
3415] Cailte .i. Adhnuall a h-ainm, & do-rala ar sechrán & ar merugud
3416] h-í ó bruidin bothuaid, & ro t-shir Eirinn fá thrí co toracht
3417] in t-ath-so, & tuc a tri donala aisti annseo, & fuair bás ann,
3418] conid uaithi-sin’, arsi Cailti, ‘ata Lecht Cind Chon, & is sí-sin,{SG page 170}
3419] a m' anum, a Ulad’, ar Cailte, ‘in tres cú is ferr fuair Find riam.’

¶ 258.
3420] Dala immorro da ríg-fheinded Ulad .i. Goll Gulban & Cas
3421] Cuailgne
, ro badur ac seilg & ac fiadach in maigi-sea, & at-chonncadur
3422] na tri h-ingena mong-buide, & siat marb ar in tulaig-sea,
3423] co sáine étaig cacha datha umpu, & ro badar icá n-écaine co
3424] fata & ro chuiredar fó thalmain a triur derbshethar iat, & tangadur
3425] sís isin n-ath, & at-conncadur in dís mac- caem ann arna
3426] m-bádud, & ro chuirset fa fhochláitib talman iat fos. Ocus
3427] adubairt Cailti in láid and:{folio 129b1}

    1. 3428] IS í-seo Túlach in Trir
      as' tangadur tír do thír,
      3429] bid h-e a h-ainm o sunn amach
      co tí in díne déidinach.
    2. 3430] Is í seo Abhann Deissi
      chum arb' eolach fos misse,
      3431] don dís-seo ro báidtea ann
      frith fa phortaib na h- abann.
    3. 3432] Leacht Con a cind ind atha
      indeossat daib gan fhatha.
      3433] Adhnuall rob é ainm na con
      adér rib gan imressan.
    4. 3434] Mor céite is mor carrac cruaid
      immá n-dernus airm d' imluad,
      3435] gid uathad thanag as tír
      sunna co Tulaig in Trír.
      3436]

      Is í seo.


p.98

¶ 259.
3437] Ceilebraid Cailte do rig Ulad iarsin, & tainic reime i
3438] n-étnaib cnocc & carracc co fos-mullach Sleibe Fuait fér-uaine,
3439] co Caerthend Cluana Da Dam, & co Rót na Carpat,
3440] áit ar' chuirset Ulaid a carpait uathaib ac dul a n-degaid catha
3441] Gairige & Ilgairigi. Ocus ar rochtain do Chailti co rici sin, is sí-
3442] sin aes & uair do-rala naem Pátraic co Ráe na Carpat a tri .l.
3443] espoc & a tri .l. sacart & a tri .l. deochain & a tri .l. salmchetlaid.
3444] Ocus ro t-shuidetar ann, & ro bói Pátraic ac dénam a
3445] trath & ic etarmolad in Dúiliman a cind Ráe na Carpat í
3446] fossad mullach t-Shleibe Fúaid. Ocus do-riacht Cailte cona
3447] naenbur Féine & Cas Corach mac Caincinde in t-airfidech ann,
3448] & ro fherastar faeilte re Cailte, & ro badur na cleirig ac fiarfaige
3449] scél de, & ro indis a thuirrthechta rissin m-bliadain-sin dóib.
3450] ‘Caide Brogan scribneoir?’ ar Patraic, & ro frecair sin. ‘Scribthar
3451] & lessaigther let cach ní do chan Cailte ón ló ro delaig rinde
3452] ac in chairthe a Mullach Uisnig co h- am na h-uaire-sea.’
3453] IS ann tarla Cas Corach mac Caincinde ar Pátraic
3454] .i. in timpanach.

¶ 260.
3455] ‘Maith m' anam, a Cailti’, ar Pátraic, ‘cuich in maccaem
3456] cenn-cas álaind a m-brut gorm ut accut & in crann cíuil aicci?’
3457] ‘Cas Corach mac Cáincinde mac olloman Tuaithe Dé Danann’,
3458] ar Cailti, ‘& tainic d' fhoglaim fhessa & fhír-eolais chuccum-sa.’ ‘Maith
3459] in chonair tainic’, ar Pátraic, ‘& a Chailti’, ar Pátraic, ‘ro fhuirged
3460] ré maithius mor thusa .i. re h-aimsir chreidme & nóem &
3461] fhíren, & ré beith a muintirus Ríg nime & talman, & can duind,
3462] a Chas Choraig, ní dod dán & dot eladain féin.’ ‘Do-géntar immorro’,
3463] ar Cas Chorach, ‘& ní derna reomut riam do neoch darab
3464] ferr lium a denam ina duit-siu, a naem-chleirig’, ar eissium.
3465] Ocus tuc a thimpan cuice & ra gles h-í, & do t-shéind h-í co
3466] tucastar cairchi cíuil urrí, & ní chualadur riam reime a chom-mbind
3467] acht mád adhmolad na canóine coimdeta & edarmolad
3468] Ríg nime & talman.
3469] IS annsin ro thuit a toirrthim suain & cotalta for na
3470] cleirchib leissin céol sir- rachtach sídhe, & tairnic {SG page 171} leis a airfided
3471] do denam. ‘Tabair luag ind airfidid dam, a naem-chleirig’, ar


p.99


3472] Cas Corach. ‘Cá luag iarrai?’ ar Pátraic. ‘Nem dam fein’,
3473] ar eissium, ‘uair is é luag as ferr h-é, & rath ar m' eladain féin
3474] co brath. Patricium edixit artem timpanistraram{folio 129b2} , & ar lucht m' eladhan chaichi am degaid.’
3475] ‘Nem duit’, ar Pátraic, ‘& corub h-í in tres eladha ar a fagaib
3476] nech a lessugud fa deridh a n-Eirinn h-í, & cid mor in doichell
3477] bias roim fhír th' eladhan, acht co n-derna airfided & co n-indsi
3478] scela, gan doichell reime’, ar Pátraic, ‘& fer lephtha ríg tre
3479] bithu ret' eladain, & soirbius dóib acht na dernat leisce.’ Ocus
3480] ro chuir-sium a crann cíuil ina comet.

¶ 262.
3481] ‘Maith ind elada-sin do-rónais duind’, ar Brogan, ‘Is maith
3482] immorro’, ar Pátraic, ‘acht muna beth sian-argan in brechta
3483] sídhe inti, & nochon fhuil ní bo chosmala re céol Rig nime inas
3484] acht muna beth sin.’ ‘Ma tá ceol a nim’, ar Brocan, ‘cid nach
3485] biad i talmain, & ní cóir amlaid ind airfited do dichur’, ar
3486] Brocan. ‘Ní apraim úm’, ar Pátraic, ‘acht gan ro-chreidim dó’.

¶ 263.
3487] Ní cian ro badur ann co facadur aen-óclach forusta find-liath
3488] da n-indsaighid, & brat corcra uime, & delg óir ann, &
3489] claidim órdaidi imma brágait, & lorg fhind-chuill issin dara laim
3490] dó, & tuc a chend a n-ucht Patraic, & slechtais dó. ‘Carsat
3491] com-ainm tú, a óclaig?’ ar Patraic. ‘Eogan Ardbriugaid m' ainm’,
3492] ar in t-óclach, ‘do muintir rig Eirenn .i. Diarmata meic Cerbaill.’
3493] ‘INd accut-sa at-clos duind in maithius mor do beith?’ ar
3494] Pátraic. ‘Is accum, a chleirig’, ar eissium. ‘Ind adhaig
3495] anocht ar do t-shelbad’, ar espoc Soichell .i. prim-ronnaire Pátraic.
3496] ‘Ca h-adhaig anocht?’ ar Eogan Ardbriugaid. ‘Adhaig t-Shamna’, ar Pádraic. ‘Do-gebthái faeilti acum-sa o
3497] aídchi t-Shamna co h-aídchi Belltaine in lín atáthi eter áigedaib
3498] & muinter’, ar eissium. ‘IS méth in manach’, ar Beineoin,
3499] fuair in cleirech. ‘Rachaid do fhognum na Macha bothuaid’,
3500] ar Pátraic, ‘& masa méth bid ed a mac & a ua ina degaid.’
3501] ‘Ocus ca ferr ainm da m-biath forro’, ar Benon, ‘inait h-Úi
3502] Meith Macha
?’

¶ 264.
3503] IS annsin at-chonncadur in .l. fer mor da n-indsaigid, &
3504] deilge iarnaide ina m-brataib, ‘ocus cia so’? ar Patraic. ‘Mo


p.100


3505] brugaidi-sea & mo biataig sin’, ar Eogan. Ocus ro eirgedar a
3506] n-aen-facht & ro t-shlectsat do Pátraic uili. ‘Bar m-béo-maicne &
3507] bur marb-maicne don Macha co bráth’, ar Pátraic.

¶ 265.
3508] IS annsin ro ferastur trom-snechta mor & aincis fhuar- dachta
3509] ar in cóiced uile, co roiched co sleasaib fer & co formnaib miled
3510] & co feirtsib carpat, co n- derna gat-shnim do barraib na fidbaide
3511] for-ruade, co nach fétadais dáine imtecht ann. {SG page 172} Ocus is annsin
3512] adubairt Cailti: ‘Inam amh’, ar se, ‘do damaib alltaide & d' eilltib
3513] dul a n-indib cnoc & carrac innois’, ar eissium ‘& innum éicned
3514] do dul a cuassaib bruach ann.’ Ocus adubairt:

    1. 3515] Is fuar geimred, at-racht gaeth
      eirgid dam discir derg- baeth,
      3516] ní te anocht in sliab slan
      gé beth dam dian ic dordan.
    2. 3517] Ní thabair a tháeb re lár
      dam t- Shleibe Cairnn na comdál,
      3518] ní lugha at-chluin céol cúaine
      dam chind Echtgi ind-fhuaire.
    3. 3519] Missi, ar Cailte, is Diarmaid donn
      ocus Oscur aith édrom
      3520] ro chloisdis re ceol cuaine
      dered áidchi adh- uaire.
    4. {LM folio 181b1}
    5. 3521] As maith chodlus in dam donn
      fuil is a chnes re coronn,
      3522] mar do beth fá thuind tuaidhi
      deiredh oidche ind-fuaire.
    6. 3523] Aniu isam senóir sen
      ni aithnim acht becán fer,
      3524] ro chraithinn coirr-shleig co cruaidh
      a maduin oighridh inn-fhuair.
    7. 3525] At-lochar do rígh nime
      do Mac Muire inghine
      3526] do-beirinn mór sochd ar sluag
      ge ber anocht co h-ad-fuar.

¶ 266.
3527] ‘Is mithigh dúin imthecht’, ar Eogan, ‘dár n-dúnad & dár
3528] n-deg-baili.’ Ocus do éirgetar rompa, & at- chonncatar an dúnad
3529] ar a cind, & tucadh in baili ar a comus féin ar rochtain dóib,
3530] & tucadh Cáilte cona muintir a n-grianán n-deirrit n-diamair, &
3531] do bádar annsin teora lá & teora aidchi ac ól & ac áibhnes
3532] acht in comh-fhad do bítís na cléirig ac dénum a n-uird & a
3533] tráth & ac edarmholad in Dúilemhan.

¶ 267.
3534] Is annsin táinic Eogan Ardbrugaid d' acallaim Pátraic &
3535] do bói ga indisi do gan uisce do beith a comhfhochraib dhóibh,
3536] ór ba scíth dáine ag (tabair)t uisce cum an baili-sin. Ocus
3537] ingnad mar dho (bui in baile i)n lá-sin ina lathar-pholl talman
3538] (& bruindi cethr)a sliab uime anunn & anall (& gan dorus
3539] air acht in dorus) ar a ticte amach, & nach {folio 181b2} fétfaitís
3540] fir dhomain foghail ná dibferg air cémad áil leo. Do fhiarfaig
3541] Pátraic d' Eogan: ‘in b-fuarubar slicht sluaig ná sochaide romhuibh


p.101


3542] isin m-baili?’ ‘Fuaramar’, ar Eogan, ‘sleagh & cloidem &
3543] iarn-leastar ann.’ ‘Do-gébhthar a fhis-sin ac Cáiltí’, ar Pátraic.
3544] Ocus do-cuas ar cenn Cáilti, & tucadh d' innsaigid Pátraic h-é.

¶ 268.
3545] ‘Maith a anum, a Cháilti’, ar Pátraic: ‘in fuil a fhis acat
3546] duin cia do bói isin baili-se ria n- Eogan?’ ‘Urusa damh-sa a fhis
3547] dho beith agum’, ar Cáilte, ‘ór is mé in t-ochtmad fer do bhí
3548] ac tabairt in baili-se don fhir dá tuc Finn mac Cumaill é .i.
3549] aen-óclach do-rinne a mhuindteras ar éicin riamh re Finn .i.
3550] Conán mac in Léith Luachra aniar.’ Ocus do-rala dhó olc mór
3551] do dhénam re Finn .i. cú & gilla & óclách do mharbhadh ón
3552] t-samhfuin co araili don Fhéinn re taebh an tres duine as ferr
3553] do bhi do Chlannaib {SG page 173} Rónáin do mharbad .i. Aedh Rind mac
3554] Rónáin cona trí macaib .i. Aedh & Eogan & Eobran. Ocus
3555] do-riacht in flaith-féinnid co Carn Luigdech thiar i cóiced Muman,
3556] & ar suidhi dho ann iar n-dénam shealga do-riacht Conán
3557] da innsaigid do leith a chúil, & do gabastar tar a fhormna &
3558] tara arm-ghaisced in flaith-feinnid gan rathugud dó. Aithnis
3559] Finn in té don-gabastar amhlaid-sin. ‘Cidh is áil duit, a Chonáin?’
3560] ar Finn. ‘Mu chor & mo mhuinnteras & mu thairise do dhénam
3561] friut-sa, ór itú secht m- bliadna ac foghail & ac dibhfheirg ort, &
3562] ni fhuil fulang h' feirgi-se acam.’ ‘Gidh meisi rot- gabadh’, ar Finn,
3563] ‘atá dha mhét d' ulc & d' écóir do-rónais ar Fiannaib Eirenn nach
3564] sáilim do ghabáil dóibh cum sídha.’ ‘Acht gu n-gaba-sa mé, a
3565] ríg-féinnid, léic eadram & Fianna Eirenn’, ar Conán. ‘Gébat
3566] ámh’, ar Finn, ‘gidh coraighecht ar éicin damh.’ Ocus do ghabh
3567] Finn é, & do-rine a chor & a mhuindteras ris. Ocus do-riachtadar
3568] an Fhiann ina n-dronguibh & ina m-buidhnibh da n- innsaigid,
3569] & ba h-ingnad la gach n-droing thiced ann in dias is mó ba
3570] námuit a n-Eirinn & a n-Albain d' faicsin i n-aen-inad.

¶ 269.
3571] ‘Maith, a Chonáin’, ar an Fhiann, ‘cidh fil acat dúinn in(ár)
3572] mór-olcaibh?’ Freagras Conán cu comnart sin: ‘Gach (cath) &
3573] gach eicin & gach mór-olc do-ria cucaibh, cui(ridh misi i) na
3574] cenn’, ar Conán, ‘acht dá toiter-sa ann, (do tairistissi) oram bur
3575] bh-fhalta, & mina thoiter ann, (is oraib-si) {folio 182a1} bias a nós
3576] & a orrdharcas.’ ‘Dar ár m- bréithir ámh’, ar Oisín, ‘ní tucad dúinn
3577] riam coma budh fherr linn iná sin.’ Ocus do- rónad síth re Conán annsin.


p.102


3578] ‘Cá lín atái do mhuindtir, a Chonáin?’ ar Finn. Cúic cét
3579] óclach & cúic cét gilla & cúic cét con, ar sé. ‘Ó atai in coim-lín-
3580] sin’, ar Finn, ‘sir féin Eirinn, & in tricha cét thoghfus tu féin
3581] innti do-bér-sa duit h-é.’ ‘Ocus do-luidsium-ne ochtar óclach leis’,
3582] ar Cáilte, ‘conice in m-baili-si a tám, & ni raibi tairisi ag Conán,
3583] gia ro gabsat in Fian h-é chun sídha, no gu táinic don baili-se,
3584] & ó 't-chonnairc in baili-si cur' ba dún diamair daingiun di-thoghlaidi
3585] é tucasdar grádh dho, & táinic lion a shlóig & a muindtiri, & do
3586] gabadh in baili-si leis fria ré .xxx. bliadan, & gach cath & gach
3587] comracc thiced cum na Fénne fris-sin ro dingbhadh-som tosach
3588] gacha comhraic dhíb.’

¶ 270.
3589] ‘Crét aidhidh in Chonáin-sin?’ ar Pátraic. ‘An cethramad
3590] fer’, ar Cáilte, ‘fuair bás re h-adhart don Fhéinn hé .i. cruimh
3591] neime do ghabh 'na chinn, & fuair bás ón trath co araili.’
3592] ‘Créd rob uisce dho and-so?’ ar Pátraic. ‘Tipra fír-uisce
3593] atá san baili-so’, ar Cáilte. ‘As diamhair an t-inad itá’, ar
3594] Eogan, ‘ór ní fhaghmait ar lár talman h-í.’ ‘As uathad don
3595] Fhéinn dar' eoluch í’, ar Cáilte, ‘no gur' ormais aen-óclach dhíbh
3596] uirre, & no gur' urmaises-sa 'na dhegaid, &gur' urmais fer
3597] in baili féin iarsin.’ ‘Cia in cét-oclach?’ ar Pátraic. ‘Aedh
3598] mac Finn’, ar Cáilte, ‘& adeirim nach raibhe inadh asa tuc
3599] duine lán bledhi nó eascra a h-aill nó a h- abhuind nó a h-indber
3600] nó a h-inadh dí-thoghla a n-Eirinn nach bérad-som eolus a medón
3601] oidhche ann, & rucastar eolus gusin tiprait itá 'san baili-si.
3602] Ocus is ann atá an tipra’, ar Cáilte, ‘a slis-bhord na cairrgi
3603] cenn-gairbhi cloiche & faircle comh-dhaingen comh- dhlútha cloichi
3604] uirre. Ocus mór lá fuair Smirgat & Der Dhubh (a) (D)uibsléib
3605] h-í.’ Ocus at-bert Cáilte:

    1. 3606] (Atá) tipra san leith thes.
      do- ghén-sa dháibh bur n-deigh-leas,
      3607] (do-bér-sa) dúib for a lár
      usce eochar-gorm im-shlán.
    2. 3608] (Nocha n-fuil tipra) ocon dún
      at-bert Eogan gan mhí-rún,
      3609] mina cabra nimhe
      Mac maith Muire mín-(ghile).
    3. 3610] Ro ba mhaith m' engnam 'san chath
      a n-agaid na n-allm(urach),
      3611] ro thuitset lim-sa fo thrí
      tri cóeca fer co caeimh-lí.
    4. 3612] Smirgat ingen Fathaig fhéil
      ocus Dér Dhubh a Duibsléibh,
      3613] inmain dias téiged a fad
      don Fhéinn do brath a námad.

    5. p.103

    6. 3614] Ro bo mhé in Cailte co cruth
      sochaide dá tucus uch,
      3615] dá ro tinóilius dom rith
      lánamain gach fiadha ar bith.
    7. 3616] Maith in muinter muinter Finn
      mairg fhuil dá n-éis a n-Eirinn!
      3617] mór m-beodhachta in buidhen bras
      as mór n-iath a m-bói a n-eolas.
    8. 3618] {F§} Maith in muinter muinter Find
      mairg fuil da n-déis i n-Érinn,
      3619] cen locht orra ar tuind talman
      acht cen Dia do mor- adhrad.
    9. 3620] Aed mac Find
      fer nachar' creid crois na cill,
      3621] a cath conpaiti ro lái a tres
      is mor m-baile bái a eolas.
      §

¶ 272.
3622] ‘Dul anois’, ar Pátraic, ‘& in tipra d' faghbáil.’ ‘As egal
3623] leam a fagbáil’, ar Cáilte, ‘ór naenbar curad no bhídh ac tócbáil
3624] a faircle di & in coimh-lín cétna 'gá chur uirre arís, & as ecal
3625] lim uisqi na tiprat do bháthad in baile’, ar Cáilte. ‘As tualaing
3626] Dia a dháil mar bhus cóir’, ar Pátraic. Do éirigh Cáilte & do
3627] éirghedar-sum leis, & rígh-lia cloichi ro bói as slis in baili amach
3628] iadhus Cáilte a dhá láimh uimpe, & tairrngis chuige h-í, co
3629] táinic ród-bhuindi rói-mer d' uisqi eochar- ghorm fhír-áluind asin carraic
3630] gu raibhi ag dían-bhádad an baili. Annsin tócbus Pátraic
3631] an láimh caeimh creadhail ro fhóired gach n-airc & gach n-ainces
3632] frisi tabrad h-í, & sluicter in t-uisqi ar cúl doridisi isin sliabh &
3633] isin charraic cédna, cu nach raibhi acht lán baisi Pátraic ac
3634] snighe aisdi amach don uisgi. ‘Bas Pátraic’ ainm na tiprat
3635] budhesta, ar Beneoin. ‘As ced leam a beith amlaid-sin’, ar
3636] Pátraic, ‘no gu n-derntar finghal icá duthaigh isin baile re deireadh
3637] n-aimsire.’

¶ 273.
3638] Táncadar ar in faithchi imach Pátraic & Cáilte & an lín {SG page 175}
3639] do bátar isin dúnad, ocus nír' cian dóibh co facadar aen-óclach
3640] da n-innsaigid, & is amlaid ro bói an t- óclach-sin & léne do
3641] shída bhuidhi ré chnes & brat áluind uaine uime, & dealg óir
3642] isin brut ós a bruinde. ‘Cia thusa, a anum, a óclaich?’
3643] ar Cáilte. ‘Aedh mac Aedha na n-abasach , a Cnuc Árdmulla
3644] amuigh don mhuir’, risi n-abar RachlaindRachrainn isin
3645] tan-sa, ‘& macaem Tuaithe Dé Danann uili (mise), & d' fiafraigid
3646] neich dít-sa thán(ac anois)’. ‘Crét rob ail let d' fiarfaigid dhím,


p.104


3647] (a Aed)?’ (ar Cáilte). ‘(Ca ferr dam n)í dhá fiafrochainn díd iná
3648] cid fá tucadh Carn Manannáin ar an carn- so?’

¶ 274.
3649] ‘Óclach do Thuaith Dé Danann’, ar Cáilte ‘.i. Aillén mac
3650] Eogabail, tuc grádh do mhnái Mhanannáin meic Lir, & tuc derbshiur
3651] Ailléin grádh do Mhanannán .i. Aíne ingen Eogabail, &
3652] ba h-annsa le Manannán í iná in drong dhaena. As annsin
3653] ro fhiarfaig Aíne da bráthair .i. d' Aillén:’ ‘cidh’, ar si, ‘ro tráigh
3654] in dealbh rígda romhór do bhói fort?’ ‘Dar ár m-bréithir ámh,
3655] a ingen’, ar Aillén, ‘ní fhuil don droing daena nech dhá n-indesmais
3656] sin acht mad thusa at aenar’, & do indis di: ‘grád
3657] tucus’, ar sé, ‘d' Uchtdeilbh ingin Aengusa Find, do mhnái
3658] Manannáin.’ ‘Am láim-se atá a fhoiridin-sin’, ar Aine, ‘ór tuc
3659] Manannán grádh dam-sa & da tuca-som a mhnái duit-si fóifet-sa
3660] lais tar cenn furtachta d' faghbháil duit-si.’ Ocus táncadar rompa,
3661] ar Cáilte, .i. Aillén & Aine, conice in tulaig-sea, & do-riact
3662] Mannanán & a bain-chéli lais, & ro shuidh Aine ar láimh deis
3663] Manannáin, & tairbiris teora póc n-dil n-díchra dho, & ro fhiarfaig
3664] cách scéla da chéle dhibh. Mar at-chonnaic ben Manannáin
3665] Aillén tuc grád dho fochétoir, & do indis cach dib scéla da
3666] cheile
. Is annsin adubairt Pátraic: ‘As gablánach
3667] in scélaigecht-sin .i. siur Ailléin meic Eogabail do thabairt
3668] grádha do Manannán, & ben Manannáin do thabairt grádha
3669] dh' Aillén.’ Conadh de-sin atá in t-seinbriathar: gablánach in
3670] rét an scéluighecht. Ocus tuc Manannan a mhnái féin d' Aillén
3671] mac Eogabail, & tuc féin Aine siur Ailléin.

¶ 275.
3672] {F§}‘Ocus ro bai Aíne ingen Eogabail oc brécad Manannáin’,
3673] ar Cáilte, & do-rigni in láid and:

    1. 3674] A Meic Lir tairri lium
      co Daire n-Dairbri os cach dind,
      3675] gairfid cailigh beraid lon
      darís clochan da borb-chon.
    2. 3676] Canfaither duit ilar ceol
      iter éol ocus anéol,
      3677] bidgfaidh guth cuach os chaill céir
      re dordan daim damaire.
    3. 3678] Fascnam fedain feda faind
      snaghach snoidi claraig craind,
      3679] oig oc abrán re gaith n-gluair
      cerc fraich re aidche n-adh-uair.
    4. 3680] Eistecht re sianan senma
      re h-airfitiud n-ílderda,
      3681] ingena aille 'n-ar tigh
      do-gebtar dait, a Meic Lir.

      A.


p.105

¶ 276.
3682] Ocus ruc Aillen mnai Manannáin co Sid Eoghabail, &
3683] ruc Manannán Aine ingin Eogabail leis co Tír Tairngire.
§. 8

¶ 277. {LM folio 182b1}
3685] . ‘gOcus as iat-sin, a anum, a Aed’, ar Cáilte,
3686] ‘in dá cheisd do fiarfaigis dím.’ Ocus do bátar isin baili-sin re
3687] h-edh sechtmaine, & do thimnadar ceileabrad d' Eoghan Ardbhrugaid,
3688] & tuc Pátraic nemh dho ara n- derna dá réir.

¶ 278.
3689] Is annsin táncadar rompa co Gleann in Scáil soir, risi
3690] n-abar Muindter Diugra isin tan-so, áit a raibhe Pátraic a
3691] n-daeire ac Milcoin mac h- úi Buain ac ríg Dhail n-Araide, &
3692] at-ciat ceall shuthach ara cind, & .xxx. mac n-eculsa innti ac
3693] edarmolad {SG page 176}in Dúileman co dícra, & ac déchsain dóibh don
3694] taeibh eili secha at-ciat in ceall (aile ar in gort) cluana re a
3695] taeibh. ‘Do rígh nime (& talman at-loch)amar.’ ar Cáilte, ‘rob
3696] adhba slógh {LM folio 182b2} & sochaide sin gidh imat naemh & fírén
3697] anosa and.’ ‘Cia don Fhéinn do bhí isin baile út?’ ar Pátraic.
3698] ‘Raighne Roisclethan mac Finn isin dara baile díbh & Caince
3699] Corcarderg
mac Finn isin baili ele’, ar Cáilte, ‘& do mharbhsat
3700] Clanna Morna Raighne mac Finn.’ Conadh uada atá Magh
3701] Raigne
. Ocus ro marbsat in mac aili, conad uadha ata Sliab
3702] Caince
.

¶ 279.
3703] Ocus nir' chian do bátar ann co facadar ingin mín macdachta
3704] mong-bhuidhi da n-innsaigid, & suidhis ar an firt fótbhuigh
3705] acu. ‘Cia thusa, a ingen?’ ar Pátraic. ‘Edáin Fhoiltfhinn
3706] ingen Baedáin misi’, ar sí, ‘ingen rígh Dáil n-Araidhe. ‘Cidh um
3707] a táncais, a ingen?’ ar Pátraic. ‘Do thabairt ar m-beo-maicne
3708] & ar marb-maicne duit-si, a naemh Pátraic’, ar an ingen, ‘ór ni
3709] fhil dom shíl beo acht mé fein & mo dherbbráthair.’ Ocus tuc a
3710] láimh etorra & a léinid & tuc .l. bruth óir & .l. bruth aircit
3711] a raibhi .l. uingi d' aircet & .l. uingi d' ór ina screabal soiscéla
3712] do Phátraic, & do shlécht dó. ‘Gá ainm atá ar do bhráthair,
3713] a ingen?’ ar Pátraic. ‘Loingsech mac Baedáin’, ar inn ingen.
3714] ‘Ríghi n-Eirinn uaim-si dho’, ar Pátraic, ‘& triur dia shíl a ríghi
3715] dia éis.’ Gach ní bias acaind-ne dh' Eirinn co bráth duit-si, a
3716] naeim-chleirigh’, ar an ingen. Ocus do cheileabair dhóibh
3717] iarsin, & do bhádar ar in tulaig re h-athaid tar éis na h-ingine.


p.106

    1. 3718]
    {F§}Cailte cecinit.

3725]
[...]
abur on abur Tonn Clidna.

¶ 280.
3726] IS annsin ro bói óclach comaidechta do Muiridach mac
3727] Finnachta do g Connacht i farrad Pátraic .i. Corc mac
3728] Dairine, mac rig Corco Duibne. ‘Fiarfaigid rob ail lium do
3729] denam dit, a Chailti’, ar Corc. ‘Cid ima n-abur Tonn Chlidna
3730] & cid ima n-abur Tonn Téite risin tuind aili.’
3731] ‘IS accum-sa itá in scel-sin do glain-mebra’, ar Cailte .i.
3732] Óclach gráda ro bói ac Find mac Cumaill, .i. Ciabhan
3733] mac Eochach Imdeirg mac rig Ulad í tuaid, & is amlaid ro
3734] bói in t-óclach-sin in derscugud beiris in t- éscca ina chuiced
3735] dég do ard-rennachaib nime ruc in t-óclach- sin ar cruth & ar
3736] deilb do macaib rig & taissech in domain. Ocus ro gabustur toirrsi
3737] Fianna Eirenn reim Chiaban mac Echach Imdeirg, & rob é
3738] adhbur a toirrsi ní raibi ac fir nó gan fhir díb ben nach tucustar
3739] grad do Chiaban mac Echach, & ro diult Find reime, &
3740] gé ro diult ro bo lescc leis, acht ecail leis Fianda Eirenn dó ar
3741] mét a n-éta.

¶ 282.
3742] Ocus tainic reime co Tráig in Chairnn, risa n- abar Traig
3743] na Trénfer
, i cuicid Ulad, iter Dún Sobairchi & muir, & at-connairc
3744] curach cend-ard colg-díriuch {SG page 177} creduma and, & da gilla óca
3745] isin churach & tuighnech phutairle forro co formnaib
3746] a n-gualann, & bendachais Ciaban dóib, & do fregradur-
3747] som dó. ‘Cia sib a m' anum, a ócu?’, ar Ciaban. ‘Lodan mac
3748] ríg na h-India missi’, ar se, ‘& Eolus mac rig na Grege in fer
3749] aile út’, ar se, ‘& ro gluais tonn sind’, ar se, ‘& ro thimairg
3750] gaeth, & ní fhetamar cá crich nó cá cinel issin domun í tamait.’
3751] ‘In tí leis budh áil siubal mara lib in tiubrad sib cumaid dó?’ ‘Dá


p.107


3752] mad at' aen-fher duit’, ar siat, ‘do-bérmais.’ ‘Maith, a Chiabhain’,
3753] ar a muinter, ‘ind h-í Éire is áil let d' facbail?’ ‘Iss í am’, bar
3754] eissin, ‘uair ní fhagbaim mo dín na mo chomairchi inti.’ Ocus
3755] dala Chiabain tainic issin curach, & ro delaig re muintir,
3756] & ro badur co dubach domenmnach, & ro bo scarad cuirp ré
3757] h-anmain léo scarad ris. Ocus do-rindset a comunn & a caradrad
3758] Ciabhán & na h-óclaich do bhí 'san churach,

¶ 283.
3759] Ocus do eirgedur na tonna geala gairechtacha dóib coma
3760] cutruma re Sliab Mis nó re Slíab Édair nó re Slíab Elga
3761] cach mur-thonn mor muiride díb, & na h-éicne áille
3762] eochur-brecca no bith ré grian & re grinnell co mm-bidis ré
3763] slis-bordaib in churaig acco, & ro gab grain & eacla & uruamain
3764] iat-sum reime-sin. ‘Dar mo breithir ám’, ar Ciaban, ‘damad
3765] ar tir duind,
ro choissenmais sind i l-lathair chatha
3766] & comraic commaith.’

    1. 3767]
    Ciabhan cecinit.

¶ 284.
3775] Ocus ro badur isin mor-éicin moir sin nó co facadur in aen-óclach
3776] da n-indsaighid, & ech dub-glas fáe, & srian óir fria, &
3777] .ix. {folio 130a2} tonna fa muir dó & in nóbad tonn do eirged, &
3778] ní ba fliuch blae na bruinde dóib. Ocus do fhiar- faig in t-óclach
3779] dib: ‘ca luag do-berad sib don tí d' fhoirfed sib assin n-éicin-sin?’
3780] ‘Ní fhetamar in fil inar láim in luach sirther oraind.’ ‘Atá ám’,
3781] ar in t-óclach, ‘bar m-beith fein ar cur & ar muinterus in tí do
3782] fhoirfed sib.’ Ocus ro fhoemadur-sum sin, & tucad a láma i l-láim
3783] ind ócláig.

¶ 285.
3784] Ocus tuc in t-óclach chuice assin churach iat a tríur
3785] ar in n-ech, & ro bói in curach ar taeb- shnám lam risin n-ech
3786] co rangadur cuan & calathport i Tír Thairrngaire, & ro


p.108


3787] thairrlingetar ann, & tangadur co Loch Luchra & co cathair
3788] Manannain, & tairnic tech n-óla do t-suidhiugud rompo, & do
3789] frestlad & do frithailed iat a cethrar óclach ina degaid-sin, &
3790] ro benad a ceindbéca da n-dabchaid donn-iubhair leo, & ro tócbait
3791] cuaich & cuirnn & copana, & ro eirgedur gilli áilli aghmara
3792] abhrad-gorma re bennaib blath-cháine buabaill, & ro seinded léo
3793] timpana téit-bindi & cruite nua-binde náe- thétacha co tarla in tech
3794] ina choirchi chiúil.

¶ 286.
3795] IS annsin do eirgedur bachlaich srub-fhata t-shal-fhata t-sheired-chaela
3796] ruad-máela rintacha ro bith ac denam chles & chluiche
3797] a tigh Manannain, & ba h-é-seo cles do-nídis .i. .ix. m-bunnsacha
3798] bir-gaissi ina laim & a n-diubrucud ar leth-chois & ar leth-laim co
3799] féice na bruidne, & a n-gabail dó fon cor cétna, & is uime
3800] do-nídis sin, d' imdergad sóer-chlann so-chineoil ticdís a crichaib
3801] ciana comaichthi amuich. Ocus do-rinde ind adhaig-sin a chles
3802] feib do-nith riam roime, & tainic d' indsaigid Chiabain Chasmongaig
3803] meic Echach Imdeirg, & tuc na nae m-bunnsacha ina láim,
3804] uair is sé is ferr delb & taichim & tuarascbail do bói do Thuaith
3805] Dé Danann
& do Macaib Miled isin tigh-sin Manannain, & ro
3806] eirig Ciaban & do-rigne in cles-sin a fiadnaissi Manannain &
3807] maithe Thíre Tairrnhgaire mar badh h-é budh aen eludha dó
3808] riam reime-sin, & tuc i l-láim Eolais meic rig Greg, & do-rigne
3809] fan cuma cétna, & tuc in cles i l-laim Lodain meic rig na
3810] h-India, & do-rigne fan cuma cétna.

¶ 287.
3811] IS annsin ro bói prim-ollam maith ac Manannán a Tír
3812] Tairrnngaire
.i. Libra prim-líaig, & ro badur tri h-ingena aici .i.
3813] Clidna & Aífi & Étain Fholtfhind, & rob iat-sin tri taisceda genais
3814] & aentuma Thuaithe Danann, & nír b' ecail ní da marbad
3815] acht gái chró na genmnaidechta, & tucsat a n-aen-uair grád
3816] don triar-sin, & ro chindset élod fán cáemlaithe do ba nessa
3817] dóib, & tangadur co calath-port ina coinde in trir óclach sin,
3818] & tainic Lodan mac ríg na h-India & Eolus mac ríg Grég i nd-


p.109


3819] aen-churach, & tainic Ciaban mac Echach Imdeirg & Clidna
3820] ingen Libra i n-aen-churach, & ro thócbadur in snath-bréid sídaide
3821] i m-barr-uachtar in chraind t-shiúil, & luidedur reompo o tá sin
3822] co Traig Théite {folio 130b1} ingine Ragamnach i n-deiscert Eirenn
3823] tes, & is uime-seo tucad Tráig Théite urri .i. Téite Brec ingen
3824] Ragamnach do dul ann, & tri .l. ingen lé do chluiche chluithe thuinde,
3825] co ro báidhed ann iat, & conid uaithe atá Tráig Théite.

¶ 288.
3826] Ocus dala Chiabhain meic Echach Imdeirg, ro gabustur
3827] cuan & calath-port ar in tráig cétna sin, & do-luid do t-sheilg &
3828] do fhiadach fón crich fa comnessa dó, & tainic in tonn amuich
3829] dochum Chlidna, & ro báidhed h- í ann. Conid uaithe atá Tonn
3830] Clidna
urri. ‘Ocus tangadur teglach tighi Manannain ina n-degaid
3831] .i. Illathach & a da mac 'ar tabairt grada donn ingin, & ro
3832] báidhed ar in tráig cétna’, ar Cailte. Ut dixit Cailte:

    1. 3833] Clidna Cheindfhind, búan in bét
      ar in traig tainic a h-éc,
      3834] damna da mathair beith marb
      in ní dia tarla in sen-ainm.
    2. {SG page 179}
    3. 3835] Da n-dernad in t-aenach te
      ac lucht Tíre Tairrngaire
      3836] is sé thuc in mnái tre cheilg
      Ciabhan mac Echach Imdeirg.
    4. 3837] Rígan ind aenaig thall tra
      ingen dán' com-ainm Clidna
      3838] tar in ler lethan longach
      tuc leis Ciabhan Cas- mongach.
    5. 3839] Ro fhagaib h-í ar in tuind
      luid uaithe ar echtra n-etruim,
      3840] d' iarraid t-shelga, monur mas,
      luid reime fan fidh folt-chas.
    6. 3841] Tainic in tonn tara éis
      do Chiaban nir' bo deg-gres,
      3842] mor-gnim ba dimda linde
      bádhad Chlidna Ceindfhinde,
    7. 3843] Tonn Dúine Téite na triath
      is sé ainm ro bói ar in iath
      3844] nó cor' báid in tonn-sin trá
      ben darub com-ainm Clidná.
    8. 3845] Lecht Téite sin traig-seo thuaid
      ro gaet a mesc in mor-shluaig,
      3846] Lecht Clidna ar in tuile thes
      re Síd Duirnn Buidhe benas.
    9. 3847] Fliuchthar folt in Duirnn Buidhe
      a tonnaib in trom-tuile,
      3848] gid imda do neoch fuil ann
      is sí Clidna nos-báidhend.
    10. 3849] Caeca long lodur tar sál
      teglach tíghi Manannain,
      3850] nochar' bí in chongaib gan gan
      ro báided ar Tuind Clidna.

      C.

    11. 3851] Illathach is a da mac
      ro báidtea in triar ac tochmarc,
      3852] mairg d' adhair don luing dana
      nachas-ainic Tonn Chlidna.
      3853]

      Clidna.


p.110

¶ 289.
3854] IS annsin immorro do-riacht Ciaban Casmongach dar n-indsaigid
3855] co Druim n-Assail maic Úmoir, & issin áidchi-sin ro
3856] marbad Eochaid Imderg Ulad, & ro rigastar Find Ciaban
3857] Casmongach
tar eis a athar a rigi n-Ulad. ‘Ocus is sé-sin, a
3858] Chuirc meic Daire, in scél ro fhiarfaigis dim’, ar Cailte.

¶ 290.
3859] Ocus ina degaid-sin ro eirgedur in sluag uile co Raith
3860] Medba
, & Patraic maraen riú. ‘Cé in Medb o raiter in raith-
3861] sea?’ ar Patraic. ‘Medb ingen Echach Feidligh.’ ‘IN é-seo
3862] ro ba baile bunaid di?’ ar Patraic. ‘Ní h-é úm’, ar Cailte,
3863] ‘acht fa lith laithe na sámna ticed d' acallaim a druad & a
3864] filed ann dús cid ra biad ar maith nó ar saith in bliadan-sin
3865] di, & is amlaid ticed si, ina náe cairpthib ann .i. nae carpait
3866] roimpe & náe carpait ina diaid & nae carpait cechtar do dib
3867] leithib di.’ ‘Créd má n-denad sí sin?’ ar Patraic. ‘Na roised
3868] braen-scoid na conaire & glamar-chind na h-echraidi, & nach
3869] salchadais na dechealta nua-glana.’ ‘Adhbur subhach sin!’ ar
3870] Pátraic.
3871] ‘Caide ainm ind achaid-sea, a Chailti?’ ar Pátraic. ‘Gort
3872] ind Fhostáid
ainm in guirt-seo’, ar Cailte. ‘Cred in fostod?’ ar
3873] Pátraic. ‘Óclach d' Fhind tarmairt imtecht uad ar bithin a thuarastail,
3874] uair fata leis co rainic do .i. Druimderg Dana mac
3875] Duib Dechelt do Connachtaib inso, & tangadur tri catha na
3876] Féinne da fhastud, & nir' thairis accu, & do-riacht Find da
3877] fastud, uair badur búada ara fhastud óclaíg{folio 130b2} & bá dona
3878] buadaib-sin, acht co n-dernad Find tri raind dó comad t-shidach
3879] é ina degaid.’ Ocus adubairt Find:{SG page 180}

    1. 3880] Tú sin, a Druimdeirg Dana
      a urdeirg na h-urbagha,
      3881] gé thís uaim aniu co m-blad
      is cetlud duit ceilebrad.
    2. 3882] Do-ratus duit ic Raith Chró
      tri coecta uingi a n-aen-ló,
      3883] lán mo chuaich a Carn Ruide
      d' airget ocus d' ór buide.
    3. 3884] IN cumain let ic Raith n-Ái
      da fuaramar in da mnái,
      3885] ocus aduadmar na cno
      missi ann ocus tusso.
      3886]

      Tú sin.

¶ 292.
3887] IS ann sin do eirgedur in sluag uili assa h-aithle-sin co
3888] Ros na h-Echraide, risa n-abar Ailfind isin tan-so, & is uime


p.111


3889] aderthai Ros na Echraidi ris .i. in tan no bídis cuicedaig Eirenn
3890] ic ól i Cruachain is ann do bidis a n-echradha a lúb-gortaib
3891] gabala. ‘Ad-ráe buaid & bennacht,’ a Cailti, ar Pátraic, ‘as
3892] mor in fis & in t-eolus-sin acut.’

¶ 293.
3893] Ni cian ro badur ann co facadur ind aen-mnai da n-indsaighid,
3894] & brat úaine uimpi, & leine don t- shlemen-shíd buidhe fria
3895] cnes, & niam-lann d' ór buidhe réna h- édan. ‘Canas tangais, a
3896] m'anam?’, ar Cailte. ‘A h-Uaim Chruachan’, ar inn ingen. ‘Ocus
3897] cia thusa, a m' anum?’ ar Cailte. ‘Scothniam ingen Buidb
3898] Deirg meic in Daghda missi’, ar sí. ‘Cid rot-imluaid
3899] & rot-aistrig ille?’ ar Cailte. ‘Iss ed rom-imluaid,’
3900] ar in n-ingen, ‘d' iarraid mo choibche ort-su, a Cailti’,
3901] ar inn ingen, ‘uair ro geallais uair éicin dam-sa h- í.’ ‘Cred tuc
3902] ort-sa gan tiacht da h-iarraid co Carn Cáiridha thes i coiced
3903] Laigen?’ ‘Neim-fhírindech adeire sin’, ar inn ingen, ‘& in deiliugud
3904] tucad ó cheile oraind.’ ‘INgnad lind mar at-chiamait sibh’,
3905] ar Pátraic ‘.i. inn ingen as í óc ildelbach & tusa, a Cailti’, ar
3906] Pátraic, ‘at shenoir chrin chrotach crom-liath’. ‘Do-fuil a adhbhur-
3907] sin acum’, ar Cailte, ‘& ní lucht com-aimsire sind, & do Tuathaib
3908] Dé Danann
iss í, & nem-irchradach iat sein, & missi do Clannaib
3909] Miled
, & di-mbuan irchradach iat.’

¶ 294.
3910] ‘Tabair freagra ar in mnái’, a Cháilti, ar
3911] Pátraic. ‘Do-bér immorro’, ar Cáilte, & do éirigh roimhe cu Carn
3912] Soghradhach
re Cruachain aniar- thúaid, & tuc a uillinn clí risin
3913] carn, & do chuir secha h-é & tuc a láim fon carn & tuc in Lugbordach
3914] anís .i. crannóc tucadh a c(omair chísa &) chánachais d' Fhind
3915] mhac Cumaill, & tuc Find 'na thuarasdal do Choná(n Mhael)
3916] mhac Mhorna, & do fholaig Conán isin carn h-í. Ocus as am(laid)
3917] {folio 184a1} do bhói in chrannóc & a lán d' ór innti,
3918] & tuc Cáilte ina coibhche don inghin h-í. ‘As gairit ón t- sligid
3919] & ó ré na carpat fuaruis sin, a Cháilti’, ar Pátraic. Ocus
3920] adubairt Cáilte:

    1. 3921] Dáine bátar sunn co sé
      saeire aid- ble a n-innile,
      3922] nocha sochaide rus-gaib
      cincub cian á shliged- haibh.
    2. 3923] Atá foluch i Sléibh Fuaith
      do chuirfedh Eirinn má cuaird,
      3924] trí cét uingi don ór dherg
      maraen is an Duille Dearg
    3. {SG page 181}

      p.112

    4. 3925] Atait ceathra dabhcha óir
      a fír-mhullach Sléibi Smóil,
      3926] in dabhuch as luga dhíbh
      fairsing n-dési, cumang trír.
    5. 3927] {F§}Ata fer óir a cuimrech
      isin raith ic Sen-Luimnech,
      3928] slabrad airgit air dib n-glond
      a fuil tri cóecait conglonn.
    6. 3929] Atat tri sréin nó cuic shreín
      arna folach dom láim féin,
      3930] in t-éolas téighim don dáil
      dol i taib Duma Massáin.
    7. 3931] Ata mo lend cona delg
      is cona cimsaib óir deirg,
      3932] isin cnuc ic Tuaigh Imne
      ro facus h-é ic Osraighi.
    8. 3933] Ata mo scian becc croda
      cona h-eim do líg logh- mair
      3934] a Mullach Droma tinde
      ní fo laighi acht casnaidhi.
    9. 3935] Dabach fuil i n-il-lathaib
      ro ceilfed mac ar a máthair,
      3936] beg-ní ros-beir o dainib
      lán duirnd aen- fir do tlathaigh.
    10. 3937] Atat da cornd nó tri cuirnd
      re taeb go duilb ac Ros Cuill,
      3938] co cochluib óir gribda gle
      co carrmoclaib fíndruine.
    11. 3939] Ata 'sa tulaigh leith aníar
      ro ba shaithech triur do trian,
      3940] iter da cairthe ata in cornd
      ar in faithchi ac Dún Moghdornd.
    12. 3941] Atat cethri tindi dh' ór
      isin carraic os Connlón,
      3942] isin tindi is luga dib
      degh-eiri deisi no trír.
    13. 3943] Ro fácus clesán Conrí
      ar in fertan ac Senchai,
      3944] a h-aithle
      [...]
      in fir
      Con Culaind meic Subaltaigh.
    14. 3945] Tá fithcell Crimthain Níadh Náir
      a Caill mac n-Draigh in Casain,
      3946] lán do íriallaib a mna
      con foirfed secht lanamna.
    15. 3947] Ata mo cloidemh calma
      isin cnuc i Carnd Abla,
      3948] cid bé ro béradh imach
      ro bo gell tri cét loilghech.
    16. 3949] Ata mo brandub co m-bloidh
      isin t-shléib os Leitir Broín,
      3950] cuiciur airgit gil can glór
      ocus ochtur do derg-ór.
    17. 3951] Atá m' fithcell ic Ess Ruaid
      isin tulaigh leth atuaidh,
      3952] a taiscidh a medon craind
      cen esbaid fir da foirind.
    18. 3953] Atait cethri cleib do gual
      dol i taib Leici na n-Druadh,
      3954] co ceilit mór do maíníb
      cingo somáin do daíníb.
    19. 3955] Gabar sailm, gabar créda
      saltracha ocus soiscéla
      3956] a timcell Cind Garaid glain
      a n-Inis Cuind Cétcathaigh.
      §
    20. 3957] Adeirim-se rit-sa dhe
      a mheic Chalpuirn co naeime,
      3958] gu mairit na h-innmhusa is nach mairit na dáine.

¶ 295.
3959] ‘Ar n-dénum a thráth & a úird & a aithfrind do Phátraic,
3960] tucadh Cáilte cuigi & do fhiar- faig de: ‘crét fa tucad Glenn na
3961] Caillige
ar an n-glenn-so thís?’ ‘Inneosat duit, a naem-clérigh’.
3962] Aen do ló do bhí Find & in Fhiann annso, &
3963] at-chonncamar amuit chailligi corr-luirgnigi cír-dhuibhi cucainn,


p.113


3964] & ghrennaighis sinn um choimhling do dhénam ria & a n-gnáith-geall
3965] ón Fhéinn uimi-sin. Ocus ba h-iat geallta do snaidhmedh
3966] ann, a chenn do bhein don te do fúicfidhe ann. Ocus do rithsam-ne
3967] triar don Fhéinn ria .i. Oisín & Diarmait ua Duibne &
3968] mhisi. Ocus do rithamar co h-Áth Mór, re n-abar Áth Moga isin
3969] tan-so, & as misi fa túsca ac dul tar in áth siar’, ar Cáilte,
3970] ‘& d' impódhas a n-agaid na cailligi aniar & tucas béim cloidim
3971] di gur' chuires a cenn dá coluind. Ocus is uaithi ainmnigther
3972] an glenn-sin ó sin alé.’

¶ 296.
3973] Ocus táncatar isin m-baili anunn iarsin & do ben- nachadh
3974] acu h-é, & do bí légeon d' ainglib ós a chinn arna bennachad,
3975] & do bádar ann iarsin co ceann caeicdigis ar mís.

¶ 297.
3976] {F folio 23b} Laithe n-aen ro bí Pátraic ic denam a trath, & mar
3977] tairnig na tratha do denam is ann it-cualatar in suasan selga &
3978] fiadaigh a Berrobail isin cnuc re táib. ‘Is becc gotha na con
3979] & na fer it-cluinmít’, ar Cáilte, & is do dith na flatha Find atá
3980] in t-selg-so oca denam, & do dith Meic Lughach lan-calma, &
3981] do dith Diarmata ua Duibne & Aeda Beic meic Find ro marbad
3982] i cath Concaite thair a Saxanaib, & d' esbaid Duib Da Cond
3983] & Duib Dithrib meic righ Galéon & do dul Dithrubaigh meic
3984] in Scáil meic Eoghain, mac máthar Fhind, ro marbustar Cailti
3985] Coscar righ mac righ Frangc, & ar múrad talman ar Conán
3986] Mael
mac Mornda & Ferdoman mac Buidb tre bithin Findinni
3987] ingine Buidb.

¶ 298.
3988] IS annsin adubairt Pátraic re Cáilte: ‘Is truagh in nuall
3989] cuma duit-siu beith mar sin tar éis t' fhéindi, & ní h-amlaid-sin is
3990] coir duit-siu do creidem do beith festa’, ar Patraic, ‘acht isin
3991] fir-Dia fororda ro cruthaig nem & talmain.’ ‘Maith a anam, a
3992] naem-clérigh, da mad aithníd duit-siu an Fiand do- bérta grad
3993] doib in trath is misi is inmain let, & me ar taircsin mo luith
3994] & mo lámaigh.’

¶ 299.
3995] Ocus it-cualaid in sluagh uile sin, & ba truagh léo a n-dernad
3996] in fir-laech & in fir-gaiscedach a n-ingnais a Feindi in la-sin.
3997] ‘Maith a anam, a Cháilti’, ar Pátraic, ‘cid duit-siu cen dul do
3998] d' fhéchsain?’ ‘Ro bad áil, a naem Pátraic’, ar Cáilte, ‘acht urchar
3999] do dibraic Seiscend mac Fir Duib i cath Cind Mara thes dam,


p.114


4000] & ní fédaim le gáeib cró in urchair-sin {F folio 24a1} & rob é a
4001] diubrucud dédhenach sum é, uair i-torchair fein and, & is do
4002] g nime & talman it-lochar-sa beith ac éistecht re guth cailigh
4003] an baile-sea.’
4004] ‘Cáit indut a tarrla in t-slegh, a Cháilti?’ ar Pátraic. ‘Im
4005] taeb n-dess andso, a naem Pátraic’, ‘i fail na raibi in sciath
4006] orum.’ Ocus tuc Pátraic a derndaind n-deis re h-ínad na gona
4007] co tainig in t-slegh imach tar áladh na gona, & glún an fir fa
4008] mó don t-sluagh téighed tara cró & tar indsma na sleighi, & is e
4009] ba nesa dó isin eclais .i. Mael Trena mac Dínertaigh. ‘A
4010] macaim’, ar se, ‘geib mo laim, uair do-cuaidh in Tailgind do
4011] d' féchain na selga.’

    4012]
  1. Cáilte cecinit.

¶ 300.
4046] IS andsin táinig Cáilte amach & Mael Trena dalta primda
4047] Pátraic & lam Cáilti aigi da tigh lepta a h-aithle na sleighi
4048] do buain as, & ro bi-sium co h-uchfadach écaintech in aidchi-sin.
4049] Bui dibergach isin tír-sin, oc eitim & oc ingreim ar Pátraic.
4050] .i. Dubcraidi mac Dubtnuthaigh, & idubairt Pátraic:

    1. 4051] ‘Ced lem-sa do Cailtigan
      do cuir mór laech fo lechtaib,
      4052] cia ro marbad Dubchraidech{F folio 24b}is cia ro faghbadh a n-aisgidh.

4053] Ocus fuair an duine bás iarsin.

¶ 302.
4054] Ocus do batar re teora lá & re teora aidchi andsin, &
4055] tancatar rompu in lín ro batar co Fanglend na Feindi i leith
4056] ilíu do Chruachain, & do suidetar i n-Ard Senaigh os Fánglend
4057] na Feindi
. ‘Cred ma tucad Ard Senaigh ar in ard- so, a
4058] Cháilti?’ ar Pátraic. ‘Adér-sa rit’, ar Cáilte ‘.i. airfidech maith
4059] ro bái ic Find .i. Senach ua Daigri, & andso fuair bás do
4060] galar en-uaire, & ro múired in tulach-so air, conid uada aderar
4061] Ard Senaigh.’ Ocus it-bert Cáilte:

    1. 4062] A m-beired Senach o Find
      ara céol is cumain lím,
      4063] ní ba cuma is beith cen ní
      tricha uingi cech raithí.
    2. 4064] Sgrebull óir cech fir is' t-shluagh
      do Shenach alaind folt-ruadh,
      4065] ara canad, mor in mod,
      co cuired iat 'na codlod.

¶ 303.
4066] ‘Ba h-ilarda in t-imat cruidh-sin, a anam, a Cháilti’, ar
4067] Pátraic. ‘Ba h-ilarda’, ar Cáilte, ‘uair cin co tucad-som do
4068] crud acht a tabrad do mnáib & do airfitechachaib ro bo mór
4069] in crodh.’ ‘An tuc-sam mná imda amlaid?’ ar Pátraic. ‘Do-rat
4070] immorro,’ ar Cáilte, co n-debairt:

    1. 4071] Rann.
      Trí cét ben do-rat Fínd
      dar in g úil os mo cind,
      4072] is coibchi ar leith do cech mnái
      ba mór in crodh ar aen-chái.

p.116

¶ 304.
4073] ‘Ba mór eínech in oclaigh-sin’, ar Pátraic. ‘Ba mor’, ar
4074] Cáilte, ‘uair nír' facaib ben cen a coibchi & nir' fácaib gilla cen
4075] a dliged díngmala, & nír' facaib fer cen a tuarustal, & nír' gell
4076] i n-aidci riam ní nach comaillfed i l-ló, & nír' gell i l-ló ní nach
4077] comaillfed i n-aidci’.

¶ 305.
4078] {L folio 130b2} . IS annso thainic Laigen dochum Patraic.9

¶ 306.
4080] Ní cían ro badur ann co faccadur in t-aen- óclach da
4081] n-indsaigid, & ba maith a tuaruscbail in meic-sin eter deilb &
4082] erred, & suidhis ar in fírt fótbaig ina fiadnaissi. ‘Cia thusa,
4083] a m' anam, a maccaeim?’ ar Pátraic. ‘Aed mac Echach Leithdeirg,
4084] mac rig Laigen andes. Ocus immáin do-rigned acaind
4085] ac Síd Liamna Lendchaime thes, & ro bói mo mathair-si, &
4086] m' athair acaind a fiadnaissi na h-imana .i. Bé Bind ingen
4087] Chuain meic Fhintain, ingen rig Connacht, & ni fuil gein claindi
4088] aici acht missi a m' aenar, & do-rigned in immain accaind, &
4089] rucusa .uii. cluiche ar in maccraid uile, & in cluiche déidenach
4090] rucus is ann dom-riacht in da mnai & da brat uaine umpu .i.
4091] Slat & Mumain a n- anmanna, & da ingin do Bodb Derg mac
4092] in Dagda iat, & ro gab ben cacha laime dam, & rucsat me leo
4093] dochum in Broga brecc-sholais, co fuilet mo muinter acom chained
4094] tar m' éis, & lucht in t-shída acom les- sugud ré ré tri bliadan, &
4095] atú-ssa isin t-shíd ossin ille nóco fuarus edurbaegal in t-shídha aráeir,
4096] & tangamar tri .l. maccáem assin t-shíd amach ar in faichthi, &
4097] is annsin tucu-sa dom úidh & dom aire in mor- éicen i r-raba ac
4098] lucht in t-shida, & is annsin tánac am rith ón Brug conice so do
4099] t' indsaighid-si, a naem Patraic.’ ‘Bid comairchi ón’, ar Pátraic,
4100] ‘indus na bia a nert na a cumachta-som fort’.

¶ 307.
4101] IS annsin adubairt Cailte re Pátraic: ‘IS mithig duind
4102] dul a cuiced Laigen bodes & a mac do breith do rig Laigen,
4103] & creidem do t-shilad ann & mainchesa do gabail ann.’ ‘Cáit a
4104] fuil Cas Corach mac Cáincinde?’ bar Pátraic. {folio 131a1} ‘Sunn,
4105] a naem-chleirig’, ar in t-airfidech. ‘Bid mac righ Laigen a
4106] n-aen-leapaid riut & a n-aen-chumaid no co rissem coiced Laigen.’


p.117


4107] Fert Rairinde i l- Laignib.
4108] Tangadur reompo marsin d' indsaigid chuicid Laigen, & rangadur
4109] co Ferta Rairinde ingine Ronain Ruaid ar lar laech-machaire
4110] Laigen, & indissid Cailte dóib cid 'ma tucad in t-ainm
4111] ar in fert .i. ‘Aen-deirbtshiur ro bói accum-sa’, ar Cáilte ‘.i. Reiriu
4112] ingen Ronain Ruaid, ben Guill meic Morna, & marb do breith
4113] meic ar in tulaig seo h-í, & marb in mac, & adubairt:’
    1. 4114] Rairiu ingen Ronain Ruaid
      ar ind uaig os Fertais Blae,
      4115] is fuithe a taissi abhus
      'sin tulaig gan imarbus.

¶ 308.
4116] ‘Ocus aiscid rob áil lium-sa d' iarraid ort, a naem- chleirig’, ar
4117] Cailti. ‘Cá h-aiscid sin, a m' anam?’ ar Pátraic. ‘Mo deirbtshiur
4118] do thabairt a piannaib, uair tarrasa dot muintirus & dot gráda.’
4119] ‘Do máthair & t' athair & do thigerna Find mac Cumaill do
4120] thabairt a piannaib ort-su’, ar Pátraic, ‘massa maith lé Dia.’
4121] Ro altaig Cailte sin don Tailgind, conid h- í-sin étail is ferr
4122] fuair Cailti riam.

¶ 309.
4123] Ocus tangadur reompo assa h-aithle-sin co Carnn na Curad,
4124] risa raiter in Garbthanach i nd-Uaib Muiredaig issin tan-so.
4125] ‘Ocus indis duind, a m' anam, a Chailti’, ar Patraic, ‘cid imma
4126] tucad in Garbthanach ar in n-inad-sa?’ Fregrais Cailte in
4127] ceist-sin .i. Airdrí ro gabustar Eirinn .i. Tuathal Techtmar
4128] mac Fiachach Findalaid meic Feradaig Fhindfhechtnaig, & is se
4129] in Tuathal-sin do ben a cind do choic cóicedaib Eirenn, corub
4130] uimmi raiter Tuathal Techtmar do ón techtad tucusdar ar
4131] Eirinn & don techtad tuc ar choicedaib Eirenn re Temraig na
4132] Rig
da foghnam. Ocus do badur dono da ingin t-shoinemla aici
4133] .i. Fithir & Dáirine a n-anmann, & tainic Laigen d' iarraid
4134] in darna h-ingen díb .i. Eochaid mac Echach Ainchind Laigen,
4135] & do fhiarfaig Eirenn: ‘cá h-ingen dona h- ingenaib is áil let,
4136] a ri Laigen?’ ‘Fithir’, ar Laigen. ‘Ac um’, ar Eirenn,
4137] ‘ni thiber-sa in soisser í fiadnaissi in t-sheindsir do fhir.’ Ocus
4138] tucad Dáirine ingen Tuathail do Eochaid do g Laigen, &
4139] tucusdar cét da cach crud ina tindscra na h-ingine, & ro bói
4140] re bliadain aicci issin baile-seo, & nirb' inmain le g Laigen


p.118

10
4145] h-í, & ro cóirig ceilg & eladhain adhaig n-aen ina imdaid aici
4146] féin .i. ingen rig Eirenn do breith co lar in fhedha diamair, &
4147] a t-shlechtadh uimpi, & tech derraith daingen do denam ann, &
4148] naenbur comalta do bói aicci lé, & a radha a h-éc ann.

¶ 310.
4149] Ro gabad a eich don ríg & ro h-indled a charpat, & tainic {SG page 183}
4150] reime do accallaim rig Eirenn co Temraig, & do fhiarfaig
4151] Eirenn
scela de. ‘Scela olcca’, bar Laigen, ‘in ingen maith
4152] tucais-si duind a h-éc araeir accaind.’ ‘Ocus créd má tangai-si
4153] dom indsaigid-si?’ ar Tuathal, ‘uair ní chuala-sa scel is doilgi
4154] lem ina in scel-sin.’ ‘Tánag-sa d' iarraid na h- ingine aili ort, a
4155] ’, ar eissium, ‘uair ní h-áil lem scarthain ret charadrad.’ ‘Dar
4156] ar m-breithir am’, ar Eirenn, ‘ní thaispenann sáimi na subha
4157] dam-sa m' ingen do tabairt duit.’ ‘Ní h-accum-sa ro bói {folio 131a2}
4158] comus a h-anma’, ar Laigen. {F§}Cailte cecinit:

    1. 4159] Nir' sgar re h-iarraid co nocht
      is re tacrad co torocht,
      4160] co ruc Fithir leis da thigh
      cerba rithír le muinntir.
      §

4161] ‘Ocus tucad in ingen aile dó- sum’, ar Cailte, ‘& tuc leis
4162] dochum in baile-seo ar a tamaíd h-í, & amal do-riacht inn ingen
4163] sin’, ar Cailte, ‘chum in baile, is ann ro bói ingen aile rig
4164] Eirenn
isin tigh ara cind.’ Cailte cecinit:
    1. 4165] Tuc Fithir a bél re lar
      nir' b é in caradrad comlán,
      4166] cor' brised a craide ar tri
      is ruc a nert ar nemfní.

¶ 312.
4167] Ocus ó' t-connairc in ingen aile sin .i. a siur do éc ina
4168] fiadnaissi mar sin, fuair bas do chumaid a sethar fo chetoir.
4169] Cailte cecinit:

    1. 4170] Fithir ocus Dáirinee
      da ingin Tuathail t-subaig,
      4171] marb Fithir do náirine
      marb Dairfhine da cumaid.

¶ 313.
4172] Ocus do-rigned a tanach annseo ac g Laigen, & is-bert in
4173] ri: ‘IS garb in tanach’, ar sé. ‘Conid uad-sin atá Garbthanach
4174] ar in n-inad-so da n-eis. Ocus ro cuired issin fert fótbaig seo
4175] iat a n-aen-uaig, & is sé in scél ro fhiarfaigis dim, a naem Pátraic’,
4176] ar Cáilte.

¶ 314.
4177] ‘Ad-rae buaid & bennachtain, a m' anum, a Chailti’, ar
4178] Pátraic, ‘is maith in scel ro indsis duind.’


p.119

¶ 315.
4179] IS annsin at-conncadur fér-brug gabala i nd-imoccus dóib
4180] & aen-maccaem soithim soinemail ann, & tri .l. ech ina fiadnaissi
4181] issin fer-gurt gabala sin, & tic Pátraic dochum in maccaeim,
4182] & eirgis in maccaem reime. ‘Uaitne rig umut, a maccaeim’, ar
4183] Pátraic, ‘& ac fir th'inaid it degaid; & ca com-ainm tusa, a
4184] maccaim?’ ar Pátraic. ‘Muridach mac Tuathail meic Fhindachta,
4185] meic ríg in tíre-seo mé’, ar in maccaem. ‘Cia in dunad
4186] út at-chiamait?’ ar Pátraic. ‘Dunad briugaid do muintir g
4187] Laigen sin’, ar Muiridach ‘.i. Coscrach na Cét.’ ‘Créd má
4188] n-apar in t-ainm-sin ris?’ ar Pátraic. ‘Ni fétar a chrod 'nait a
4189] alma do airem nóco n-airimther ar cétaib iat.’ ‘In fuigem feis
4190] na h-aídchi anocht ann?’ ar Pátraic. ‘Do-gébam’, ar in maccaem,
4191] ‘uair is coimsech & is cumachtach missi issin baile, & ni fuil
4192] óclach in baile féin ann.’ Ocus tangadur chum in baile annsin,
4193] & ro chuir in maccaem Pátraic cona muintir issin rígthech
4194] romor ro boi ac Coscrach issin baile, & do-rinded a n-umal-osaic
4195] ann.

¶ 316.
4196] Ocus dala Cailti, do-luid reime co Cloich na n-Arm i l-leith
4197] andes don {SG page 184}dúnad, in bail a n-déndais in Fhiann a n- airm do
4198] bleith re ríglia cloiche cacha bliadne, & ro chaiestar déra
4199] fír-thruaga falcmara annsin os chind na cloiche ic cuim- niugud
4200] na muintire moire ro bói os chind na cloiche-sin co minic
4201] reime. Ocus ní cian do bói ann co faccaid in t- aen-óclach da
4202] indsaigid, & brat corcra uime & delg óir issin brut, & delb
4203] deg-duine fair & forom flatha leis & folt cáem cas fair, & nír'
4204] rathaig Cailte h-é nó cor' t- shuidh in t-óclach ar leith-chenn na
4205] cloiche ina fharrad. ‘Carsat com-ainm thusa, a óclaig?’ ar Cailte.
4206] ‘Coscrach na Cét m' ainm-si’, ar se. ‘Ocus in tusa m' aichne-si?’
4207] ar in t-óclach. ‘Cá h-aichne fuil accut-sa orum?’ ar Cailte. ‘Andar
4208] lem-sa’, ar Coscrach, ‘is tu Cailti mac Ronain.’ ‘Is fír cora
4209] mé’, ar Cailte. ‘Maith lem do thecmail chuccum’, ar Coscrach.
4210] ‘Cid on sin?’ ar Cailti. ‘Atait .ix. seisrecha .xx. acum-sa’, ar
4211] Coscrach, ‘& in trath is i n-am búana {folio 131b1} in trebaire tecaid fíad
4212] imdiscir alltaide, & loitidh & millid uile, connach bí tarba duinde
4213] de. Ocus ar fír do gaile & do gaiscid riut-sa, a m' anum, a


p.120


4214] Chailti’, ar Coscrach na Cét, ‘tabair furtacht & fóirithin orum 11
4415] um dingbail in daim-sin dím.’ ‘Ind aimsir do bádusa im luth
4416] & im lathar’, ar Cailte, ‘ro dingebaind sin dít.’

¶ 317.
4417] IS annsin at-chonncadur in luath-grinde áigh & irgaile da
4418] n-indsaigid, & fidh-nemed do t-shlegaib urardu re n-guaillib, & ámdabach
4419] da sciathaib donna deiligthi forro. ‘Cia sut, a m' anum,
4420] a Coscraig?’ ar Cailte. ‘Tuathal mác Finnachta, in tíre-
4421] seo’, ar Coscrach, & ro t-shuidh in t-óclach ar in faithche ar a
4422] rabadur. Ocus is annsin ro fhiarfaig Cailte do Choscrach da
4423] fagtha techtaireda co Cluain Cain na Fairchi i cóiced Muman
4424] & Daire na Fingaile, ‘ocus atáit mo t- shecht lína fíadaigh-sea annsin.’
4425] Ocus do-cuadur na techtaireda ara cend, & tucadur na lína
4426] léo dá n-indsaigid, & ro chóirig Cailte in t-shelg 'ar sin, & ro
4427] chóraig tiug na fer & immat na con in t-eolus ro t-shail in dam-
4428] sin do thiachtain, & do chóirig a línta ar allaib & ar essaib &
4429] ar indberaib ind fheraind, & do-riacht in fíad mor da n-indsaighid
4430] mara ticed cacha bliadna, & at-chonnairc Cailte in dam allaith
4431] ac tuidecht co h-Ath in Daim ar Slaine. Ocus ros-gab Cailte
4432] in Coscraig .i. a t-shleg, & tuc réo n-urchuir don dam & sé a
4433] lenmain isin lín co tarla fat láma laich don chrann na sleige
4434] trít. ‘Adar lim-sa do dergad ar in n-dam’, ar Coscrach, ‘& ca
4435] ferr ainm da m-beth ar ind ath ina Ath Dergtha in Daim?’ ainm
4436] ind atha ossin anall cossaníu. Ocus rucsat a druim co Druim
4437] Lethan
, risa raiter Druim n-Deirg na Damraide isin tan-so. ‘A
4438] Chailti’, ar sé Coscrach na Cét, ‘maith do thoisc dar {SG page 185}n- indsaig’,
4439] {F§}& adubairt an láid ann:

    1. 4440] Canas ticidh a shenoir t-shin
      cait ar' sgarais ret muintir?
      4441] rot-tarraid crot-fall crine
      ní mairend do com- díne.
    2. 4442] IS iat is com-díne dam
      locht toirimtechta in talman
      4443] Find cona muintir miadaigh
      lucht tairbthech an tren-fiadhaigh.
    3. 4444] Do-beraind oirchissecht ort
      uair do-rala corsat nocht
      4445] da marbtha dam co gaibthech
      in sen-dam crín com- raithnech.
    4. 4446] Cindus do muirbfínd-si é
      a fir do-rat duinne gné,
      4447] a marbad, fa mor in mod
      can coin, cen lín am farrod?
    5. 4448] Atait mo lína a Cluain Cáin
      do- bér cugum mad ail dáib,
      4449] budh ésin a bás co m-bladh
      rachaidh 'sa sás an sen-dam.

    6. p.121

    7. 4450] Ada-gar mo lína alle
      co Druim n-Derg na Damraidhe
      4451] marbthar ann in congnach cruaidh
      ar in leirg-sea lind atuaidh.
    8. 4452] Cáilti do beith d' eis in doim
      a beith cen caimthech cen choin,
      4453] tar éis na cuaine rom-char
      scela is truaighi ro canadh.
      §

      Can.

¶ 318.
4454] Ocus táinic Coscrach & Cailti chum in baili mara raibe noem Pátraic,
4455] & do-rat Coscrach a chend a n-ucht
4456] Pátraic, & tucsat a sheacht meic & a t-shecht n- ingena a cindu
4457] ina ucht, & ro shlechtadur dó, uair tarlatar a da les dó in
4458] aídchi-sin .i. Pátraic do les a anma & Cailte do anaccul a
4459] arba .i. do marbad in daim do bói ic foghail fair. Ocus do
4460] badur ic ól & ic áibnius ind áidchi-sin. Ocus do-ruacht in
4461] sluag uile arnamairech & naem Pátraic amach assin dúnad ar
4462] in faithchi.

¶ 319.
4463] IS annsin ro fhiarfaig Coscrach na Cét do Cailti: ‘cred fa
4464] tucad Cloch na n-Arm ar in cairthi com-daingen cloiche sea ar
4465] in fhaithchi?’ ‘Is sí- sin’, ar se Cailte, ‘in chloch risa meildis in Fhiann
4466] a n-airm i l-laithe na samhna cacha bliadna, & ar in cloich-sin
4467] ro bói in smacht-chomartha sida is fearr ro bói a n-Eirinn & a
4468] n-Albain re reimes Chuind & Airt & Chormaic & Cairpri
4469] Lifechair
.i. fail druimnech derg-oir i r-rabadur ocht fichit uinge
4470] do derg-ór, & poll trésin coirthi-sea, & is sí trésin poll, & do bói
4471] d' fhebus rígi na ríg na lamad {folio 131b2} nech a breith leis, & do
4472] bói d' fhebus fhessa na n- druad conna lamtha a glúasacht, & ac
4473] smacht na rig. Ocus do-chuadur as na riga-sin co toracht Cairpre
4474] Lifechair
mac Cormaic, & ro thuit Cairpre i cath Gabra, & do
4475] luidsemar-ne in deired Féine do bamar’, ar Cailte, ‘conici in
4476] n-inat-so, & ro impaidis-sa in coirthi & tucus in leth ro bói suas
4477] de sís co fuil amal at-chithi-si.’ ‘Da faicmis in poll & in comartha’,
4478] ar in sluag, ‘ro chreidfimaís sin.’ ‘Léicid-si cairde
4479] dam-sa’, arsi Cailte, ‘co ro thócbur in leth atá sís di co raib
4480] suas, uair deibidach in raet in Gaeidel.’ Conid de-sin atá ‘is
4481] deinmnitach in raet in Gaeidel.’ Ocus ro eirgedur uile a
4482] n-aen-fhect da indsaigid in lín ro badur, & nír' fhétsat a bec di.
4483] Ocus do-riacht Cailte, & tuc a da rigid uimpi & tuc a talmain


p.122


4484] h-í, & is amlaid ro boi, & a fail óir fán poll ichtarach di, co
4485] facadur cach uile h-í, & do-luid Cailte dochum na falach & roindis
4486] ar dó h-í, & tuc a leth do Pátraic & a leth aile do lucht in
4487] baile i r-rabadur. Conid Cluain Falach ainm na cluana- sin
4488] gusaníu, & conid Lia na n-Arm ainm in lia-sin. Ocus adubairt
4489] Cailte:
    1. 4490] A Choscraig ind aichnide
      lía gus tathairgdis riga?
      4491] is chuice taidled in
      Find mac Cumaill Almainí.
    2. 4492] Ris aderthai Lia na n-Arm
      sochaide dar' bó alt marb,
      4493] is co fuil ossin ille
      'sa n-inad na comnaide.
    3. 4494] Mor-sleg do n-dentá pudur
      ocus claidem caem-churad,
      4495] is ro limtha rissin lia
      sunn, a Choscraig, ris cach dia.
      4496]

      A Choscraig.

¶ 320.
4497] ‘Ad-rae buaid & bennachtain, a Cailti’, ar Pátraic, ‘is maith
4498] in scél & in senchus ro indissis duind.’
4499] Is annsin ro gabad a eich & ro h-indled a charpat do {SG page 186}
4500] Coscrach na Cét, & tainic reime do acallaim ríg Laigen .i.
4501] Eochaid Leithderg, co Druim Lethan Laegairi meic Ugaine
4502] sair, co n-indissed na scela-sin Cailti doib. ‘Is mor mo dimda
4503] ort’, ar Laigen, ‘gan a indissin dam Cailte do beith acut.’

¶ 322.
4504] IS annsin at-racht Laigen tri catha mora d' indsaigid
4505] Pátraic & Cailti co Raith Moir Maighi Fae, risa raiter Raith
4506] Mor
ar Machaire Laigen isin tan-sa, & suidhis naem Pátraic
4507] cona muintir a n-dorus na ratha, conid Suidhi Pátraic ainm inn
4508] inaid. Ocus suidis Laigen lín a t-shluaig, & tuc a chend a
4509] n-ucht Pátraic, & comus ó bicc co mór, ocus ‘gé thanac-sa do
4510] t' indsaigid, a m' anam, a naem-chleirig’, ar Laigen, ‘ro bói
4511] deithber mor oraind anallana .i. cath d' fhuagair Ailill mac
4512] Scannlain meic Dungaili, na n-Deissi, oraind í Cailli in Chosnuma,
4513] risa raiter Magh Raigne, & ro léicis in crich do loscad
4514] dó, & tanac do denum do riara-sa & dot' acallaim.’ ‘Reilec
4515] ríg Eirenn acut ina inad’, ar Pátraic, ‘acht co tí tú timchell
4516] na licci-seo ar atú-sa am t-shuidhi.’ Ocus adubairt Cailte:

    1. 4517] Atá lecc ina loighe
      ac Druim Lethan Laegaire,
      4518] maidm re ríg Laigen na ler
      da tí dagh-fher 'na deisel.

p.123

¶ 323.
4519] ‘IS cet lium’, ar Pátraic, ‘in bail atá ar Mag Raigne a
4520] t-shlucud don talmain ann.’ Ocus do-ronad mar sin, uair do sluiced
4521] ann h-é tre breithir naem Pátraic, & gan nert do gabail d' fhir a
4522] inaid ar Laighnech(aib).

¶ 324.
4523] {folio 132a1} IS annsin adubairt Laigen: ‘Mo mor-chen do
4524] tiacht a m' anum, a Chailti, cid ar th' aghaid féin do thista, & dual
4525] duit tiachtain .i. Eithne ingen Taidg do máthair. Ocus maith
4526] m' anam a ríg-fheindid’, ar Laigen, ‘cred ima tucad Tipra na
4527] Scathderice
ar in tiprait atá a n-dorus na ratha accaind? .i.
4528] Scathderc ingen Chumaill ro baidhed inti ac dechain na smirdrissi
4529] Locha Lurgain’, ar Cailte, ‘corub eisti-sin ro eirig Lach
4530] linide lind-fhuar Lurgan
, co ro lethastar óta in chorrabhall í cind
4531] t-Shleibe Smóil meic Eidhleccair, risa n-apar Sliab Bladma issin
4532] tan-sa, conicci-seo, & ro bói ic lethnachud tar in cuicid uile
4533] archena. Ocus is annsin do-rigni Find ind air- birt trén toghaide
4534] is ferr do-rigne nech reime riam & ina diaid .i. sugh- maire a tír
4535] na h-India & na draithi a tír na h-Almaine & na ban-gaisgedacha
4536] a tírib Sacsan & Franc, co ro t- shúighedur in loch línide
4537] lind-fhuar-sin.’

¶ 325.
4538] ‘Ocus rob an urdraic in chét-fhiann-sin Fhind maic Cumaill’,
4539] ar Laigen. ‘Nir' messa cach aen-fer díb iná cach fer uainde,
4540] acht gan a tarrachtain í com-ré nó a com- aimsir duib-si, & iss ed
4541] ba gairdiugud {SG page 187} d' aegairib & do buachaillib beith ac tinol a n-airm
4542] & a n-étaig annseo tri catha na Féinne .i. Find mac Cumaill
4543] & Fer Domon mac Imomain ó Lathraig Cáin do choiced Gailian
4544] andes.’ ‘Ar fír do gaili & do gaiscid riut’, a Chailti, ar Eochaid
4545] Leithderg
Laigen, ‘indiis duind ina n- drongaib & ina
4546] n-áirmib in neoch ro báid in smirdris Locho Lurgan díb.’ Ocus
4547] adubairt Cailte .i.

¶ 326.
4548] ‘Faelan Findlacha aniar a cuíced Chonnacht & Aengus &
4549] Dobarchú a cuiced Laigen. Druimderg Daire & Dubh Da Dét
4550] a Ceinel Chonaill atuaid. Iubhar & Aicher & Aed & Art
4551] ceithri meic ríg Chaille in Chosnuma, risa raiter Osraigi isin tan-so,
4552] Cairell & Caicher & Cormac & Cáemh ceithri meic ríg Dal


p.124


4553] n-Araide
atuaid. Maine & Art & Aralt tri meic rig Alban
4554] anall. Eóbran & Aed & Eogan tri meic rig Bretan. Blai
4555] Ili & a da mac .i. Cernd & Cernabrog, da rig Indsi Gall
4556] atuaid, Díure & Barrae & Idae tri meic rig Tuaiscirt Lochlann.
4557] Luath & Indell & Eogan tri meic rig Mairtine Muman aníar. Glas
4558] & Delga & Duibne, tri meic rig Tuath Breg & Midhe. Illann
4559] & Aed & Eoganan tri meic rig Ceinel Eógain atuaid. Samaisc
4560] & Artúr & Ínber tri meic rig Gallgaeidel anall. Conid iat-sin
4561] anmanna na triath & na tigerna & na fer feraind ro báidh in
4562] smeirdris Locha Lurggan do chét-fhéinn Fhind meic Cumaill.’
4563] Ocus adubairt Cailte: ‘gé do-chuaid etar mo lúth &
4564] mo lámach tarrus in magh-so cor' bo loch línidhe fhuar h-é, & ro ba
4565] glas gleorda a uisce.’ Ocus adubairt Cailte:
    1. 4566] Uisci glaissi gleoraigi
      féth snaissi fúam n-iubhraige,
      4567] étach fiallaig ón gaire
      ac bregad mac n- ingaire.
    2. 4568] Reithis faeillean find-lacha
      re h-ur trága trethnaide,
      4569] nocho n-eil cor mara rian
      nochu chian nach gaethlaigi.
    3. 4570] {F§}Cormac, Cobthach, Cu Muighi
      Aedan, Fergal Folt- buidhi.
      4571] Fer Da Tol Temhel Tuathol
      Eochaid Aiblen aduathmur.
    4. 4572] Druimderg Dáire, Dub Da Dét
      maraen con-riadhaidis écc,
      4573] Ibar Acher, Aed is Art
      Cairill Caem, Cicher, Cormac.
    5. 4574] Curach Blai
      do-rat tonn dochum tíri,
      4575] ar m-bathud Blai is a meic
      uch is misti óig Żle.
    6. 4576] Maíne mend mo daltan-sa
      inmain fer tosaigh t- shelga,
      4577] in uair do-berim dom aire
      inmain secht inmain Maine.
    7. 4578] Rob-sum comorba righ riam
      bái tan ní gabaind dí míadh,
      4579] ro fhostaind-sea firu and
      ro sloighinn sluagha saer- cland
      §.
    8. 4580] Deich fir deich fichit deich cét
      iss ed a fhír is ní brég,
      4581] do laechraid lonn, {folio 132a2} lathar n- dil
      marb is ní do chlaind aen-fir.
    9. 4582] Bert-sa mo chubus co grian
      in cach cath in n- dechad riam
      4583] gu nar' marbusa ann de
      acht mac ríg nó ro-duine.
    10. 4584] Ro scáil mo delb is mo dath
      's am mall meta muirbillach,
      4585] do-chuaid mo chiall is mo chruth
      conna mairenn dim acht mh' uch,
    11. 4586] Do-chuaid mo delb is mo dath
      's am mall meta muirbil- lach.
      4587] becc nar' bris mo chraide ar tri
      ó scarus rissin uiscí.
      4588]

      Uisci.

¶ 327.
4589] IS ansin tuc-sum da uidh & da aire a beith a n- écmais
4590] a fheine & a foirne & a mor-muintire & a n-esbaid a luith & a


p.125

12
4595] lámaig in lá-sin, & do-rinde toirrsi mor annsin. ‘Maith, m' anam
4596] a Cailti’, ar Pátraic, ‘nír' choir duid toirrsi do denamh, uair
4597] ferr do dluig-siu & do díl innáit sin uile .i. missi do tharrachtain
4598] duit, & maithius in fír-Dia fhorórda .i. {SG page 188}creidemh & crabad &
4599] cros-fhígill seoch cach nech aile don Fhéinn.’

¶ 328.
4600] IS annsin thainic deirid don ló & tossach na h- áidchi da
4601] n-indsaighid, & adubairt Coscrach na Cétg Laighen:
4602] ‘Atá fled mor-cháin accum-sa duit, a ,’ ar se ‘.i. ocht fichit
4603] dabach do chuirm sho-óla t-sho-mmblasta.’ ‘Ni tucad dam-sa riam
4604] fledh dara buidecha mé ina sin.’ Ocus tangadur reompo
4605] chum na fleidhe in lín ro badur do t-shluagaib & do chleirchib
4606] im naem Pátraic issin dúnad anunn. Ocus is annsin ro eirgedur
4607] dáilemain re dáil & doirséoraid ré doirseoracht & ronnairida re
4608] roind, & ro benad a ceind-bécca da n- dabchaib dilsi donn-iubhair
4609] léo, & ro eirgedar maccáim re h-escradaib ban-óir, & ro dian-scailit
4610] biada & lind do chach ina diaid-sin.

¶ 329.
4611] IS annsin adubairt LaigenPátraic: ‘Nach facamar- ne
4612] airfidech acaib-si ó maitin?’ ‘at-chonncais immorro’, ar Patraic,
4613] ‘.i. Cas Corach mac Cáincinde atá ac dénam fhogloma fessa &
4614] eolais ac Cailti.’ ‘Caide mac na trath’, ar Pátraic. ‘Sunna,
4615] a naem-chleirig’, ar in mac ecalsa. ‘Dó duit amach, bar eissium,
4616] & ticed Aed mac Echach Leith- deirg, mac rig Laigen,
4617] fa thimpan Cais Choraig let, & cochall ciar-leabur uime.’ Ocus
4618] do-ratad mar sin dochum Pátraic & ríg Laigen h-é.

¶ 330.
4619] IS andsin ro t-sheindestar Cas Corach a timpan, & tuc
4620] nuall-organ sidhe fuirri, & do reir a h-indisti do choiteldais fir
4621] gonta rissin ceol sírrachtach sidhi do-rinde dóib, & tucad seóit
4622] & máine don airfideach & do-beirid seom i l-laím a gilla, & do-bered
4623] in gilla do chach. ‘Ocus cia díb-siut is ferr einech?’
4624] ar cach ‘.i. in lucht do-beir na seóit ina in t-airfidech no in
4625] gilla?’ ‘Is ferr einech in gilla’, ar Laigen, ‘uair iss é do- beir
4626] do chach cach ní do-geib.’ ‘Gach ní do-geb- sa’, ar in t-airifitech,
4627] ‘tabrad-som h-é, uair ní ac iarraid étala atu-sa i farrad in Táilgind
4628] & Chailti, acht do denum fhessa & fhogluma ac Cailti &


p.126


4629] d' iarraid nime dom anmain ó Patraic.’ ‘Cáid a fuarais {folio 132b1}
4630] in gilla eter, a m' anum, a airfidig?’ ar Laigen, ‘is ferr einech
4631] an-ái féin?’ ‘I cóiced Ulad thuaid’, ar Cas Corach. ‘Ca h-ainm
4632] h-é?’ ar Laighen. ‘Gilla fhuaramur’, ar in t-airfidech, ‘na fes
4633] ainm na máthair na athair dó.’
4634] IS annsin at-racht Laigen le beind m-buabaill bói ina
4635] laim, & adubairt: ‘Maith m' anum, a naem Pátraic, da rabamar-ne
4636] ac Síd Liamna Lennchaime ingine Dobrain Dubthaire thes, is
4637] annsin do-riachtadur chucaind da ingin {SG page 189}míne mong-buidhe, &
4638] rucsat léo m' aen-mac-sa do lár ind aenaig, & ní fhetar-sa in a
4639] firmamaint suas rucsat h-é nó 'n a talmain sís, & is gaeth ré
4640] h-aen-bili missi tar éis m' aen-meic, & atú-ssa ina uresbaid ó ssin
4641] ille, nach fetar issin domun a díl. Maith a m' anum, a naem Pátraic’,
4642] ar in , ‘ro bo maith lem-sa fís a bíí no a mairb
4643] d' fhagbail uait-siu.’ ‘Mád déoin don Dúilim do-gébthar a fhis
4644] duit-siu.’ Ocus ro badur ann co trath éirgi arnamairech, co ro eirig
4645] grian asa circcaill teintighe.

¶ 332.
4646] IS annsin adubairt Laighen: ‘Maith a m' anum, a naem Pátraic,
4647] is áil lium-sa dula do t-sheilg & d' fhiadach co Tulaig in
4648] Máil
sair, co Machaire Laigen, & is cóir duit-si tuidecht lind,
4649] uair is gairde duit ina beith issin baile-sea, uair ticfait slóig &
4650] sochaide chuicid Laigen dar n-indsaigid ann.’ Ro eirgedur da
4651] drong-buidhin mora leo .i. buidhen re creidem & crabad ac
4652] Pátraic & buidhen aile re gnimradaib gaile gaiscid Fhiann
4653] Eirenn ac Cailti mac Ronain & ac g Laigen, & tangadur
4654] uile reompo co Tulaig in Mail ar Machaire Laigen. Ocus is
4655] annsin ro fhiarfaig Eochaid Lethderg Laigen do Chailti:
4656] ‘Cred imma tucad Tulach in Máil ar in tulaig- seo, & cid imma
4657] tucad Cnoc Aifi ar in cnoc-so thís?’

¶ 333.
4658] IS annsin adubairt Cailte: Airdrí ro gabusdur ríge
4659] n-Alban dar' bo com-ainm Aehel mac Domnaill Dubloingsig, &
4660] ro bói aen-mac aice .i. Mál mac Aeil meic Domnaill Dubloingsigh,
4661] & ro bói ban-cheile aice .i. Aiffi ingen Ailb
4662] meic Scoa, ingen rig Lochlann atuaid, & do bói dúnad &


p.127


4663] deg-baile ac Mál mac rig Alban ac Rind Ruis a n-Albain, ar
4664] Cailte, & do bídis údair & ollamain & aes dana fer n-Eirenn ac
4665] tathaighid uainde ann, & do bídis na h-ollamain-sin & na h-údair
4666] ac indissin testa Find & na Feinne a fiadnaissi Máil meic Aeil
4667] meic Domnaill & Aífi ingine Ailb meic Scoa g Lochlann, &
4668] ro bói óclach ac Find mac Cumaill .i. Mac Lugach, & a
4669] n-déntái do dán molta d' Fhind, etir Eirinn & Albain, do-nithea
4670] formolad Meic Lugach d' indissin ann, & ó' t-chuala sin Aifi
4671] ingen Ailb meic Scoa .i. na mór-thesta-sin do-berdis údair &
4672] ollamain ar Mac Lugach, tucasdur in ingen grád dó ar a
4673] scélaib.

¶ 334.
4674] IS annsin do-chuaid Mál mac Aeil do denum t-shelga tri
4675] cét oclach i Sliab mór Monaid i n-Albain, & do-rinde in ingen
4676] comairli aici ina grianan fein .i. naenmur comalta ro boi aici
4677] do breith di lé d' indsaighidh{folio 132b2} Eirenn, & tangadur
4678] reompo tar moing mara & mor-fhairrge in nónbur ban sin co
4679] Beind Etair meic Étgaith in fheinida, & tangadur i tír in naenbur
4680] ban & in rigan in dechmad, & iss é sin lá do-rigned selg
4681] Beinde h-Étair ac Find, & ba h-é fat na {SG page 190}selga sin otá Gortin
4682] Tighi Meille
meic Lurgan Luime í cind t-Shleibe Smóil meic
4683] Eidlecair, risa n-abar Sliab Bladma, co Beind Étair meic Étgaith
4684] in fheindeda. Ocus is ann ro bói Find ina inadh t-shelga & a
4685] dalta caem carthanach ina farrud ann .i. Dubrind mac ríg
4686] Cheineil Eógain atuaid. Ocus Cailti cecinit:

    1. 4687] Dubrind donn denta in chomlaind
      minic gairmim im chuirm-lind,
      4688] mo daltan ballach bedach
      mo chraide in déinmech Dubrind.

¶ 335.
4689] Ocus ro bói in maccaem ic mór-fhegad uime ar cach leth. Ní
4690] cian ro bói ann co faccaid in n-aen-luing ic gabail isin chael-tráig
4691] ina fhiadnaisi, & rigan rosc- lethan ar lae na luinge, & naenbur
4692] ban ina farrud. Ocus tangadur reompo co h-airm i r-raibe Find,
4693] co n-imat cacha maithiusa do neoch tucsat léo, & suidhis in
4694] ingen .i. Aifi, ar leth-laim Find meic Cumaill, & sillis in flaith
4695] Find furri, & ro fhiarfaig scela di. Ocus ro indis in ingen a
4696] h-imthus ó tus co dered .i. a tuidecht d' indsaighid Meic Lugach


p.128


4697] tar moing mara 'ar tabairt gráda dó. Ferais Find faeilte ria
4698] annsin, uair faccus a charadrad dó in tí chum a tainic .i. mac
4699] a meic & a ingine.

¶ 336.
4700] Tairnic iarsin in t-shelg do dénam, & do- riachtadar maithe
4701] na Féinne ina n-drongaib & ina m- buidhnib chum Find, & do
4702] fhiarfaig cach drong don Fheind ticed ann: ‘Cia in rigan rosc-lethan
4703] a m' anum, a Fhind?’ ar siat. Ocus ro indis Find a h-ainm
4704] & a sloinded & in fath ima tainic d' indsaigid Eirenn. ‘Mo-chin
4705] tainic a turus’, ar siat, ‘uair ní fhuil a n-Eirinn na a n-Albain
4706] fer is ferr ina in fer chum a tainic acht mád in flaith Find.
4707] Ocus is do Mac Lugach rainic selg iartharach Sleibe Bladma
4708] in lá-sin, & do-riacht iarsin Mac Lugach in lín ro bói chucaind,
4709] & do síned a pupaill tar Fhind in tan-sin, & do-riacht in ingen,
4710] & do-riachtadur maithe na Feinne issin pupaill, & tainic Mac
4711] Lugach
ann, & suidhis ar leth-laim Fhind meic Cumaill & ind
4712] ingen ar in laim aile. Ocus ro fhiarfaig Mac Lugach in ingin mar
4713] do fhiarfaigedur cach archena, & ro indis Find ó thus co deirid
4714] dó tuirthechta na h-ingine,’ ‘ocus chucut-sa thainic sí’, ar Find,
4715] ‘& ac seo as mo laim-si it laim h-í & a cath & a congal, & ní
4716] ba truime ort-su sin na ar in Feinn uile.’

¶ 337.
4717] Ocus tainic Find co h-Almain ind aídchi-sin & tri catha
4718] na Feinde & in ingen léo cona bantracht, & ro fhaeestar Mac
4719] Lugach
ind aidchi-sin & in ingen, & ro bói aici re mís & ré
4720] bliadain gan iarmoirecht do tiachtain in degaid reisin ré- sin.
4721] ‘Ocus do bamar-ne laithe ar in tulaig-sea’, ar Cailte, ‘& nir’ bo
4722] chian duind ann co faccamur na tri catha croda cutruma commora
4723] dar n-indsaigid, & ro fhiarfaigemar cia ro bói ann, & adubradur-
4724] som corb' é Mál mac Aeil {folio 133a1} meic Domnaill
4725] Dubloingsig
{SG page 191} rig Alban do dighailt a mna ar in Feind, & adubairt
4726] Find: ‘cóir in trath tainic-se’, ar se, ‘in trath atamait-ne
4727] uile a n-aen-inad.’

¶ 338.
4728] ‘IS annsin ad-rachtadur na catha dochum a cheile, &
4729] at-racht Mál mac Aéil meic Domnaill Dubloingsig, & ro gab
4730] a armu, & tainic fá dó déc trít na tri cathaib com-mora na
4731] Féinne, & atorchair cét laech lán-chalma don Fhéinn leis re cach
4732] fecht, conid da cét déc laech ro thuit leis, & ro chomraic


p.129


4733] & Mac Lugach ar lar in chatha, & tucastar cach nech dib
4734] ceithri coisceimenda dochum araile tar braigit na sleg sleman-cruaid,
4735] & ro gab cach dib a cend a cheile dona claidmib, &
4736] cid cían gairit ro bás ac in comrac-sin at-rochair Mál mac
4737] Aéil le Mac Lugach, & ro cuired fa thalmain h-é issin tulaig-sea’,
4738] ar Cailte. Ocus adubairt Cailte:
    1. 4739] Is i seo Tulach in Máil
      is tulach dia m-bói mor n-áir,
      4740] badur láich ann a fuilib
      ocus nert a luath- guinib.
    2. 4741] Secht fichit long do-luidh Mál
      tar in sáile solus-bán,
      4742] ní dechaid díb 'na m-bethaid
      achtmad foirend aen-ethair.
    3. 4743] Los sceith is claidim catha
      ocus étaig il- datha,
      4744] ba calma Mal tar in muir
      ba luath a lam a n-imguin.
    4. 4745] Mor n-aill is mor n-indber n-án
      mor n-abhann is mor sruthan,
      4746] mor cor, mor pudhar, mor n-uch
      nó co tainic in tuluch.

    5. 4747]

      Is i seo.

¶ 339.
4748] ‘Conid uad atá Tulach in Máil ar in tulaig- seo, & cath
4749] Tulcha in Mail ar in cath, & Tulach Aífi ainm na tulcha-so
4750] thís, uair is furri ro bói in ingen gen ro bás ic tabairt in
4751] catha’, ar Cailte, ‘& ro bói ac Mac Lugach o ssin amach, conid
4752] h-í fa mathair chlainde dó.’

¶ 340.
4753] Ocus is annsin ro eirig Pátraic & in sluag uile a n-aen-fhecht
4754] don tulaig ara rabadur, & do luidedur reompo co Tulaig
4755] na Fiad
allaniar don tulaig-sin, & at-connairc Cailte da raith do
4756] bói im Thulaig na Fiad .i. Raith Spelain & Raith in Máil.
4757] ‘IS mor in da raith, a m' anum, a Chailti’, ar Laigen,
4758] ‘& cia ro boi intib?’ ‘Da briugaid do rig Eirenn’, ar Cailte ‘.i.
4759] do Chormac h-úa Chuind. Is intib-sin do bídis braigde fer
4760] n-Eirenn o laithe mis trogain, risa raiter in lugnassadh, co laithi
4761] na samna cacha bliadne ic á m-biathad ac Béccan Bóaire & ac
4762] Spelan mac Dubain ac in da briugaid-sin.’ {F§}


    4763] Cailte cecinit:
  1. 4764] Da ráith isin tulaigh tigh
    cia bet andíu cen cinaidh,
    4765] ba mór a ciss is a smacht
    ticed doib on rig co reacht.
  2. 4766] Raith Conaill is Raith Cairbre
    cia beit aníu gan cairdi,
    4767] Ráith Cairill is Raith Comair .
    bitís óig a n-éncomaidh.

¶ 342.
4768] ‘Cred da fuilet na h-anmanna-sin, a Cháilti’, ar Laigen.


p.130


4769] Cethri taisigh sguir do g Érenn & cethri derbbraithrecha
4770] iat, & o laithe na samna na h-eich-sin righ Érenn intib-sin co
4771] laithe m-belltaine, & do-bertís do g Erenn co Temraig iat.
§

¶ 343.
4772] IS annsin at-chonncadur tulaig aile a facus doib. ‘Cid
4773] ima tucad Caelesna ar in tulaig-seo, a Cailti’, ar Laigen.
4774] ‘Is mebair lium-sa sin’, ar Cailte ‘.i. Milid mac Trechossaig,
4775] mac g in domain moir anair, tainic tri .l. óclach do gabail
4776] rígi n-Eirenn, & ro boi ac iarraid braiget ar Fhind mac Cumaill,
4777] & adubairt Find ní thibred giallu na etere don chomlín-sin do
4778] dáinib isin doman uile, & ro fhogair Milid mac Trechosaig comrac
4779] aen-fhir {SG page 192} ar Fhind, & do eirgis-sa dono’, ar Cailte, ‘uair ro bói
4780] dingbail deig-fhir indum in la-sin, & atorchair-sium lium ar scis
4781] chomraic’, {folio 133a2} ar Cailte. ‘& do bói da fhebus lé feraib
4782] Eirenn a thoitim, co tucad ní de cacha tulcha aireghda, & ro
4783] facad da chael-esna ar in tulaig-seo de. Conid uad ata in
4784] t-ainm-sin.’ {F§}


    4785] Cáilte cecinit:
  1. 4786] Gid Cellas na n-Dám dasgin
    da raibi pudhar d' faicsin,
    4787] do marbad aice co se
    mílid sa fhert at- cithe.

¶ 344.
4788] ‘Ocus is e-sin, a anum, a Laigen’, ar Cáilte, ‘dind-shenchas
4789] na cnocc & na tulach ro fiarfaigis dim’.
§

¶ 345.
4790] Tar a eis-sin tangadur rompo co Raith Moir Maigi Fea
4791] .i. co dunad g Laigen, & is annsin ro coirged tech n-óla ind
4792] aidchi-sin ac Eochaid Leithderg ac g Laigen. Ocus adubairt
4793] in : ‘tabur a thimpan do Chas Chorach mac Cáincinde co
4794] n-derna airfided duind.’ ‘Tabrad in gilla fuaramar’, ar Pátraic
4795] ‘.i. a gilla féin, a thimpan dó.’ Ocus tuc in gilla in tiumpan
4796] leis & tucustar i l-laim ind airfidig h-í, & in tan tucad in tiumpan
4797] ina láim is annsin ro gab teine a féice in tighi i r-rabadur, &
4798] ro bói cach ac fegad na teined i n-aen-fecht, & ro fhóbair in
4799] t-airfidech a thimpan do chur assa laim ina comét, & adubairt
4800] a gilla fris: ‘na tairmisced tú dot' eladain na dot' airfidiud, &
4801] léic dam-sa in tech d' fhoirithin’ Ocus lia cloiche ro bói a
4802] lin-scoit a lened ac in gilla ro díubraic ró n- urchair de co ruc
4803] in tene & in féice tar sonnaigib sith-arda in baile amach, conid


p.131


4804] Ard Féice fos ainm inn inaid ó ssin ille ar in lamach do-roin
4805] Aed mac g Laigen ac bádudh na teined. {F§}

    4806] Cáilte cecinit:
  1. 4807] Ro báidh an tenidh astigh
    Aedh mac rig Laigen lam-ghil,
    4808] is é ainm o sin ille
    Ard Féigi ar in faithche.
    §

¶ 346.
4809] ‘Buaid lamaig ort, a meic!’ ar Pátraic, ‘& buaid roinni & buaid
4810] coscair.’ Ocus ro ráidset lucht in tighi uile ‘ní fhaccamur riam’,
4811] ar siat, ‘ac airfitech gilla budh fherr luth na lámach na einech
4812] na in gilla út.’ Ocus ro badur ann mar sin ind aídchi-sin co
4813] tainic lá cona lan-shoillsi arnabarach, & ro eirgedur in sluag
4814] uile maraen & naem Pátraic, & do-chuadur ar Cnoc na Rig, risa
4815] raiter Maistiu, & suidis Pátraic ann.

¶ 347.
4816] Dala rig Laigen immorro, ro cóirged selg & fiadach leis
4817] annsan inadh risa n-abar Ard na Macraide isin tan-sa, & Ard
4818] Scol
a com-ainm anois, & co Lis na Mor- rigna, risa raiter Maistiu
4819] isin tan-so, & ní raibe do muintir na cleirech ina farrud annsin
4820] acht in t-airfidech & a gilla, & ní rainic nech do muintir rig
4821] Laigen cet-guin muice na aighe ac in airfidech & ic a gilla, & ní
4822] dernad ó do-cuaid in Fhiann selg bud tarthighe ina in t- shelg-sin.

¶ 348.
4823] IS annsin ro eirig Pátraic & do-rigne procept & senmoir
4824] do chach, & tucsat cúiced Laigen trian a clainde & trian a
4825] n-indmais dó naem Pátraic, conid Cnoc na Dechmaide ainm
4826] in chnuic-sin ó sin anall gusaníu, & Mag in Trin ainm in
4827] maighi, & Ard in Procepta ainm ind aird a n-derna Pátraic
4828] in procept.

¶ 349.
4829] IS ann immorro ro gab ítu mor naem Pátraic a h-aithle
4830] na senmora & in procepta do-rinde. Ocus at-chonncadur baile i
4831] faccus doib & Tech Cruind ainm in baile, & {SG page 193}is amlaid ro bói
4832] in baile, & fledh mor urlum ann, & ro cuinged deoch do Pátraic
4833] ar fer in baile .i. Maelan mac Dubain eissideic, & érais Pátraic
4834] fa dig don fleid-sin, & lonnaigther in fíren ann risin leochaill,
4835] & adubairt {folio 133b1} ‘Ni rab gein meic na ingine accut, a Dubain,
4836] na fer fine na aicme’, & ní roibe dono.


p.132

¶ 350. {F§}

    1. 4837]
    Patraic cecinit:

4840] INa degaid-sin tangadur na sluaig reompo co h-Ard Cuil- lind
4841] i Machaire Laigen, & ro badur ac dechain na h- ailli & na
4842] h-abhann uaithib & Airdi Cuanaide. IS annsin ro fhiarfaig
4843] Laigen do Chailti: ‘Cred 'má tucad Aird Cuanaide ar in aird
4844] allanall? & créd ima tucad Ard Cuillend ar in n-inad-sa?’
4845] Ocus ro cháiestar Cailte annsin dera falcmara fír-thruaga cor' ba
4846] fhliuch blái & bruinde dó, & adubairt: ‘aen-chomalta ro bói
4847] accum-sa annso .i. Cuanaide mac Lind meic Faebair, mac g
4848] Laigen annso, & nír' bo deig-ben a mathair .i. Cuillind ingen
4849] Dubthaig, & ina degaid-sin’, ar Cailte, ‘do bamar-ne ar slicht-lorg
4850] Chlainde Morna annso, & do- riachtamar-ne do gillib óca éididhacha
4851] fhiann Eirenn .i. deichnebur & secht .xx. sciath-armach
4852] annso, & ní raibi guala gan sciath & ní raibi cenn gan chathbarr.
4853] Ocus adubart-sa’, ar Cailte, ‘re Cael Croda Cétguinech
4854] h-ua Nemnaind in lorg do lenmain, & do eirig in t-óclach-sin
4855] ar in slicht conici in m-baile i r-raibe in ban-muilleoir, & at-connairc
4856] in gilla n-óc n-abrat-gorm i farrad na mná ac á h-acallaim, &
4857] léine do t-shroll rig re chnes, & brat ciumsach corcar-glan uime,
4858] & delg óir issin brut, & sé ina t-shuidhe ar scemel-bord in lebind
4859] ina farrud. ‘Maith, m' anum, a deig-meic’, ar in Chuillend ingen
4860] Dubthaig, ‘ní h-inat duit-siu beith acom acallaim-si annso, & a
4861] aen-meic’, ar sí, ‘déna imthecht bodesta, & do-riachtadur Clannmaicne
4862] Morna
tar in n-ath & tar ind abaind, & bidbaid bunaid
4863] d' Fhind iat.’ Ocus do-luid Cael Croda chucaind’, ar Cailte, ‘&
4864] ro h-indissed duind in scel-sin. Ocus ro éirgemar-ne a n- aen-fhecht
4865] eirgi athlum áen-fhir, & do riachtamar da indsaigid, & ní
4866] tucsum aithne fair .i. ar Chuanaide mac Lind meic Fhaebair,
4867] ar mo chomalta-sa, annsin, & ro impa a aighed foraind, &
4868] tainic fecht fa thri treomaind, & in tres fecht tainic tuc urchur
4869] do t-shleig dam-sa co n-dechaid tri adam glún, & cach cnoc &
4870] cach carracc risa rithim-sea iss é iarsma na sleige-sin tic rim,

p.133


4871] Ocus tucu-sa urchur dó-sum co tarla tar brol- lach a inair cor' daer-bris
4872] a druim ar dó ann, & ro marbusa ac in ard ut talla h-é,
4873] conid Ard Cuanaide ó sin gusaníu.’ {F§}

    4874] Cáilte cecinit.
  1. 4875] Cuanaidhi cú na crichi
    fuaraidi o thic aidci,
    4876] mo dile ar na ditaighe
    cnú mo craidhi Cuanaidhe.
  2. 4877] Comrad do-rigne 'con tein
    ocus in máthair ros-m- ail,
    4878] ocus in muilend ros-meil
    fuil re h-Ard Cuil- lind anair.
  3. 4879] ISin glínd co craebaighi
    cerba grind in luamaire,
    4880] 'sa n-Garbros co n-gnimaighi
    ann ro marbos Cuanaidi
  4. Cu.


4881] ‘Fuair in t-oclach bás amlaid-sin’, ar Cáilte, ‘& nír’ cumain lim
4882] reme riam bás neich bud doilgi lem ina sin.
§

¶ 352.
4883] Ocus is annsin tangadur reompo in sluag & Patraic
4884] maraen ríu co Raith Moir Maigi Fea, & tangadur isin deg-baile
4885] anunn, & ro badur ac ól ann re h-ed & re h-athaid. ‘Tabar do
4886] thimpan duit, a Chais {SG page 194} Choraig meic Caincinde’, ar Laigen,
4887] & tucastar a gilla a timpan chuice.

¶ 353.
4888] IS annsin adubairt Bé Bínd ingen Choban ingen ríg Connacht:
4889] ‘Ingnad lem,’ ar sí, ‘in cochall ciar-leabur út fuil um
4890] gilla ind airfidig gan a buain de i l-ló nó a n-aídchi.’ ‘Ca fis
4891] nach cend ainmi fuil air?’ ar Laigen: ‘acht cach ball at-chiammaid- ne
4892] de nocho n-uil easbaid delba air.’ IS annsin adubairt
4893] Eochaid Leithderg Laigen re Cailte: ‘Maith a m' anam’, ar
4894] se, ‘crann sleigi atá acum, & is ail dam feth fithshnaissi{folio 133b2}
4895] do thabairt duit-siu fair, uair at-chuala-sa na raibhe a n-Eirinn
4896] na a n-Albain crannaigi budh fherr anai-ssiu.’ ‘Aderim riut’,
4897] ar Cailte, ‘in crann sleige nach fétadais fir Éirenn do dénam
4898] is missi ro fhétfad ní de.’ IS annsin tucad in crann-sin i laim
4899] Chailti, & do-rinde a snaide co ding- bala connach raibe a n-Eirinn
4900] na a n-Albain crann budh fherr denam anás. ‘Ocus dena a
4901] h-indsma na sleighe anois’, bar Laigen, & tuc in t-shleg í laim
4902] Chailti, & tucastar a chos re colba com-daingen in tighi i r-raibe,
4903] & sáidis cenn na sleighe issin colba, & ro gab fein crann na
4904] sleige ina laim, & tucastar ró n-urchair dochum in chind &


p.134


4905] aimsig h-é co com-nert co tarrla ina h-alt & ina h-inadh féin co
4906] cóir amal do beth aimser reime 'ga h-indsma. ‘Ac seo do t-shleg,
4907] a m' anum, a ’, ar Cailte. Gabaid in in t- shleg & maith do
4908] bói. ‘do-berim adám ech & mo charpat duit, a Cailti’, ar in
4909] , ‘fiach indsma na sleigi.’ Conid iat-sin da ech & carpat ar a
4910] raibi Cailte fha deired a n-Eirinn, & géb é ro indisfed in scel-sin
4911] .i. imthechta Cailti & anmanna in da ech d' fhiarfaigi de .i.
4912] Err & Indell a n-anmanna.
4913] Ocus ro boi in t-shleg i l-laim in rig, & do bói ic á sír-fhégad,
4914] & ba doilig leis gan comarba meic leis fá h-urchomair, & ro
4915] mebaid déra uiscide tar a gruaidib, & adubairt naem Pátraic
4916] ris: ‘cred immá n-denai in toirrsi-sin, a ?’ bar eissium. ‘A
4917] h-adhbur acum’, bar in . ‘Créd in t-adhbur?’ ar Pátraic.
4918] ‘A loss in meic adubartas riut reime-seo’, ar , ‘& gan comarba
4919] dilis dingbala accum fa chomair na sleige-seo ro indsmastar
4920] Cailte dam.’ ‘Maith a m' anum’, ar Pátraic, ‘tabair i l-laim
4921] gilla ind airfitig h-í co findam in ba lán a glacc da h-indsma
4922] & da cró, & tuc in t-shleg i l-laim gilla ind airfitig, & ro boc &
4923] ro bertaig h-í co lán-chalma.’ ‘Ben dít do chochall ciar-lebur
4924] bodesta’, ol Pátraic, ‘& rot-mela sleg th' athar.’ Ocus ro benustar
4925] a chochall de, & ní raibi ann nech na tucustar aithni fair.
4926] ‘Is taiscid deig-chleirig, dar ar m- breithir’, ar in t-airecht. ‘Ocus
4927] a cleirig’, ar Laigen, ‘na bith comus Tuaithe Dé Danann
4928] festa fair in mac ó ro ailis & o ro altramais cosaníu h-é.’ ‘IN
4929] bás ro ordaig nime & talman do-géba’, ar Pátraic.

¶ 354.
4930] IS annsin do eirgetar sluaig & sochaide, & do- rónsat a
4931] cuir & a muinterus rissin maccaem, co raibí se .x. cét do t-shluag
4932] im trath eirge arnamairech.

¶ 355.
4933] IS annsin tangadur rompo in sluag uile & Pátraic maraen
4934] ríu, & do-luid Cailte issin carpat tuc Laigen dó in lá-sin, &
4935] tangadur rompo co h-Ard Fostuda na Féine amach ar Slaine
4936] issin tan-so, & tairrlingid Cailte assin charpat annsin, & ro
4937] cóirged in t-shelg léo. ‘Maith a m' anum, a Cailti’, ar Laigen,
4938] ‘cred ma tucad Ard Fostada na Féinne ar in ard so?’ ‘Is mebuir


p.135


4939] lem-sa in ní dia tá sin’, ar Cailte, ‘cen gub núa in ní
4940] dia tá. Laithe n-aen da tainic Find mac Cumaill & tri catha
4941] na Feine conici in n-ath-sa, & mar do bámar ann anar suidhe’,
4942] ar Cailte, ‘co faccamar in n-aen-ingin ar in cloich cuirr a cind
4943] ind atha thall: inar sroill uimpi & brat uáine aen-datha uimpi,
4944] delg óir isin brut, mind {folio 134a1} oir i comartha rigna os a cind,
4945] & adubairt:’ ‘Ticed aen-óclach accaib, a fhianna Eirenn, dom
4946] accallaim’, ar in ingen.

¶ 356.
4947] IS annsin ro fhrecair Sciathbrec mac Dathcháin sin, & da
4948] eirig da h-acallaim. ‘Cia is ail let, a ingen?’ ar Sciathbrecc
4949] mac Dathcháin. ‘Find mac Cumaill’, ar inn ingen. Ocus do-riacht
4950] Find dochum ind atha d' accallaim na h-ingine. ‘Cia thusa, a
4951] m' anum, a ingen?’ ar Find, ‘& crét is áil let?’ ‘Dairend ingen
4952] Buidb Deirg meic in Dagda missi’, ar inn ingen, ‘& d' fheis
4953] let-su thanac tar cend tindscra & tirochraici.’ ‘Ocus crét in
4954] tindscra & in tirochraic’ ar Find. ‘Coraigecht aen-mna re
4955] bliadain dam’, ar in ingen, ‘& leth feissi do grés.’ ‘Ní thabraim-si
4956] sin’, ar Find, ‘do mnai do mnaib in domain, & ní
4957] thiber duit-si dono.’ Ocus is ann tuc in ingen a lam a clithair
4958] diamair a étaig, & tucastar cuach find-airgit amach assa coim,
4959] & a lán do midh sho-ola ann, & tuc i l- láim Fhind meic Cumaill.
4960] ‘Ocus crét so, a m' anum, a ingen?’ ar Find. ‘Midh so-óla so-mescca
4961] so-milis’, ar in ingen. Ocus ba geis do Fhind fled d' obu.
4962] Ocus ro gab Find in cuach & at-ibestar digh as, & iar n-ól na
4963] dighi dó ro mesc-buaidred h-é annsin, & tucastar a aighed ar in
4964] Féin, & cach olcc & cach ainim & cach lén catha do fhitir ar
4965] cach fer don Fhéind ro thubh ina aghaid leisin meisce tuc in ingen fair.

¶ 357.
4966] ‘IS annsin do eirgedar maithi Fhiann Eirenn, & ro fhacadur
4967] in maigin dó .i. cach nech dib dochum a forba & a feraind, &
4968] nir' fácad ar in tulaig-seo’, arsi Cailte, ‘acht mád missi & Find.
4969] Ocus is annsin ro eirgis-sa a n-diaid na Feinde & adubart:’ ‘A
4970] fhiru, na fác bur triath & bur tigerna tré milled mná sirrechtaighe
4971] side fair, & fecht ara dó déc ro timsaigiusa iat, & ro
4972] timairgis ar in tulaig-sea. Ocus ó thainic deired don ló & tossach


p.136


4973] don aidchi do-chuaid a neim do thengaid Fhind, & in fecht déidenach
4974] ro fastis-sa iat táinic a chiall {SG page 196}& a chetfaid féin d' Fhind,
4975] & dob fherr leis toitim ima arm-gaisced & bas d' fagbail ina beith
4976] a m-bethaid. Ocus is sé-sin darna la as mó fuarus d' ulc riam’,
4977] ar Cailte, ‘in la-sin ac fastod na Féinde & in la ro fuaslaices
4978] Find ó Chormac & tucus in chorr-imirchi dó. Ocus conid Ard
4979] in Fhostada
de-sin h-é & Ath in Fhostada.’ Cailte cecinit:
    1. 4980] Ath Fostada Féinde Fínd
      adér riut co h-aith-imrind,
      4981] is sé ainm ó sin ille
      Ath Fostada na Féinne.
    2. 4982] Bás Conaing ocus Cathail
      do-rala im cenn aen-achaid,
      4983] torcradar don t-sheilg ár sin
      Bran is Bresal 'na m-braithrib.
    3. 4984] Atá a Sengabair na Sreth
      Flann ocus Find Findabrach,
      4985] Aed ocus Congal Clidna
      iat araen fa en-dingna.
    4. 4986] Fa mor esbaid Feine Find
      'ar n- dul doib a h-Iubharglind,
      4987] mó a n-esbaid a cind trachta
      cath fithnassach Findtrága.
    5. 4988] Ar n-esbaid a cath Monaid
      'ar n-dith Déicill in dolaid,
      4989] 'ar marbad Ailbi meic Máin
      ocus Mergi 'na fhochráib.
    6. 4990] Ar n-esbaid i cath Chlidna
      da tainic rind a h-ídhna,
      4991] 'ar marbad cét fer fa thri
      do laechraid fa lór-luindi.
    7. 4992] Ceithri nói crechta is deich cét . {folio 134a2}
      inneoch dar t- sháiliusa éc,
      4993] gid fata bes 'gá rim de
      ni h-orro ata m'airbire.
    8. 4994] Adeirim-si rib-si de
      is fír dam í r- raidim-ne,
      4995] ge beth mo chraide ina mairg
      is maith ro anus 'con aird.

    9. 4996]

      Ath Fostada.

¶ 358.
4997] ‘IS mor d' ulcc & do chathaib & do chomraicib frith annsin,
4998] a m' anum, a Chailti’, ar Eochaid Lethderg mac Aengusa
4999] Find
, Laigen. ‘Ní h-ed thic aníu rind díb-sin’, ar Cáilte,
5000] ‘achtmad in críne & senordacht.’

¶ 359.
5001] IS annsin tangadur rompo in sluag uili & Pátraic maraen
5002] riu tar Dubfhidh, risa raiter Fidh Dorcha anos, & co Sliab na
5003] m-Ban
, risa raiter Sliab Aighi meic Iugaine; & tangadur a mullach
5004] in t-shleibe suas, & ro badur re h-adh & re h- athaid ina suide ann.

¶ 360.
5005] IS annsin adubairt Laigen re Cailte: ‘crét in sliab-so
5006] & in t-inad atammáid?’ ‘Sliab sin’, ar Cailte, ‘& síd-brugh ann,
5007] & ní fhuair nech riam h-é acht Find seissir óclach .i. baeth-láeg
5008] álaind alltaide ro duísced duind’, ar Cailte, ac Toraig tuais- cirt


p.137


5009] Eirenn, & ro lensamar-ne h-é seisiur óclach ó Thoraig conici in
5010] sliab-so .i. co Sliab Aighi meic Iugaine, & tucustar in baeth-láeg
5011] alltaide a chenn a talmain ann, & ní fhetamar-ne cá leth
5012] do-chuaid iarsin. Ocus ro ferastar tróm-shnechta mor ann co
5013] n-derna gat-shnim do barr na fidhbaidhe, & ruc ar luth & ar lamach
5014] uaind mét na derdaine & na doininde tainic ann. Ocus
5015] adubairt Find rim-sa: ‘a Cailti, in faghai díden duind anocht ar
5016] in doinind atá ann?’ ‘Ocus tucus bertugud orum sech uillind in
5017] t-shleibe bodes, & in dechain ro {SG page 197} dechus seochum co facca in síd
5018] solus-mor co n-ilar chornn & chuach & chopan buis & bán-óir
5019] ann, & ro bádusa a n-dorus in t-shída ica sír-fhegad ré h-adh fata.
5020] Ocus ro smuainis cindus do-genaind, in annsa síd do- ragaind
5021] d' fhis scel in t-shída, nó in d' indsaigid Fhind marar' fhacus h-é, uair
5022] do-chuadus uad sech uillind in t-shleibe bodes d' iarraid inaid.
5023] Ocus is sí comairli arar' chindius, do-chuadus issin síd anunn &
5024] do t-shuidhis’, ar Cailte, ‘a cathair glainide ar laechlar in t-shída
5025] & do dechus in tech umum, & at-chonnarc ochtur ar .xx. óclach
5026] isin dara leith don tigh & ben chaem chenn-álaind ar gualaind
5027] gach fir díb, & seissiur ingen mín maccaemda mong-buide isin
5028] leith aili don tig, & tuignech futairli forro go formna a n-gualann,
5029] & ingen mín mong-buide i cathair ar laechlar in tighi, & cruit
5030] ina laim & sí 'ga sefnad & 'ga sír-shéinm, & cach uair do gabad
5031] láid do-berthea corrn di co n- ibhed deoch as & do-bered in
5032] cornn i l-laim ind fhir do-bered dí h-é, & do bídis-sium ic áinius
5033] & ac aibnius uimpi-sin’, ar Cailte. ‘Dam th' umal-fhossaic, a
5034] m' anum, a Cailti’, ar in ingen. ‘ni dém etir’, ar Cailte, ‘uair
5035] atá dámh is uaisli iná mé fein i focus accum .i. Find mac
5036] Cumaill, & anocht is áil leis feis dithat na h-áidchi issin t-shíd-sa
5037] d' fhagbail.’ IS annsin adubairt óclach díb- sium: ‘éirig-si, a m' anum,
5038] a Cailti, ar cenn Find meic Cumaill, uair nir' diultad riam ré
5039] Find í tigh duine & ní diultfaither acainni dó-som. Is annsin
5040] do-chuadus ar cenn Find.’ ‘Is fata atái inar n-ingnais, a
5041] m' anum, a Chailti’, ar Find, ‘uair ón ló ro gabus airm {folio 134b1},

p.138


5042] laich am laim ní fhuarus adhaig as mó ro chuir orum iná in
5043] adhaig anocht.’ Ocus adubairt Find:
    1. 5044] Cungnum duind, a Chailti
      is tú fer ar comlaithi,
      5045] da fagtha teine ocus tech
      do leth-taib t-shleibe aig- nech.
    2. 5046] Adar lium-sa fuarus tech
      a fhlaith na fiann fír-buillech,
      5047] ocus nir' t-shill nech a clí
      aen-tech aili bud ailli.
    3. 5048] Aen-ben ann issin tigh mór
      a fuilet cach ac ind ól,
      5049] bindither ré tétaib crot
      a gaeidelg blaith-mín etrocht.
    4. 5050] Ro benadh dind issa t-shíd
      fuaramur ann midh is fín,
      5051] is ro bamar ann 'arsin
      cor' bo lomnan ar m- bliadain.
    5. 5052] Neoch ro t-shirius tes is tuaid
      issin domun co mor- buaid
      5053] a mac samla in láe-sea aníu
      ní fhuarus ann, a Caltiu.

    6. 5054]

      Cungnum.


5055] ‘INa degaid-sin’, ar Cailte, ‘tangamur annsa síd solus-mor
5056] anunn in seisir sciath-armach sin ro bamar .i. Find mac Cumaill
5057] & mé féin & Diarmait ó Duibne & Oissin & Oscur & Mac
5058] Lugach
; & ro t-shuidhimar ar colba chíuil issin t-shíd, & tainic
5059] ingen min macdachta mong-buide d' umal-fhossaic duind’, ar Cailte,
5060] ‘& tuc in ingen sind a cathair gleorda glainide ar laechlár in
5061] t-shída, & tucad sen cach lenna duind & nua gacha bíd. Ocus ind
5062] uair tairnic ar n-áithgéire & ar n- ítu do choscc, is ann ro fhiarfaig
5063] in flaith Find:’ ‘Cia accaib da fiarfochum scela?’ bar eissium.
5064] ‘Fiarfiag don tí dár b'ail let féin’, ar in t-óclach ba mó díb.
5065] ‘Ocus cia thusa, a m' anum, a óclaig?’ ar Find, ‘uair ní fhetar
5066] in comlín-so do dáinib a n-Eirinn gan a n-aithne accaind.’

¶ 362.
5067] ‘IN t-ochtur ar .xx. oclach út at- chí-siu issin t-shíd, inann
5068] mathair & athair dóib, & cland do Midhir Mongbuidhe mac in
5069] Daghda iat’, ar in t-óclach, & Findchaem ingen rig t-Shidha
5070] Monaid
anair ar mathair, ‘& do-rigned tinol & toichestal ac
5071] Tuathaib Dé Danann{SG page 198} deich m-bliadna .xx. gusin lá amairech’,
5072] ar in t-óclach, ‘ac tabairt rígi Tuath Dé Danann do Bodb Derg
5073] mac in Dagda icin Brug braenach brecsholus thuaid, & ro bói
5074] ac cuingid bráiget orainde in lín brathar so atámait, & adubramar
5075] nó co tucdais Tuatha Dé Danann braigde dó nach
5076] tiurmais féin.’


p.139

¶ 363.
5077] IS annsin adubairt Bodb Derg mac in Dagda re Midhir
5078] .i. ré 'r n-athair-ne: ‘muna chuire do clann uait’, ar se, ‘múirfemait
5079] do t-shid ort.’ ‘Ocus tangamar-ne amach’, ar in t- óclach, ‘in
5080] t-ochtur ar .xx. brathar-so d' iarraid inaid t-shída, & ro t-shiremar
5081] Eirinn nó co fuaramur in n-inad n-diamair n-derraid-sea, & atámait
5082] ann ó sin ille’, ar Donn mac Midhir, ‘& ochtur ar .xx.
5083] derbrathar atam sunn, & deich cét óclach re cach n-aen-fer uaind,
5084] & ro dibaigthea uile sin acht in t-ochtur ar fichit sea atamaid
5085] do chlaind aen-athar & aen-mathar.’ ‘Ocus cindus dibaigter
5086] sib?’ ar Find. ‘Tuatha Dé Danann do thiachtain fa thri cach
5087] bliadain do thabairt chatha ar in faithche feraig sea amuich
5088] duind.’ ‘Ocus cia in fert fata núa at-chonncamar ar in faithche
5089] amuig?
’ ar Find. ‘Fert Diangalaig drái sin’, ar in t- óclach,
5090] ‘.i. drái maith do bói ac Tuaith Dé Danann, & in tres eas- baid
5091] as mó thucad ar Tuaith Dé Danann’, ar Donn mac Midhir,
5092] ‘is sí-sin h-í’ {folio 134b2}. ‘Ocus cia ro marb h-é?’ ar Find. ‘Missi’,
5093] ar Donn, ‘do marb h-é.’ ‘Ocus caide ind espaid aile?’ ar Find.
5094] ‘Indeossat duit’, ar Dond, ‘.i. in neoch ro bói do t-shetaib & do
5095] mainib & d' indmusaib, eter chorrnaib & chuachaib & chopanaib
5096] & bleidedaib buis & bán-óir, ac Tuaith Dé Danann tucsamar
5097] lind a n-aen-fhecht uaithib iat.’ ‘Ocus caide in tres espaid?’ ar
5098] Find ‘.i. Fethnaid ingen Fhidhaid, ban-airfitech Tuaithe Dé Danann’,
5099] ar Dond mac Midir ‘.i. a céol & a n-indtlas menman uili sin.
5100] Ocus atá a n-dail sunn amairech do thabairt catha duinde, & ni
5101] fhuilmíd-ne do lín catha acht in t-ochtar ar .xx. derbrathar atamait
5102] ina n-aghaid-sin, & ro rathaigemar ar m-beith a m-baegal
5103] ina n-aghaid-sin, & ro chuirsemar in ingin Máil út ar do
5104] chenn-sa co Toraig thuaiscirt Eirenn, a r-richt baeth-láig allaid,
5105] & ro lensabair-si h-é co rangabair in síd- sa, & in maccaem út
5106] at-chithi & in brat uaine aen-datha uimpi ac in dáil, is sí-sin h-í’,
5107] ar Donn. ‘Ocus in leth falum at-chisi don t- shid’, ar Donn, ‘inad
5108] in t-shluaig ro marb Tuath Dé Danann sin.’

¶ 364.
5109] Ocus do badur-sum ac ól & ac aibnius ind áidchi-sin, &
5110] mar do eirgedur arnamairech adubairt Dond mac Midhir re


p.140


5111] Find: ‘Tairsi lem-sa amach ar in faithche co faicce tú in bail
5112] a cuirmid-ne cath & Tuath Dé Danann cacha bliadne.’ ‘Ocus
5113] tangadur amach, & ro badur ac {SG page 199} fégad na fert & na lecht. Ocus
5114] conice seo atá dáil Tuaithe Dé Danann chuccainde.’

¶ 365.
5115] ‘Cia dib’, arsi Find, ‘asa dáil atá chuccaib?’ ‘Bodb Derg
5116] cona .uii. macaib, & Aengus Óc mac in Dagda, cona .uii.
5117] macaib, & Findbarr Meda Siuil cona .uii. macaib déc, & Lir
5118] Sída Findachaid cona .uii. macaib .xx. & cona chlann-maicne
5119] archena. Tadg mac Nuadhat a Síd álaind Almaine. Donn
5120] Ailein & Dond Dumaigi, & in da Glas a Sidh Glais a crich
5121] Osraige. Ocus Dobran Duthaire a Síd Liamna Lennchaime
5122] annso a cuiced Laighen. Ocus Aed Aileain a Rachruind
5123] atuaid, & Fer Ái mac Eogamail, & Aillean mac Eogabail, & Líí
5124] mac Eogabail, & Faindli mac Eogabail a Mumain aniar, a Síd
5125] Eogabail
, & Cian & Cobhan & Conn, tri meic rig t-Shida Monaid
5126] anall a h-Albain, & Aed Minbrecc Essa Ruaid cona .uii. macaib
5127] a Sídh Essa Ruaid, & clann na Morrigna ingine Ernnmais, cona
5128] seisser ar .xx. ban-gaiscedach, & cona seisser ar .xx. fer-gaiscedach,
5129] & in da Luath a Lifenmaig a Maig Life, & Brattan & Ballgeal &
5130] Ubhalroiscc a Síd Ochta Cleitig a Bregmaig, & Cathal & Caithri &
5131] Catharnnach a Síd Droma Deirg a crichaib Chineil Chonaill atuaid.
5132] Derg & Dregan a Síd Beinde h-Etair anair. Sanb cona secht mnaib
5133] a crichaib na n-Déisi Muman andes
. Bodb Derg fein
5134] cona mor-theglach .i. deich fir &h fichit & deich cét ba h-é-
5135] sin a lín. Conid iat-sin na triatha & na tigernada feraind do
5136] Thuaith Dé Danann tic do thochailt ar sída oraind cacha
5137] bliadne.’

¶ 366.
5138] Ocus tangadur anunn assa h-aithle-sin issin síd, & ro indis
5139] Find da muintir sin. ‘Ocus a aes cumtha’, arsi Find, ‘is mor
5140] éicen & soithfir na muintire aca fuilmíd, & do-rala i mor-éicin
5141] sib-si,’ {folio 135a1} ar se, ‘& muna derntái maith ica bhur cosnum
5142] is contabairt daib nech dabur feind ná dabur foirind d' fhaicsin.’
5143] ‘Cait a faccais, a m' anum, a Fhind’, ar Diarmait h-úa Duibne,
5144] ‘ar n-droch-engnum-ne in trath atái ac tabairt robaid duind?’
5145] ‘Do-berim-si mo breithir’, ar Find, ‘da sirind-sea in domun uile
5146] nach biad omun na ecla orum & in comlín-so d' Fhiannaib


p.141


5147] Eirenn im fhar- rud.’ Ocus ro badur ann co trath eirgi do ló
5148] arnamairech.

¶ 367.
5149] Is annsin do eirgedur lucht in t-shída uile amach & Find
5150] seissir óclach máraen ríu. ‘Maith m' anam, a Duind’, arsi
5151] Find, ‘in a ló nó a n- áidchi tecait Tuath Dé Danann chuccaib- si?’
5152] ‘I comdáil na h-aídchi’, ar Donn mac Midhir, ‘comad
5153] truimi-te ind fhogal do-gendais.’

¶ 368.
5154] Ocus ro badur ann co táinic ind adhaig, & adubairt Find:
5155] ‘Imthighed nech accaib’, ar Find, ‘ar in faithche amach, &
5156] denaid foraire & forcoimét duind nach tissad Tuath Dé Danann
5157] chuccaind gan fhis & gan forchloistin duind.’ Ocus ní h-imcian {SG page 200}
5158] ro bói fer na foraire ann co faccaid na .u. catha croda cutruma
5159] coirigthi da indsaige. ‘Dar lium’, arsi fer na foraire, ‘is imda
5160] curaid & cath-milid im Fert in Druad innoss, & is comlann curad
5161] atrasta iat.’ Ocus adubairt Find:

    1. 5162] Comlond laech im Fhert in Druad
      co n-ilar sleg rind-gér ruad,
      5163] erctha ruibhe rádam-ne
      fuil i tosaig na buidne.
    2. 5164] IMthiged Diarmaid amach
      is Oissin tend tairismech,
      5165] Mac Lugach re gnim n-glan n- gle
      is Osccur re h-ursclide.
    3. 5166] Ro linsat sluaig in raith bán
      rachat-sa is Cailte ina n-dail,
      5167] ocus rachmaid uili amach
      sinde araen isin teghlach.
    4. 5168] Na tri caecait co ba thri
      do laechraid is calma a cli,
      5169] dingébat dib cach re fer
      do t-shluag is chalma com-mer.
    5. 5170] Adeirim-se rib-si de
      bid fír ina raidim-ne,
      5171] da rús in cath croda crom
      mébaid reomum in comlonn.

    6. 5172]

      Comlann.

¶ 369.
5173] ‘Cait a fuil Oscur anossa?’ ar Find. ‘Sunn, a m' anum’,
5174] ar Osccur. ‘Den maith anossa í cath Thuaith Dé Danann, &
5175] denad Diarmait & Mac Lugach. Missi & Cailti & Oissin as
5176] sine accaib’, ar Find, ‘& léicid deirid in chatha duind. Dala
5177] mac Midhir, aincid-si duind iat issin chath-sa Túaithe Dé Danann
5178] & uathad bratha atait, & feall ar einech & ar inchaib duinde
5179] olcc d' fhagbail dóib, & ar tiachtain chucca.’

¶ 370.
5180] ‘IS ann do-ratsamar-ne in cath’, ar Cailte, ‘ó fhuined néll
5181] nona co crichaib na maitne muiche arnamairech acht aen-ní


p.142


5182] chena ro báe esbaid Tuaithe Dé Danann issin cath-sin .i. deich
5183] fir & deich fichit & deich cét.’ IS annsin adubairt Bodb Derg
5184] & Midir & Findbarr: ‘Cindus is ail lib do denam risin n-ár so?’
5185] ar siat. ‘Tabrad Lir t-Shída Findachaid comairle duind, uair iss é
5186] is sine do Thúaith Dé Danann.’ ‘Do-bér-sa’, ar Lir, ‘comairle
5187] duib .i. beirit cach a carait & a comaltada & a meicc & a
5188] braithre leo da sídaib, & tabar múr tened don darna taeb uaind,
5189] & tabar múr uisci don taeb aile.’ Ocus ina degaid-sin ro
5190] thócbadur Túath Dé Danann léo in lecht-lighi-sin, & nir' fhacbadur
5191] in ní ara tairissed in bran-én ar in fhaithchi don ár-sin
5192] tucsat lucht in t-shida orro.
5193] ‘Tainic Find & lucht in t-shida issin síd iarsin, & siat crechtach
5194] cró-lintech, & ro boi triur co lan-olcc {folio 135a2} acaind’, ar
5195] Cailte ‘.i. Mac Lugach & Osccur & Diarmait, & tangadur Túath
5196] Dé Danann
fa thri rissin m- bliadain-sin d' indsaigid in t-shída
5197] cétna, & tri catha tucsamar- ne doib rissin m-bliadain-sin, & rob
5198] é ar n-esbaid ann’, ar Cailte ‘.i. Conn Cruthach mac Midir,
5199] & cid {SG page 201}sinde’, ar Cailte, ‘rob áinicnech sind issin cath déidinach
5200] sin, úair ro loigh for Oscur & for Diarmait neim & forlonn in
5201] catha, corub lubán find-chuill ro bói ac imfhulung a n-étaig tarsu
5202] ina cossair-leapaid chró, & do-luidsemar-ne amach ar in faithche’,
5203] ar Cailte, ‘in cethrar óclach slán ro bámar .i. Find & Mac
5204] Lugach
& Oissin & mé fein, & adubairt Oissin annsin:’ ‘IS olcc
5205] in turus tangamar co Síd Mac Midhir’, ar se, ‘d' fhacbail mo meicc
5206] & mo chomalta .i. Diarmata.’ ‘Ocus mairg do-béra a aighed
5207] ar in Féinn’, ar Mac Lugach, ‘tar eis Diarmata & Oscair d' fhac- bail,
5208] uair ní raibe ac congbail in fhiangaiscid dias dob fherr
5209] anáit.’ ‘Ocus gid bé do-béra’, ar Find, ‘ní mé do-bera.’

¶ 372.
5210] ‘Ocus tucad Donn mac Midhir chuccaind’, ar Cailte. ‘Maith,
5211] a m' anam, a Duind’, ar Find, ‘in fuil a fhis nó a eolus accut
5212] in ní ro ícfad na firu út?’ ‘Ni h-aithnid dam’, ar Donn, ‘acht
5213] aen-liaig atá ac Túaith Dé Danann, & munar' tesccad smir a
5214] n-droma do-gébthar furtacht & fóirithin ré nomaide uathaib
5215] comba slemain slan-chrechtach iat.’ ‘Ocus caide in t-abur assa


p.143


5216] fuighmis h-é?’ ar Find, ‘uair ní caraid bunaid duind in lucht
5217] aca tá.’ ‘Adér riut’, ar Dond mac Midhir. ‘Mochthrath do
5218] laithe tic-sim assind brug amach do thinol lossa íce co táirthed
5219] fa lind-braen na maitne iat.’ ‘Fagh-sa, a m' anam, a Duind’, ar
5220] Cailte, ‘nech do-bera aithne ar in liaig & ticfa a béo no a
5221] marb lim-sa.’

¶ 373.
5222] IS annsin ad-racht Aed mac Midir & Flann Fuilech mac
5223] Midir. ‘Tair reomaind, a m' anum, a Chailti’, bar iat-som.
5224] Tangadur reompo co faithche in Broga braenaig brec-sholais, &
5225] in tan rangadur ann at-chonncadur flesc gilla óic eitedaig co
5226] m-brat d' olaind na n-osmolt a Tír thrétaig Thairrnhgaire, & lán
5227] ichtair a bruit aice do lossaib leighis & íc- shlainti da chor í
5228] cnedaib & a crechtaib in lochta do loited issin cath do Thúaith
5229] Dé Danann
.

¶ 374.
5230] ‘Cia siut, a m' anum, a Aed?’ ar Cailte. ‘Is sé-sin in t-óclach
5231] da tangamar d' iarraid’, ar Aed, ‘& frithoilid co maith h-é
5232] arna dechad uaib issin síd.’ ‘Ocus ro rithamar-ne a n- aen-uair
5233] ris’, ar Cailte, ‘& tarrus ar fhormna h-é, & tucsamar lind h-é
5234] óta sin co h-Ath Fostada na Feinde ar Sláine ar laech-Machaire
5235] Laigen, & ro eirig fia fiad umaind, conar' leir sind, & inn uair
5236] rangamur in tulaig ic in ath, is ann at-chonncamur in cethrur,
5237] & ceithri bruit corcra chortharacha umpo, & ceithri cloidme
5238] ór-duirnn ina lamaib, & ceithri coin chaem-selga acu. Ocus nir' léir
5239] dóib-sium sinde leisin fia fiad ro boi umaind, & ba léir duinde
5240] iat-som. Ocus aichnim-si in cethrur’, ar Cailte, ‘.i. Colla mac Cailti
5241] & Faelan mac Cailti, & Raigne Rosclethan mac Find & Cainci
5242] Chorcarderg
mac Find; & ro badar ic comrad, & bá h-é comrad
5243] do-ronsat .i. esbaid Fhind meic Cumaill a triath & á tigerna
5244] rissin m-bliadain-sin orra. Ocus at-chuala-sa’, ar Cailte, {SG page 202}‘comrad
5245] mo deisi mac & comrad da mac Find, & ba truag lium a
5246] n-acallaim, & adubradur:’ ‘Cid do-genat Fianna Eirenn bodesta
5247] gan triath & gan tigerna acco?’ ar Raigne Rosclethan mac
5248] Find. ‘Nocon fhuil acco’, ar Colla mac Cailti, ‘achtmad
5249] dul do Themraig & scailed do denam ina degaid{folio 135b1} nó


p.144


5250] rig-fhéinnid do denam acco féin ann. Ocus ro cháisetar na
5251] meic-sin ina degaid-sin co trom taidbsech d' esbaid a da n-athar
5252] & a tigerna. Ocus tangamar-ne uaithib’, ar Cailte, ‘noco rangamar
5253] co Síd Da Én, risa n-abar Sliab Aighe meic Iugaine, &
5254] tangamar issin síd anunn, & ferais Find & Dond mac Midhir
5255] faeilte re Libra liaig, & ro taispenad dó Oscur & Diarmait, &
5256] acsin’, arsi Donn, ‘da brathair dam & dech let in ba h-in-othrais
5257] iat nó in ba h-in-leighis. Ocus dechais in liáig iat, & adubairt:’ ‘Is
5258] in-othrais & is in-leigis iat mád maith ma luag leighis-sea.’ ‘Bid
5259] maith um’, ar Cailte: ‘ca fhat beither ic á leighes?’ bar eissium.
5260] ‘Ré nómaide’, ar Libra prim- liaig. ‘do-géba-su immorro’, ar
5261] Cailte, ‘luag maith .i. t' anam do léigen duit, & mina thernat
5262] na h-óclaig let’, ar Cailte, ‘benfaid mo lam-sa fein do chenn dít.’
5263] Ocus do-rinde in t-óclach a leighis & a lesugud ré naemaide,
5264] cor' bo t-shlemain slan-crechtach iat.

¶ 375.
5265] Ocus ina degaid-sin tainic gilla ó Chormac, ó ríg Eirenn,
5266] ar cenn na Féine co h-Almain 'ar n-esbaid a triath & a tigerna
5267] .i. Find mac Cumaill, & d' ól fheissi na Temrach le Cormac
5268] h-úa Cuind, & do-riactadur Fianna Eirenn co leir annsin, etir
5269] fhir & mnái & gilla & óclaech & airfitech, co Fert na n-Druad ar
5270] faithche na Temra.

¶ 376.
5271] IS annsin immorro ro t-shuidh Goll mac Morna at leth-laim
5272] rig Eirenn, & ro t-shuidhset .u. coicedaig Eirenn cona socraide
5273] i Temraig. ‘IS mor bur n-esbaid, a Fianna Eirenn’, ar Cormac,
5274] ‘.i. bar triath & bur tigerna .i. Find mac Cumaill.’ ‘Is mor’,
5275] ar se Goll mac Morna. ‘Is mor’, ar Cormac, ‘uair tri h- esbada
5276] com-méite cutruma tucad ar Eirinn reime-seo .i. Lugh & Conn
5277] & Conaire, & is sí-seo in cethramad esbaid is mó tucad a
5278] n-Eirinn .i. Find mac Cumaill.’ ‘Ocus cat in stiurad nó in
5279] tinrum do-beri-si, a m' anum, a Chormaic?’ ar Goll mac Morna,
5280] ‘ar Fhiannaib Eirenn anossa?’ ‘Do-berim immorro’, ar Cormac,
5281] ‘comus fhiadaig & fhiann-choscair Fhiann Eirenn duit-si, a Guill’,
5282] ar Cormac, ‘co festar’, ar se, ‘inn esbaid d' Fhind do bunud, &
5283] roga selga do Chlaind Baiscne .i. do chlann-maicne Fhind risin


p.145


5284] bliadain uait-siu.’ Ro fhaemastur fianna Eirenn sin, ‘ocus ní
5285] tiucub-sa re Find’, ar Goll, ‘im rígi fhian- naigechta Eirenn nó co
5286] m-bia-som tri bliadna i talmain, & co na raib súil duine dh' feraib
5287] Eirenn ris.’

¶ 377.
5288] IS annsin do raid Aillbi Gruadbrec re Cormac: ‘Cindus
5289] do-genat find-bantracht Find .i. na secht rigna dec so?’ Ocus ro
5290] fregair Cormac sin: ‘Do-gentar grianan der- rait deg-daingen do
5291] cach mnái fa leith díb cona bantracht re mís & re raithe & re
5292] bliadain nó co findtar beo nó marb Fhind rissin, & a lor-daeithin
5293] bíd & lenna rissin doib.’

¶ 378.
5294] IS annsin tucsat airfitig na Féinne a n-aghaid ar Chormac
5295] .i. Daigri mac Moran & Der h-úa Daighri & Senach h-úa
5296] Daighre & Suanach mac Senaig & Suanach mac Seinchind
5297] sen- scélaidi Find meic Cumaill, & is sé-sin is binde ro gab timpan
5298] ina laim i n-Eirinn & i nd-Albain, & Cnú Deireoil in t-abac &
5299] Blathnait a ben. Ocus fregrais Cormac doib: ‘Bar m-beith i
5300] Temraig’, ar in , ‘& leth dligid uaim-si daib, & cobeis in
5301] tuarustail do-berad Find daib do-bér- sa’, ar Cormac.
5302] Ocus tainic Fergus Fínbél fili na Feinne da n-indsaighid,
5303] & ba h-ed a lín .i. deich cét d' filedaib{folio 135b2} & d' aes dána.
5304] ‘Prim-ordan Eirenn acum-sa daib’, ar Cormac ‘.i. ó Thuind
5305] Chlidna
co Tuind Rudraigi’, ocus tainic meidhes- cal Find da
5306] indsaigid .i. im Garbchronan taissech na n-gilla mor. ‘Tabair
5307] uidh oraind, a !’ ar siat. ‘do-berim’, ar Cormac, ‘ó ta Ath
5308] lethan Loichi
aniar, risa n-abar Ath lethan Luain, co Beind
5309] Etair meic Étgaith
ind fheindeda sair do t-shorrthan duib.’

¶ 379.
5310] Assa h-aithle-sin tangadur anunn a Temraig, & tainic
5311] Cormac a Tech Mor Midchuarta, & ro cóirged cach nech ar
5312] duthaig a athar & a t-shenathar aici ann, & tucad Goll mac
5313] Morna a n-inad ríg-fheindeda ann, & tucad Eithne Ollamada
5314] ingen Cathair, ben rig Eirenn, a n-inad rigna, & Aillbe Gruadbrecc
5315] ar a láim-side, & Maighinis ingen Geraid Glunduib ar
5316] leth-laim Aillbi, & ro coirged Tech mor Midchuarda fan cuma-
5317] sin, & ro dáiled lind & ro scailed biad forro iarsin.


p.146

¶ 380.
5318] IS andsin ad-racht Cormac re beind m- blaith m-buabaill
5319] ro bói ina laim, & adubairt: ‘Maith, a fhiru Eirenn, da faghad
5320] nech acaib a n-es nó a n-indber no a n-all nó a n- abhaind nó
5321] a n-dingna nó a n-drobel nó a síd nó a síd-brug fis Fhind duind.’
5322] IS annsin do fregair Bernngal Bóchétach a h-eochar-imlib
5323] t-Shleibe Fuait atuaid & flaith-briugaid do g Eirenn h-é: ‘IN la
5324] thainic atuaid in flaith Find a n-degaid ind fhiada síde in seissir
5325] óclach ra bói, & do-rat in sleig neimnig n-aith n-uillind-glais
5326] im laim-sea, & muince con, & adubairt rium a marthain accum
5327] nó co {SG page 204}comraicmis aris a n-aen- inad.’ Ocus is annsin tuc
5328] Berrngal Bóchétach i l-laim Chormaic in t-shleg & in muinci, &
5329] tuc Cormac i l-laim Guill meic Morna, & do badur íc a fégad,
5330] & adubairt in Cormac: ‘Is esbaid mór d' feraib Eirenn in fer
5331] isa sleg & isa muince sea.’

¶ 382.
5332] IS andsin ro iarfaig Cormac don óclach in rabadur coin
5333] ac Find & ac in muintir ro bói ina fharrad. ‘Do badur’, ar in
5334] briugaid. ‘Cá coin siut, a Guill?’ ar Cormac. ‘Bran & Sceolaing
5335] i l-laim Fhind’, ar Goll. ‘Adhnuall & Fer Uaine i l-láim
5336] Oissin. Iarratach & Fostud i l-laim Oscair. Baeth & Buidhe
5337] i l-laim Diarmata. Brec & Luath & Lanbind i l-laim Chailti.
5338] Conuall & Conrith i l-laim Meic Lugach.’

¶ 383.
5339] ‘Ocus caide Fergus Fínbél?’ ar Cormac. ‘Sunna’, bar
5340] eissium. ‘In fitir tú ca fhat ó thesta in flaith Find?’ ar Cormac.
5341] ‘IS mebair lium’, ar Fergus ‘.i. mí & raithe & bliadain ó thesta
5342] sé.’ Ocus adubairt Fergus:

    1. 5343] Airim Find in fed dia fuil
      sechtmain ar mís is bliadain,
      5344] mithig aníu d' fhiannaib Fháil
      deiliugud uile d' áen-laim.
    2. 5345] Raithe ar mís ocus bliadain
      ó thesta fer ar fiadaig,
      5346] ó do-chuaid a mudhu in
      Find mac Cumaill Almainí.
    3. 5347] Mor ind esbaid Meic Lugach
      in t- óclac ségaind subach,
      5348] beith gan Oscur luaidis gail
      's can Oissin alaind inmain.
    4. 5349] Mor ind esbaid Diarmait donn
      dalta na fiann ba forlonn,
      5350] Find, Cailte, ferrda na fir
      mor a n-esbaid ré n-airim.
      5351]

      Airim.


p.147

¶ 384.
5352] Is annsin adubairt Eirenn: ‘is mor ind esbaid-sin tra,
5353] uair ní h-é ar menma atá re faghail in t- sheisir-sin is ferr ro bói
5354] a n-Eirinn & a n-Albain: & a Chithruaid’, arsi Cormac, ‘is mor
5355] do t-shétaib & d' indmusaib tucustar in flaith Find duit gen co{folio 136a1}
5356] h-indsind tú duind in béo nó in marb Find.’ Ocus
5357] fregrais Cithruaig sin: ‘IS béo in flaith Find’, ar Cithruad, ‘&
5358] missi do dhenam sceil fair nocho dingen, uair ní ferr-de lé
5359] Find fein scel do denam fair.’ Ocus ba for- baeilid cach uile de-
5360] sin, uair ro fhetadur cach ni turgaib Cithruad riam co tainic.
5361] ‘Cend & forcenn air-sin’, ar Cormac. ‘Ind adhaig déidenach
5362] d' fheis na Temrach at-cithfither in flaith Find ac ól;’ ar Cithruad
5363] mac Fhir Coecat. Gurub ceist sin ar Imacallaim na Senorach:


    5364]
  1. Ca fat bói Find a Sliab Én
    abair a Chailti in cheist trén,
    5365] is cia ro loited sa t-síd
    má ra bamar-ne a n-im-shním.

¶ 385.
5366] ‘Ocus ina degaid-sin’, arsi Cailte, ‘bamar issin t-shíd risin
5367] caeicis ar mís ro bas ac ól fheissi na Temrach, no cor' gabsamar-ne
5368] braigde Túaithe Dé Danann do Dond mac Midhir, &
5369] ní no chaithdis fianna Eirenn fiallach na trebaire na
5370] Túaith Dé Danann ó ssin amach.’

¶ 386.
5371] IS í-sin aes & uair ro bói Cailte ac indissin in sceil-sin
5372] do Eochaig Leithderg {SG page 205}do rig Laigen; & ní cian do badur ann
5373] co facadur in n-aen-óclach da n-indsaigid, & léine do th-sroll rig
5374] ria chnes, inar maeth-sroill tairsi & brat corcra corrtharach uime,
5375] & delg óir issin brut ossa bruinde & claidem ór-duirnd ina laim,
5376] & cathbarr óir imma chenn, & is sé do bói ann .i. Donn mac
5377] Midhir, & tuc a chenn a n-ucht Patraic, & tuc comus Túaithe
5378] Dé Danann
dó, & ro slechtsat uile do Pátraic. Conid
5379] ann do chreidset Túath Dé Danann do Patraicc.

¶ 387.
5380] Conid h-é-sin scel ro indis Cailte do rig Laigen & do
5381] Pátraic annsin. Ocus tuc Donn mac Midhir feis dithat na
5382] h-áidchi-sin do Pátraic cona muintir, & tar a éis-sin tangadur
5383] in sluag uile & Pátraic máraen ríu co Raith Moir Maigi Fea,
5384] & ind áidchi-sin do-riachtadur fessa ó rig Muman ar cend
5385] naem Pátraic co m-beth ara t-shoiscela, & timnais Patraic ceileabrad
5386] do rig Laigen & do maithib a criche uile, & tangadur


p.148


5387] reompo o dá sin co Lis na Laechraide, risa raiter Caissel na
5388] Rig
issin tan-so.

¶ 388.
5389] IS annsin tainic Eogan Leithderg mac Aengusa da
5390] cóiced Muman, maille re sé cathaib mora uime í coinde noem Pátraic,
5391] & ro shlechtsat dó maithi Muman uili, & tucsat a crich
5392] & a forba uili dó, & a ferann & a maithius ar comus Pátraic.

¶ 389.
5393] ‘Screpall soiscéla, a airdrí Muman!’ ar Beneoin mac
5394] Aeda do Pátraic. ‘Cá screpall sin, a chleirig?’ ar in .
5395] ‘Crich & ferann don chleirech’, ar Beneoin. ‘In baile seo a tá
5396] & ina fuarusa h-é’, ar Muman, ‘do fognum dó co brath & da
5397] muintir ina diaid.’ IS and tuc Muman Caissil
5398] do Patraic mac Alpraind
. ‘Cindus do-berar duind sin?’ ar
5399] Beineoin. ‘Mar seo’, ar in , ‘tiacht don chleirech fein ar
5400] Lic na Cét’, bar Muman, ‘& in neoch at- chífea do mín Muman
5401] ar cach leth do beith aici.’ Ocus tainic Pátraic ar Lic na Cét,
5402] & ro eirig in grian ré h- aghaid in chleirig corba t-sholus dó ar
5403] cach leth, & amal tuc Pátraic a cois ar in lic ro eirig leigeon
5404] & mile do demnaib a bennaib na cloichi amach co n- dechadur i
5405] n-aér & a firmamaint ar teiched nóem Patraic, & bennaigis
5406] Pátraic in cloich iarsin, & fácais buaid comairli do denam dí &
5407] bennachtain urri, & aingel dé cacha tratha nóna ic a tairimthecht,
5408] & trosccad do rig Muman naenbur mac fír-fhlatha furri
5409] & in n-itgi chuindigfes d' fhágbail dó, & in tres teine béo ara
5410] m-bia rath fa deired a n-Eirinn h-i.

¶ 390.
5411] IS annsin ferais Eogan Leithderg Muman faeilte re
5412] Cailte, & ferait maithi Muman uili archena. ‘Cret ima tucad
5413] Lecc na Cet ar in lic-sea, a m' anam, a Chailti?’ ar Muman.
5414] ‘ISam mebrach-sa inní dia tá’, ar Cailte, ‘uair ni raibe fis
5415] nime riam acainde no cor' t-shuidh Find ar in cloich-seo & co
5416] tuc a ordain fa chét ara dét fis, & cora fallsiged nem & talam{folio 136a2}
5417] & creidim in fhir-Día forórda, & do thuidecht-sa {SG page 206}d' indsaigid
5418] Eirenn, a Tailgind’, ar Cailte, ‘& naim & fíreoin & creidem
5419] cros & crabad inti.’
5420] ‘Ocus cia do-rigne dunad & deg-baile andso ar tus?’ ar


p.149


5421] Muman re Cailte. ‘Fiacha Muillethan mac Eogain’, ar Cailte,
5422] ‘& ro bói re deich m-bliadna fichet i r-rigi da cóiced Muman, &
5423] is leis do-rigned cloch daingen um in m-baili-seo, & ro bói a
5424] n-arus ann.’ Ocus adubairt Patraic:
    1. 5425] IN cloch-so a h-ainm Cloch na Cét
      sochaide bias uimpi ic ét,
      5426] bid inad crabaid is cros
      h-aithle cach arais fhuaros.
    2. 5427] Caissil cenn Eirenn uile
      benn ima teigfea teine,
      5428] inadh a frith fis nime
      gan chís do rig reomainde.
    3. 5429] Bid maith mo chell as tír thuaid
      a crich Connacht in mor-sluaig
      5430] do fuígeb-sa glan a lí
      mo brata co coem- gloní.
    4. 5431] Mo baili-si a crich Ulad
      is rem craide bus chuman,
      5432] bemait-ni, bid maith ar lí
      triar álaind a n-aen-bali.
      5433] .i. Patraic & Colum Cille & Brigit.
    5. 5434] Deich fir deich fichit deich cét
      iss ed a fhir is ní breg,
      5435] iss ed gebus mo chell chain
      d' abbaib ocus d' fhírenchaib.
    6. 5436] Gebthar sailm, gebthar creda
      paitrecha ocus soisscela,
      5437] gebthar sailm sunna co moch
      iman carnn a fuil in cloch.
      5438]

      IN cloch.

¶ 392.
5439] ‘Ad-rae buaid & bennachtain, & a m' anum, a naem Patraic’, ar
5440] Muman, ‘is mór d' fis & d' fhír-eolus ro indesbair duind imaraen.’

¶ 393.
5441] Ocus ro badur in sluag uili annsin cor' eirig grian assa
5442] circaill teintidhi & cor' lín da soillsi in doman, & do-lodur
5443] in sluag reompo assin co Raithin na n-Ingnad siar co Mag
5444] Femin
, & do t-shuidhestar Muman isin darna cind don raith
5445] co maithib Muman uime, & suidhis naem Pátraic & Cailte isin
5446] chind aile na ratha.

¶ 394.
5447] IS annsin ro fhiarfaig Eogan Leithderg mac Aengusa
5448] Muman: ‘Cred ima tucad Raithin na n-Ingnad ar in raithin-
5449] seo?’ Ocus adubairt Cailte ic a fregra:

    1. 5450] 'INgnad turchairthe fuair Find
      issin tulaig ara chind,
      5451] in triar fer, ba cáeme a clíu
      ocus aen-chú eturru.

¶ 395.
5452] ‘Laithe n-aen’, ar Cailte, ‘da tangamar-ne tri catha na Féine
5453] conici in tulaig-sea & at-chonncamar in triur óclach-sin ar ar cind
5454] & aen-chú accu, & ní raibi isin domun dath na raibi isin choin,
5455] & do bói aidble méite urri seoch na conaib aile, & ro t-shuidhedar


p.150


5456] na h-óclaig a fiadnaissi Fhind.’ ‘Canus tangabair, a ócu?’
5457] bar Find. ‘Assinn Iruaith moir anoir’, ar iat-som. ‘Cret ima
5458] tangabair?’ ar Find. ‘Do denam ar cuir & ar muinterais
5459] riut-sa’, bar iat. ‘Cá maith bias duinde’, ar Find, ‘in bar m-beith-si
5460] acaind?’ ‘IN triur atamait’, ar siat, ‘atá feidm ar leith ac
5461] cach aen-fher acaind.’ ‘Ca feidm-sin?’ ar Find. ‘Dingebat-sa
5462] foraire Fhiann Eirenn & Fiann Alban’, ar óclach dib. ‘Cach feidm
5463] catha & comlaind ticemus chum na Féine {SG page 207}dingebat-sa díb uili
5464] sin, & bid uile in a tost’, ar in darna h-óclach. ‘Abair, a
5465] óclaig út’, ar Find, ‘cret t' fheidm-si?’ ‘Adeirim’, ar in t-óclach,
5466] ‘cach mor doithbir teicemhus chum mo thigerna dingebat h-í,
5467] & cach ní do-géntar d' athchuingid fair do-gebthar uaim-si h-é’,
5468] ar in t-oclach. ‘Ocus dala na con’, ar in t-óclach, ‘in comfhat bias
5469] fiad a n-Eirinn dingebaid sí cach re n-adhaig d' fhiannaib Eirenn,
5470] & dingebat fein ind adhaig aile.’ ‘Cret iarrfaid-si orum-sa?’ ar
5471] Find, ‘& bar m-beith accum amlaid-sin?’ ‘tri comada duind’,
5472] ar iat-som. ‘Crét na comada?’ ar Find. ‘Gan nech do thiachtain
5473] dochum ar longpuirt ó thicfa adhaigh tré bithiu do chian
5474] na d' fhocus, & gan a becc na a mór do chomraind do thabairt
5475] duind tré bithiu, & díghu selga duind ó fhiannaib Eirenn.’ ‘Ocus
5476] ar bar cubus rib’, ar Find, ‘cret ima sirenn sib {folio 136b1} gan
5477] nech da bur faicsin ó thic adhaig chucaib?’ ‘Atá cúis & adhbur
5478] accaind’, ar siat ‘& na sir ní aili oraind gid fada gairit bemait
5479] ar aen-rian. Ocus in triur óclach-so at-chí-si sind’, ar siat, ‘bith
5480] in tres fer acaind marb cach tres n-aidchi, & is uime-sin nach
5481] áil lind nech dar faicsin, & bídmaid-ne ic faire in fhir-sin.’ ‘Ocus
5482] ba geis d' Fhind marb d' fhaicsin ach muna marbdais airm h-é, &
5483] no biad a fhoirithin-sin a com- fhochraib ac Find’, ar Cailte, ‘.i.
5484] tiachtain timchell in raithín-sea.’ Ocus adubairt Cailte:
    1. 5485] Fa geis d' Fhind beith a cind mairb
      in neoch nach muirfitis airm,
      5486] mona thairsed, caem a chlíu
      a timchell na ratha- sú.

¶ 396.
5487] IS annsin do-riachtadur mor-sheisir aessa dana co Find do
5488] muintir Chithruaid meic Airm meic Fhir Cóecat do chuingid duaisi
5489] duaine .i. tri .l. uingi d' ór & tri .l. uingi d' airget do breith co


p.151


5490] Temraig do Chithruad. ‘Do-gebthar accainde a fhoirithin-sin’, ar
5491] Scannal h-ua Liathain .i. óclach grada d' Fhind. ‘Maith, m' anum,
5492] a aes dána’, ar na h- óclaig, ‘in ferr lib duais bur n-duaine
5493] d' faghbail anocht na a fhagbail amairech?’ ‘IS leor lind amarach’,
5494] ar in t-aes dana. Is annsin tangadur in triur óclach
5495] sin, & a cú léo, co leapaid in con o Raithin na n-Ingnad
5496] amach, & ro scéastar in cú ina fiadnaissi tri .l. uingi d' or &
5497] tri .l. uinge d' airget, & tucad don aes dána-sin, & ro imthighedar.
5498] 13
5499] ‘IS ann adubairt Find’, ar Cailte: ‘Cindus do-genat tri
5500] catha na Féinde gan uisci accu anocht?’ IS ann adubairt
5501] óclach díb-sum: ‘Ca mét cornn comaitechta atá ac Find?’ ‘Da
5502] chornn déc & tri cét’, ar Cailte, ‘atá ac Find mac Cumaill.’
    1. 5503] Da chornn déc ocus tri cét
      do chornnaib co n-ór ac Find,
      5504] ind uair d' éirgimis don dáil
      fa h-adbul a lán do lind.

¶ 397.
5505] ‘Tabar na cuirnn im laim-si’, ar in t-óclach, ‘& gébé ní
5506] do-berar intib-sidhe ibhid-si h-é.’ Ocus ro lín in t-óclach fa
5507] thri iat do fhiannaib Eirenn, & ba mesc medarchain iat don tres
5508] fecht ro lín iat.

¶ 398.
5509] ‘INgnad ám’, ar Find, ‘in corugud fleide-seo, & corub Lis
5510] na Fleide
ainm in {SG page 208}lessa a tucad d' Fhind h-í, & corub Lepaid in
5511] Chon
ainm na leptha, & is uime thucad Raithin na n-Ingnad
5512] ar in raithin-seo’, ar Cailte, ‘& Lis na Fleide ar in lis-sa, & Raith
5513] Chind Chon
ar in raith-seo aile. Ocus ro badur re bliadain
5514] isin Fhéin mar sin.’

¶ 399.
5515] IS annsin tainic Eogan Leithderg mac Aengusa meic
5516] Nat Fraich reime, & Pátraic maraen ris & Cailte, co Raith Chind
5517] Chon
a n-deiscert Maigi Feimin, & co Lis in Bantrachta bodes
5518] & ro t-shuidh in sluag uile ar in raith, & suidhis Cailte í fiadnaissi
5519] Eogain Leithdeirg. ‘Maith, m' anum, a Chailti’, ar Eogan,
5520] ‘crét fa tucad Raith Chind Chon ar in raith- sea, & Lis in Bantrachta
5521] ar in lis-sa?’ ‘flaith-briugaid cétach ro bói annseo .i.
5522] Cellach mac Duib Dét a chom-ainm, & ind uair ro h-airimthea a
5523] t-shéoid iss ed do bith lán laech-machaire Maighi Feimin aici. Ni
5524] raibe issin domun co cert duine bod mó cuid díbhi na leochaillechta


p.152


5525] anas, & tangamar-ne’, ar Cailte, ‘deichneabar ar fichit
5526] sciath-armach ma ríg- fhéindid Eirenn & Alban ar n-denum selga
5527] t-Shleibe Cua duind, & ro t-shuidhemar ar colba chíuil ann, & sul
5528] tairnig fóssaic do denam duind tuc fer in tighi ail & aithis ar
5529] cach fer fa leith uaind cen mothugud d' Fhind.’

¶ 400.
5530] IS annsin do labair fer borb don Fheind .i. Cuindscleo mac
5531] Ainscleo, mac rig Bretan anair ris & adubairt: ‘Is mer in scem
5532] chind chon do-beir in t-eathach ar fhiannaib Eirenn’, ar se.
5533] ‘Tarrais buaid focail fair & n-anma’, ar Find, ‘& léic Cenn Chon
5534] air tre bithu.’
5535] ‘Ocus crét fa tucad {folio 136b2} Raith in Bantrachta ar in raith
5536] sea?’ ar Muman re Cailti. ‘Is accum-sa atá a fhis gen gub nua
5537] in ní dia tá .i. coeca ban n-gressa is ferr bói a n-Eirinn do thinoil
5538] in flaith Find do indsaigid na ratha-so fa comair erraid &
5539] étaig do denam d' fhiannaib Eirenn doib, & tucad a cennus-sin
5540] uile d' ingin rig Bretan dar' bo chom-ainm Dergoda ban-cheile
5541] Oscair meic Oissin, & ro badur issin baili-sea re ré moir do
5542] bliadnaib. Conid uatha-sin atá Raith in Bantrachta ar in raith-
5543] sea & Raith Chind Chon ann.’
5544] ‘Ocus cret in cairthi com-daingen cloiche ut atá ar lár na ratha
5545] tall?’ ar Muman. ‘Caindelbra in Bantrachta sin’, ar Cailti,
5546] ‘uair ni h-ail leo teine ach fa thrí cacha bliadna .i. na roissed
5547] smal na dendgor na detach na teined iat na a n-étaigi. Ocus
5548] ro badur isin baile mar sin re treimsi do bliadnaib ac denum
5549] lamda & ac córugud étaig na Féine, & bói gairdiugud mor ac
5550] in bantracht-sin .i. tri h-ingena rig Í Ceindselaig .i. Findchas
5551] & Findruine & Findingen a n-anmanna, & do bói timpan becc
5552] accu cona leithrind airgit & cona deilgib óir buidhe, & {SG page 209}mná re
5553] gur lamnada ro choiteldais leissin céol sirrachtach sidhe ro
5554] chandais na tri h-ingena-sin don bantracht.’

¶ 402.
5555] ‘Ocus crét in da fert mora so at-chiamait, a Chailti?’ ar in
5556] . ‘In triar óclach do-rigne a muintirus ic Raithin na n-Ingnad
5557] re Find & in cú accu iss iat do marb in da óclach assa
5558] fert-sin .i. Donn & Duban, da mac rig Ulad atuaidh.’ ‘Ocus


p.153


5559] cindus a torcradar, a m' anum, a Cailti.’ ar Muman. ‘A
5560] m-beith-sium a n-inad ar leith on Feind’, ar Cailte, ‘in triur
5561] óclach-sin & a cú a medon eturru, & ó thiced ind adhaig do
5562] bith múr tened umpu conach lamad nech a fégad etir. Ocus
5563] do badur da mac rig Ulad .i. Donn & Duban, ac foraire Fhiann
5564] Eirenn & Fhiann Alban ind áidchi-sin, & tangadur fa thri a
5565] timchell na Feine, & in tres fecht tangadar’, ar Cailte, ‘at-conncadur
5566] in mur tened, & adubairt Donn mac rig Ulad’: ‘ingnad
5567] mar atait in triar óclach & a cú eturru re bliadain andossa,
5568] uair do fhógradur gan nech do dul da fégad ó thicfad adhaig.’
5569] Ocus tangadur reompo da n-indsaigid meic g Ulad fan cuma-
5570] sin, & do-chuadur tresan múr teined anunn, &rangadur tucsat
5571] a n-airm re n-ais, & ro badur ac fégad in trír óclach &
5572] na con, & in cú romor do bíth cach láe acco ac seilg & ac
5573] fiadach nír' bo mó na crannchú bís ic roduine ind uair-sin h-í, &
5574] óclach díb-som & claidim áith urnocht ina laim ac comet na
5575] con & oclach aile dib & cuach find-airgit aici ré bél na con, &
5576] raga cacha lenna ro t-shired cach fer díb, & iss ed ro chuired in
5577] cú tar a bel issin cuach. Ocus is annsin adubairt óclach díb
5578] rissin coin: ‘Maith a m' anam, a uassail & a fhíreoin, a fher-meic,
5579] mothaig let in brath tucad ón fhlaith ó Fhind fort.’

¶ 403.
5580] ‘IS annsin immorro ro chraith in cú a h-erboll, co tainic
5581] gaeth doilfi draidechta as, co ro thoitsetar a sceith da n-guaillib
5582] & a slegha assa lamaib & a claidme da slessaib, co rabadur
5583] issin múr theinead ina fiadnaisi, & ro marbsat na h-óclaig-sin
5584] da mac g Ulad’, ar Cailte, ‘& ro impó in cú 'ar marbad na
5585] fer, & tuc a h-anail fa na corpaib na fer co n- derna min & luaith
5586] díb, conna frith fuil na féoil na cnáim dib ar lathair.
5587] Ocus is sé-sin’, arsi Cailte, ‘in da fert ro fiarfaigis dim, & geb é ro
5588] oslaiced orro ní fuighbed a bec intib acht mad a lán uire & gainim.’

¶ 404.
5589] ‘Ocus nir' indis duind riam’, arsi Eogan Leith- derg
5590] {folio 137a1} Muman, ‘scél budh inganta & budh diamra ina
5591] sin, a m' anum, a Cailti; & cret in sonn ard ut do tháib in
5592] chairthe thall’, ar in , ‘isin raith?’ ‘Tuarustul in ban- chuire


p.154


5593] sin’, ar Cailte, ‘ó Finn cacha bliadna, & Oscur mac Oissin ro
5594] fholaig h-é .i. x. fichit uinge d' ór fá thri, & is ann ro foilged h-é,
5595] fa bun in {SG page }chartha-sin.’ Ocus ro eirgedar in sluag & ro oslaicetar
5596] fair, & tucsat in t-ór as, & tucad a trian do ríg Muman
5597] & a trian aile do nóem Patraic & do Cailti, & trian dona cleirchib.
5598] ‘Ocus mairid in t-ór’, ar Cailte, ‘& ní mairenn in flaith
5599] Find na Oscur mac Oissin ro folaig.’ Ocus adubairt Cailte:
    1. 5600] Mairid aníu Raith Chind Chon
      gan áille gan imrissin,
      5601] ocus ní mairenn an
      Find mac Cumaill Almainí.
    2. 5602] Mairid ann lia na ratha
      gus' tathaigmis cach tratha,
      5603] is mairid in t-ór derg dron
      ocus ní mairenn Oscur.
    3. 5604] Aidhed Duind is Dubain dil
      fuaradur bás a folaig,
      5605] is bamar-ne 'ga n-iarraid
      sechtmain ar mís is bliadain.
    4. 5606] Findchas is Finndruine iar fír
      is Findingen, truag in gnim,
      5607] ar na h-indberaib co m-blaid
      tri h-ingena in Cheindselaig.
    5. 5608] INmain in timpan blaith bec
      ní chuala cluas a chom-boc,
      5609] ro choiteldaís, mor in buaid
      sluaig in domain ré h-aen-uair.
    6. 5610] Timpan bec ro bói ac na mnaib
      cona leithrind airgit báin,
      5611] cona deilgnib oir buidhe
      cona thétaib findruine.
    7. 5612] Caeca lepaid astigh thall
      caeca cornn, caeca fidchell,
      5613] caeca uinge d' ór derg dron
      cacha bliadna a tuarustal.
    8. 5614] Adeirim-si riut reime
      is fir inní raidim-ne,
      5615] mor do cach maith urcrade
      do chaithsim-ne 'sa raith- se.

    9. 5616]

      Mairid.

¶ 405.
5617] ‘Dala in trir óclach-sin, a m' anum, a Chailte’, ar Muman
5618] assa h-aithli-sin, ‘ind acaib-si do badur nó ind uaib do-chuadur?’
5619] ‘Is acainde ro badur’, ar Cailte, ‘nóco n-dernad bec-buidhne don
5620] Fhéin & nónbair do thrib cathaib na Féine ac Raithin na Nónbur
5621] ac laech-Machaire Laighen. Ocus rainic nónbur óclach &
5622] naenbur gilla in cach aen-baile a n-Eirinn don Fheind d' iarraid
5623] da mac ríg Ulad atorcradur re macaib rig na h-Iruaithe
5624] anair.’

¶ 406.
5625] Dala immorro Find meic Cumaill, rainic reime co Temair
5626] Luachra
ar scailed na Féinde dó, & ní roibe don Féind ina
5627] farrud acht daescur-shluag & gillida fedma na Féinne.

¶ 407.
5628] Dala na naenbur-sin do-rinde Find d' Fhiannaib Eirenn
5629] d' iarraid da mac rig Ulad, tangadur co Temair Luachra ind


p.155


5630] aen-adhaig d' indsaigid Fhind gan fis a m-bí na a mairb na fer-
5631] sin leo, a n-dala-sin conici sin.

¶ 408.
5632] Dala Patraic immorro & rig Muman, tangadur secha bodes
5633] co Beind m-Bain in Retha etir Sliab Claire & Sliab Crot. Ocus
5634] ro t-shuidhetar in sluag uile ann, & ro t-shuidh Pátraic & Cailte,
5635] & adubairt Muman: ‘Crét fa tucad Benn Bán in Retha ar in
5636] n-inad so?’ Ocus fregrais Cailte sin:
5637] Cid diatá Benn Bán in Retha eter Sliab Claire & Sliab Crot?

¶ 409.
5638] Feacht n-aen da raibi Find mac Cumaill ar in tulaig-sea
5639] at-chonncadur in mnái ara cind issin tulaig, & brat corcra corrtharach
5640] uimpe, & delg óir issin brut & lann d' ór buidhe ré
5641] h-étan, & ro fhiarfaig Find scela di canas tainic, & fregrais sí dó:
5642] ‘Ó Beind Étair meic Étgaith ind fheindida anair.’ ‘Ca com-ainm
5643] thúsa, a ingen?’ ar Find. ‘Étain Fholtfhind m'ainm-si’, ar issi
5644] ‘.i. ingen Éda Uchtgil a Síd Beinde h-Etair anair.’ ‘Cret 'ma
5645] tangais assin conici seo?’ ar Find. ‘d' iarraid comlenga aen-fhir
5646] ar Fhiannaib Eirenn’, ar sí. ‘Cindus atá do rith?’ ar Diarmait
5647] h-ua Duibne {folio 137a2} rissin ingen. ‘IS maith mo rith’, ar inn
5648] ingen, ‘gid fata gair bias tír nó talam fám chois is cuma lem
5649] beith am rith’, ar inn ingen. Cailte adubairt:

    1. 5650] Mar thangamar don Beind Bain
      do-riacht aen-ben inar n-dáil,
      5651] is do fhuacair ar Fhein Fhind
      comling aen-fhir gerb' eislind,
    2. 5652] Ro rithis-sa ria 'arsin
      gusin n-ard os Badhamair,
      5653] fa com-luath duind issin chnoc
      is lim-sa ro bo lan- olcc.
    3. 5654] IS do rithamar 'ar sin
      assin chnoc os Badhamair
      5655] tar uaim tar ochtaib glinde
      co Dún Danair Dublinde.
    4. 5656] IS mé fa taísci issin dún
      nir'bo mé in Cailte gan rún,
      5657] is do-chuadus díb uile
      etir coin ocus duine.
    5. 5658] Ocus do-chuadmar 'ar sin
      gusin n- ucht ac Beind Étair,
      5659] cor'ba t-sholus uile in sluag
      issin t-síd álaind ind-fhuar.
    6. 5660] Tangamar anunn 'sa síd
      fuaramar ann midh is fín,
      5661] is ro bamar ann 'ar sin
      fiche aídchi 'na degaid.
    7. 5662] Bristi mo chride am chli chain
      is na turcnam dom anmain,
      5663] ic fechain cach thulcha iar tain
      ocus na beinde ar marthain.

    8. 5664]

      Mar thangamar.


5665] ‘Ocus iss é lín tangamar gusin síd annsin’, ar Cailte, ‘xx.c.
5666] d' Fiannaib Eirenn 'ma Find mac Cumaill, & ro t-shuidsemar ar

p.156


5667] colba chiuil in righ-thighi issin t-shíd, & 'arsin do-rinded ar n-umal-fhossaig,
5668] ocus ro claeed ar n-gere, & ro scuired ar n- íta. Ocus mar
5669] do bamar ann at-connairc in flaith Find in n-ingin mín mong-buidhe
5670] os urdreich na n-dabhach, & cuach find-airgit ina laim,
5671] & sí ac dáil do chách.’

¶ 410.
5672] IS annsin adubairt in flaith Find: ‘Adar lind is sí-siut inn
5673] ingen ro fhocair comrith & comling ar in Féind ó Chathair
5674] t-Shleibe Crot
aniar co Beind Étair Meic Étgaith in fheindeda.’
5675] ‘Nocho n-í-siut do bói remut etir’, ar Aed Uchtgel in t-shida,
5676] ‘uair is sí-sin ben as mailli atá accainde.’ ‘Cia ro bói romainde
5677] amlaid?’ ar Find. ‘Bé Man- nair ingen Aingceoil’, ar Áed Uchtgel
5678] mac Aengusa meic in Dagda .i. ban-echlach Thuaithe
5679] Dé Danann
. ‘Ocus is sí théit a richt in spegdubain & in mil
5680] moir, & delbus a richt na cuile h-í féin, & delbaid a richt cacha
5681] fír-charat etir fhir & mnai fos, & co léicenn cach a rún ria, &
5682] is sí-sin ro bói reomut-sa aníar isin coml- ing retha, & ní h-í in
5683] ingen út’, ar Aed, ‘acht ro bói ac ól & ac áibnius os chind na
5684] n-dabach issin t-shíd.’ ‘Ocus ca h-ainm in ingen út?’ ar Find.
5685] ‘Étain Fholtfhind sin’, ar Aed Uchtgel ‘.i. ingen dam-sa & maccaem
5686] Tuaithe Dé Danann uili h- í.’ ‘IS amlaid ata in ingen
5687] sin’, ar a h-athair, ‘& lendann aici d' Fhiannaib Eirenn.’ ‘Maith
5688] a m' anum’, ar Find, ‘cia accaind in lendan-sin?’ ‘Oscur mac
5689] Oissin annsiut’, ar eissium, ‘& is sí do chuir ind echlaig ar bur
5690] cend-si co Cathair t-Shleibe Crot bodes, & tairgid Cairpre Lifechair
5691] mac Cormaic in tricha cét is chom-nessa do Tuathaib Breg &
5692] Midhe do thabairt dó Thuaith Dé Danann ina tindscra & ina
5693] tur-thochmarc do grés, & a cur fein a meidh & a comthrom
5694] d' ór intí & a comthróm d' airgid & a thabairt-sin di.’ ‘Cid um
5695] nár' fhaemabhair-si h-í do mac ríg Eirenn tar a éis-sin?’ ar
5696] Find. ‘Nir' gabumar’, ar Aed, ‘uair ni raibi cuit menman na
5697] aiccenta di ann, & ní dernamar ni a dáil na a caingen 'arsin.’
5698] ‘Maith’, ar Find, ‘ca coma t-shire orainde? Maith a m' anam, a
5699] ingen, ca coma iarrái ar mac micc in rig-fheinded .i. ar Oscur?’
5700] Adubairt in ingen: ‘Gan mo léicen tré bithiu nó co tí m' anfalta


p.157


5701] fein rium.’ ‘Rachaid ám in choma-sin duit-siu’, ar Oscur.
5702] ‘Tabair cuir & tenta rind annsin’, ar in ingen. ‘Cá cuir connaigi?’
5703] ar Oscur. ‘Goll mac Morna ó Macaib Morna & Find
5704] mac Cumaill ó Fhiannaib Eirenn.’ Ocus tucad na cuir-sin ria
5705] {folio 137b1} , & ro fhóeestar inn ingen & Oscur, & ro bamar-ne re
5706] .xx. aidchi ann ina degaid-sin.
5707] IS annsin ro fhiarfaig Oscur d' Fhind : ‘cáit a m- ber-sa mo
5708] mhnái?’ ‘Co h-Almain lethan-glais Laigen’, ar Find, ‘co cend
5709] .uii. m-bliadan, & faghaib-si féin inad ossin amach di.’

¶ 412.
5710] ‘Ocus tucad cath buidhnech Beindi h-Etair assa h- aithle
5711] sin’, ar Cailte, ‘& ro trom- loited Oscur ann, & ro bensatar ind
5712] Fhiand a ciall de, & ro ben Find fos de, & tainic Etain Fholtfhind
5713] áidchi ann ar in n-imdaid i farrud Oscuir, & at-chonnairc in
5714] delb rigda romor ro bói fair do scuch uaidi, & tainic glaisi &
5715] duibe da h-indsaighid, & ro thócaib in ingen a fáidhe fír-thrúaga
5716] & a gol n-ard n-accaintech ós aird, & tainic inn ingen ina
5717] h-imdaid, & ro moid cno-maidm da craide ina cliab, & fuair
5718] bas do chumaid a céile & a cét-muintire amal at-chonnairc h-é,
5719] & ro h-indlaiced chuind a sída bodéin h-í, co Síd Beinde h-Étair,
5720] & ro cuired fo cláithib talman h-í. Conid Fert Étaine a ainm’,
5721] ar Cailte. ‘Ocus ro fácaib tri coin maithe ac Oscur
5722] .i. Luath & Indell & Oscur a n-anmanna. Ocus iss é-sin scel
5723] ro fiarfaigis dim’, ar Cailte, ‘& is uime-sin tucad Bend Bán in
5724] Retha
ar in n-inadh-sa.’

¶ 413.
5725] Ocus ro badur ann ind aidchi-sin co tainic la cona lan-shoillsi
5726] arnamairech, & ro eirig nóem Patraic & in sluag uile co
5727] rangadur co Cuillind & co Callaind a n-Íb Cuanach, & suidhis
5728] nóem Patraic ann, conidh Suide Pátraic ainm inn inaid ó sin
5729] anall, & suidid Muman ar gualainn Pátraic, & suidhis Cailte
5730] ina fiadnaissi.

¶ 414.
5731] Ut dicitur Cuillind a n-Ib Cuanach aniu.

¶ 415.
5732] IS ann sin ro fhiarfaig Eogan Leithderg mac Aengusa .i.
5733] Muman do Chailti: ‘Cred 'má tucad Callann & Cuillenn ar


p.158


5734] in inad-so, & créd 'ma tucad Lighi ind Óic ar in tulaig út &
5735] Clad na Feine ar in clad-so atá a timchell ind feraind & na
5736] criche?’ Ocus fregrais Cailte in cheist- sin:

¶ 416.
5737] ‘Laithe n-aen’, arsi Cailte, ‘da raibe Find mac Cumaill ac
5738] Raith Chuiri etir Dún n-Delga & muir í cind Trágha Baile &
5739] Leapaid na h-Iubraige don darna taeb d' Fhind .i. Raith na h-Ecraide
5740] inad in Duib Sainglenn & in Leith Macha don leith eili &
5741] Dun Delga ar ar cúl, & ní cían ro bamar ann’, ar Cailte, ‘co
5742] faccamar in tricha cairptech issin tráig atuaid’, ar Cailte, ‘cach
5743] dirge chucaind, & ro tairrlingetar ann, & ro scuirsetar a n-echraid,
5744] & suidis in t-óclach rosc-lethan mor ba sine & ba h-uaisli acco
5745] ar gualainn Fhind meic Cumaill, & fiarfaigis in flaith Find scela
5746] de.’ ‘Canas tangais, a m' anam, a óclaig, & cia thú féin?’ ar
5747] se. ‘Callann mac Fergusa Find missi’, ar in t-óclach, ‘mac
5748] ríg Ulad atuaid, & mo derbrathair fein Áed Donn mac Fergusa
5749] Find
atá accum indarba nach léicend ac Cormac h-u Chuind
5750] mé & nach léicenn am duthaig féin. Ocus tanac dot' accallaim-si,
5751] a ríg-fhéindid, uair atá ar fial-charadrad araen .i. Meas
5752] Mungel
, ingen Aengusa Ulad, do t-shen-mathair-siu derbtshiur
5753] m' athar-sa & mathair Cumaill isseic.’

¶ 417.
5754] ‘Mass ed is ó Ultaib’, ar Oissin, ‘tucamar-ne in mire & in
5755] torcdacht ata induind.’ ‘IS uaithib’, ar Find, ‘co deimin. IN
5756] a n-Ultaib is áil let ferann d' fhagbail?’ ar Find. ‘Ní h-ed um’,
5757] ar eissium, ‘uair ni dingnem fingal etraind féin.’ ‘Mass ed’, ar
5758] Find, ‘rachat-sa amairech romum co h- Eocho Faeburderg mac
5759] Find, co ríg da cóiced Muman, & sirfet-sa ferann re h-ed {folio 137b2}
5760] & re h-athaid duit-si air.’ ‘Ocus muna fhaghbur ferann ar ais
5761] do-ber-sa cath i cind Traga Baile um it fherann fein do g Ulad.’

¶ 418.
5762] IS annsin do eirgedur tri catha na Feind, & Callann mac
5763] rig Ulad reompo bodes co Cathair t-Shleibe Crot co h-airm a
5764] raibe Muman, & tainic in a comdail Fhind & Fhiann Eirenn,
5765] & adubairt: ‘Mo-chen do tiacht, a m' anum, a Fhind’, ar Muman,
5766] ‘is tairise linde ind fhaeilte-sin.’ ‘Is tairissi ón’, ar in , &
5767] tangadur issin n-dunad anunn 'arsin, & ro frithailed uile iat, &


p.159


5768] ro cóirged tech n-óla acu, & tucad Goll mac Morna a leth-laim
5769] Fhind, & tucad mac rig Ulad ar in laim aile Fhind.

¶ 419.
5770] Ocus is annsin adubairt Muman: ‘In faccabair d' feraib
5771] Eirenn nó d' feraib in domain uile in tres fer budh ferr delb ina
5772] in t-óclach út ar gualaind Fhind meic Cumaill?’ Ocus ro fhiarfaig
5773] Muman: ‘cia h- é in t-óclach-sin fuil it farrud-sa, a Fhind?’
5774] Ocus ro indis Find a ainm & a sloinded dó, & a thuidecht
5775] d' iarraid feraind & fhorba fair-sium. ‘Dar mo breithir am’, ar
5776] Muman, ‘gid ara aghaid féin do tiucbad duine a chom-maith-
5777] siut d' iarraid criche & feraind ro bad chóir a thabairt dó, &
5778] tussa a m'anum, a g-fhéindid da iarraid is córaide a thabairt
5779] dó. Ocus ac síut da triucha cét uaim-si dó’, ar Muman. ‘Ocus
5780] in tres triucha cét dam-sa & don Fhéin’, ar Find. Ocus tucad
5781] dó-som sin, co rabadur tri .xxx. cét d' ferann aicci.

¶ 420.
5782] ‘Caít a tabrai dó in ferann-sin?’ ar Find. ‘Breicthír’, risa
5783] raiter h-Í Chuanach, ‘& Tulach na Dala’, risa raiter Cuillind issin
5784] tan-so. ‘IS borb ulltachda mo muinter-sa’, ar Callann mac
5785] Fergusa, ‘& cindus do-genat?’ ‘Comairle accum duit-siu uimi-sin,’
5786] ar Muman ‘.i. denat in Fhiann annsiut dúnchlad & daingen
5787] umatt ferann.’ Ocus do eirgedar tri catha na Féinde, & do-rigned
5788] leo sin re .uii. laithi na sechtmaine, & do-rigned sluag-dorus
5789] deabtha fair, & 'arna denam-sin dó, tainic Find & tri
5790] catha na Feinne & Callann mac Fergusa, mac ríg Ulad, maraen
5791] ríu co Cathair t-Shleibe Crot dorissi.
5792] IS annsin adubairt Find: ‘Maith, a m' anum, a Muman,
5793] in fitir tusa ca toisc aile risa tangamar-ne dot' indsaigid?’ ‘Ní fhetar
5794] um’, ar in . ‘Do chuingid t' ingine-si .i. Chuillinde, do Challann
5795] do mac ríg Ulad.’ ‘Cred a tindscra & a tirochraic?’ ar
5796] a h-athair. ‘Tindscra cétach’, ar Find ‘.i. cét do cach crud &
5797] do cach díne di, & rach sin ar breithir di’, ‘bar Find, & ra
5798] naidmed di-si, & tucad ingen rig Muman do mac rig Ulad
5799] ind aídchi-sin’, ar Cailte. Ocus do- chuaid Callann mac ríg
5800] Ulad ar cend a muintire bothuaid, & do-riacht a muintir leis


p.160


5801] d' indsaigid ind feraind-sin tucastar Muman dó, & do-rigned
5802] dúnad mor leis annseo.

¶ 422.
5803] Ocus rucastar inn ingen mac suaichnid sainemail dó .i.
5804] Fer Óc a ainm, & ro bo therc a n-Eirinn uili nech budh com-maith
5805] delb na luth na lamach ris.

¶ 423.
5806] Ocus do-riachtamar-ne tri catha na Feine d' indsaigid in
5807] baile-seo & deich cét ar fichit cét cacha catha díb, & mar do
5808] bámar ann inar sessam, at-chonncamar in t-aen-macaem ac
5809] cluiche ann ar in faithche, & lia comthrom cloiche ara dernnaind,
5810] & do-bered ró n-urchair di co tecmad tarsna deich
5811] n-imaire h-í, & do rithed fuithe & do gabad etarbuais ina glaic
5812] h-í, & ro bamar uile ica t-shír-fhegad tri catha na Feine. ‘Ní {folio 138a1}
5813] fhaccamar riam’, ar Find, ‘lámach budh fherr ina sin, &
5814] cia in maccaem do-ní in lámach, a fhiru?’ ar Find. ‘Mac fhir in
5815] baili-sin’, ar cach .i. Fer Óc mac Callainde, mac ríg Ulad.
5816] Ní thainic d' Ulltaib riam ó do-chuadur na fir mora maithe do
5817] bói díb, adhbur gaisccedaig is ferr anas in maccaem út. ‘Ní
5818] thainic um’, ar cach uile i n-aen-fhecht. ‘Ocus da-ní- sium lamach
5819] aile is doirbe ina sin’, ar cach. ‘Cred eissein?’ ar Find ‘.i.
5820] urlann da t-shleg do chur re talmain, & a druim risin m-baile, &
5821] leim re crannaib na sleg tar sluag-dorus in baile co m-bói ar in
5822] lic allanall & a t-shlegha ina laim, & lingid leo 'na frithing tar
5823] in m-baile amuich co m-bói ar in faithche-seo.’

¶ 424.
5824] ‘Ar fír do chubais riut, a Fhir Óic’, ar Find, ‘dena in cles
5825] inar fiadnaissi.’ ‘Do-genum’, ar in maccaem. ‘Ocus is nár lém
5826] a dénamh i fiadnaissi Fhiann Eirenn muna thí lem a denum co
5827] maith.’ Ocus do-roine in cles a fiadnaissi Fhind & na Feinde
5828] mar is ferr do-rinde riam h-e.

¶ 425.
5829] IS annsin do-riacht Callann & Cuillenn .i. athair & a mathair
5830] in maccáeim, chucca, & ro fhersat fír- cháin faeilte re Find
5831] & reim in Fhéinn archena. ‘Maith a m' anum, a meic’, ar siat,
5832] ‘déna do chor & do muintirus re Find.’ ‘Do-gén’, ar in maccaem.
5833] Do eirig & do-rinde a chor & a muintirus ré Find, &
5834] tuc a lám i l-láim Fhind, & tangamar anunn iarsin issin dún, &
5835] ro bamar ac ól & ac aibnius and.


p.161

¶ 426.
5836] IS ann adubairt in flaith Find: ‘Cáit a fuil Berrach ingen
5837] Chais Chuailgne?’ ‘Sunn, a m' anum, a ríg-feinnid’, ar inn ingen.
5838] ‘Tabair in n-armidh chét dot' indsaigid, & tabair a tri lan d' ór
5839] inti & a tri lán d' airget, & tabair d' Fhir Óc ina thuarustul.’
5840] Ocus ro roind in maccaem ar tri sin .i. a trian da athair &
5841] a trian da mathair & a trian aile d' éicsib & d' ollamnaib & do
5842] luchtraid maithiusa Fiann Eirenn. ‘Is eolach do roinded in
5843] tuarustul’, ar Find. Ocus do badur ann co tainic lá cona
5844] lan-soillsi arnabarach.

¶ 427.
5845] Annsin do-rigned selg & fiann-choscur ac tri cathaib na
5846] Féinne. Cid tra acht cet-guin muice na fhiada do rochtain do
5847] neoch d' fhiannaib Eirenn ac Fir Óc ní rainic in la-sin. Ar
5848] tiachtain immorro dóib da tigh & ar n-denam na selga, is and
5849] ro gabusdur slaetan trom-galair Fer Óc tré t-shuilib na sochaide
5850] & tre fhormat in mor-sluaig, corus-marb gan anmain i cind nómaide
5851] h-é. ‘Ocus ro cuired fan talmain ar in tulaig tonn-glais
5852] út h-e’, ar Cailte, ‘& in lía lainderda ro bói ina laim ac denam
5853] chluiche & ainiusa iss é-siut assa chind h-é’, ar Cailte.

¶ 428.
5854] ‘Conid uada-sin atá Tulach in Óic ar in tulaig-seo.’

¶ 429.
5855] Ocus do bói a mathair bliadain issin baile-sea tar eis a
5856] meic, & ticed cach láe d' indsaigid fherta a meic, & ro bói ica
5857] cháined rissin m-bliadain-sin, & fuair bás do chumaid a meic
5858] la n-aen ann, & tucad issin tulaig-seo ille h- í.

¶ 430.
5859] ‘Conid uaithe atá in t-ainm .i. Cuillenn.’
5860] {folio 138a2} . ‘Ocus iss é-seo in cethramad inad a n-gabdais Fianna
5861] Eirenn a n-étaigi lighda lend-maissecha umpu’, ar Cailte, ‘.i. Temair
5862] Breg
& Temair Luachra & ind Almain lethanmoir Laigen, & í
5863] Cuillind annseo. Ocus is annseo do-nith in flaith Find tri catha
5864] don Fhein cacha bliadna, & is annseo do-berthea & do toghtha
5865] curaid re gaisced a n-inad cacha marbtha d' Fiannaib Eirenn.
5866] Ocus is ann do-berthea na daim imdiscire alltaide & an tuirc
5867] thaeb-troma dar n-indsaigid co lar in tighi n-óil & n-aibniusa’,
5868] ar Cailte, ‘& rob adba os & fiadmíl Cuillind in la-sin.’


p.162

¶ 432.
5869] Ocus adubairt Cailte:

    1. 5870] Cuillenn bá h-adhba fhiadaig
      ba port rig gusin riagail,
      5871] bá h-alaind a n-uair chatha
      cona h-etach il- datha.
    2. 5872] Cá h-óc da tuc Find in t- ór
      in direcra dímor,
      5873] ocus ca mét n-aídchi iarsin
      cor' scar a chorp ré anmain?
    3. 5874] Ni dernad engnam budh fherr
      ana a n-derna Conan Cerr,
      5875] is Conan Mael ar in maig
      issin cath ac Berramain.
    4. 5876] Nir' messa in t-engnam aile
      a cath laechda Lamraige,
      5877] ina a n-derna-sa bodéin
      missi is Diarmait is Oissein.
    5. 5878] Nochor' ferr engnum fa gréin
      ina a n-derna Find bodéin,
      5879] is lind tainic a tharba
      do ló catha Ollarba.
    6. 5880] IS truag a n-derna in rán
      is moch do-chuadur 'na dáil,
      5881] nach mairenn díb sunn ané
      achtmad missi ocus Oisséin.
    7. 5882] Adeirim-si riut reime
      is fír in ní raidim-ne,
      5883] is uallach ticdis don beind
      in sluag-sin ro char Cuillind.

5884] ‘Ad-rae buaid & ben- nachtain’, ar Eoghun Lethderg mac Oengusa,
5885] ‘& a Cailti, is truagh in scel-sin ro indisis duinn .i. scél
5886] Fir Óig
.

¶ 433.
5887] Ocus ní cian ro badur ann co faccadur in m-buidhin moir
5888] croda comméite da n-indsaigid ina da n-dirma .i. ocht fichit
5889] sciath-armach in cach buidhin dib, & ámdabcha da sciathaib
5890] donn-chorcra ina timchell, & fidh-nemed do t-shlegaib urarda ré
5891] n-guaillib, & gilla dond dighrais degh-alaind in tossach na buidhne,
5892] & mind óir ima chenn i comartha rig, & brat corcar-glan iman
5893] n-óclach aile fa cenn orro, & cathbarr óir ima chenn. Ocus
5894] slechtsat do Patraic & tucsat a cind ina ucht.

¶ 434.
5895] ‘Cia sib-si, a óca?’ ar Pátraic. ‘Da rig Iarmuman .i. Derg
5896] mac Dinertaig meic Maili Dúin missi, & Flann mac Flaind meic
5897] Fhailbe in fer aile. Atá fled mor- cháin acaind duit, a
5898] Muman’, ar na h-óclaig, ‘& is ferrde lind nóem Pátraic do thabairt
5899] duit let d' ól ma fleide, uair maith lind ar crich & ar
5900] ferann do bennachad dó, & ar m-béo- maicne & ar marb-maicne
5901] do thabairt dó, uair nir' gabsamar-ne cara cleirig aile achtmad
5902] seissium.’ ‘Ticid-si romaind’, ar in , ‘& ro soissim- ne in bur
5903] n-degaid.’ Ocus ro anadur annsin ind aídchi-sin co tainic la
5904] cona lan-soillsi arnabarach. Ocus tainic in sluag-sin uile &


p.163


5905] Pátraic cona muintir co Cathair na Cét bodes ar leth-mullach
5906] t-Shleibe Mis. Ocus tangadur da ríg Iarmuman ina n-aghaid, &
5907] fersat faeilte re Pátraic & re rig Muman, & tucsat screpall
5908] soiscela do naem Pátraic .i. tri fichit uingi d' ór & tri fichit
5909] uingi d' airget cach fir dib.

¶ 435.
5910] IS annsin ro fhiarfaig Eogan Leithderg mac Aengusa meic
5911] Nat Fraich Muman do Chailti: ‘Ocus cred 'ma tucad Daire in
5912] Coccair
ar in inad-so? {folio 138b1} ocus cred 'ma tucad Druim
5913] na Mna Mairbe
ar in druim-sea? & crét 'ma tucad Raithin na
5914] Sénaigechta
ar in raithin-seo rind andes?’ Fregrais Cailte
5915] sin: ‘is accum-sa atá a fhis’, ar Cailte, ‘cen gub núa in ní
5916] dia tá.’

¶ 436.
5917] Feacht n-aen da tainic Find mac Cumaill & tri catha na
5918] Féinde conici-seo do t-sheilg & d' fhiann- choscur, & ni cían ro bamar
5919] ann co faccamur in t-aen-duine dar n-indsaigid, & suidhis
5920] ar in tulaig-seo inar farrad, & ben do bói ann, & leine do
5921] t-shroll rig re cnes, & brat cimsach corcar-glan uimpi, & delg oir
5922] ann, & inar fann clechtach for-órda uimpi cona ucht-chlar
5923] ordaigi ann, & mind óir fa cenn. Ocus ní suaill in ní ris fa
5924] samlata lind h-í .i. re séol-crand luingi lán-moire os ard-mullach,
5925] & rob' uathad accaind nech nar'gab gráin & ecla & uruamain
5926] re febus delba na mná & ar a mét. Uair nír' lucht com-aimsire
5927] di sinde, uair ba mó issi co mór. Ocus is sé ro bói ar leth-laim
5928] deis Find in tan-sin .i. Goll mac Morna, & tucustar Cailte teist
5929] mor ar Goll a fiadnaissi dá coiced Muman annsin: ‘Rob é-
5930] sin’, ar Cailte, ‘in lám a n- uachtar, & in tonn báis os borb-buidnib,
5931] & in leoman lonn, & in cúiced gaiscedach is ferr ro bói
5932] a n-Eirinn & i nd-Albain i com-ré & í com- aimsir ris féin ar cúl
5933] sceith & chlaidim & t-shleighe. Uair rob iat- sin cuicir is ferr
5934] gaisced ro bói a n-aen-aimsir a n-Eirinn .i. Find mac Cumaill
5935] & Lugaid Lága & Oscur mac Oissin, & Goll mac Morna, &
5936] dar mo breithir’, ar Cailte, ‘ní do bocassach breithre is mé féin
5937] in cóiced.’


p.164

¶ 437.
5938] IS annsin adubairt Find re Goll secha: ‘In faccais riam
5939] ben bud mó ina in ben ut?’ ‘Dar mo breithir ám’, ar Goll,
5940] ‘ní fhaca & ní fhaccaid nech aile riam mnái budh mó inás.’

¶ 438.
5941] Ocus tuc in ingen {SG page 211}a laim leabar-gasta amach assa cóim, &
5942] do bídur tri failgi óir uim in dara láim di, & da fhalaig imin laim
5943] aile, & ba com-remur re cuing a n-imechtraig cach fail díb. ‘Scela
5944] is chóir d' fhiarfaige di’, ar Goll. ‘Cindus ro fétfaide eiseíc’, ar
5945] Find, ‘acht mina eirgim-ne inar sessam, & is cuntabairt da cluine
5946] sí sind mar sin fos.’

¶ 439.
5947] IS annsin ro éirgedur in sluag uile i n-aen-fhecht ina sesum
5948] do comrud & d' imacallaim ria, & ro eirig sí maraen ríu. ‘Suidh
5949] it shuide’, ar Find, ‘a ingen, & tabairt' uillind rissin tulaig mád
5950] áil let ní do chloistecht duit uainde & ní do thuicsin uait.’
5951] Ocus tuc sí a tóeb rissin tulaig, & ro fhiarfaig in flaith Find
5952] scéla di.

¶ 440.
5953] ‘Maith, m' anam, a ingen, ca tír assa tangais’, ar Find, ‘&
5954] cuich tú féin?’ ‘A Tír a n-Ingen aníar mara fuinend grian,
5955] ticim, & ingen rig in tíre-sin mé féin.’ ‘Ca h' ainm thusa, a
5956] ingen?’ ar Find. ‘Bé Bind ingen Treoin, ingen ríg Thire na
5957] n-Ingen
missi’, ar sí. ‘Cret ima tucad Tír na n-Ingen ar in
5958] tír-sin?’ ar Find. ‘Ní fuil d' fheraib inti’, ar inn ingen, ‘acht
5959] m' athair-sea cona tri macaib & .ix. n-ingena & secht fichit
5960] ingen ro geined uada, conid airi-sin aderar Tír na n-Ingen
5961] rissin tír-sin.’ ‘Ocus cá tír as chom- nessa dóib-sin, a ingen?’
5962] ar Find. ‘Tír na Fer’, ar in ingen. ‘Ocus cia is ríg inti-sin?’
5963] ar Find. ‘Cétach Crob- derg’, ar issi, ‘& ocht meic fichet do
5964] macaib aice, & aen-ingen, & tuccad missi do mac dó .i. Áed
5965] Álaind
mac Cétaig Chrob- deirg, & fá thri thuccad missi dó, &
5966] ro éli-ssa fá thri uada, & is sí-séo in tres fecht díb.’ ‘Cret tuc
5967] eolus in tíre-seo duit?’ ar Find. ‘triur iascaire do gluais gaeth
5968] assin tír-seo dar n-indsaigid, & ro indissidar {folio 138b2} scela in tire-sea
5969] duind, & adubradur óclach maith do beith issin tir .i. Find
5970] mac Cumaill, & massa thussa in t- óclach-sin’, ar inn ingen,
5971] ‘tanac-sa dot' indsaighid dom' beith ar do chomairchi.’ Ocus do
5972] benastar a l-lámaind di, & tuc a l-laim i l-laim Fhind. ‘Maith, a


p.165


5973] m' anam a ingen’, ar Find, ‘tabair do láim i l-laim Guill meic
5974] Morna annsin, uair ni córa duit do chor na do chomairchi ré
5975] h-aen-óclach a n-Eirinn ina rissin n-óclach-sin.’ Ocus tuc sí a
5976] lám i l-laim Guill meic Morna, & do-rigne cor & a comairchi.
5977] ris.
5978] Ocus is annsin at-conncadur dam imdiscir allta da n-indsaigid,
5979] & araill do chonaib na Feine ina degaid. ‘Léicid 'na
5980] aenur don dam’, ar Find, ‘a Fhianna Eirenn, uair ní taeb re
5981] seilg ar con do-beram anocht, acht taeb re h-óclach éicin d' Fhiannaib
5982] Eirenn, & cait a fuil Find mac Cuain?’ ar Find. ‘Sunna’,
5983] ar in t-óclaech. ‘Eirig reomaind dot tigh, & déntar ar frestal
5984] & ar frithailem.’ ‘Commáin duind ní do thabairt duid-si’, ar
5985] Find mac Cuain, ‘uair atait ocht fichit find-airge accum- sa i
5986] les-lergaib na Luachra, & is dít-sa {SG page 212}tarras sin uile, a Fhind.’
5987] Ocus ba do buadaib Find meic Cumaill, cid mor do-berad do
5988] neoch nar' máidestar fair riam i l-ló nó a n-áidchi. IS annsin
5989] ro eirig Find mac Cuain do fhrithailem Fhind & na Feinde da
5990] dúnad bodein.

¶ 442.
5991] Ocus dala na h-ingine, ro benastar a cathbarr caem cengalta
5992] da cind, & ro scailestar a folt find-leabor fír- álaind imma cend
5993] .i. ocht fichit dual, & ba h- ingnad lé cach uile mét
5994] ind fhuilt 'arna scailed. Ocus is annsin adubairt Find: ‘A mor-déé
5995] adhartha, bid mor in t-ingnad lé Cormac h-úa Cuindg
5996] Eirenn
& lé h-Eithne Ollamda ingin Cathair Moir, & lé find-bantracht
5997] na Feine .i. Bé Bhind ingen Treoin do fhaicsin!’

¶ 443.
5998] Ocus adubairt in flaith Find ria: ‘Maith a ingen’, ar Find,
5999] ‘in bec let-su comraind deich cét do thabairt duit?’ Ocus is
6000] annsin ro t-shillestar sí ar in n-abhacc .i. Cnú Deireoil, ro bói ac
6001] seinm chruite a fiadnaissi Fhind, & ‘cid bec, cid mor do-bera-su’,
6002] ar in ingen, ‘do chomraind don fhir bec út atá ac sefnad na
6003] cruite it fhiadnaissi ni bec lim-sa urdail ris.’

¶ 444.
6004] IS annsin ro chuindig inn ingen digh ar Fhind, & adubairt:
6005] ‘Cáit a fuil Saltran Salfhada?’ ‘Sunn, a m' anum, a g-fheindid’ ,
6006] ar in gilla. ‘Tuc let dam lán Cuaich Smera Tuill d' uisci ind


p.166


6007] atha út.’ Ocus iss ed do bíth ól tri nonbur don Fhéind isin
6008] chuach-sin, & do-rat leis lán in chuaich-sin, & tuc i l-laim na
6009] h-ingine, & ro dóirt in ingen ar a bois n- deis in t-uisci, & at-ibhestar
6010] tri bolguma as, & ro thócaib a bos asa h-aithle & ro chraith
6011] in t-usici ar in sluag cor' mebaid a n-gáire orro, & ro moid
6012] a gaire ar in ingin fein léo. ‘Ar do chubus riut, a m' anam, a
6013] ingen’, ar Find, ‘crét tuc ort gan in t-uisci d' ól assin chuach?’
6014] ‘Nir' ibhiusa ní a lestar riam’, ar inn ingen, ‘ach a lestar risa
6015] m-biad imdenam oir & airgit.’ ‘Ocus in dechain ro dechusa
6016] thorum’, ar Cailte, ‘at-connarc in t-aen- óclach mór dar n-indsaigid,
6017] & gér' mor in ingen ro bo mó eissium, & tuighnech
6018] futairlli air co ticed tar formnaib a gualann, gan ulcha gan
6019] fhessóic fair, & da m-beidis fir in domain uili ar aen-lathair dar
6020] linde’, ar Cailti, ‘ní beth díb duine budh áille anás. Ocus brat uaine
6021] aen-datha uime, & delg oir issin brut, & lene do t-shroll ríg re
6022] chnes, & sciath craebach corcar-derg ara muin, & claidim ór-duirnd
6023] ina laim, & sleg neimnech uillend-glas ina laim.’

¶ 445.
6024] ‘Ocus is annsin ro dech(as)tar in sluag uile air, & uathad
6025] accaind acht fír-gaiscedaig nar' {folio 139a1} gab gráin & eacla reime,
6026] & ro bói aiccned maith ac Find’, ar Cailte, ‘uair nír' gab ecla
6027] reim duine riam h-é a ló ná a n- aídchi. IS annsin ro ráid in
6028] flaith Find. ‘Na labrad gilla na óclach acaib, & na gluaissed
6029] nech assa inad. Ocus in n-aithnigenn nech acaib síut?’ ar
6030] Find. ‘Is aithnig dam-sa’, {SG page 213}ar in ingen, ‘iss é-siut in fer ara
6031] tanac-sa teiched.’ Ocus as cuma adubairt sin, & ro eirig in ingen &
6032] ro t-shuid etir Fhind & Goll mac Morna. Ocus do-riacht in t- óclach’,
6033] ar Cailte, ‘dar n-indsaighid, & in ní ro bói a menmain ind óclaig’,
6034] ar Cailte, ‘ní raibe a n-aicned duinde eisseíc.’ Ocus mar thainic
6035] aird a n-aird re Find & re Goll ro thócaib in laim & tuc
6036] sádud sarchlain sleighe ar in ingin, co raibe fat láma laich do
6037] crann na sleigi a leith aniar di, & ro gab in t- óclach in t-shleg,
6038] & tainic reime tar in sluag amach. ‘At-chithi siut, a fhiru!’ ar
6039] Find, ‘& na bith a menma rissin fiannaigecht tre bithu intí
6040] nach tibra a ail & a urraind ar siut nóco tor- chair lib h-é.’

¶ 446.


p.167

¶ 447.
6041] ‘IS annsin ro eirgemar-ne’, ar Cailte, ‘tri catha na Féinne
6042] a n-aen-uair, conar' fhácad ar in tulaig achtmad triur amain .i.
6043] Find & Goll mac Morna & in ben beo-gonta; & gabmáid-ne uile
6044] a n-diaid ind óclaig co Raith na Macraide, risa raiter Raith
6045] na Caerech
issin tan-so, a laech-Machaire Lí thes, & do Corcaig
6046] Maigi Ulad
siar, áit i r-rabadur Ulaid i l-longport a forbaissi a
6047] Cathair na Claenratha dar' marbsatar Cú Rí mac Daire, & do
6048] Lathair Luingi sís, áit a m-bidis longa Clainde Dedad, & d' Inber
6049] Labarthuinde
ré h-Eirinn aníar .i. Labur ingen Miled Espaine
6050] ro báided ann, nó ro labair tonn re tír ann, & do Thiprait
6051] in Laich Leisc
síar ar Tráig Lí meic Oidhremail, & do Rind
6052] Chana
siar, an bail a tabradais na h- allmuraig a cís chanachuis
6053] do Choin Rí mac Dáire cacha bliadna. Ocus tuc a aighed ar
6054] in cúan comlethan amach, & ro bamar-ne cethrur óclach i
6055] comfhochraib dó’, ar Cailte ‘.i. Diarmait h-úa Duibne & Glas mac
6056] Aencherda Berra, & Oscur mac Oissin, & mé féin in cethramad’,
6057] ar Cailte. ‘Ocus tucsamar aighed ar na ton- naib amach, & tucu-sa
6058] sidhe retha rind-luaith ina degaid, & tucus sréo n-urchair
6059] dó’, ar Cailti, ‘co tarla in t- shleg a n-iris a sceith & ina gualaind
6060] chlí, & co tarla in sciath ar in tuind sis, & ro frithailiusa
6061] in sciath im laim chli, & tuc-som a laim n-deis dochum na sleige
6062] da buain as, & tucu-sa sidhe dochum na láma aile, & ro benus
6063] a t-shlegh assa láim, & in trath ro fhuabrusa a diubrugud da
6064] t-shleig fein do-rala remur na tonn & domain in mara etrum &
6065] h-é. Ocus mar do bamar 'gá t-shír-fhegad at-chonncamar in luing lan-moir
6066] aniar cach dirge dar n-indsaighid, & dias ic á h-imram,
6067] & do-chuaid-sium issin luing inar fiadnaisi, & ní fhetamar-ne cá
6068] leth do-chuadur uaind 'arsin’, ar Cailte.

¶ 448.
6069] ‘Ocus do-riachtamar-ne aniar conici in tulaig-seo, tri catha
6070] na Féine, & ro fhiarfaig Find scela dind, & ro indsisiu ar scela
6071] ó do-chuadmur noco tangamur aris’, ar Cailte, ‘& ro {SG page 214} chuir- semar
6072] na h-airm ar lar í fiadnaissi Fhind’, ar Cailte. ‘Maith na h-airm-
6073] sin’, ar in ingen ‘.i. in t-shleg dar' bo com-ainm In Torannchlessach
6074] & In Donnchraebach in sciath.’


p.168

¶ 449.
6075] Dala na h-ingine indister ann. ‘Maith a m' anum, a Fhind’,
6076] bar inn ingen, ‘dentar m' fhert & m' adhnacul co maith, uair is
6077] ar do chomairchi thanac-sa d' indsaigid Eirenn, & ar th' einech
6078] fuarus bás.’ Ocus tucustar a failgi don áes dána .i. do Chnú
6079] Deireoil
& do Blathnait & do Daighre cruitire, & do deilig anam
6080] re corp di, & ro cuired fa thalmain h-í annso. ‘Ocus is uaithe
6081] tucad Druim na Mna Mairbe ar in n-druim-seo’, ar Cailte, ‘ocus
6082] iss é-sin in scél ro fhiarfaigis dim, a Muman’, ar Cailte.

¶ 450.
6083] ‘Ocus cret 'ma tucaid Daire in Choccair ar in n- daire-seo,
6084] a Cailti?’ ar Muman. ‘In cethrar at-cualaidis lium ic Raithin
6085] na n-Ingnad
.i. in triur óclach & in cú ro chocradur ind
6086] Fhiann a marbad annso.’ ‘Cá fochaind choccair ro bói acco
6087] forro & siat acco {folio 139a2} féin?’ ‘Nir' thuicsetar ind Fhiann in
6088] corugud nó in tinrum tucsat forro, rob é-sin fochaind a cocair
6089] .i. longport ar leith acco & múr teined ar lassad umpu, & gan
6090] nech da feicail assin múr theined-sin co trath do ló arnamairech.
6091] Ocus adubairt Find:’ ‘Ní h-áil lium-sa a marbad etir
6092] uair triur is ferr lámach & luth atá d' feraib in domain iat, &
6093] atait tri h-éladhna acco, & nír' choir d' feraib in domain a
6094] marbad i l-los a n-eladhan-sin do beith acco .i. fir in domain’,
6095] ar Cailte, ‘do beith a n-galur & a n-eslainti, & in tres fer díb-
6096] sin do chur lossa ris do beth slemain slan-chrechtach iarsin.
6097] Ocus cach ní athchuingither ar in dara fer do geibther uad. Ocus
6098] in tres fer’, ar Cailte, ‘esbadha in domain do indissin dó, & a
6099] fhaghbail uad gan esbaid. Ocus ro bói dono imarcraid aicce
6100] seoch cach nech díb .i. fedan do bói aicci, & fir in domain do
6101] choiteldais ris gemad mór a n-galur. Ocus in cú immorro’, ar
6102] Cailte, ‘gen co marbmais-ne uili fiad na míl ni biad uresbaid
6103] oraind aice-si.’
6104] IS annsin adubairt in flaith Find riu: ‘In fetabair-si cid
6105] 'má tucad sib dom accallaim-si?’ ar Find. ‘Ní fetamur’, ar na
6106] h-ócláig. ‘Ní tairissi lé fiannaib Eirenn sib-si’, ar Find, ‘forna
6107] h-eladhnaib do-nithi accu, & is áil léo a fhocra dáib-si imthecht
6108] imslán & bur tuarustal do tabairt duib.’ ‘Cá h-olcc do-rindsemar’,
6109] ar na h-ócláig, ‘ind uair fhócarthar imthecht duind?’ ‘Ní fhetamur’,
6110] ar in Fhiann, ‘bur n-olcc, acht abhaissi accaib nach faccamar- ne


p.169


6111] & nach cualamur do denam do dáinib reomaib riam .i.
6112] múr tened umaib cach n-áidchi, & nach áil lib nech da bur
6113] faicsin ó thic ind adhaig chucaib, & curthái in múr tened-sin
6114] umaib.’ ‘Ocus cid in t-olc duib- si sin do denam duind, a
6115] Fhind?’ bar na h-ócláig, ‘uair ní h-oraib-si traiscermid, cach maith
6116] do-génam is lib-si h-í.’ IS annsin adubairt in flaith Find: ‘Glor
6117] dáinead so-chinelach sin’, ar se, ‘ar tabairt fhala nó achmusain
6118] dam-sa dáib na do neoch d' Fhiannaib Eirenn ni recha do ló na
6119] d' áidchi, & ní rob ail lium-sa d' fhiar- faige díb’, ar Find. ‘Da raib
6120] a fhis accaind’, ar na h-óclaig, ‘indestar duit-siu h-é.’ ‘Cá h-anmanna
6121] atá oraib-si?’ ar Find. ‘Atá Dub orum-sa’, ar in t-óclach
6122] do-nith in leighes. ‘Atá Ágh orum-sa’, ar in t-óclach medhónach.
6123] ‘Atá Ilar orum-sa’, ar in t- óclach aile. Ocus adubairt Cailte
6124] ac tabairt tuaruscbala na fer-sin & na con:
    1. 6125] Dub ocus Agh is Ilar
      inmain triar fá cáem inad,
      6126] ocus Fermac, maith in cú
      bidh a medhón eturrú.
    2. 6127] Longphort ar leith accu amach
      o longport na Fiann fuilech,
      6128] connach aithned nech ille
      in cethrur án oirdnnighe.
    3. 6129] cethrar tangadur í cein
      ní ro aithnestar Find féin,
      6130] 's nír' ro aithin nech don t-shluag
      in cethrur álaind adh-fhúar.
    4. 6131] INadh ar leith accu amach
      o longport na n-Eirennach,
      6132] conna taidhled nech a tech
      mina thaidhlid meraig- thech.
    5. 6133] Múr teined umpu, mo nuar
      bith 'na uisci cach ré n-uair,
      6134] connach téiged nech amach
      co trath éirge arnamairech.
    6. 6135] Nochur' loited aen-fher riam
      do muintir Fhind flaith na Fhiann,
      6136] ní raibe a n-gabad na a n-gub
      na slanaigfe fos in Dub.

    7. 6137]

      Dub.

¶ 452.
6138] ‘Ocus imthighid da bur tigh’, ar Find, ‘& in comfhat bias duine
6139] am degaid-si bíthí-si & in muinterus na fuarabair do-gébthai
6140] bodesta.’ ‘Ocus is uime-sin’, ar Cailte, ‘tucad Daire in Chocair
6141] ar in daire-seo do fhiarfaigis dim, a .’

¶ 453.
6142] ‘Ad-rae buaid & bennacht’, ar Eogan Leith- derg Muman
6143] re Cailte, ‘is maith d' fhuasclais in dana cheist-sin; & atá in tres
6144] ceist acut gan fhuaslucud .i. cret 'ma tucad Raithin na Sénaigechta
6145] ar in raithin-seo?’ ar in .

¶ 454.
6146] ‘Laithe n-aen da raibe Find annso ina t- shuidhe & tri catha na


p.170


6147] Féinde’, ar Cailte, ‘& at-conncamar triar scoloc mael-ruad dar
6148] n-indsaighid, {folio 139b1} & tri coin ruada ina lamaib, & tri slega
6149] accu' & neim ara n-armaib & neim ara n- étach & neim ara
6150] lámaib & neim ara cossaib & neim ris cach ní risa m-bendais.’
6151] ‘Canas tangabair, a fhiru?’ ar Find, ‘& cuich sibh féin?’ ‘tri
6152] meic Uair meic Indaist sind’, ar siat, ‘do Thúaith Dé Danann,
6153] & óclach dot muintir-si do marb ar n-athair i cath Túaithe Dé
6154] Danann
i Sliab h-Én tair, risa n-abur Sliab Aighi meic Iughaine,
6155] & tangamar d' iarraid eirice ar n-athar ort-su, a Fhind’, ar siat.
6156] ‘Fata co tangabair da h-iarraid’, ar Find. ‘Ní fhetamar’, ar siat,
6157] ‘nach iat meic Midhir do chuir in cath-sin nó co tangais-si co
6158] feis na Temrach, & co fetadar fir Eirenn conid tusa ro gab
6159] braigde Túaithe Dé Danann do macaib Midhir issin cathsin.’
6160] ‘Ocus cá h-óclach dom muintir-si’, ar Find, ‘ara cuirthai-si’, ar
6161] Find, ‘marbad bar n-athar?’ ‘Ar Cailti mac Rónain’, ar siat.
6162] ‘Dar mo breithir ám’, ar Find, ‘is sé in seissed fer ro bói am
6163] fharrud-sa ann, & cá h-anmanna fuil oraib-si?’ ar Find. ‘Ainhgel
6164] & Dighbail & Espaid a n-anmanna’, bar iat-som, ‘& cá fregra
6165] do-beire-si foraind, a Fhind?’ ‘ní thuc duine reomum-sa éiric án
6166] duine do muirfíde a cath, & ní mó do-bér-sa’, ar Find. ‘Do- génam-ne
6167] foghail & díberg fort’, ar iat-som. ‘Cá fogail-sin?’
6168] ar Find. ‘Atámaid triur brathar’, ar siat-som, ‘& do-genam foghal
6169] ar leith cach fir uaind.’ ‘Do-gén-sa tra’, ar Aincel, ‘in triar no
6170] in dias nó in cethrar don Fheind teicemus dam, gebat a cossa
6171] & a l-lama uili riu.’ ‘Do-gen-sa dono’, ar Dighbail, ‘ní rech-sa lá
6172] uaib gan esbaid chon nó gilla nó óclaig d' Fhiannaib Eirenn.’ ‘Ní
6173] rech-sa uaib dono’, ar in tres fer .i. Espaid, ‘gan esbaid droinge
6174] nó daime nó choissi nó laime nó leth- tshula oraib.’ ‘Acht muna
6175] fhaghbam ní dar cobair orro-sin’, ar Cailte, ‘ní bia duine a m-bethaid
6176] a cind bliadna acaind.’

¶ 455.
6177] IS annsin adubairt in flaith Find: ‘Maith, a Fhianna Eirenn’,
6178] ar se, ‘dentar dúnad & degh-baile accaib anso i fail i
6179] tardhadur síut mé, uair ní bíu-sa reompo sechnoin Eirenn & iat-
6180] sum am deghaid nocho findam cia uaind bus treissi’. ‘Ocus ro


p.171


6181] eirgedur ind Fhiann annsin, & do-rinde cach taissech Féine raithin
6182] & dúnad uime féin & uma foirind óta foradh-mullach t-Shleibe
6183] Mis
aníar conice seo’, ar Cailte. ‘Is dóig lind’, ar Muman,
6184] ‘is uime tucad Raithin na n-Othrus ar na raithinib- seo.’ ‘IS
6185] uime’, ar Cailte, ‘uair mí & raithe & bliadain ro ansat annso,
6186] & in triar-sin ac denam cach ain- cissi & cacha h-urbada rissin
6187] Féin’, ar Cailte. Ocus is annso do- nithea an othrus na Féine
6188] ó na lotuib rissin.

¶ 456.
6189] IS sí-sin áes & uair do-chuadur tri meic rig na h-Iruaidhe
6190] ro bói a comaitecht Fhind da accallaim in lá-sin, & rucsat leo
6191] h-é ar fót scrutan gaisse fo leith, & adubradur ris: ‘Maith, a
6192] m' anam, a Fhind’, ar siat, ‘in cú atá acainde is áil lind a tabairt
6193] duit-si a timcheall .i. fecht fa thri cacha tratha, & cid sochaide
6194] bias ar tí th' uilcc-si do denam nó fhoghla ort nocho ria léo ón
6195] trath co cheile acht na raib teine nó arm nó cú a n-aen-tigh
6196] ria uair geis di ní dib-sin a n- aen-tigh ria. ‘Ni bia immorro’, ar
6197] Find, ‘ní díb-sin a n-aen-tigh ria, & ro sia immorro slán in cú
6198] chucaib-si.’ Ocus is amlaid ro léicthea cacha tratha in chú chuind
6199] Find, & a slabrad druimnech derg- óir imma braigit i r-rabadur
6200] .l. conchlann d' or forloiscthe, & ticed in cú fecht fa thrí fan
6201] cuma-sin a timchell Fhind & do-beread a tengaid fa thri fair.
6202] Ocus in drém ba nessa dó andar léo ba dab- hach medha 'arna
6203] h-imscagad ro bói ann don boltunud ticed di, & dar leisin n-droing
6204] aile ba baladh abhall-guirt chubra in boltunudh ticed di in trath
6205] ticed istech cum Find. Ocus do-rindset in triur-sin’, ar Cailte,
6206] ‘foghla mora (ar in) Féin rissin m- bliadain-sin, & cach othrus
6207] & cach olcc do-nith Ainchél risin Féin re bliadain do chuired
6208] Dub mac ríg na h-Iruaithe (a lus) & a leighis rís, comba slán
6209] iat arnamairech, & in tí risa n- (dénad) Espaid & Dighbail olcc
6210] do-níth Ágh & Ilar a furtacht & a f(orithin).’

¶ 457.
6211] ‘IS ann (at-clo)s do Chormac h- úa Cuind’, ar Cailte, ‘na
6212] náimdi-sin ic denam uilcc ar Fhind, & is uathaib-sin’, ar Cailte,
6213] {folio 139b2} ‘atait na sen-fhocail urdraice .i. intí risa m-benad urbaid
6214] nó espaid iss ed is gnath-fhocul ann tarraid Ainhcél tú’, & is


p.172


6215] gnath-fhocal fós ‘tarraid Dighbail & Espaid tú’, intí risa m-benad
6216] dighbail nó espaid.

¶ 458.
6217] ‘IS annsin’, arsi Cailte, ‘do-rigned tinol & toichestal ac Cormac
6218] h-úa Chuind, ac g Eirenn. Ocht catha fichet & deich
6219] cét ar fichit cét cacha catha conice in tulaig-seo do chungnum
6220] lé Find & re Fiannaib Eirenn. Ocus ferais Find faeilte
6221] re Cormac & re maithib fer n-Eirenn archena, & ro indis Find
6222] in mor-éicin-sin i r-raibe & na Fianna rissin m-bliadain-sin, acht
6223] muna beitis tri meic rig na h-Iruaithe ic ár cabair 'na n- agaidh.
6224] ‘Cid’, ar Cormac, ‘in lucht ica fuilet na h-eladhna-sin nach
6225] fuighbitis do t-shén nó do t-sholad nó d' eladhain ní do-bérad a
6226] h-Eirinn iat-som?’ ‘Ocus is annsin adubairt Cormac rium-sa’,
6227] ar Cailte, ‘dul ar cenn tri mac rig na h-Iruaithe. Do-chuadhus
6228] & tucus lim iat d' indsaigi Chormaic & Fhind & maithe fer
6229] n-Eirenn, & at-chonnairc Cormac iat. ‘Álaind na fir’, arsi Cormac,
6230] ‘& maith a n-delb & a tuaruscbail. Ocus maith, a maccu’,
6231] ar Cormac, ‘in fuighbed sib sén na solad ro díchuirfed na trí
6232] náimde út a h-Eirinn neoch ata ac milled Fhiann Eirenn?’ ‘Da
6233] faghmais iat’, ar na h-óclaig, ‘a comfhocus duind ní ris a fuaicérmais
6234] doib imthecht, ro dingébmais d' feraib Eirenn iat.’ Ocus
6235] cait a fuil Agh mac ríg na h-Iruaithe?’ ar Find. ‘Sunna’, ar
6236] in t-óclach. ‘Cáid a fuilet na tri naimhde ut millis Eirinn?’
6237] ‘Ataid i Carnn Daire sunn a cind in longpuirt’, ar Ágh. ‘Ocus
6238] cait a fuil Garbchronan & Saltrán Salfhata?’ ar Find. ‘Sund,
6239] a ríg- fhéinnid’, ar na gilli. ‘Eirgid ara cend sút & apraid ríu
6240] do-ber-sa breth rig Eirenn doib ina n-athair.’ Ocus tangadur
6241] na gilli reompo ara cend conici sin, & ro indissidur sin doib, &
6242] tangadur-sum d' indsaighid Chormaic & Fhind leis na techtairib-
6243] sin, & ro t-shuidhedar in triur-sin ar clad na ratha-sa, & ro bói Cormac
6244] ann ocht catha fichet, & ro bamar- ne tri catha na Féine’, ar Cailte.

¶ 459.
6245] ‘Iss annsin adubairt Cormac:’ ‘Eirig, a Duib meic ríg na
6246] h-Iruaithe, & fuacair dóib siut re sén & re solad Éire d' fhagbail.’
6247] Ocus ro eirig Dub & adubairt: ‘Eirgid a nert in t-shéin-seo & in
6248] t-sholaid, a tri náimhde tuath- chaecha les-baccacha leis-bréna, leth- tshúilecha
6249]


p.173

leith-cherra, do t-shil uilcc ingnathaig a grian- broghaib
6250] ifirn anís & do t-shil Buadnaite ingine Irhuaith .i. ingen ind fhir
6251] ro gabustar & ro thidnaic in fir-Dia for-órda & tigerna na n-uile
6252] dáine i l-lámaib na n-Íubal n-amirsech. Ocus eirgid ar in sáile
6253] serb-domain amach, & gabad cach uaib do claidim i cend- mullach
6254] a chéile bar triur brathar. Uair is leór a fhat atathi ac
6255] fogail & ac díbeirg ar in ríg-fheindid forglidhe fír-brethach .i.
6256] ar Fhind mac Cumaill. Ocus imthighid dochum bar m-bunad-chineoil
6257] athar & mathar & sen-athar .i. grian-bruignib ifirn sís,
6258] & co ro loisce teine sib ann!’

¶ 460.
6259] IS annsin ro thócaib in cú a láe & tucastar gáith fuithib
6260] anís dóib, & tangadur rompo amach ar in muir torthaig taeb-úaine,
6261] & do gab cach díb da claidmib a cend araile co fuaradur
6262] bas amlaid-sin a triur brathar & co n-eachadur a n-ifirrn.


    6263] Cailte cecinit:
  1. 6264] Do-chuadur siat uaind amach
    ar in muir fa mor- thonnach,
    6265] cor' marb cach dib a chéile
    cid ed ba mor conféire.
  2. 6266] Aincel, Dighbail is Espaid
    fuaradur bás anbfhassaig,
    6267] ro báid muir is ro loit arm
    in triar imaincel acgarb.

6268] ‘Ocus is uimin sén-sin tucad Raithin na Senaigechta ar in
6269] raithin-seo’, ar Cailte.

¶ 462.
6270] IS annsin adubairt Flann mac Flaind & Derg mac Dínertaig:
6271] ‘is duinde bód chóir in sén-sin d' iar- raid, a m' anam, a
6272] Chailti.’ ‘Cá fáth ón?’ ar Muman. ‘Ocht triucha cét atá
6273] ac cach fhir acaind im dís-seo atámait .i. rigi Iarmuman sin
6274] uili, & ind uair as áes & as uair duind ar trebaire do buain
6275] tecait tri h-elta don muir aniar chuccaind & guib chnama
6276] léo, {folio 140a1} & anala tened assa m-braigdib, & is com-fhuar re
6277] gaith n-erraig in gaeth tic assa n-eitib, & ind uair is áil lé
6278] cách lam a cend na n-gort teccaid-sim chuccaind’, ar Flann
6279] mac Flaind, ‘& iss ed ro soichenn én a n-aghaid cacha déissi don
6280] gort accaind, & berait-sium léo a n-aen-fhecht h- é cacha bliadna,
6281] & berait in fecht tanisi léo connach fácait ubhall ar abhaill, na
6282] cnú ar cúll, na caer ar cáirthend gan breith dóib léo, & in


p.174


6283] tres fecht tecait, ní fácbhait min-én na oissén ar lár, na baeth-lenum
6284] becc, na ní is tualaing iat do thócbail nach berait léo.’
6285] ‘Ocus cáit assa tecait?’ ar Cailte, ‘nó crét iat féin, nó co lus
6286] tíagait?’ ‘Drem acaind ic á ráda’, ar Derg mac Dinertaig, ‘corub
6287] a síd-bhrughaib ó Thúaith Dé Danann tecait. Drem aile
6288] 'gá ráda is énlaith a h-ifirrnn iat do dénam uilcc & écora ar
6289] feraib Eirenn, & cip é inadh assa teccat’, ar na h-ócláig, ‘ní fuil
6290] acainde acht in crich-so & in ferann d' fhácbail dóib, uair ní
6291] fhétmaid a fulang ní as sia.’

¶ 463.
6292] IS annsin adubairt Cailte re Pátraic: ‘Cáit a fuil tigerna
6293] ind eolais & na ríme .i. naem Patraic?’ ‘Fiarfaigi rob ail lem
6294] dít.’ ‘Da raib accum-sa a fis’, ar Pátraic, ‘do geba-su, uair minic
6295] lium-sa fiarfaige do denam dít-su.’ ‘Cá bliadain a m-bí mí gan
6296] éscca’, ar Cailte, ‘& ésscca gan mí, & mí con-geib tri h-ésccsa?’
6297] ‘Bliadain quartill’, ar Patraic, ‘bís eter da míli bliadan .i.
6298] mile roimpi & míli 'na deghaid, & in cét-mí bís don bliadain-
6299] sin’, ar Pátraic, ‘iss é bís gan ésscca, & in mí is nessa’, ar
6300] Patraic, ‘bith ésscca ann, & ní bí mí aca tre mí fáe & in tres
6301] mí’, ar Patraic, ‘gabaid tri h-ésscca fair .i. in cét-ésscca don
6302] cét-mí ro áirmemar í tur ar cesta reomaind & in cét-éssca don
6303] raithe reomaind in mí cétna gabus, & in trés ésca’, ar Pátraic,
6304] ‘éssca callanraid aéoir bunaid in mís-sin h-e’, ar Pátraic.

¶ 464.
6305] ‘Adráe buaid & bendachtain, a naem Patraic’, ar Cailte, ‘&
6306] mo chin tainic a n-geinemain fer n-Eirenn in la tangais da
6307] n-indsaigid. Uair ro bói deman a m-bun cach én-fheornin inti
6308] reomut, & atá aingel a m-bun cach én-féoirnin aniu inti. Ocus
6309] mo chin d' fheraib Eirenn at-chichera tusa, & in drem nach
6310] faicfe díb thú, & is siat t' fherta-su & do mirbuile fhoighenus dóib.
6311] Ocus maith m' anum, a Patraic’, ar Cailte, ‘& cuin in bliadain
6312] quartill-sin adubartais rim?’ ‘In cét-adhaig aráeir di’, ar Pátraic.
6313] ‘Ocus in mí chongbus na tri h- essca’, ar Cailte, ‘cuin
6314] tic?’ ‘Ind adhaig amairech adhaig a thossaig’, ar Pátraic, ‘&
6315] in lá má n-airther.’ ‘Ocus cuin is abbaid bar n-guirt, a Deirg
6316] meic Dínertaig?’ ar Cailte. ‘Muna thairisit in dám ainceil


p.175


6317] enlaithe sin iat do-gentar buain amairech acaind’, ar in t-óclach.
6318] ‘Cuin t-shailtí in énlaith-sin do thuidecht chuc- caib?’ ar Cailte.
6319] ‘Amarach co deimin’, ar Flann mac Flaind. ‘Com-aimser in láe
6320] amairech tucustar Dub mac rig na h-Iruaithe séon & solad do
6321] thri macaib Uair meic Indaist dar' marbsatar airm iat & dar'
6322] báid tonn tuile a triar brathar. Ocus cid dam-sa dono’, ar
6323] Cailte, ‘gan sén & gan solad do thabairt amach do Fhlann mac
6324] Flaind & do Derg mac Dinertaig, do da rig Iarmuman .i. ar
6325] in n-énlaith tic da n-aidhmilled cacha bliadna, ind ainm na
6326] Trinoite nar' cumscaiged & nach cumscethar.’

¶ 465.
6327] Ocus at-racht reime {folio 140a2} co moch arnamairech, &
6328] maithe na cuiced Muman, & Patraic (ma)raen ríu co formullach
6329] t-Shleibe Mis suas. IS annsin (do-)riacht ind enlaith d' indsaigid
6330] na n-gort amal ticdís gacha bliadna, & at- chonnairc cach, & ro
6331] laighetar ar na gortaib, & adubairt Cailte:

¶ 466.
6332] ‘Eirgid, a clanna Rúadmaili ingine Rugatail, do t-sil muilleorach
6333] ifirrn.’

¶ 467.
6334] ‘Aidhmillis crod & b(ia)d & ór & airget in domain & a uile
6335] il-maine archena, & ara n-dentar cruinde & cessacht co cuirter a
6336] m-bél in muilind-sin h-é co n- dénann min & luaith de.’

¶ 468.
6337] ‘Ocus eirgid, a chlann Bolccain meic Nemid’, ar Cailte, ‘is
6338] messa atá & bias, & eirgid le nert in t- shéen-seo & in t-sholaid’,
6339] ar Cailte, ‘ar in muir toghaide tul-guirm amach, co marba cach
6340] araile & a cheile uaib ann, & co n-derna min & luaith díb, &
6341] nach fetabair in t-apstal firen fir- brethach indsi Gáeidel .i.
6342] naém Patraic mac Alpraind, cenn crabaid & irsi Gaeidel. Ocus
6343] imthigid-si ar in sleib fiadnusi, & fácbaid Eirinn dó-sin, uair
6344] ní cubhaid duib-si beith re aghaidh-sium inti.’

¶ 469.
6345] IS annsin ro eirgedar inn enlaith risin forchanad sin tuc
6346] Cailte doib, & tangadar rompo amach ar in muir, & ro marbsatar
6347] cach díb a chéile da n-gobaib cnama & da n' análaib teintidi.
6348] Corub Carrac na h-Énlaithe ainm na cairrge os ur t-Shleibe
6349] Mis
ar in muir amaig, & conid sén na n- én dona gortaib
6350] ainm in t-shéin-sin ó sin anall. Ocus adubairt Cailte:


p.176


6351] Sén na n-én dona gortaib.
    1. 6352] Maith mo thurus, a Deirg déin
      da bur torachtain a céin,
      6353] dar' cuiris enlaith amach
      h-uaib ar muir n-uathmair n- ainbthech.

¶ 470.
6354] IS annsin ro coisric Patraic in crich & in ferann, conna
6355] tainic h-uath na amait na aidhmilled inti o sin amach. Ocus
6356] tainic in sluag ínunn issin n-dúnad & Patraic maraen ríu, & ro
6357] badur ann co cenn sechtmaine co subach soccair ac ól na
6358] fleidhe-sin. Ocus isse é ba Connacht in tan-sin .i. Aed mac
6359] Muiredaig meic Fhínnachta in tan ro cuired inn énlaith-sin a
6360] h-Eirinn.
6361] IS and ro bói Connacht in tan-sin ac Dún Léoda Loingsig,
6362] & fledh mor aicci ann 'gá tóchaithem, & tainic adaig n-aen
6363] ann amach re fuined nona ar in faithche fér-glais, & mar do
6364] bói co maithib a muintire uime co facaid in n-ingein mín
6365] mong-buide ara leth-laim, & ní fhaccaid don t- shluag h-í achtmad
6366] in a aenur, & ba h-ingnad séol na h-ingine. ‘Canus tangais,
6367] a ingen?’ bar Connacht. ‘Assin Brug brec-sholus anair’, ar
6368] inn ingen. ‘Cret ima tangais?’ ar in . ‘Lennan dam thusa.’
6369] ‘Cia darab ingen tú?’ ar in , ‘& cia th'ainm?’ ‘Aillenn Ilchrothach
6370] missi’, ar in ingen, ‘& ingen do Bodb Derg mac in
6371] Dagda.’ ‘IN fedrais, a anam, a Aillenn’, ar in , ‘slaetan
6372] trom-galair dom gabail-si’, ar in , ‘& deocha dian-éca d' faghbail
6373] dom athair & dom mathair, & in Tailgenn naem Pátraic dom
6374] thath-bheougud-sa, & do naidmm sé aen-ben do beith acum .i.
6375] Aiffi Ilchrothach ingen Eoghain Leith- deirg .i. ingen ríg Laigen.
6376] Dar mo breithir cena’, ar in , ‘ní fhacca-sa ben bud fherr lem
6377] do beith acum anai-ssiu, acht muna beth smacht in cleirig orum
6378] & ecla Rig nime & tal- man. Ocus maith, m' anum, a ingen’, ar in
6379] , ‘ind ail let-sa t' faicsin do maithib in choícid?’ ‘Is ail immorro’,
6380] ar in ingen, ‘uair ni ben t-shirrachtach t-shidhe mé, acht
6381] mad do Thuaith Dé Danann {folio 140b1} & mo chorp féin umum.’
6382] Ocus ro thaispen in ingen h-í don t-shluag, & ní fhaccadar riam
6383] roimpi na degaid ben budh cháime 'nás. ‘Ocus cá breith beire
6384] orum-sa, a Connacht?’ ar inn ingen. ‘Bérat immorro’, ar in
6385] , ‘in breth bérus naem Pátraic. Do-bér- sa duit h-í.’


p.177

¶ 472.
6386] Is annsin adubairt in ré mor-seisir da muintir dul ar cenn
6387] naem Pátraic do Cathair na Claen- ratha bodes, co mullach
6388] t-Shleibe Mis, & do-chuadur rompo co rangadur conici sin, & fuaradur
6389] Pátraic ann.

¶ 473.
6390] IS annsin ro thimain Patraic ceilebrad do da cóiced Muman,
6391] & fácais bennacht accu, & tainic roime maraen risna techtaib-
6392] sin co rainic co Beind in Bailb, risa raiter Benn Gulban, i
6393] Maenmaig. Ocus is annsin do-riacht Áed mac Muiredaig meic
6394] Fhinnachta, Connacht, i coinde nóem Pátraic, ó Dún Leóda
6395] Loingsig
co Beind in Bailb, risa raiter Benn Gulban, & tuc
6396] Connacht a chenn a n-ucht Pátraic, & ro t-shlecht dó, & tuc
6397] comus a chuicid o bic co mór dó. Ocus ro bói in ac indissin
6398] tuirrthechta na h-ingine do Patraic, & ‘in tussa in ingen
6399] tuc grád do ríg Connacht?’ ar Pátraic. ‘Is mé’, ar in ingen.
6400] ‘Ocus maith, a m' anum, a ingen’, ar Patraic, ‘is maith do delb
6401] & do tuaruscbail, & crét chothaigis sib a rind bur crotha & bur
6402] n-delba mar sin?’ ar Pátraic. ‘Cach áen ro bói ac ól fhleide
6403] Goibnind acaind’, ar in ingen, ‘ní thic saeth na galur ríu.
6404] Ocus maith, a m' anum, a naem-chleirig’, ar in ingen, ‘caide do
6405] breith orum-sa & ar rig Connacht?’ ‘Is maith h-í’, ar Pátraic.
6406] ‘Ro chindistar in do Dia & dam-sa’, ar Patraic, ‘a beith ar
6407] aen-mnái chengailti, & ní fhuil acainde dul tar in cinded-sin.’
6408] ‘Ocus missi no’, bar in ingen, ‘crét do-gén bodesta?’ ‘Dul do
6409] thigh & do t-shíd’, ar Pátraic, ‘& mád toisce ingen ríg Laigen
6410] anai-ssiu do beith-si d' aen-mnái acind fhir da tucais seirc &
6411] inmaine ó sin amach. Ocus da tucair-si adhmilled láe nó áidchi
6412] ar in ríg no ar in mnái’, ar Patraic, ‘millfet-sa tusa nach fá
6413] h-ail let mathair nó lét' athair nó ret buimme nó ret t' aiti t' fheicail.’


    6414] Patraic cecinit:
    1. 6415] A Aillind, a fhial- chorcra
      a ingen Buidb,
      6416] ní dechub duit iarmarta
      táet reomut cot chuirm.
    2. {SG page 215}
    3. 6417] Nír' bo eolus sidchaire
      toidhecht co Beind m-Bailb,
      6418] nir' bo engach fhir-gadhair
      rechaid riut in pailm.
    4. 6419] Bidh cáem ar ar comairchi
      in ingen do chéin,
      6420] soisscela Crist cumachtaig
      dar comét ar péin.

    5. p.178

    6. 6421] Beindechat-sa in cóiced-so
      om chonn is om cheill,
      6422] connach loitet allmuraig
      co millit fadéin.
    7. 6423] Na déna duind tabhartha
      a ingen mín mas,
      6424] eirig is beir bennachtain
      is imthigh fá blas.

    8. 6425]

      A Aillind.

¶ 474.
6426] ‘Ocus ind h-í-sin dáil chinti fuil acut?’ ar in ingen ‘gan mo
6427] thabairt-si don rig cen bias in ben út aici?’ ‘Is sí immorro’, ar
6428] Pátraic. ‘Cret fuil ann, a naem-chleirig.’ ar in ingen, ‘acht ar
6429] fír do breithri riut, damad thusca ben in ríg anú-ssa, mo thabairt-si
6430] dó.’ ‘Adeirim a fiadnaissi m' fhírinde’, ar Pátraic, ‘mád
6431] tóisci co tiubarthar thusa dó.’

¶ 475.
6432] Ocus is annsin ro chaiestar in ingen co falcmur fír-throm.
6433] ‘Is inmain let, a ingen, missi’, ar in . ‘Is inmain ám’, ar
6434] in ingen. ‘Ní fuil don droing daennachta nech is annsa lim-sa
6435] anai-ssiu’, ol in , ‘acht na fétaim techt tar slanaib & tar senad
6436] in Tailgind & Dia.’ Ocus at-racht in ingen roimpe dochum a
6437] sída 'arsin, noco tabair in scel fuirmed doridhissi furri.

¶ 476.
6438] IS ann ro badur in sluag & Patraic & Cailte co cenn
6439] teora lá & téora áidchi ina degaid-sin ac Beind in Bailb, &
6440] tangadur 'arsin rompo co rangadur Fert Fiadmóir ar Machaire
6441] in Scáil
, risa raiter Mag n-Áe meic Allguba isin tan-so, & ro
6442] t-shuidhetar in sluag uile ann, & suidhis Pátraic, conid Suidhi
6443] Pátraic
ainm in inaid-sin.

¶ 477.
6444] IS ann ro ferustar Connacht faeilte ré Cailte & ro
6445] fhiarfaig de: ‘Maith, a m' anum, a Chailti, cret má tucad {folio 140b2}
6446] Fert Fiadmoir ar in n-inad-so, & créd 'ma tucad Cnocc in
6447] Chircaill
ar in ard-so thiar, & cred fa tucad Cnoc in Chongna
6448] ar in cnoc-sa re thaeb?’

¶ 478.
6449] Fert Fiadmoir & Cnoc in Chircaill & Cnoc in Chongna.

¶ 479.
6450] Fregrais Cailte in cheist-sin, doig ro bói a fhís aice
6451] in ní dia raibe.
6452] ‘INgen mor-grádach maith ro bói ac Find mac Cumaill’, ar
6453] Cailte, ‘dar' bo chom-ainn Aí Arduallach ingen Fhind, & ro
6454] chuindig Fiadmor mac Airist, Alban, anall h-í ar a athair .i.
6455] ar Fhind. Ocus adubairt Find damad maith lé féin feis leis ní tibred-


p.179


6456] sum éra fair. Ocus ro fiarfaiged don ingin-sin, & adubairt na
6457] fáefad lé fer leth-amaich d' Eirinn. Ocus is annsin adubairt Find
6458] re ingin:’ ‘In duine do ér tú, a ingen, do- bér-sa thú dó .i. do
6459] rig Alban.’ Ocus do bói lendan acin ingin a Fiannaib Eirenn
6460] .i. Ailbhi Armderg o Athlis a h- ochlachaib Fheda Gaible anall,
6461] & is annsin adubairt h-Ái Ardual- lach: ‘maith, m' anam, a Ailbhi,
6462] cindus do-ni-si frium-sa & Find acom thabairt do ríg Alban?’
6463] Iss ed adubairt Ailbhi: ‘Éirig-si ar comairchi Guill meic Morna
6464] & Fhiann Eirenn gan tochmarc foréicne ort.’ Is annsin do
6465] t-shnaidm in ingen a comairchi ar tri h- aicmedaib cutruma ro bói
6466] issind Feind .i. ar Chlannaib Morna & ar Chlannaib Baiscne &
6467] ar Chlannaib Nemnaind, & naidmis ar in Feind uile a comairchi,
6468] & faemait in Fhiann.

¶ 480.
6469] ‘Ocus is sí aes & uair tainic Fiadmor mac Airist, Alban,
6470] tri catha mora co Traig Eochailli & a da brathair maraen ris
6471] .i. Circull & Congna a n-anmanna. Ocus rainic fis uaithib co Find
6472] conici in carnn-sa ar cenn a mná’, ar Cailte, ‘& ro érastur in
6473] ingen-sin, & at-bert-som muna tuctha dó h- í cath d' fhogra ar in
6474] Féind o ríg Alban, & adubairt nach rachad a h-Eirinn nó co
6475] m-bered béo nó marb a mná leis nó cenn Find. Ocus adubairt
6476] Find: ‘Eirget triur uaib’, ar Find, co h-Es na n-Én botuaid,
6477] risa raiter Es Dara aníu, & dénat foraire & forcomét ar na h-allmurchaib
6478] atá ar Tráig alaind Eochaille thuaid.’ ‘Ocus ro
6479] fregramar-ne triúr don Fhéin sin’, ar Cailte ‘.i. mé féin & Diarmait
6480] ó Dúibhne & Oscur mac Oissin. Ocus amal ro siachtamar- ne
6481] co cenn na trága at-chonncamar in triúr fer mor dar
6482] n-indsaighid, & ro chomraicemar ar lar na trága ar seisser óclach,
6483] & ro fhiarfaigem-ne scela díb’, ar Cailti, ‘& ro indisetar
6484] Alban do beith ann triur óclach .i. h-é féin & a dá brathair
6485] maraen ris .i. Circall & Congna, d' iarraid baegail echta ar
6486] in Fein.’
6487] ‘Dar mo breithir ám’, ar Cailti, ‘damad áil lib-si ail nó
6488] esbaid ar in Féin do-béradh sib orainde bur n- aghaid, & ro bad
6489] olcc le Find sind.’ ‘Ocus damad esbaid sib’, ar Alban,
6490] ‘cid duinde gan bur n-esbaid air?’

¶ 482.
6491] ‘Ocus annsin ro chomraicemar’, ar Cailte, ‘comrac fuilech


p.180


6492] fobartach fír-neimnech, & ro luathaigit láma lind, & ro bailcit
6493] beimenna, & co cruadaigit craidida, & ro tairssit traigthi. Ocus
6494] ro bámar-ne ar in comrac ó fhuined nell nóna co tainic maiten
6495] arnamairech, co rabadur ar cuirp ina cró-lintib fola, & cid ed
6496] tra is sinde fa trén issin chomrac’, ar Cailte, ‘issin maitin arnamairech,
6497] & ro bensumar a tri cind díb-sium. Ocus ro chocrumar
6498] comairli do dénam .i. cind in trír do breith lind &
6499] tiachtain ar ar n-ais, & ro loccamur in comairli- sin’, ar Cailte, ‘&
6500] ro impaimar dochum na loingsi ar in traig, & ro marbsum tri
6501] cét óclach díb inar cét- chuindscléo catha, & ro dáilset na tri
6502] catha oraind, & ro bamar ac cathugud riu ré h-ed in chaem-laithe
6503] cháidchi, & ind uair at-chonncadar-sum a trénfhir do thuitim
6504] ro mebaid díb dochum a long & a lú-bárc. Ocus tangamar-ne
6505] co créchtach cró-lintech as.’

¶ 483.
6506] Ocus is annsin ro gab eacla in flaith Find ass ar los-ne, & {SG page 216}
6507] adubairt: ‘Eirgid, a Fhianna’, ar se, ‘a n-degaid in trír óclach do-chuaid
6508] úaib’, ‘& in trath do eirgetar in Fhiann’, ar Cailte, ‘ina tri
6509] cathaib cengailti, is annsin do-riachtamar- ne {folio 141a1}conici in
6510] tulaig-sea’, ar Cailte, ‘& do chuirsimar na tri cind ar lár a fiadnaissi
6511] Fhind.’ Ocus adubairt láid:

    1. 6512] In triur do-chuadmur bothuaid
      in n-dáil catha claidim-ruaid,
      6513] ro marbamar cét cach fhir,
      ar in tráig álaind aen-gil.
    2. 6514] Mé bodéin is Diarmait donn
      ocus Oscur aith étrom,
      6515] ro marbsum tri cét 'sin cath
      do t-shluagaib na n-allmurach.
    3. 6516] Tucsamar lind na tri cind
      nochur'b é in turus trúag-tim,
      6517] corub díb o sin ille
      na tri tulcha toghaide.
    4. 6518] Adeirim-si rit reime
      is fír in ní raidim- ne,
      6519] tucus cend Fiadmoir, fir dam
      isin n- iarnoin ar n-imscar.
    5. 6520] Ba mor ar m-brig iss ar m-blad
      mor ar n-einech 's ar n-engnam,
      6521] ní raibi ac imarcur sciath
      nach dingébmais inar triar.

    6. 6522]

      IN triar.

¶ 484.
6523] ‘Ocus is missi ro marb Fiadmor, & Diarmait ro marb Circull, &
6524] Oscur ro marb Congna, & tucad na tri cind-sin ar na tri
6525] tulchaib-seo, conid uatha atáit na h-anmanna-sin orro, & conid
6526] cath Tragha Eothaile ainm in catha-sin isin fhian- naigecht.’

¶ 485.
6527] ‘Ad-rae buaid & bennachtain, a Chailti’, ar Connacht,


p.181


6528] ‘& da mád áil let, séoit & maine do-rechad duit.’ ‘Is ferr-de
6529] thusa a tairgsin-sin, & ní ricim-si a les iat.’

¶ 486.
6530] IS annsin tangadur na sluaig reompo co Breicsliab .i.
6531] Sliab Formaile i Connachta
, risa raiter Sliab Formaile i Connachtaib
6532] isin tan-so, & co Suide Find a mullach in t- shleibe, &
6533] mar do t-shuidhidur ann ro moidedur déra co tróm falcmur tar
6534] a gruaidib do Chailti ac feicail inn inaid a m-bíth Find mac
6535] Cumaill ina t-shuidhe. ‘Ocus créd do- beir cáí ort, a m' anam, a
6536] Chailti?’ ar Connacht, ‘& in ac feicail in inaid a m-bid Find
6537] ina t-shuidhe & Formaile na Fiann?’ ‘Iss ed immorro’, ar Cailte,
6538] ‘uair rogha selga na gnath-Fheinde in sliab-so, & Loch na n-Eillted,
6539] risa raiter Loch Formaile isin tan-so, & Cluain na Damraide, risa
6540] raiter Cell Tulach isin tan-so, & baile sin Conain Máil meic
6541] Morna, & Ros na h-Echraide risa raiter inn Airm isin tan-so,
6542] bail a m-bídis drong d' a echaib na Feinde, & Dún Saltrain Sálfhata,
6543] risa raiter Cell Chaimin ar Succa, & co Moin na Fostada,
6544] risa raiter Moin in Tachair Conneda isin tan-so, & co Carraic
6545] ind Fhomorach
, risa raiter Dún Mor isin tan- so.’

¶ 487.
6546] IS annsin ro fhiarfaig Connacht do Cailti: ‘Can do Fhind
6547] mac Cumaill?’ ‘Do Laignib’, ar Cailte. ‘Cá tuath do Laignib?’
6548] ar in . ‘A h-Íb Tairrsig Laigen’, ar Cailte. ‘Ca baile
6549] issin tuaith-sin.’ ar in . ‘A Glaissi Bulgain’, ar Cailte.
6550] Ocus adubairt Cailte: ‘Find mac Cumaill, meic Threduirnn, meic
6551] Trenmoir, meic Cairpri Garbsroin, meic Fiachach Fobric, a
6552] Glaissi Bulgain de h-Uaib Failge.’ ‘Ocus can da máthair dono?’
6553] ar Connacht. ‘Muirnne Munchaem, ingen Taidg meic Nuadat,
6554] do Thúaith Dé Danann. Ocus rob é-sin in lam thoirberta sét
6555] & maíni & indmusa iarthair thuaiscirt in betha, & rob é-sin in
6556] cóiced gaiscedach is ferr thainic ar cúl sceith & chlaidim, & ba
6557] ferr uim thidlucud set & tuarustail ro bói d' feraib in domain, &
6558] in tres fer is ferr thainic a h-inis na n- Gaeidel, & in tí nar' díult
6559] re nech riam acht co m-beth cenn ré caithem neich aicci & cossa
6560] re h-imthecht, & nar' dech tar a ais riam arna h-aprad nech da


p.182


6561] m-biath ina degaid ris comad eacla ra biath fair. Ocus ba h- é-
6562] seo’, ar Cailte, ‘rogha shelga a gnath- Fhéine in fhir-sin.’

¶ 488.
6563] ‘Ocus caide anmanna na gnath-Fheinde?’ ar Connacht re
6564] Cailte. ‘Ni ansa.’

¶ 489.
6565] ‘FIND mac Cumaill in cétna fer dib’, ar Cailte, ‘& Oissin
6566] cona ceithri macaib .i. Oscur & Oissind {SG page 217}& Échtach & Ulach
6567] a n-anmanna, & Raigne Rosclethan mac Find, & Caince Chorccarderg
6568] mac Find, & Uillenn Faebur- derg mac Find, & Faelan
6569] Feramail
mac Find, & Aed Becc mac Find, & Find Mor mac Cubain
6570] meic Murchada, rig- fhéindid Fhian Muman, & Find mac Temenain
6571] ríg-fhéinnid na n-Deissi Muman, & Find mac Casurla ríg-fhéindid
6572] Fiann m-Breg & Midhi, & Find mac Urgna ríg-fhéndid Chinel
6573] Chonaill
, & Find mac Fogaith, & Find mac Abratruaid, da ríg- feindig
6574] Dal n-Araide atuaid, & Find Bán h-úa Bressail, ríg-fhéndid
6575] h-Úa Ceinselaig, & Find Fer in Champair, ríg-fhéindid Alban,
6576] & Goll Guban & Cas Cuailgne, da ríg-fheindid fhiann Ulad, &
6577] tri meic Deghóic .i. Feth & Faeth & Foscud, & tri meic
6578] Aencherda Berra .i. Glas & Ger & Guba, & Cailte mac Ronain
6579] & a da mac .i. Faelan & Colla, & Goth Gaithe mac Ronain
6580] (is sé no bith urchur saeigde roim cach in tan ro thacrad a rith
6581] fein dó) & Lergan Luath a Luachair aníar (& is sé-sin
6582] do-beired na h-ellte d' edruth amal do-berid cach nech a ba
6583] disli). Diarmait h-úa {folio 141a2} Duibne d' feraib Muman (arna
6584] raibe scís cos, na luas anála, na scís maigi na taighi riam)
6585] & Mac Lugach lonn laidir, sóer- maccáem Fhiann Eirenn & Alban,
6586] & aidlenn gaiscid na fiannaigechta uile, & Bran Bec o Buadachain
6587] .i. grechtaire Fhiann Eirenn & Alban, & Scannal h- úa
6588] Liathain taíssech maccaem Fiann Eirenn & Alban, & Sciathbrec
6589] mac Dathchain saer-fher cluiche Fhiann Eirenn, & Goll mac
6590] Morna cona deichnebur ar fichit derbrathar & cona chuic cét dec
6591] d' aen-maicne, & tri fir in chair- chi o eochair-imlib t-Shléibe Fuait
6592] fonn-scathaig atuaid, & tri cairchi chiuil accu, & iat ica chur


p.183


6593] a n-ucht a cheile, & ni bith duag na deccair ar nech in tan do
6594] chluined in ceol-sin ro chanad in cairche cíuil accu.’ ‘Ocus caide
6595] anmanna na n-óclach-sin?’ ar Connacht. ‘Luath & Leitmech &
6596] Lanlaidir a n-anmanna’, ar Cailte, ‘& don gnath-Fheind iat’, ar Cailte.

¶ 490.
6597] ‘Conid iat-sin anmann na triath & na tigerna & na fer
6598] feraind
do bith ac Find, & do freslad & do biathad fá thrí h- é
6599] cacha bliadna ina lis féin, & ro chanad in dord fiannachta.
6600] Conid h-í-sin, a Connacht, in cheist ro fiarfhaigis dím.’
6601] Ocus ro thuit-sium ar in tulaig í roibe a nellaib & í támaib
6602] annsin, & ro bói teora lá & teora áidchi annsin gan tuailnges
6603] aistir na imthechta a h-aithle a choicle & a chomalta. IS annsin
6604] ro gabad longport ac ríg Connacht annsin, & do-rigned
6605] fothrucud accu do Cailti.

¶ 492.
6606] Ocus tar a éis-sin tangadur in sluag reompo co rangadur
6607] Clúain na n-Dam, risa raiter Cluain Imdergtha issin tan-sa, &
6608] ro gabsat longport ann, & {SG page 218}ro bennaig Patraic in baile. Ocus
6609] ro fhíarfaig Connacht do Chailti: ‘crét 'ma tucad Cluain Dam
6610] ár in n-inat-so, & crét 'ma tucad Clúain Imdergtha ar in cluain-
6611] seo?’ Ocus ro fhrecrais Cailte sin .i. ‘turchairthe selga fuair
6612] Find annso, & tri catha na Féine .i. dam cacha deissi d' Fhiannaib
6613] Eirenn & tri daim d' Fhind, & is aire-sin tucad Cluain Dam
6614] ar in n-inad-sin. Ocus is uime thucad Cluain Imdergtha fair
6615] .i. in tan ro badur Clanna Morna ac foghail ar Fhind, nír'
6616] rathaigetar in t-inam ro badur ar a cuit & a comraind ina fiadnaissi
6617] co tangamar-ne tri catha na Féine cor' gabsamar um inn
6618] druim-sea umpu. Ocus adubairt Goll mac Morna:’ ‘is mor in
6619] t-imdergad’, ar se, ‘tucsat na fir duind.’ ‘Ocus cá ferr ainm
6620] da m-biad ar in n-inad-sa?’ ar Conan Mael mac Morna,
6621] ‘ina Cluain Imdergtha?’ ‘Conid de-sin tucad Cluain Imdergtha
6622] uirre. Ocus a maith ní dleghmait do cheilt ar Chlaind
6623] Morna
’, ar Cailte, ‘acht tangadur ina cipe throm trén-laidir
6624] trí lar catha na Feinde amach, & ní rainic fuiliugud na
6625] fordergud uainde orro, & ro t-shuidemar ac na teintib annsin,
6626] & tucad sithel ban-óir chum Find co n-uisci inti, & nighid a


p.184


6627] gnuis & a láma aisti, & cuirid a ordain fa dét fis, & ro faillsiged
6628] fírinde dó, & ro thairrnngair co ticfatais nóim & fireóin
6629] andso, & adubairt:’

    6630] Rann.
  1. Druim os loch bid ceall t-shidach
    cid port rigrad ar sodain,
    6631] cadus ar Cluain Imdergtha
    tiucfa re deired domain.

¶ 493.
6632] Ocus tangadar rompo na sluaig iarum co Cluain Carpait
6633] siar a m-Breichthír, risa raiter Firchuing isin tan-so .i. carpat
6634] Pátraic ro moid ann, & ro t- shuid naem Patraic ar in firt fótbaig
6635] ar moidm na cuinge, & ní cían ro badur ann co facadur in
6636] carpat da n-indsaige, & gilla óc issin charpat, & ba comderg re
6637] corcair chaille cechtur a da gruad, ba comglas re bugha cechtar
6638] a da roscc, & ba geal cach ball aile ina cholaind, & ba comdub
6639] re gual in blai futairlli do bói fair, & tainic da n-indsaigid
6640] mar-sin. ‘Ra thoillfed ort, a fhir in charpait’, ar Beineon, ‘foirithin
6641] nóem Pátraic?’ ‘Cia siut amlaid?’ ar in gilla óc. ‘Patraic
6642] mac Alpraind siut’, ar Beineon, ‘.i. cenn irsi & crabaid fer
6643] n-Eirenn.’ Ocus ro eirig in gilla assin charpat, & tuc a chenn
6644] a n-ucht Pátraic & adubairt: ‘Ní maith in carpat ré roind’,
6645] ar se, ‘& in carpat uile do Pátraic.’ ‘Raith duit gan chomraind
6646] & dot mac & dot' úa’, ar Pátraic, ‘& cá
[...]
léo .i. thusa a
6647] maccáim?’ ar Pátraic. ‘Dub mac Muirgissa (meic) (Tomalt)aig
6648] misi’, ar se. ‘Is fír um’, ar Beineon, ‘is (rodub.)’ ‘Mo debroth
6649] um’, ar Pátraic, ‘bid h-Í Raduib cháidchi (festa dot shíl)
6650] {folio 141b1} & dot shémed tré t' umaloit.’ ‘Mo maicne-si duit-siu
6651] eter béo & marb’, ar in gilla. ‘Ac eter’, ar Pátraic‘.i. i cind
6652] cét bliadan oníu do béo & do marb dam-sa & do Dia co brath.’
6653] Ocus adubairt Pátraic:

    1. 6654] Radub caithfid mor do rath
      sochaide a t-shil o so amach,
      6655] uada in tres aicme co m-buaid
      i crich Connacht in mor-shluaig.
    2. 6656] Da rabat sunn h-aithle áir
      Clann Raduib co mét conaich,
      6657] acht adhlaicfer co bráth m-bán
      am Fhabhur is am Chruachan.
    3. 6658] Fácaim-si dóib na n- inadh
      búaid n-abbad is buaid filed,
      6659] buaid tighidhís orro de
      búaid céille is buaid comairle.
    4. 6660] Adeirim-si rib-si de
      bid fír dam ind fhaistine,
      6661] ragait a fir or and or
      iss ed geinfes ó Radub.

    5. 6662]

      Radub


p.185

¶ 494.
6663] ‘Ocus is cet lem’, ar Pátraic, ‘grindiugud cacha dala &
6664] cacha caingne risa racha fer do t-shil do dénam dó, acht corub
6665] cóir. Uair is co grind tucais in carpat dam.’

¶ 495.
6666] Ocus ní cian ro badur ann co facadur in carpat aile da
6667] n-indsaigid, & da ech chutruma chom-méite fáe, & ben chro-derg
6668] issin charpat-sin, & brat cro-derg uimpi, & delg óir issin brut,
6669] & lann d' ór buidhe re h-étan. Ro thairl- ing assin charpat, &
6670] tuc a cenn a n-ucht Pátraic, & ro slecht lb dó. ‘Cia tusa, a
6671] ingen?’ ar Patraic. ‘Aiffi Derg, ingen Chonaill Chostadaig,
6672] ingen rig Connacht mé’, ar si, ‘& mathus mainech mor-adhbul
6673] fuil acum’, ar in ingen, ‘& da chomairli riut-sa thanac cá fer
6674] risa fáeiub, uair is tú aen-duine is ferr a n-Eirind.’ ‘Ac sin
6675] accut’, ar Patraic ‘ar do leth-laim h-é.’ ‘Cia seo amlaid?’
6676] ar in ingen. ‘Dub mac Raduib meic Muirgissa meic Thomaltaig’,
6677] ar Pátraic. ‘Ca tindscra ocus ca tirfhocraic fuil aici
6678] dam-sa?’ ar in ingen. ‘Ca tindscra chuinghi ar in maccáem?’
6679] ar Patraic. ‘Mo beith d' aen-mnái ac in fhir do-béra mé’, ar in
6680] ingen, ‘uair ní h-oirches lem mo léicen dó.’ ‘In fáeme-si siut, a
6681] maccáim?’ ar Pátraic. ‘Fáemaim’, ar in maccáem, ‘cach ní
6682] adera-su rium do dénum.’ ‘Máss ed, fáe leissin ingin’, ar Pátraic,
6683] ‘& corob ria raib do clann & t' aicme, & tabair in
6684] comaid út di.’ Ocus ro fháei-sium lé amlaid-sin tre comairli
6685] naem Pátraic. ‘ócus gan in ferann bodesta’, bar inn ingen,
6686] ‘iss ed is doilig ann.’ ‘ócus cáit a fuil Connacht?’ ar Pátraic.
6687] ‘Sunna, a náem-chleirig’, ar in . ‘Ferann do thabairt
6688] dam don dis-seo’, ar Pátraic, ‘neoch tuc a comairle dam-sa.’
6689] ‘Rachaid um’, ar in , ‘in tricha cét is dual dó féin do fhleisc
6690] lama do beith occa araen.’ Ocus ro scarsat ris amlaid-sin.

¶ 496.
6691] IS annsin tangadur in sluag siar rompo co Bernnaid na
6692] Con
ind aidchi-sin, & iss é ba ar in tír annsin, Tigernach
6693] mac Cuind Chumachtaig. Ocus at-chuala in sluag- sin da indsaighe,
6694] & ro gab doichell & díbé h- é, & ro fhácaib a thír & a thalmain,
6695] & do-chuaid ar theiched ríg Connacht & Patraic. Ocus ro chuala
6696] Patraic sin & adubairt: ‘M' itgé-si ré Dia’, ar Pátraic, ‘corub


p.186


6697] forlamus airechta aile bias foraib tré bithu.’ Ocus ro t-shuidhestar
6698] in sluag for da raith ro bói ann, & leth in t- shluaig im cech
6699] raith dib.

¶ 497.
6700] IS annsin ro fhiarfaig Connacht do Cailti: ‘crét in da
6701] raith-seo ar atámait?’ ‘Da óclach grada d' Fhind mac Cumaill
6702] ro badur intib-sin .i. Conall Coscurach & Cobthach Cas, da
6703] mac rig Cheinéil Chonaill atuaid .i. da churaid & da chath-milid
6704] & da chliath berrnaig chét iat. Ocus ro badur bidbaid bunaid accu-
6705] sin a n-Eirinn .i. Clanna Morna, & rob é adhbur a m-bidbanais
6706] .i. selg t-Shleibe Gam do-rigned ac Find & ac Fiannaib Eirenn,
6707] & is annsin do-rala Conan Mael mac Morna ar aen-sheilg risna
6708] feraib in la-sin .i. mell-galach muintire eissium, & trotach
6709] (airecht)a & deabthach laithrech, & nir' t-shir cóir ar duine (riam,
6710] & tuc) a mallacht don duine do-berad cóir dó, & tri mallachtain
6711] Chonain Mail fuaradar Clann Morna uile bas & aided. Ocus
6712] {folio 141b2} ro duisced dam im-discir alltaide doib annsin, & ro
6713] diubraic Conan a t-shleg dó, & ro diubraigedar da mac rig Chineil
6714] Chonaill
a dá sleig dó, co tarladur ina crois trít, & adubairt
6715] Conan:’ ‘Léicid uaib in fiad, a fhiru’, ol se. ‘Ní léicfium’, ol na
6716] fir. ‘Ní mó ro marbuir-si h-é’, ar Conan, ‘annu-ssa, & is mé ro
6717] cét-goin h-é.’ ‘Dar ar m-breithir ám’, ar na firu, ‘acht gé ro loitis
6718] ní leicfither duit, & do-béram breth Find duit’, ar siat. Ocus
6719] ro frecair Conan co h-esccainti sin: ‘Mallacht ar in tí do-ber cóir
6720] dam’, ar se, ‘& ní thiber féin do neoch h-í.’ Ocus tócbais
6721] Conall in laim, & tuc buille dó do crann na sleighe bói ina
6722] láim do Chonan, gur fhacaib com-remur craind na sleige do chnoc
6723] & do chomarta fair. Ocus tangadur tiugh na Féinde eturru, &
6724] do-rigned etrain eturru mar sin.

¶ 498.
6725] Cid tra acht fala na achmusan ní thuc Conan de-sin nó co
6726] n-deachadur Clann Morna ar foghail & ar dibeirg ar Fhind, & ro
6727] badur meic Morna ac marbad a dalta & aessa grada Find, &
6728] tangadur, ar Cailte co Forba na Fer, risa raiter Lenna in Baili
6729] isin tan-so.

¶ 499.
6730] Is annsin adubairt Conan re Goll: ‘in fetrais, a ríg- fhéindid,


p.187


6731] a Guill, builli do chrann t-shleige do thabairt do mac rig Chineil
6732] Chonaill
dam-sa ac seilg th-Shleibe Gam, & is áil lem-sa dul
6733] da dighail-sin orro anocht.’ ‘Dar ar m-breithir ám’, ar Goll,
6734] ‘ní h-é ar cara budh ail lind do thachar riu, uair is grithugud
6735] áil aen-muice leo.’ ‘Rachat-sa ceithri cét óclach da n-indsaigid’,
6736] ar Conan. Ocus do eirgedar da mac brathar dó leis, Taman &
6737] Tren a n-anmanna, & do-riachtadur na ceithri cét óclach sin
6738] d' indsaighid in baile-sea i m-medon láe do ló. ‘Ocus do eirgedur-
6739] som ceithri cét aile da n- indsaighi’, ar Cailte, ‘& atorchair Trén
6740] & Taman lé da mac rig Cheneil Chonaill fa chétóir. Cid tra
6741] acht fer indisti scél na thuillti tuarustail ní thernó assin acht
6742] Conan 'na aenur, & iris a sceith imma braigit, & rainic reime
6743] conici in n-inad i r-rabadar a braithri.’

¶ 500.
6744] ‘Olc in turus-sin, a Chonain’, ar na braithri-so. ‘Ro
6745] thuitsemar-ne treomut-sa’, ar siat, ‘& ro thuit- setar da mac ar
6746] m-brathar & na ceithri cét fer do-chuaid let.’ ‘Ocus ro cuired
6747] na h-ocht cét óclach sin’, ar Cailte, ‘fo thalmain annso, & ro
6748] tócbad a lia ossa lighi, & ro scríbadh a n-ainm oghaim ind.’
6749] Ocus adubairt Cailte:

    1. 6750] Raith Conaill is Chobthaig Chais
      atait fan tulaig tonn-glais,
      6751] atáit ann o sin ille
      isin Chnuc 'na com- naide.
    2. 6752] Fertan Ailbi ocus Etain
      i cind Atha Imeacail,
      6753] fuaradur bás leor truaige
      do galur uilc aen- uaire.
    3. 6754] Mor cath, mor congal, mor tres
      mor sluag do-rignes d' aimles,
      6755] as bristi mo chraide am chlí
      ac faicsin na ratha at-chí.
    4. Raith.


6756] ‘IS mor in fis & in fír-eolus-sin ra indsis duind, a Chailti’,
6757] ar Connacht.
6758] Topur Patraic.

¶ 502.
6759] Ocus tangadur in sluag uile reompo, & Pátraic maraen
6760] ríu, co Muine na n- Ammaite siar, risa raiter Tipra Pátraic isin
6761] tan-so, & do-riacht in tíre d' indsaigi Pátraic .i. Conn Cumachtach
6762] a chom-ainm. ‘Ocus indis duind cid ima n-abar Muine
6763] na n-Ammaite
ris-seo’, ar Cailte‘.i. Nonbur ban ro bói ac ammaidecht,
6764] & ní léicdis ben na fer uaithib gan mar- bad, & ré ré


p.188


6765] fichet bliadan doib ic falmugud ind orba & ind feraind amlaid-
6766] sin. Ocus adubairt Conn Cumachtach re Pátraic:’ ‘Maith, a
6767] m' anam, a naem-chleirig, dingaib dind na h-amaiti & na h-aincisi
6768] atá ac milliud in tíri & in tal- man.’

¶ 503.
6769] IS annsin adubairt Pátraic: ‘Caide’, ar se, ‘mac na trath?’
6770] ‘Sunna, a naem-chleirig’, ar se. ‘Feg let in fuil uisci i comfhochraib
6771] duind.’ ‘Ní fheicim ann h-é’, ar in mac ecalsa. Is annsin
6772] tócbais Pátraic in laim, & sáidhis in trostan fa chomair in
6773] talman, gur' moidh in loch-topur glainide asin talmain. Ocus ro
6774] bennaig Pátraic in t-uisci, & adubairt:

    1. 6775] IN t-uisci acaind abus
      ar Patraic gan imarbus,
      6776] bid ordraic íc cách ule
      in topur án ainglide.

¶ 504.
6777] {folio 142a1} ‘IS cet lium-sa’, ar Pátraic, ‘corab coimde re teora
6778] la & re teora aidchi do cach aen ibius ní de, & cach aincis tar a
6779] racha a furtacht & a fóirithin dó.’

¶ 505.
6780] Ocus ní cian ro badur ann co facadur na náe n-amaiti
6781] duba duaibsecha sin da n-indsaighi, & damad gnáth marb a
6782] talmain do eirge do-berdais na h-eigmi do-nithi umpu do cach
6783] thaib díb. Ocus gabais Pátraic in t-uisci bennaichthi, & crathais
6784] arna h-amaidib h-é, & ro theichset uad co rangadur Inis Guil,
6785] risa raiter Inis na Scriine, ar Findloch Cera. Conid annsin
6786] ro cualadur in gul fa deired uaithib, & ro t-shuidedur in sluag
6787] 'arsin ar in firt fótbaig, & adubairt Connacht annsin: ‘Is
6788] tafann deig-cleirig tucais arna dem- naib, a chleirig’, ar se.

¶ 506.
6789] Ocus is annsin adubairt Cailte re Pátraic: ‘In fetrais, a
6790] naem-chleirig, soithfir dom riachtain-sea i cath buidnech Beindi
6791] h-Etair
thair?’ ‘Cá soithfir sin alé?’ ar Pátraic. ‘Mane mac
6792] rig Lochlann ro bói sleg neimnech aici, & ní therna duine di
6793] riam gan éc nó gan beith ainbech acht co n- gontái di h-é, & ro
6794] badur cét laech lan-chalma a comrac rim-sa issin cath’, ar
6795] Cailte, ‘& ro badhusa cind comraic riu-som, & ro diubraic Mane
6796] mac rig Lochlann misi gan rathugud dam ar lar in chatha, &
6797] ní fhetar-sa can assar' diubraiced dam h-í, acht at-chuala a fothrum
6798] & a fidhrén na sleige dom indsaigid’, ar Cailte, ‘& ro thócbus in


p.189


6799] sciath suas do chomét mo chind & mo chuirp, & nír' fhoir sin ní
6800] dam-sa, uair tís do-rala in t-shleg im' orcain & im' thairb-fheith
6801] mo choissi, co ro fhacaib in t-shleg a neim issin chois, & ní fhetaim-si
6802] gan dul d' iarraid furtachta & fhoirithnech.’ ‘Cia h-airm arb'
6803] áil let dul?’ ar Patraic. ‘Co h- Aed Minbrecc Essa Ruaid bothuaid’,
6804] ar Cailte, ‘& ban-cheile atá aicci .i. Bé Bind ingen Elcmair
6805] in Brogha, & is aicci atá deoch leighis & ícce Túaithe Dé
6806] Danann
, & is aicci atá in neoch mairis do fhleid Gaibnenn, &
6807] is sí dáilis doib h-í, & do bo gairit m' eolus & mo t-shligi da maired
6808] Find mac Cumaill & Oissin & Diarmaid & Oscur.’ Ocus adubairt
6809] in láid ann:
    1. 6810] Eólus dam astír bothuaid .
      co h-Es Moduirnn in mor-sluaig,
      6811] do leighis mo choissi de
      comad faidi-te m' uidhe.
    2. 6812] IS missi Cailti craide
      aen-mac Eithne Míngile,
      6813] is mor-sluag tucus a n-glas
      rob aithnid dam óclachus.
    3. 6814] Uch gan Oissin is gan Fhind
      is gan Diarmait mebair lim,
      6815] is gan Oscur miadach mas
      comad gairdi-te m' eolas.

    4. 6816]

      Eolus.

¶ 507.
6817] ‘Ocus cáid a fuil Cas Corach mac Cáincinde?’ ar Cailte.
6818] ‘Sunn, a m' anum’, ar Cas Corach. ‘Eirig & tócaib do thimpan
6819] ort co n-dernum imthecht.’ Ocus ro eirgetar, & ro gabad
6820] pater umpu, & adubairt Pátraic re Cailte: ‘Atá dal fer n-Eirenn
6821] i cind bliadna co Temraig, & tar-sa ann inar comdáil-ne & h-í
6822] comdail fer n-Eirenn co n-innisi tú ní dot mod-gnimradaib gaiscid
6823] fein & do gnimradaib Find meic Cumaill & Fian Érenn
.
6824] Ocus faemais Cailte sin & adubairt:’ ‘Cach ní aderussa
6825] rium do-gen-sa h-é’, ar Cailte. ‘Cubaid duit-siu’, ar Pátraic, ‘a
6826] rád-sin, uair is inmuin grádach lem-sa thú.’ Ocus timnais
6827] Cailte ceilebrad do Pátraic & do ríg Connacht annsin & don
6828] t-shluag uili, & do-lodur rompo co Síd Droma Nemed, risa raiter
6829] Síd Duma issin tan-sa, i l-Luighnib Connacht. Ocus mar rángadur
6830] co faichthe in t-shída & at-conncadur in t-aen- maccam, & brat
6831] uaine uimme, & delg óir ann, & mind óir uass a chind, & ba


p.190


6832] ceol bind in ní ro chanad, & tainic Cas Corach mac Cáincinde
6833] & tairbiris teora póc dó. ‘Caide adhbur bur caradraid, uair
6834] nirb' aichnidh duind anallana h- é?’ bar Cailte. ‘Atá adhbur
6835] acaind’, bar in maccaem, ‘inann mathair duind araen.’ ‘Ocus
6836] cá {folio 142a2} h-ainm thussa, a maccáim?’ ar Cailte. ‘Fer Maissi
6837] mac Eogabail m' ainm-si’, ar in maccaem. ‘Dar lind ní forainm
6838] duit’, ar Cailte, ‘uait is leor do mais- sige.’ ‘Ocus ticid issin síd
6839] anunn’, ar in maccáem. ‘Ní rechur’, ar Cailte, ‘nach tucthar
6840] a aithfir fort-su nó co cetaigi do lucht in t- shída.’ Ocus tainic in
6841] maccaem anunn, & ráidis do Fhergus Fholt- find mac in Daghda
6842] sin. ‘Eirig-siu ara cenn’, ar siat, ‘& tuc let isin síd iat, uair
6843] ní chualamar i com-ré ris mac óclaig bod fherr inás Cailte.’ 14
6845] ‘Ocus tucad issin síd iat, & ro freslad co maith do cach ní is
6846] ferr do bói accu iat, & ro badur re h-ed na h- aidhchi-sin ann.’
6847] ‘Ocus a maith, a m' anam, a Chailti’, ar Fergus mac in Dagda,
6848] ‘ata dornn-chor claidim accum, & is ail lem a chorugud duit-siu,
6849] uair ro opsat Túath Dé Danann a chorugud.’ ‘Tabar am
6850] laim-si h-é,’ ar Cailte, & tucad in claidim dó, & ro bói re h-ed
6851] in choem-laithe cháidchi 'cá chorugud, & tairnic dó a n-deired
6852] in láe h-é, & tuc in claidem i l-laim Fergusa 'arna dénum.

¶ 508.
6853] ‘Ocus in fitir tusa, a m' anam, a Chailti, adhbur bunaid
6854] lesaigthi in claidim-sin acainde?’ ar Fergus. ‘Ní fetar um’, ar
6855] Cailte. ‘Óclach atá a m- bidbanus re Túaith Dé Danann re fada
6856] d' aimsir .i. Garb mac Tairb Lochlann atuaid, & Eolus & a
6857] brathair, & teccaid cach tres bliadain, & coblach mor léo dar
6858] n-indsaighid, & is amlaid thecaid & ban-gaisccedach accu .i.
6859] Dreccain
ingen Iruaith a h-ainm, & ní bi diamair dí a síd do
6860] t-shidaib Túaithe Dé Danann, & ben doilbthi dráidechta ro oil h-í,
6861] & is aire-sin ná bi a síd do sídaib Túaithe Dé Danann

6862] ní nach roich lé do breith eistib-sin do t- shétaib & do
6863] máinib & do indmusaib léna h-eolus, co tabair-sí sluag & sochaide
6864] co lár cacha sída do t-shidaib Túaithe Dé Danann da n-argain
6865] & da n-inrad. Ocus ac-seo sleg it laim’, ar se, ‘& déna
6866] a indsma fa comair na ban- gaiscedaigi-sin.’ Ocus do-rat in t-shleg


p.191


6867] ina láim, & do indsma Cailte h- í. ‘Ocus acseo’, ar se, ‘fagha
6868] fogablach it laim, & déna a indsma fa chomair in tres fer dib-sin.’
6869] Ocus tuc in crann ina laim, & ro moidh ina h-indsma, &
6870] tucad secht craind dó, & ro moidhset 'na n-indsma, & in t-ochtmad
6871] crann tucad 'na laim ro indsmustar co trebair daingen h-é.
6872] ‘Ocus mo-genur’, ar-se Fergus, ‘do gebad carait do gébad do
6873] laim in triur fa n-dernad comair na h-airm- sin do tuitim léo.’
6874] ‘Ocus ca h-anmanna na h-airm-seo?’ ar Cailte. ‘Cró Cosccur ainm in
6875] chlaidim’, ar Fergus, ‘& Ben Bodbda ainm na sleige, & Deogh Bais
6876] ainm ind fhagha.’ ‘Ro bói a n-dán dam-sa’, ar Cailte, ‘echt
6877] do denam damad buidech fir Eirenn & Alban & Túath Dé
6878] Danann
, & ní derna-sa as m' óici sin, & cá fis nach aníu atá a
6879] n-dán dam-sa sin do denam?’

¶ 509.
6880] ‘Cia thoitis don chlaidim?’ ar Cas Corach mac Cáincinde.
6881] ‘In ban-gaiscidach’, ar Fergus. ‘Cia thoitis don fhagha?’ ar
6882] Fer Maissi mac Eogabail. ‘leith-rí in domain, nó leith- rí
6883] Lochlann, nó leith-ri Eirenn’, ar Fergus mac in Dagda. ‘Ocus
6884] cia toites do t-shleig?’ ar Cailte. ‘Garb mac Tairb, Lochlann.
6885] Atá a tairrngaire ic Túaith Dé Danann do thoitim di’, ar
6886] Fergus. ‘ócus leic im laim-sea in t- shleg’, ar Cailte.

¶ 510.
6887] Ocus ro badur ann mar sin re teora lá & re teora áidche
6888] ina degaid-sin, & ro thimnadar ceilebrad do lucht in t- shida, &
6889] tucsat léo na h-airm-sin, & tainic Fer Maissi mac Eogabail léo,
6890] .i. dalta Fergusa, & tangadur rompo co h-Es na n-Én, risa raiter
6891] Es Dara issin tan-sa, & do Droichet na Non- bor, risi raiter Droichet
6892] Martra
isin tan-sa,
& do Druim Derg na Feinde
6893] bothuaid, risa raiter Druim Cliab issin tan-sa, & {folio 142b1} tar
6894] Ath Daim Glais, & do Chailli in Chos- numa, risa raiter Cell
6895] m-Buadnatan
, & do Lighi in Fheindida, in bail ar' marb in mucc
6896] doilfi dráidechta Diarmait h-úa Duibne, & i Mag Céitne Meic
6897] Allguba
bothuaid, in bail i tabhartha a cáin do fhine Fomorach
6898] ó feraib Eirenn .i. ó Thuathaib Dé Danann, & do Choisceim
6899] Essa Ruaid
anuas, & d' Ard na Macraide bail a n-dendais macraid


p.192


6900] Túaithe Dé Danann a n-immain. Badar a n-dorus in t-shída
6901] .i. Aed Essa Ruaid & Ilbrec Essa Ruaid. Ocus ro ferad faeilti
6902] gan meing, gan mebail re Cailte accu.
6903] ‘Is tairissi lind ind fhaeilti-sin’, ar Cailte. Ocus is annsin
6904] tainic Bé Bhind ingen Elccmair in Broga amach cona tri .l.
6905] find-ban uimpi, & ro t-shuidh ar firt fótbaig, & tairbiris teora
6906] póc co dil & co dichra do cechtar de dib .i. do Chas Chorach
6907] mac Cáincinde & do Fhir Maissi mac Eoghabail, & ro fersat
6908] lucht in t-shída faeilti re Cailti & riu-sum. Ocus adubradur:
6909] ‘Olcc in caradrad duib in bail a cluinfed sib mor-éicen orainde
6910] gan tuidecht dár fóirithin.’ ‘Ní re h-engnam ro h-ailed mé féin’, ar
6911] Cas Corach mac Cáincinde, ‘acht ind uair bud chóir nó budh ail
6912] duib-si m' eladhu do dénam duib do-genaind h-í.’ ‘Ní ré gaisced
6913] atámaid anallana etir’, ar Fer Maissi mac Eogabail, ‘ocus do-génam
6914] cungnum lib-si ind uair ricfaidthi a les.’ Ocus is annsin
6915] ro indis Cailte a thoisc & a thurus do lucht in t-shídha. ‘Do-gentar
6916] do leighis acainde co maith’, ar siat. Ocus tangadur
6917] anunn issin síd 'arsin, & ra badur ann re téora & re teora
6918] áidchi ac ól & ac aibnius.

¶ 512.
6919] Ocus in fer thainic co dorus in t-shída adubairt co raibe in
6920] cuan lan do longaib & do lú-barccaib amuich, & co tangadur
6921] sluagh mor-adhbul ar in tráig suas. Ocus is gan áirim sin,
6922] adubairt Cailte:

    1. 6923] IS é lín tainic ille
      míle long co h-esmaire,
      6924] tangadar co cenn trachta
      seirrgind ocus sith- barcca.

¶ 513.
6925] ‘Maith, m' anum, a ríg- fhéindid, a Chailti’, ar siat, ‘cid as
6926] chóir duind do dénam?’ ‘Comha t- shída as chóir duib d' iarraid
6927] orro’, ar Cailte, ‘nóco n- dernad Túath Dé Danann tinol &
6928] toichestal.’ Ocus do- rónad mar-sin. Ocus ro thinoladur Túath
6929] Dé Danann
co rabadur da cath déc ar faichthe in t-shida 'arnamairech.
6930] Ocus do-riachtadur techta ón loingis da n-indsaighi,
6931] & adubradur: ‘Tabrad Túath Dé Danann braigde duind’, ar
6932] siat re feraib Eirenn. ‘Ocus cindus do-gentar sút, a Chailti?’


p.193


6933] ar lucht in t-shida & ar maithi Tuaithe Dé Danann. ‘Denam in
6934] da chath déc so atámait co cenn na trága da fechain’, ar
6935] Cailte. Ocus tangadur rompo marsin in da cath déc sin, &
6936] adubairt Cailte: ‘In fuil carpat cucht-glinde ac nech accaib?’ ar
6937] Cailte. ‘Atá accum-sa’, ar Midhir Mongbuide mac in Daghda.
6938] Ocus tucad chucu h-é, & do-chuaid Cailte issin carpat, & tucad
6939] in t-shleg dó .i. Ben Bodba, & do chóirgetar na h-allmuraig ámdabhach
6940] do sciathaib ina timchell, & is annsin tuc-sam a glun
6941] clé rissin carpat & tuc a chorr-mér gais- cid i suainem na sleighe,
6942] & do-rat urchor do ríg Lochlann, co tarrla in t-shleg co dírech
6943] chuice, cor' daer-briss a druim ar dó ann, & ro thoit in ar
6944] lár a t-shluaig, & ro scarasdur anum re corp dó mar sin. Ocus
6945] adubairt Cailte:
    1. 6946] IN Garb ro marbad ar tus
      a mesc a t- shluáig 'na remtus,
      6947] ro marb Cailte cona neim
      d' urchuir aindisc rop engbaid.

¶ 514.
6948] Ocus ro thócbadur a muinter léo h-é ina luing 'arsin, &
6949] adubradur in sluag: ‘as mor in gnim do-rinde in duine’, ar siat,
6950] ‘.i. in nech as ferr do bói ar in domun do marbad d' aen-urchor.’
6951] Conid Traig in Gairb ainm na trága da éis.

¶ 515.
6952] IS annsin adubairt {folio 142b2} in ban-gaiscidach rissin sluag:
6953] ‘Eirgid-si in bur longaib’, ar si, ‘& biat-sa re h-aghaid Túaithe
6954] Dé Danann
. Ocus is annsin ro fhiarfaig Cas Corach mac Caincinde
6955] do Thúaith Dé Danann:’ ‘In fuil sciath catat com-daingen
6956] acaib dam-sa?’ ar se. ‘Atá accum-sa’, ar se Donn mac Midhir.
6957] ‘Tabhair dam-sa am' laim h-é’, ar Cas Corach. Ocus tucad in
6958] sciath dó-sum, & ro gabusdar h-é, & tuc in claidim ina laim
6959] leis, & tainic reime mara raibi in ban-gaiscedach ac foraire &
6960] ac forcoimet a loingsi. ‘Maith, a m' anum, a maccaim’, ar sí
6961] ‘crét tú féin?’ ‘Do comrac riut-sa thanac’, ar se. ‘Gusaníu
6962] riam’, ar in ban- gaiscedach, ‘nir' comrac duine nó deissi missi’,
6963] ar sí, ‘& ba minci lem m' ecla ar cath croda cutruma; & tusa,
6964] a maccáim, is becht nach fuarais inadh issin doman
6965] in trath tangais do comrac rium-sa.’ Ocus is annsin ro
6966] chomraicetar co fuilech fobartach fír-gnimach indus co tuc cechtar


p.194


6967] díb .xxx. crecht n-ághmur n- in-othrais ar a cheile. Ocus táinic
6968] maccaem ina timchell co tric & co tindisnach ic á h-airlech, {SG page 219}&
6969] tarraid béim baegail tar bile in sceith furri, cor' ben a cenn di,
6970] & tuc leis h-é d' indsaighi Túaithe Dé Danann. Ocus adubairt
6971] Cailte:

    6972] Rann.
    1. Ro marb Cas Corach na cét
      in n-ingin, ní h- imarbrég,
      6973] ro fhagaib h-í ar in tráig
      is cubur ina comdáil.

¶ 516.
6974] Ocus adubradar sluag Lochland: ‘Is mor in gnim do-rinde
6975] in maccaem’, ar siat, ‘.i. in trén ro bói acaind, & ro dingbad
6976] cach éicen dind, do marbad inar fiadnaissi.’

¶ 517.
6977] Ocus is annsin ro rígsat in loinges-sin Eolus
6978] derbrathair in rig, & tucsatar ardrigi dó, & tangadur a tír do
6979] fhogra catha ar Túaith Dé Danann. ‘do-bérum in cath’, arsi
6980] Túath Dé Danann, ‘uair is ussa 'sa chach lind cath do thabairt
6981] dóib.’

¶ 518.
6982] Ocus is annsin ad-racht Fer Maisi mac Eogabail mochtrath
6983] do ló resiu do éirig nech don t-shluag, & ro gab in fhagha fogablach
6984] ina láim, & is uime adertha ‘fagha fogablach’ ris .i. cóic
6985] gabla no bith ar cach táeb de, & corrana ar cach taeb díb-sin
6986] co tescfad cach corran díb finda a n-aghaid in t-shrotha. ‘Ocus a
6987] mo déé’, ar in maccáem, ‘ca delb duine Eolus?’ ‘Óclach is
6988] cruthaige & is ferr delb d' feraib in domain’, ar in fer ro bói
6989] ina fharradh. ‘Na h-eirig a n-imcian úaim etir’, ar in maccaem,
6990] ‘acht bí ac munad eolais dam.’

¶ 519.
6991] Ocus is annsin ro gabusdur Eolus a chath-erred comraic &
6992] comlaind
uime, & ro gab a arm-gaiscced ina laim, & tainic ar
6993] sceimel-bord na luinge amach. ‘Ac siut, a maccáem’, ar se, ‘in
6994] fer 'gá rabais d' iarraid orum do munad duit, & in mind óir fá
6995] cenn, & in sciath cro-derg fair, & in t- étach engach uaine uime.
6996] Ocus is annsin tuc-som a chos re tacca na talman, & tuc a
6997] mér a súainim ind fhagha, & tuc urchur dó co tarla a m-bili in
6998] sceith co ráinic trít & cor' daer-bris a druim ar dó ann, & cor'
6999] chuir a chraide ina dub-lia fhola tar a bél amach, & cor' gab
7000] rind ind fhagha bord na luinge trithi. Ocus adubairt Cailte:’


p.195


    7001] Rann.
    1. Ro thoit lé mac na maissi
      Eolus ba lán-chaem taissi,
      7002] cor' fhacaib h-é ar in tuind
      i l-leapaid ind-uair étruim.
    2. 7003] IS é-sin scél na trága
      cip é no beth 'gá ráda,
      7004] esbaid in t-shluaig táinic thuaid
      a Lochlaind co méit mor-uaill.

¶ 520.
7005] Ocus dala in t-shluaig assa h-aithli-sin, ó 'tchonncadur in
7006] triur-sin do thuitim, adubradur nach tibhradais cath do Thúaith
7007] Dé Danann
, & ro imthigedar da tír féin. Ocus adubairt Cailte:

    1. 7008] Is faeilid lucht in t-shída
      dar lind ní conair chissa,
      7009] ar tiachtain dóib 'sa cath cas
      gan esbaid, gan imurbas.

7010] Ocus ro h-urdraiced fó Eirinn in triur-sin do thoitim, &
7011] ba h-amra {folio 143a1} le Túaith Dé Danann & lé feraib Eirenn
7012] uili in gnim-sin .i. in drem ticed cach sechtmad bliadain da
7013] n-argain & da n-indrad a toitim leissin triur-sin.

¶ 522.
7014] ‘Ocus caid a fuil Eogan fáid?’ ar Cailte. ‘Sunna’, ar
7015] Eogan. ‘Faghaib a fhis {SG page 220}& a fhir-eolus dam-sa mo t-shaegal, uair is
7016] crot-ball senórach mé & deired aissi dam.’


    7017] Cailte cecinit:
    1. 7018] Abbair rium, a Eogain fáid
      taccair re Cailte don raith,
      7019] cid atá dom t-shaegul cert
      cá fat biu-ssa ar toirimthecht?

    7020] Eogan cecinit.
    1. 7021] Secht m-bliadna déc ón ló aníu
      duit, a Chailti co cáem- chlú,
      7022] co taethais ic Lind Temrach
      cid doccair leis- sin teglach.

¶ 523.
7023] ‘Ad-rae buaid & bennacht, a Eogain’, ar Cailte: ‘is inunn
7024] in fhaistine-sin & in fhaistine do-rinde mo thriath & mo thigerna
7025] & m' oide cáem carthanach dam-sa .i. Find.’ ‘Ca saegal’, ar
7026] siat, ‘adeir Eógan fáid do beith accut?’ ‘Secht m-bliadna déc’,
7027] ar Cailte. ‘Bid fír sin’, ar siat, ‘uair ní dubairt-sium saegal do
7028] beith riam ac nech nach ticfad dó-sin, & do bói ic á indissin
7029] re mor do bliadnaib in triur út do thoitim lib-si dona h-armaib-
7030] sin.’ Ocus adubairt Cailte:


    7031] Rann
    1. Adeirim-si rib roime
      bid fír dam ind fhaistine,
      7032] is ní cheiliub ar in sluag
      a canaim re h- Eogan rúad.

¶ 524.
7033] ‘Ocus maith ám, a lucht in t-shida! in toisc risa tanac-sa da bur
7034] n-indsaigi: dentar mo leighis & mo lessugud bodesta’, ar Cailte, ‘&
7035] tucus lóg mo leighis duib, & in socur is mó do-rigned duib riam
7036] is misi do-rigne duib h-é.’ ‘Is fír am a dénam duit’, ar siat, ‘&


p.196


7037] do-gentar linde sódh crotha duit’, ar siat, ‘co rabais fa luth &
7038] fá lán-choibled, & sóer-macanacht Túaithe Dé Danann duit leis-
7039] sin.’ ‘Truag dono sin’, ar Cailte, ‘& missi do gabail deilbe
7040] druidechta umum. Ní géb acht in delb tuc mo Déntaid & mo
7041] Dúilem & in fír-Dia for-orda dam, & iris chreidme & crabaid in
7042] Táilgind in tí tarrus a n-Eirinn.’ Ocus adubradur Túath Dé
7043] Danann
: ‘Guth fír-laich & fír- gaiscid sin!’ ar siat, ‘& is maith in
7044] ní ráidi, & cairde iarrmait umut leighis’, ar siat. ‘Crét adhbur
7045] na cairde?’ ar Cailte. ‘.i. tri fiaich tecait chuccaind atuaid
7046] cacha bliadna, & ind uair bid macraid in t-shida oc imain toirnit
7047] ar in macraid & berid fer cacha fiaich leo díb.’ Ocus adubairt
7048] Ilbrecc:

    7049] Rann.
    1. An triar theccaid don t-sháile
      adhaig t- shamna bha báire,
      7050] is berait triar don fhaichthi
      in triar uathmur anaichne.

7051] ‘Ocus adhbur do cairde sin, a Cailti’, ar lucht in t-shida.

¶ 525.
7052] Ocus ro badur ann ré h-edh na h-aidchi-sin co tainic lá
7053] cona lán-shoillsi arnamairech. Is annsin ro éirgedur Túath Dé
7054] Danann
i fiadnaissi na h-immana, & tucad fidchell cacha seissir
7055] dóib, & branndub cacha cúicfhir, & timpan cacha fichet, & cruit
7056] cacha céit ic a seinm acco, & cuislenna féighe forbartacha cacha
7057] nonbair.

¶ 526.
7058] Ocus issin n-uair-sin at-conncadur na tri fiaich a fudomain
7059] in mara atuaid, cor' turrnsatar in m-bile m- búada do bói ar in
7060] faichthe mar a ticdis riam roime, & ro léicset tri screcha
7061] doilgi duaibseacha eistib, & da mad gnath mairb a tal- main nó
7062] fuilt do chennaib dáine do-berdais na tri screcha-sin cor' mesc-buaidhirset
7063] in sluag uile. Ocus do gabusdur Cas Corach mac
7064] Cáincinde fer d' feraib na fidchle, {SG page 221}& tucusdur urchur d' én díb,
7065] co tarrla ina bel & ina braigit, & cor' marb d' aen-urchur h-é.
7066] Ocus ro diubraic Fer Maissi mac Eogabail urchur d' én aile, & ba
7067] h-ed in cétna dó. Ocus do diubraig Cailte urchur don tres
7068] h-én, co rus-marb fan cuma cétna. Ocus adubairt Cailte:


    7069] Rann.
    1. Cas Corach is Fer Maissi
      marbsat da én ingaissi,
      7070] ro marb Cailte, is ceird lamaig
      in tres én i folámaig.

p.197

¶ 527.
7071] Ocus fuaradur na h-eoin bás léo amlaid-sin, & adubairt
7072] Cailte: ‘atorcradur na h-éoin {folio 143a2} tra, & déntar mo leighis
7073] bodesta.’ Ocus adubradur lucht in t-shída: ‘In fetrais, a Cailti,
7074] glifit mór i l-lenmain Túaithe Dé Danann fada anois?’ ‘Ca glifit
7075] sin?’ ar Cailte. ‘tri meic rig Ulad atuaid .i. Conn & Congal
7076] & Colla atait ac fogail forro.’ Cailte cecinit:

    1. 7077] Conn is Congal is Colla
      ní h-inmain triar cutruma,
      7078] sirit mor n-ard is n-achad
      ac digail a sen-athar.
    2. 7079] Teccait sunn cacha bliadna
      ní do choimet ar riagla,
      7080] is marbthar triar uainde ann
      nocho n-é in comrac comthenn.
    3. 7081] Adeirim-si rib reime
      bid fír dam ind fhaistine,
      7082] is siat-sin muirfither ann
      meic ríg Ulad nach imgann.

    4. 7083]

      Conn.

¶ 528.
7084] ‘Ocus tecait in triar-sin chuccaind cacha bliadna’, ar Ilbrecc,
7085] ‘d' iarraid éiricce Echach Mundeirg ríg Ulad a sen-athar ro
7086] marbsat Túath Dé Danann i cath Traga Baili thuaid, & sirit
7087] comrac trír cacha sída a n-Eirinn cacha bliadna, & ní bá comthenn
7088] in comrac ruc sin’, ar Ilbrec, ‘uair in triur téighed
7089] uainde issin comrac ro marbtha iat, & térnaid in triar brathar
7090] as; & do lucht in t-shída-so roiches isin bliadain-seo comrac do
7091] denam ríu.’

¶ 529.
7092] Ocus is ann ro bói dís mac rig Ulad in tan-sin a m-Bennaib
7093] Boirchi
í cuicid Ulad thair a h-aithle fhogla & díbeirge
7094] ar Túaith Dé Danann cacha bliadna. IS annsin adubairt mac
7095] dib: ‘Cá síd is lind a m-bliadna d' indsaigit?’ ‘Síd Ilbricc Essa
7096] Ruaid
’, ar na braithri. ‘Atá óclach do muintir Fhind meic
7097] Cumaill annsa t-shid-sin’, ar fer dib, ‘& dís maccaem ina
7098] farrad, & do bo iumgaibthi cach n- ágh & cach n-eislind
7099] dóib, & adéraid-sin da n-dernam-ne imgabail in t-shída is
7100] ara n-agh & ara n-eislind féin do-genamais.’ Ocus ro badur
7101] and ind áidchi-sin, & ro daingnigetar a n-airm & a n-il-fhaebair,
7102] & ro riachtadur co moch arnamairech co h-Es Ruaid
7103] meic Moduirnd
, & tangadur lucht in t-shída amach, & táinic
7104] Cailte léo & a dias maccaem maraen ris ar in faichthi féraig.


p.198


7105] ‘Ocus ind iat-siut’, ar Cailte, ‘in triarthic da bur n- indsaighid
7106] si.’ ‘Is siat co deimin’, ar iat-sum. ‘Is maith delb & tuaruscbail
7107] na fer’, ar Cailte, & adubairt:
    1. 7108] Conn is Congal is Colla
      álaind triaris cháem comma,
      7109] gabait siat uaind cert is cóir
      sú com- raicem a chétoir.

¶ 530.
7110] ‘Cred fuil agut-sa duind a cend ceirt, a m' anum, a Chailti?’
7111] Ocus adubairt:

    1. 7112] Crét fil acaib a cenn chirt
      a Chailti ocus a Ilbricc,
      7113] crét ordaigis duind in sluag
      uair atámait 'gá imluad.

7114] ‘Ocus ca fhat atáthi a comrac re Túaith Dé Danann?’ ar
7115] Cailte. ‘Atámait cét bliadan,’ bar iat-som, ‘& marbmaid tríur
7116] cacha bliadna díb.’ ‘Má do-nithí’, ar Cailte, ‘do dighlabair
7117] fá thrí bar sen-athair forro, & is sibh atá ar in n- écoir, & da
7118] comraicem a m-bliadna’, ar Cailte, ‘is sib-si thoitfes ann, uair is
7119] sib atá ar in écoir.’ ‘do-beraim-ne coma dáib’, ar Ilbrecc, ‘as
7120] cach t-shíd a n-Eirinn .i. fiche uingi d' ór & fiche uingi d' airget,
7121] & cach do thabairt slána da cheile.’ Ocus adubairt Ilbrec:

    7122] Rann.
    1. Fiche uinge gacha sída
      don triar churad com-gnima,
      7123] a beith dáib tar cenn tachar
      a n-díghail bur sen-athar.

¶ 532.
7124] ‘Gébmait sin’, ar siat, & tucad dóib- sin, & ro imthigetar,
7125] & rucsat léo ind eiric-sin a senathar.

¶ 533.
7126] {F§}IS i-sin aes & uair tangadar tri h-eillti ruaga ro-caema
7127] a (eo)car-imlib Sleibi Fuait fonn-chosaigh atuaid co faithci in
7128] t-sída-sa. Geltsat an fér co grian & co grindell co lecaib loma.


    7129] Ilbrecc cecinit:
    1. 7130] Tegait tri h-eilti móela
      rúagha remra ro-caema,
      7131] ocus geltaid an faithchi
      nach fáchait dil aen- graifne.

¶ 534.
7132] ‘Créd sut iter?’ ar Cailti. ‘tri h-eillti tecait cecha bliadna
7133] cugaind, & ní faccait ní ar in faithci-sin amuig gan ithe co
7134] grian & co grindell.’ IS annsin ro dibraicedar tri clocha dibraicthi
7135] ro bí ina fiadhnaisi riu & torcradar na tri h-eillti-
7136] sin leo. ‘Berid buaid & bennachtain’, ar siat, ‘as maith an
7137] gnim do-rindebar’.
§
7138] ‘Mo leighis-sa do denam bodesta’, ar Cailte, ‘uair is mithig


p.199


7139] lem h-é.’ ‘Cáit a fuil Bé Bind ingen Elcmair?’ ar Ilbrecc. ‘Sunna’,
7140] ar in ingen. {SG page 222} ‘Maith, m' anum, a ingen’, ar se, ‘beir let
7141] mac Ronain i cúil-tech diamair, & dentar a leighis & a lessugud
7142] co maith, uair ro dingaib se fogail & dibeirg do Thúaith
7143] Dé Danann
& do feraib Eirenn, & dénad Cas Corach mac
7144] Cáincinde céol & airfided dó & Fer Maissi mac Eogabail ic foraire
7145] & ic forcomét & ic frithoilem dó.’

¶ 535.
7146] Ocus tainic Bé Bind ingen Elcmair roimpi a tech na n-arm,
7147] & a da mac {folio 143b1} maraen ria, & do-rigned lepaid luchair
7148] leighis do Chailti acco isin tigh-sin, & tucad loing-shithel bán-óir
7149] chum na h-ingine & a lán d' uisci inti, & tucastar lath-amar
7150] glaine da h-indsaigid, & do chuir na lossa ind, & ro minaig iat
7151] ar in uisci, & tuc in t-shithal i l-laim Chailti, & ibhis digh móir
7152] aisti, & 'ar n-ól na dighi dó ro scéestar sceith úainidhe. ‘A
7153] ingen’, ar Cailte, ‘crét in baramail fuil accut di-sin?’ ‘Gaeithe
7154] cró na n-es & na n-abhann & na n-indber & na selg mochthrath,
7155] do-nithea-sa sin’, ar sí. ‘& ibh digh aile’, ar in ingen. Ocus ibhis
7156] Cailte, & scéis arís cró-bainde sceithe ruaide. ‘Ocus cret in sceith-
7157] sin, a ingen?’ ar Cailte. ‘Cró- lindti neime na sleg & na faebur
7158] tucad ort isna cathaib & isna comraicib i r-rabais riam.’ Ocus
7159] ibhidh digh aile aisti, & sceithid-sium sceith círdub. ‘Cá baramail
7160] do-beri di-sin?’ ar Cailte. ‘Cumha do choicle & do
7161] chomalta & do triath & do tigerna .i. Fhind meic Cumaill sin.’
7162] Ocus ibhid digh aile aisti in cethramad deoch sin, & ro sceestar
7163] sceith buidhe ina degaid-sin. ‘Crét in sceith-sin, a ingen?’ ar
7164] Cailte. ‘Coimét & fulrechta do neime & do gáe cró do neoch
7165] ro bói indut anallana, & ibh in lóim ro fhacais inti’, ar in ingen.
7166] ‘Is lesc lem-sa sin’, ar Cailte, ‘uair ní fuarus i cath na a
7167] cliathaig na a comrac riam ní is doilgi lém na a h- ól.’ Ocus
7168] gid et atibh-sium sin, & ro scéistar sceith co n- il-brechtugud
7169] cacha datha inti. ‘Ocus crét in sceith-sin, a ingen?’ ar Cailte
7170] ‘Cumasc cacha retha & cacha ro-nirt & cacha h-engnuma do-rignis
7171] i nd-aghaid cacha céite & cacha cnuicc & cacha cairrge, &


p.200


7172] dath fola ara h-uachtar ata urri cró-lighe do chuirp & do cholla
7173] féin sin, & iss ed is nessa do t-shlainte h- é.’ Ocus tuc inn ingen
7174] baiglenn lenmachta dó, & atib ina degaid-sin, & ina degaid-sin
7175] do bói-sium anbhann imeslan a h-aithle na scethrach-sin do
7176] denam dó re téora lá & re teora áidchi.

¶ 536.
7177] ‘Dar lim-sa, a m' anum, a Cailti’, ar in ingen, ‘fuarais furtacht
7178] & fóirithin.’ ‘Fuarus ám’, ar Cailte, ‘acht mét treblaide
7179] mo chind ac {SG page 223} tuidecht rim.’ ‘do- gentar folccad Flaind ingine
7180] Flidaissi duit-si’, ar si Bé Bhind ingen Elcmair, ‘& cach cenn ara
7181] tabar h-é ni thig teindis ris da éis, & ní thic maelad cind ris,
7182] & ní bói esbaid radairc air.’ Ocus do- rigned in leighis-sin dó-
7183] sum re h-ed & re h-athaid, & do ordaigset lucht in t-shida trena
7184] dib da fhis .i. trian do maithib mora, & trian do maccaemaib,
7185] & trian do ingenraid & do ban-dalaib & d' fhiledaib da fhis & do
7186] gairdiugud, fata gairit do biath ina leapaid leighis. Ocus cach
7187] turchairthe selga nó fiadaig do-geibdis lucht in t- shída do-berthea
7188] do Chailti h-é risin.

¶ 537.
7189] Ocus ina degaid ro bói in ingen & a da mac & Cas Corach
7190] & Fer Maissi ac ól & ac áibnius maraen ris. Fecht n-aen ro
7191] badur mar sin co cualadur in fogur & in cairche cíuil chucu ó
7192] Es Ruaid meic Moduirn, & do tréicfed nech ilcheola in domain
7193] ar in céol-sin, & ó 't-chualadur sin do chuirset na cruite i
7194] cernnadaib na colbad, & tangadur uile amach ar in céol do-
7195] chualadur, & rob ingnad lé Cailte sin, & tuc da úidh & da aire
7196] beith a n-ingnais a luith & a lámaig & a lán-choiblid, & ‘Mor
7197] do borb-gleoaib bodba, & do thoiscib fa téighind- si, & d' irgalaib
7198] & do thossach catha chum a roichind, & nach fuil do nert na
7199] do tracht accum-sa dul amach maraen ré cach aníu!’ Ocus ro
7200] moidhetar déra tar a gruaidib.

¶ 538.
7201] Ocus do-riachtadur lucht in t-shída amuich a h-aithle in chiuil
7202] {folio 143b2} do chloistecht, & ro fhíarfaig Cailte scéla dib, & ‘crét
7203] do-rigne in cairche cíuil at-chualamar’ ar Cailte. ‘Uaini Bhuidhe
7204] a Síd Duirnn Buidhe andes ó Thuind Clidna, & énlaith Thire
7205] Tairrngaire
ina farrud, & ban-airfidech Thíre Tairrngaire uli h-í,


p.201


7206] & a m-bliadna is lé tuidecht d' indsaigi in t-shída-so, & bliadain
7207] dí cach sida’, ar in ingen, ‘& bliadain di acainde. Ocus tangadur
7208] andsa síd anunn 'arsin, & tainic inn enlaith cor' t-shuidhetar
7209] ar corraib & ar colbadaib in t-shída, & tainic tricha én
7210] díb i tech na n-arm in bail i r-raibe Cailti, & do gabsat cliar
7211] astigh, & ro gab Cas Corach a timpan, & cach adhbunn ro
7212] t-sheinded Cas Corach & ro gabdais ind énlaith leis.’ ‘Is mor do
7213] cheol do-chualamur’, ar Cailte, ‘& ní chualamur céol a com-maith-
7214] sin.’

¶ 539.
7215] Annsin do-rigned folccad Flaind ingine Flidhaisi dó-sum, &
7216] esbaid ruisc nó chloistechta a gin ro bói béo ni raibe air, &
7217] ba slemain slan-crechtach h-é don leighis-sin tucad fair issin
7218] t-shid. Ocus adubairt Cailte: ‘In t-adhbur & ind fhochaind ima
7219] tanac-sa do leighis mo choissi dentar bodesta.’ ‘Do-gentar issin
7220] maidin amarach’, ar in ingen. Ocus is annsin tuc sí da fhetan
7221] Bindi ingine Moduirn lé d' indsaigid Cailti, & ro t-shuighistar
7222] ban-mogh fetan díb, & ro t-shuighistar {SG page 224} fer-mogh fetan aile, conar'
7223] fhacadur galur na eslainte na gái chró ina chois na tucsat aisti
7224] h-é, cor' bo t-shlemain slán-crechtach h-é 'arsin. Ocus ro badur ann re
7225] teora lá & ré teora áidchi a h-aithle in leighis-sin.

¶ 540.
7226] IS ann sin do eirgedur lucht in t-shída amach co h-ur Essa
7227] Ruaid meic Modhuirn
, & ro bensat a n-étaigi díb, & tangadur
7228] ar in n-es, & do-ronadur snám. Ocus adubairt Cailte annsin: ‘Cid
7229] dam-sa gan dul do t-shnám, uair tainic mo t-shlainti dam.’ Ocus
7230] do-róni a mescad ar in uisci annsin, & tangadur issin síd anunn
7231] iarsin, & ro h-ecrad tech n-óla acco ind áidchi-sin, & ro bói
7232] Cailte ac ceileabrad dóib & ac breith buidhechais a leighis.
7233] ‘úair is slemain slan-crechtach missi’, ar se, ‘& bennacht ám
7234] oraib-si.’ ócus adubairt Cáilte:

    1. 7235] Bennacht ar lucht in t-shída
      eter ríg ocus rigna,
      7236] slán bith-slán don chuire chas
      fuarus uile a n-óclachas.
    2. 7237] Maith mo thurus issin síd
      fuarus ann midh ocus fín,
      7238] febus a m-ban 'sa fer de
      is bind ceol a n- énlaithe.
    3. 7239] Maith mo thurus isin síd
      fuarus ann faeilte gan fhich,
      7240] febus a fer 'sa flatha
      is a n-étach n-ill- datha.
    4. 7241] Bennacht uaim-si ar Bé Bind
      ar ingin Elcmair imgrind,
      7242] febus a crotha sunn de
      a céille 'sa com- airle.

    5. p.202

    6. 7243] Adeirim-si rib reime
      bid fír in ní raidim-ne,
      7244] gé imthigher buan mo smacht
      fácaim afus mo bennacht.

    7. 7245]

      Bennacht.


7246] ‘Dar ar m-breithir ám’, ar lucht in t- shída, ‘ní fhaccamar-ne
7247] riam óclach bud fherr anai-ssiu ar tonn-chlar in talman, & dar
7248] lind nír' ferr Find féin anái-ssiu.’ ‘Truag, no sin!’ ar Cailte,
7249] ‘damad h-é Find do-chífed sib-si do-béradh sib in drong daenna
7250] uile ina fhaisneis. ócus as mithig dam-sa imthecht’, ar
7251] Cailte, ‘& bennacht ar lucht in t- shida, & atá dail fer n-Eirenn a
7252] cind bliadna do Temraig, & ní fhetaim-si gan dul d' accallaim
7253] mo choiccli & mo chomalta .i. Oissin mac Find, & tre forchongra
7254] in Tailgind do aichin dim dul ann, & maithe fer
7255] n-Eirenn a n-aen-inadh d' indissin mod & mor-gnim gaili & gaiscid
7256] na Feinde & Fhind meic Cumaill & fer n-Eirenn archena, & do
7257] lesugud údar & olloman dona scelaib indesmait-ne ann co dered
7258] aimsire.’ {folio 144a1}‘Ocus fil cobair accainde duit’, ar in ingen.
7259] ‘Ca cobair sin?’ ar Cailte. ‘Deoch cuim- nigthi céille d' indlucud
7260] duinde duit co Temraig connach tecma duit es nó abhann nó
7261] indber nó a cath nó a comlann nach bia a cuimne accut.’ ‘Is
7262] furtacht carat & fír-muintire sin’, ar Cailte, ‘& da m-beth accainde
7263] ní do-bermais duib nó budh ail lib do-beraind’, ar Cailte.

¶ 542.
7264] ‘Is mor in commáin tucais duind’, ar in ingen, ‘uair is tú
7265] ro dingaib do Thúaith Dé Danann in lucht ro bói ac foghail
7266] & ac díbeirg forru gacha sechtmad bliadna. Ocus atá léine
7267] esnadhach ór-shnáith acum-sa duit, & ní géba turbród tú aisti
7268] etir, & brat cimsach corccar-glan d' olaind Tíre Tarrngaire anall,
7269] cona chimais do bán-ór buidhe ina urthimchell, & sómaissi {SG page 225} cacha
7270] dala & gacha h-airechta ar in tí imma m-bia sé, & aiscid t-shadhail
7271] t-shenorach duit’, ar in ingen ‘.i. duban, & Aicill meic Mogha a
7272] chom-ainm, & ní chuirfea ind es nó a n- abaind h-é ara ticfa dilmain.’

¶ 543.
7273] ‘Ocus cid do-gena-su, a Fir Maissi meic Eogabail?’ ar Cailte.
7274] ‘Do-gen beith annsa t-shíd annso’, ar eissium, ‘nóco n-dernntar feis
7275] Temra, & co m-berar lium in ní ro gell Bé Bind duit-siu.’ ‘Ocus
7276] tussa dono, a Chais Choraig, cid do-genair?’ ‘Dúl let-su’, ar


p.203


7277] Cas Corach, ‘d' fhoghlaim fhessa & fhir-eolais nó co n-deiligit fir Éirend
7278] í Temraig.’

¶ 544.
7279] Ocus is annsin ro thimnadur ceilebrad do lucht in t-sida,
7280] & tángadar co Cnoc in Nuaill amach, & tucsat lucht in baile
7281] nuall mor annsin ac deiliugud ré Cailte. Conid Cnocc in Nuaill
7282] a ainm ó sin anall. ‘ócus ní thiucub-sa ar in baile-seo no có
7283] tí in brath dithi in betha.’

¶ 545.
7284] IS ann (táncatar) rompo co h-Es na Fingaile, frisa raiter
7285] Es Cronain Meic in Bailb isin tan-so. Uair mor-sheissiur derbrathair
7286] ro badur ann, & tarrla eturru immon n-es, co ro marb
7287] cach a cheile díb, conid uaithib-sin atá Es na Fingaile fair, &
7288] ro mairistar a n-athair da n-éis, & ticed conice- seo .i. Crónan
7289] mac in Bailb, & do-nith Crónan ann acáined a mac, & ro moid
7290] a craide ina medhon adhaig ann. Conid uad ata Es Crónain.

¶ 546.
7291] Ocus ní cían ro badur ann co tangadur néoill deirid láe
7292] chuca, & tangadur reompo ón es, & at- conncadur fer mor a fer-brugh
7293] gabala ar tulaig ara cind, & ro t- shuidhedur i farrud ind
7294] fhir moir-sin. ‘Canus tangabair?’ ar in t-óclach, & ro indissedur
7295] dó a n-ainm & a sloinded & a tuirrtechta. ‘Ocus cuich thussa?
7296] a m' anum?’ ar iat-sum. ‘Blathmac Boaire missi’, ar se, ‘ó
7297] eochair-imlib t-Shleibe Luga inso o Chúil Radairc annso’, risa raiter
7298] Cúl Ó Find issin tan-so. ‘Ocus áighidhecht na h-aidhchi anocht
7299] rob ail linde uait’, ar Cailte. Ocus is amlaid ro bói in fer-sin,
7300] fer is mó doichell & díbe ro bói a n-Eirinn h-é. ‘Da tucad sib
7301] a luag dam-sa’, ar se, ‘do-beraind frithailim & feis dithat na
7302] h-áidchi anocht dáib.’ ‘Carsat luag-sin, a m' anum?’ ar Cailte.
7303] ‘Tri carthada cloichi atá a cind mo baile, & Carthada in Trir
7304] at-berar ríu, & ní fhetamar cid o sloind- ter iat.’ ‘Ro-fetar-sa duit’,
7305] ar Cailte, ‘uair isam mebrach in ni dia fuil’ .i.

¶ 547.
7306] Óclach maith ro bói i Fiannaib Eirenn .i. Find Ban h-úa
7307] Bresail, & do Chlannaib Baiscne dó, & ro badur tri h-ingena
7308] soinemla aicci, & ní raibi do Chlannaib Baiscne achtmád triar
7309] fer a com-maith .i. Find mac Cumaill & Oissin & Oscur & na
7310] tri mná-sin, & ro badur bessa ac na mnáib-{folio 144a2}sin a n-aghaid


p.204


7311] mathusa na fer-sin, uair ro chindsetar ar mnáib Eirenn a
7312] n-druinechus & a n-deglamda,{SG page 226} & ní raibe a n-Eirinn uili triur
7313] ban rob fearr delb anait. Uair étach digraissi deg-alaind do-bered
7314] nech leis a n-aenach Thaillten nó a mordáil Uisnig
7315] a feis Temrach, & ní ba h-áil lé nech acht in t-étach do-nídis
7316] na mná-sin. Ocus adubairt Find ríu: ‘A ingena’, ar se, ‘na
7317] dénaid feis lé feraib achtmád na fir da tibar-sa sib & da tibraid
7318] Fianna Eirenn.’ Ocus ro badur- sum re breithir na flatha Find
7319] a n-Almain Laigen amlaid-sin re h-ed & ré h-athaid. Co tangadur
7320] triar do Clannaib Morna seoch Carraic na h-Almaine, & co
7321] faccadar na tri h-ingena ac dénam a n-druinechais ar Carraic
7322] Almaine
anairtuaid, & tangadur in triar óclach-sin .i.
7323] Conan & Art & Meccon a n-anmanna, & adubradur: ‘Is maith in
7324] baegul echta út ar Find & ar Chlannaib Baiscne, uair ní fhuil
7325] díb a n-ingnais Fhind & Oissin & Oscair triur is ferr ina
7326] in triur út.’ ‘Ocus ro gabsat iat & tucsat léo iat’, ar Cailte, ‘conici
7327] in tulaig-seo in bail a raibe Goll & a m-braithri.’ ‘Canas tucad
7328] na ban-chimeda?’ ar Goll. ‘A h-Almain Laighen’, ar in ingen
7329] ba sine díb. ‘Adhbur sída do denam rissin Féind sin’, ar
7330] Goll. ‘Dar ar m-breithir ám’, ar Conan, ‘ní do dénam t-shída riu
7331] tucsamar lind iat, acht da marbad in bur fiadnaissi.’ ‘Ar mallacht
7332] ar in tí muirbfes iat!’ ar Goll, ‘& sind fein do beith i
7333] fiadnaissi a marbtha ní bém etir.’

¶ 548.
7334] Ocus is annsin do éirgedar Clanna Morna a n-aen-fhecht in
7335] tulaig achtmád in seissir ro badur- sum, & adubradur na h-ingena
7336] ris-sim: ‘Inn é ar marbad-ne is áil lib do denam?’ ar siat.
7337] ‘Is sé immorro’, ar Conan. ‘do- beram-ne coma maith duib’, ar na
7338] mna, ‘.i. gach olcc & cach écoir do-rindeabair ar Fhind & risin
7339] Feind a maithem duib, & síd do dénam, & ar m-beith féin
7340] d' áen-mnáib acaib.’ ‘Ocus nír' faemad sin dóib, & tucsat tri beimenna
7341] dóib, cor' bensat a tri cind dib, & ro cuired fo thalmain
7342] annso iat, co fuilet fáe na tri carthadhaib-sea. Conid uatha
7343] ainmnighther na cairthedha-so’, ar Cailte. Amail adubairt Cailte:


p.205

    1. 7344] Feart trír atá ar in tulaig
      is lem-sa robo doilig,
      7345] inmain triarfá h-aille ille
      atait fó na tri charthe.
    2. 7346] Mor ind esbaid Étain find
      fa maith um biad is um lind,
      7347] Aífi ann is Aillbe ruad
      ba mor in scél ac in t-shluag.
    3. 7348] 'Arsin marbsat Meic Morna
      is gnim da raibi dobhra,
      7349] inmain triarfa blaithi lí
      is díb ata fert in trír.
    4. Fert.


7350] ‘Ocus is iat-sin’, ar se, ‘na mná ata fa na cairthib út’.

¶ 549.
7351] ‘Adráe buaid & bennachtain’, ar in t- óclach: ‘is maith in
7352] fis dam féin & dom mac & dom h-ua, & rachaid faeilte na tri
7353] n-áidchi-seo daib-si, a Cailti, ar in senchus-sin ro indisis dam.’

¶ 550.
7354] Ocus tangadur reompo co Lis na m-Ban í Cúil Radhairc,
7355] risi raiter Cúil Ó Find isin tan-so, & tangadur issin n-dúnad
7356] anúnn, & ro frithailed co maith ind áidchi-sin iat. Ina degaid-
7357] sin tangatar rompu co Lis na m-Ban i Cuil Radairc, risi raiter
7358] Cúil a Find isin tan-sa, & tangatar isin dunad & isin deg-baile,
7359] & ro freslad & ro frithoilit iat,
& ro badar ann co táinic in lá
7360] cona lan-soillsi arnabarach. ócus is annsin ro gab a chois clí
7361] greim do Chailti an lá, & nír' léic imthecht dó, & ro bi óglach
7362] in tighi aca ráda ris: ‘Is mór’, ar se, ‘do degh-lúth do-righned
7363] don chois-sin ce tá a n-galar & a n-eslainti anocht.’ Ocus
7364] at-bert Cailti in láid ann:

    1. 7365] Do rithus a Temraig na tréd
      is ed a fír is ní brég,
      7366] ro rucusa di fa thrí
      tri fichit cét cét-guini.

7367] ‘Ar fír do ghaile ocus do gaiscid, a Feindi’, ar Blathmec,
7368] ‘indis dúinn adbar do retha riu-sin, a Cailti.’ Ocus at-bert
7369] Cáilte:
    1. 7370] An cet-rith do-rinnes díb
      sochaidhi tuc a n- imsním,
      7371] dar' gabus, ba caem mo rith
      lanamain gach fiadha ar bith.
    2. 7372] IN rith roba nesa dó
      is ed a fír is ni gó,
      7373] dar cuirisa
      [gap: extent: 1 syllable]
      fa all
      atha ocus muillidh Érenn.

¶ 552.
7374] ‘Ro ba mór an luth-sin, a Cailti’, ar Blathmec. ‘Ropa
7375] mor’, ar Cailti, ‘uair on trath co chéili do-righniusa o Thuind
7376] Clidhna
andes co Tuind Rudhraigi budtuaid.’ Ocus at-bert Cáilte:

    1. 7377] IS é mo rith 'sa tres ló
      is ed a fír is ni gó,
      7378] dar' léigius láigh do buáib
      a n- Érinn alaind ad-fuair.

p.206


7379] ‘Ocus is é-sin, a m' anum, a Blathmeic, adbar na rith-sin ro
7380] fiarfaigis dim.’
7381] IS annsin it-cualatar coicedul tri cuanart ac denum selga
7382] im cenn Sléibe Lughda lenn-braenaigh re Taighlech mac Aililla,
7383] re righ Luighne Con- dacht. ‘Cred in taffann-sa, a Cáilti?’
7384] ar Blathmec. ‘Taffann tri cuanart’, ar Cáilte, ‘& tri fiada rompu.’
7385] ‘Cá fíada sin?’ ar Blathmec. ‘In ard-gabail-sea do-níat in cuanairt’,
7386] ar Cáilte, ‘ard-gabail dam im-discir alltaidhi & eillti ro-remur.’
7387] ‘Ocus in cuanairt-sea 'na n-degaid’, ar in t-óclach.
7388] ‘Bind-gabail gadhar a n-degaid míl mín-luath muighi sin’, ar sé.
7389] ‘Ocus in tres cuanairt-sea’, ar Blathmec. ‘Gabail n-dreman
7390] n-duthrachtach sin’, ar sé, ‘a n-degaid torc taeb- trom ac a n-dían-marbad.’
7391] ‘Crét in cethramad gabail-sea, a Cailti?’ ar Blathmec.
7392] ‘Gabáil brocc taeb-trom tarr-isel.’ Ocus it-cualatar- sum
7393] ina degaid-sin gáir na gillanraidhi, & in bá lúaithi dona macaib,
7394] & in ba solmu dona h-óclachaib, & in ba h-indill-dirghi dibrucud
7395] dona feraib, & in ba mó eiri dona tren-mogaib. Is iat-sin ro bí
7396] a n-degaid na selga in lá-sin, & erghis in t- óclach amach da
7397] féghadh ár-sin, & mar adubairt Cailti a m-beith is amlaid ro
7398] batar. Ocus tuc in t-óclach a lán a m-beind buabaill
7399] assin dabaig medha ro bói aici do Cailti, & adubairt: ‘In dabach
7400] duit, a Chailti, & cid re bliadain bud áil beith í fus do-géba.’
7401] ‘Adráe buaid & bennacht’, ar Cailte, ‘& nocho biam acht anocht.’{SG page 227}
7402] ‘Más ed’, ar in t-óclach, ‘atá ní aile dob áil lium d' fhiarfaigi
7403] dít .i. crét fa tucad Lis na m-Ban ar in lis-sa?’ Adubairt
7404] Cailte: ‘Nonbur deirbshethar ro bói annso do Thúaith Dé Danann.
7405] & tangadur i coinde nonbair óclach d' Fhiannaib Eirenn, & ar
7406] tiacht dóib ro urmaisedur Clanna Morna orro ann, & ro marbadur
7407] iat ar tiacht a coinde in nonbair-sin don Feind. Conid
7408] uatha-sin atá Lis na m-Ban {folio 144b1} ar in inad-so, & do-rigned
7409] in lis-so’, ar Cailte.

¶ 553.
7410] Ocus ro badur ann ind áidchi-sin, & ro thimnadur ceilebrad
7411] arnamairech, & ro fhacsat bendachtain, & tangadur reompo co
7412] Carnn na Fingaile, risa raiter Duma na Con issin tan-so. Ocus ac
7413] tiachtain dóib issin tulaig at-chonncadur nonbur ban mín-alaind
7414] ar cind ann, & rigan chaem- alaind chruthach eturru a medon,


p.207


7415] & léine do t-shroll rig re cnes, & inar maeth-sroill tairsi iar
7416] n-echtair, & brat ciumsach corcra uimpi, & delg óir ann. Ocus
7417] ro eirig inn ingen ac faicsin Chailti, & tairbiris póc dó, & ba
7418] cian roime-sin o thuc ben póc dó
. ‘Cia thussa,
7419] a ingen?’ ar Cailte. ‘Echna ingen Muiredaig meic Finnachta,
7420] ingen ríg Connacht missi’, ar in ingen. Ocus is amlaid ro badur
7421] na mná, & fidchell acu icá h-imbirt & baiglend do
7422] midh so-óla acca ic á h-ól, & benn buabaill ar uachtar na baiglinde,
7423] & in trath do thairsed in cluichi do breith do ibhdis
7424] deoch, & do bídis ac ól & ac áibnius 'arsin. Ocus is amlaid
7425] ro bói in ingen & tri buada furri, uair ro bo do mnaib glicca
7426] in domain di, & is í ben is aille ro bí isin doman h-í,
7427] & in tí da tabrad comairli do bíth conach & airmitin aici.
7428] Cailte dixit:

    7429] Rann.
    1. A Échnach a ingen fhind
      is glan do niam ossin lind,
      7430] do-bértha bretha co m-brí
      d' feraib betha re h-aen-mí.

¶ 554.
7431] ‘Ocus cáit a rabhais araeir, a m' anam, a Chailti?’ ar in
7432] ingen. ‘A tigh Blaithmeic Boaire’, ar Cailte, ‘a Cúil Radairc
7433] tís a Luigne Chonnacht.’ ‘Ocus Dia do betha, a m' anum, a
7434] Cailti’, ar in ingen, ‘& is sí do chonair féin tángais, & gab’, ar
7435] sí, ‘in darna cenn don fhidchill.’ Ocus gabaid Cailte in fidchill
7436] ina ucht. ‘Fada uad’, ar se, ‘nar' imbris-sa fidchell, a ingen,
7437] {F§}uair ní bered Cormac na Find na Oisin leth-fidchellacht orum-sa’,
7438] ar Cáilte
§. Ocus tar éis a h-imberta trell ro chuiretar
7439] in fhidchell uaithib, & at- chonncadur tri dúnaid i n-imfhocus
7440] dóib, & ro fhiarfaig Cailte don ingin. ‘Cé na trí dúnaid-seo?’
7441] ar se. ‘Accum-sa do-rónad’ , ar in ingen. ‘Is ac deg-mnái do-rónad’,
7442] ar Cailte. ‘Crét in t-airfidech út it fharrud, a Chailti?’ ar in
7443] ingen. ‘Cas Corach mac Cáincinde, airfidech Túaithe Dé Danann
7444] uili’, ar Cailte, ‘& in t-airfidech is ferr a n-Eirinn uili &
7445] a n-Albain.’ ‘Is maith a delb’, ar in ingen, ‘damad maith a
7446] airfided.’ ‘Dar ar m-breithir ám’, ar Cailte, ‘acht gid maith a
7447] delb is ferr a airfited.’ ‘Gab bic ale do thimpán’, ar in ingen.
7448] Ocus gabais Cas Corach a timpan, & ro bói ic á sefnad & ic á saer-shéinm,


p.208


7449] & tuc in {SG page 228}ingen in da fhalaig ro bói imma lámaib dó.
7450] ‘Ad-rae buaid & bennacht, a ingen’, ar Cass Corach, ‘& ni ricim-si
7451] a les iat, & ni thiber do nech aile iat budh fherr lem anai-ssi
7452] féin, & bennacht duit féin léo.’ {F§}Ocus at-bert Cáoilte:
    1. 7453] A Écna, a ingen in rígh
      in úair aderar a fhír,
      7454] ni faccu-sa ar tír na ar tuind
      a com-shuaircc dalta echruim.
    2. 7455] IS tú is féile at-condac ríam
      ba ferr im lind is im bíadh,
      7456] ni decha a t-tech mna budh ferr
      i n-iath Alban no Éirenn.
    3. 7457] IS í is féile it-condac riamh
      budh ferr im lind is im bíadh,
      7458] is í ba ferr dealbh is dath
      do sluágaibh na fuinedhach.
    4. 7459] Aderim-sea rit reme
      bíd fír ina raidim- ne,
      7460] nochan faccu-sa o tá biu
      commaith do dealbha, a Ecnu.
      §

¶ 555.
7461] Ocus bá dered don ló annsin, & tangadur issin dún fa nessa
7462] dóib dona tri dúintib, & tucad a tech n-derrait n-diamair iat. Ocus
7463] ro éirig Etrum mac Lugair a h-aiti na h- ingine, & ro fherustar
7464] faeilte reim Chailte, & do-riacht in ingen astech i r-rabadur ina
7465] degaid-sin, & ro badur ic ól & ic áibnius ann. ‘Ocus, a m' anum,
7466] a Cailti’, ar in ingen, ‘crét 'ma tucad Carnn na Fingaile ar in
7467] carnn-so, & crét ima tucad Duma na Con ar in n-duma-so
7468] amuich?’ ‘Ben Mebla ingen Ronain, ban-drái do Thúaith Dé
7469] Danann
, tucustar grád d' Fhind mac Cumaill, & adubairt Find
7470] ní thibred ban-drái cáidchi in com-fhat do-gebad mnái aile issin
7471] domun. Ocus do-riachtadur coin leicthe Find conici seo’, ar
7472] Cailte ‘.i. deich coin & secht fichit, & tuc in ingen-(sin) a anail
7473] fuithib, cor' chuir issin n-duma iat ar ulcaib {folio 144b2} re
7474] Find. Conid díb atá Duma na Con air-seo’, ar Cailti.

¶ 556.
7475] ‘Ocus Carn na Fingaile, no’, ar in ingen, ‘cret dia fuil?’
7476] ‘Lám Luath mac Cumaisc Deb- tha, meic Dénta Comlaind, do lucht
7477] in tíre-so h-é, & in comlann ticed chum Cormaic ríg Eirenn
7478] & Airt & Cairpri Lifechair eissium & a athair & a t- shen-athair
7479] do-nith cach comrac díb a cind a cheile. Ocus is annsin do bí
7480] óclach a n-Dubthír & a n-Dubfhid & a Sleib Guaire, risa n-abar
7481] Sliab Cairpri, & Borbchú mac Trénlámaig ainm ind óclaig, &
7482] ro bói ingen aici .i. Niam ingen Borbchon a h-ainm, & nónbur
7483] derbrathar ro bói ac Laim Luaith mac Cumaisc Deabtha, &


p.209


7480a] 15táinic cach fer fa leith díb d' iarraid na h-ingine ar Borbchoin
7481b] mac Trénlamaig, & iss ed adeired cach fer díb re Borbchoin:’
7482c] ‘Muirbfimid-ni thú & do secht meic a n-aen-fhecht muna thuca
7483d] th' ingen duind.’ Ocus adeired Borbchú ré cach fer fo leith
7484] díb ar ecla a marbtha: ‘Rachaid duit-si h- í’.

¶ 557.
7485] ‘Ocus is annsin adubairt Lám Luath adhaig n-aen ann ar
7486] in tulaig-sea: ‘In fír sib-si, a m' anum, a braithri’, ar se, ‘d' iarraid
7487] na mná ro t-shiris-sa ar Borbchoin?’ ‘Is fír’, ar siat. Ocus
7488] is annsin táinic idhu éta da indsaigi, & ro eirig, & ro gab a
7489] chlaidim, & tuc béim don brathair ba nessa dó, cor' marb h-é,
7490] & in mor-sheisir derbrathar ro badur tucsat a m-beil re lar ac
7491] faicsin na fingaile do denum dó-sum, & fuaradur bas do chumaid
7492] annsin, & ro cuirid issin carnn-so iat, conid uathaib- sin
7493] atá Carnn na Finga(ile) (in) carnn-so, a ingen’,{SG page 229} ar Cailte, ‘& conid ana
7494] inadh-sin do-r(igne b)uidhechus naem Patraic i Temraig a fiadnaisi
7495] fer n-Érenn,
& adubairt co n-gebad do chlaidim
7496] air fein acht co n-aprad Patraic ris h- é.’

¶ 558.
7497] ‘Ad-rae buaid & bennacht, a Chailti’, ar in ingen: ‘is mor
7498] in fis do fhacais acaind. Ocus in fitir tusa’, ar in ingen, ‘ind airesbaid
7499] fuil orainde, & ní fhagaim a furtacht?’ ‘Cá h-esbaid-sin?’
7500] ar Cailte. ‘Ceinn-eslainti tic rem chenn, & ní fhuil uisci acaind
7501] i focus duind da ind-fhuarad, uair do-geibim furtacht in tan chuirim
7502] uisci ar mo chenn.’ ‘Ocus cait a fuil Cas Corach mac
7503] Caincinde?’ ar Cailte. ‘Sunna’, ar in t-airfitech. ‘Eirig amach
7504] chum na tiprat, & beir in t-uisci coisrectha-sa let, & craith ar
7505] in tiprait h-é, &chaid in fiad dráidechta atá urri di, & fo-genaid
7506] dó cach nech h-í.’ Ocus Tibra Aillbhi Gruad- bricci ingini
7507] Cormaic in tipra-sin. Ocus ro eirig Cas Corach mac Cáincindi,
7508] & ruc leis amach in t-uisci coisrectha, & crathais ar in
7509] tiprait, & tócbaid do chach h-í.

¶ 559.
7510] ‘Fiach t' fhaeilte & do t- shoichle duit, a ingen’, ar Cailte, ‘in
7511] tipra d' fognum duit & do lucht na criche.’ ‘Ocus ro boi in
7512] tipra-sin ac foghnum dóib nó co n-dernsat da rig ro gab ar
7513] chuiced Connacht fingal eturru fein .i. Aed & Eogan a n-anmanna;


p.210


7514] & ro marbad Eogan la h- Aed ac Líc ind Fhomorach, risa
7515] raiter Líc Gnathail issin tan-so, & ind aídchi-sin’, arsi Cailte
7516] ‘tucad na tri h-esbadha as mó thucad ar chuiced Connacht riam
7517] .i. in t-es ro-imarcraid do thiced ó Indber na Fer, risa raiter
7518] in Muaid isin tan-sa, do trágad, & in lan mara do thiced assin
7519] muir amuich ar in n- Gaillimh, & co m-bith lessugud {folio 145a1}
7520] in choicid air cacha bliadna do trágad fos ind áidchi chétna & in
7521] Tipra-so Aillbi.’

¶ 560.
7522] ‘Ocus imtecht is lind amairech’, ar Cailte, ‘& ní thucu-sa mo
7523] chend a tech mná bod fherr anái-ssi’, ar Cailte. ‘Ocus raet so-deithfirech
7524] rob ail lium-sa d' fhiarfaighi dít re n-imthecht, a m' anum,
7525] a Cailti’, ar in ingen. ‘Cá ní sin?’ ar Cailte. ‘Cuich h-é in
7526] t-airfidech ut atá at fharrad-sa, & cia a mathair nó a athair?’ ‘Cass
7527] Corach
mac Cáincinde, mac ollaman Túaithe Dé Danann h-é, &
7528] ollam Túaithe Dé Danann h-é fein, & Bé Bind ingen Elccmair
7529] in Broga a máthair.’ ‘Dursan sin dono’, ar in ingen, ‘nach
7530] mac do Bodb nó d' Aengus nó do Thadg mac Nuadat h-é.’ ‘Cá
7531] fáth itir ón, a ingen?’ ar Cailte. ‘Grád trom tucu-sa dó’, ar in
7532] ingen, ‘& ní thucus grád do neoch roime ríam.’ ‘Ni bá ferr
7533] nech díb-sin fa deired na eissium’, ar Cailte, ‘tre breithir
7534] naem Pátraic co mm-bia ollamnacht Eirenn aicci fa dered, &
7535] cuirfid Tuaith Dé Danann i nd- étnaib cnocc & carrac acht
7536] muna fhaice trú tadhal {SG page 230} talman do thaidbsi, achtmadh in t-airfidech-
7537] so. Caide th' aicned uimmi-siút, a Chais Choraig?’ ar
7538] Cailte. ‘Is sé m' aicned’, ar se, ‘na facca do mnaib in domain
7539] riam ben budh fherr lem ina in ingen út’. ‘Crét da-beir oraib
7540] gan com-aentugud do denam?’ ar Cailte. ‘Do déoin-si & dot
7541] chomairle’, ar in ingen. ‘Feis Temra ac á denum ac feraib
7542] Eirenn’, ar Cailte, ‘& do-berthar thussa do Chas Corach mac
7543] Cáincinde ann, & do- bérthar ollomnacht Eirenn & Alban dó leis,
7544] & naidmecar tusa a coraidecht aen-mná dó’. ‘Ca fat co n-dingentar
7545] feis Temrach?’ ar Cas Corach. ‘A cind raithe o 'nossa’,
7546] ar Cailte. Ocus fáemais in ingen-sin & Cas Corach maraen.
7547] {F§}IAr sin ro bai Cáilte ic formoladh Find, & adubairt so and:


p.211

    1. 7548] A tainig do sluagh Banba
      itir righ is righdamna,
      7549] ferr Find innáit sin uile.
      cath-milid ard Almaine.

¶ 562.
7550] ‘IS mor in teist-sin, a anam’, ar Patraic. ‘Ní mór’, ar
7551] Cáilte, ‘uair da m-beitís secht tengtha im cind & secht so-labarta
7552] súadh cecha tengad dib ní táirsed uaim leth na trian a maithesa
7553] fecht d' indisin ar Find. Uair bai a adbar-sin aigi, uair nír
7554] díult Find roim duine riam acht co m- beith cend re caithem
7555] neich aigi & cosa re h- imthecht.’ Ocus itbert:

    1. 7556] IN ti nách leicedh nech 'na theach
      ro leiced Find ina tech,
      7557] ro bith aigi re táib-sin
      i cen ro bái 'na bethaidh.

¶ 563.
7558] ‘Ad-rae buaid & bennachtain’, ar Patraic, ‘is maith ro indisis sin.’

¶ 564.
7559] Asa h-aithle-sin tancatar na sloigh rompu co Cnoc in
7560] Eolaire
re Cruachain aníartuaidh. ‘Cred 'ma tucad Cnoc in
7561] Eolaire
ar in cnoc-sa, a Cáilti?’ ar Patraic. ‘In t- aen-duine is
7562] ferr delb don Ádham-cloind & do droing delbda duineta .i.
7563] Eolair mac righ in domain móir anoir, & do-rinde a curu & a
7564] muinnterus re Find nói cét cú & nói cét gilla & nói cét oclach,
§
7565] {LM folio 195a1} , & do-rónad selg Sléibe Gam & Sléibe na
7566] Seghsa ua Ebric
& clár-mhachairi in Coraind chladh-uaine ac
7567] Finn, & do rith in gilla a n-degaid fhiadha ann co tárla a shleg
7568] féin a for-fholumh a cléib, 'co n-dechuid fot lámha laeich do
7569] chrund ruad ro-remur a shleigi fein trít. Ocus táncamar-ne trí
7570] catha na Féinne dá indsaigid, & do bói .ix. n-oidhche 'na
7571] bethaid ac taircsin a leighis acaind & ro féimed ní dó
7572] , & fuair bás iarsin, & do múired in tulach thonn-ghlas
7573] so air.’


    7574] Finn cecinit in rann:
    1. 7575] Truagh, a Eolair il- chrothach
      a chur chródha chomramach ,
      7576] fuil do chuirp ina crú thécht
      do shil tar crécht confadhach!

¶ 565.
7577] ‘Ocus Cnoc in Eoluis ainm ele dhó’, ar Cáilte. ‘Crét in
7578] t-eolus-sin?’ ar Pátraic. ‘Coinnillsciath drái do mhuintir Fhinn
7579] do bhí ac cailleoracht ar néllaib na firmamenti i fiadhnaise


p.212


7580] Fhinn, & ro féchustar ar Coiced n- Gáileón budes, & ro bai oc a
7581] rada re Find
’. ‘Ac sút’, ar sé, ‘in bhaili a cuirfider
7582] bruiden re Fathad Canunn mac Mec Con mheic Mhaic
7583] Niadh
.’ ‘At-ciu ámh sin’, ar Finn, & ro- taispénustar do Coindelsciath
7584] drái,
, & at-bert:
    1. 7585] At-ciu trí neollu co neim
      a Coindilscéith os bruidin ,
      7586] abair re cách masa cet
      tucair gá fáth 'ma fuilet.
    2. 7587] At-ciu nél glan amar ghloin
      fil ós bruidin béil-lethain,
      7588] (biaid) triath dáma, tailc in modh
      cailc na sciath (oc á) scoltod.
    3. 7589] At-ciu néll glas geallus brón
      fuil eatorra i ceirt-mhedhón,
      7590] ticfa mian na m-badhbh don bhert
      niamh na n-arm ic á n-imert.
    4. 7591] Néll derg nach deirgi crú glan
      at-ciu ann ara n-uachtar:
      7592] mad cath budh fatha feirgi
      dath na fala foir- dheirgi.
    5. 7593] Tarngairit curpu do chrádh
      ocus díth mór-shlóg mochtráth,
      7594] a Chliach at-geoin gach lá
      na trí neoill chiach at- chiu-sa.
    6. 7595] A Coindilscéith, abair sin
      gach ní gá d-tú fiafraigidh,
      7596] ná ceil ar do triath mar tá
      na trí neoill chiach at-ciu- sa.

¶ 566.
7597] {Laud 610 folio 145a1} Ocus ro timnadur ceilebrad iardain don ingin,
7598] & tangadur rompo co Cnocc na Dála bodes, risa raiter Carnn
7599] Fraich meic Fhidaig
, & fuaradur aen-duine mór ara cind issin
7600] charnn, & folt garb tre-liath fair, & brat odhar uime, & fetan
7601] finduma issin brat, & lorg fhind fhata fhind-chuill ina láim, & airghi
7602] do buaib a fér-gurt gabala ina fiadnaissi. Ocus suidhis Cailte ina
7603] fharrad ar in tulaig. ‘Cia thussa, a m' anum, a óclaig?’ ar
7604] Cailte. ‘Bairnech mac Cairbh missi’, ar in t-óclach ‘.i. rechtaire
7605] do rig Eirenn .i. do Diarmaid mac Cerbaill, & issin crich-seo
7606] atá ferann acum ó rig Eirenn.’ ‘Can duit-si do bunudhus, a
7607] m' anum, a óclaig?’ ar Cailte. ‘A Collamair Breg anair’, ar in
7608] t-óclach. ‘Ocus in fetrais dam, a óclaig’, ar Cailte, ‘cia as
7609] ferr tainic a Collamair Breg riam?’ ‘Ro-fhetar & ro-fhetadur
7610] fir Eirenn & Alban .i. Cailte mac Rónain’, ar Bairnech, ‘& in
7611] fitir tusa cáit a fuil in t-óclach-sin?’ ar Bairnech. ‘Ro-fetar’,
7612] ar Cailte. ‘Atá-som ar sáer- chuairt Eirenn in bail i r-rabadur
7613] a choicle & a chomaltada ina fharrad, & missi in fer-sin’, ar Cailte,
7614] ‘& brathair bunaid duit-si mé, & inann sen-athair lind araen.’


p.213

¶ 567.
7615] IS annsin tairbiris Cailte teora póca co dil & do díchra
7616] dó, & ro ferustar fír-cáin faeilti reime, ‘& is sí do chonair chóir
7617] tangais, a m' anum, a rig-fhéindid’, ar se, ‘& a cind t-shechtmaine
7618] o 'noiss’, ar sé, ‘do-roich Pátraic, & maithe Connacht maraen ris,
7619] co Fert an Druad, risa raiter Fert in Geidig issin tan-so, & bí-siu
7620] a tigh do brathar rissin ac caithem bíd & lenna, & cid
7621] iat in lín is lia ro badais d' fheind & d' foirind riam ro-soistea
7622] ale do-gébtha faeilte nó co tíssad in Tail- genn dot' indsaighe.
7623] Ocus atait soithfrecha mora acaind issin crich-seo’, ar Bairnech
7624] mac {folio 145a2} Cairbh. ‘Ca soithfir-sin?’ ar Cailte. ‘Atait
7625] acum-sa airgeda imda annso, & tic aen-ben dar n- indsaighi
7626] cacha h-aidchi t-shamna cacha bliadna a Síd Chruachna, & .ix.
7627] m-ba is ferr in cach airge beirid lé gan iarmoracht urri, co téit
7628] issin síd. Ocus ní lucht deg-luith missi ná mo meic’, ar in
7629] t- óclach, ‘& tucad ar cuit luith & lán-choiblid indut-sa & in dá
7630] mac bói accut .i. Colla & Faelán.’ ‘Ro bo maith lúth Cholla
7631] tra’, ar Cailte. ‘Cá deg-luth ro bói ann tar in mac aile?’ ar
7632] in t-óclach. ‘IMarbáig fhidchellachta do-rala dó do dénam ar
7633] múr na Temra adhaig n-aen ann tre fhochaind mná Binde
7634] Boinde
rechtaire na Temrach ar tabairt gráda dó, & do-rindset
7635] imarbáig retha & fhidchellachta .i. Colla & Fianna
7636] Erenn,
’. ‘Cindus is áil lib comling do dénam?’ arsi
7637] Colla rissin Féin. ‘Tabraid-si bor n- aighedh ar aen-leith trí
7638] catha na Féine, & do-bér-sa mo drúim reomum.’ ‘Ocus do-rónad
7639] in chomling amlaid-sin, & ruc-som leis in fidchill ara chúla
7640] ó Fhiannaib Eirenn. Co n-dechaid tar mullach Beinde h-Étair
7641] amach issin muir, cor' báidhed ann h-é. Ocus dursun’, ar in
7642] t-óclach, ‘nach eissin tárrasa, uair ní bérthái mo ba uaim gan
7643] díghailt.’

¶ 568.
7644] ‘In fitir tusa, a Chais Choraig’, ar Cailte, ‘cé do Thúaith
7645] Dé Danann
in ingen út?’ ‘Ro-fhetar’, bar eissium ‘.i. Scothniam
7646] ingen Chaissirne drúad a Síd Cruachna andso do-ní ind
7647] fhoghal-sin ort-su, & Cathmog mac Fhir Chirp, mac ríg Breg &


p.214


7648] Midhe ro marb a h-athair & a sen-athair na h- ingine, & atá sí
7649] ac á n-dighailt ar cach nech accaib-si a n-degaid a cheile’.

¶ 569.
7650] Ocus tangadur rompo annsin co dún ind óclaig .i. co Lis
7651] na Fleidhe
, i l-leith aniar do Charnn Fraich meic Fhidaig, & ro
7652] freslad co maith iat ann re teora lá & re teora aídchi. ‘Ocus
7653] maith, a anum, a óclaig’, ar Cailte, ‘dar lium-sa iss anocht
7654] áidchi t-shamna.’ ‘Mas sí’, ar in t- óclach, ‘is inti-sin tic in ingen
7655] d' fhogail & do díbeirg orainde.’ ‘Cindus do biath dam-sa’, ar
7656] Cas Corach mac Cáincind, ‘dul co dorus in t-shida anocht {F§}a
7657] Cailti?’ ‘Érigh, a mh'anum, & gabh th' arma & dena lámhach.’
§
7658] Ocus do-chuaid, & ní cian bói ann co facaid in
7659] ingin seocho amach assin t-shid, & brat álaind aen-datha uimpi,
7660] & delg óir ann, & léine do t- shída buidhe re cnes, & snaidm don
7661] lénid itir a da sliasait, & da t-shleig ina lámaib, & ní raibe ro-eacla
7662] urri don leith da h-aghaid, & nírb' ecail lé a bec don
7663] leith da cúl. Ocus ruc Cas Corach síde ina h-aghaidh, & tuc
7664] a chorr-mér gaiscid a suainem na sleigi ro bói ina laim, & tuc
7665] urchar don ingin co tarla in t-shlegh ina h-ucht, cor' bris a craide
7666] ina cliab.


    7667] Cailte cecinit:Rann.
  1. 7668] Ro marb Cas Corach na cor
    in n-ingin mir, nir' bo chol,
    7669] in dorus in t-shída thuaid
    co rus-commáig re h-aen-uair.

¶ 570.
7670] Ocus ro díchend h-í 'arsin, & tuc leis in cenn chum in óclaig &
7671] chum Cailti. ‘Ocus ac siut, a m' anum, a óclaigh’, ar se, ‘cenn
7672] na h-ingine do-níth ind fhogal & in díbeirg ort cacha bliadna.’
7673] Ocus ro badur ann re téora lá & ré teora áidchi ina degaid- sin.
7674] IS annsin adubairt in fer cétna: ‘Maith, a m' anum, a
7675] Chailti, in fitir tusa in t-ingreim aile atá orum-sa isin tír-seo?’
7676] ‘Cá h-ingreim-sin, a m' anum?’ ar Cailte. ‘Tri sadha con tic
7677] a h-Uaim Cruachan cacha bliadna co millit in neoch bís do
7678] moltaib & do chaerchaib accaind & ni thair baegal co tragit
7679] {folio 145b1} i nd-Uaim Cruachan doridhissi, acht is mo-genar cara
7680] da ticfad a n-dingbail dínd.’ ‘Ocus maith, a m' anum, a Chais
7681] Choraig
’, ar Cailte, ‘in fitir tusa cé na tri coin do-ní ind foghal


p.215


7682] ar ind óclach?’ ‘Ro-fhetar ám’, ar Cas Corach,‘.i. Tri h-ingena
7683] Airitig do deired na trom-dáimi a h-Uaim Cruachan & is ussa
7684] leo foghal do dénam ina conaib ná ina dáinib, & ní thabrad
7685] táeb re nech’, ar Cailte. ‘Ní tabraid acht re h-aen-droing’, ar
7686] eissium. ‘Carsat drong-sin’ ar Cailti. ‘Da faicdis cruiti & timpain
7687] ac feraib in domain do-berdais taeb ríu.’ ‘do-berat taeb re Cas
7688] Corach
mar sin’, ar Cailte, ‘& cait a clechtait tiacht?’ ar Cailte. ‘Co
7689] Carnn m-Bricrenn annso’, ar in t-óclach. ‘Ocus cindus do biath dam-sa’,
7690] ar Cas Corach, ‘dul amairech, & mo thimpan do breith
7691] lium co mullach in chairnd?’ Ocus do eirig co moch arnamairech,
7692] & do-chuaid co mullach in chairnn, & ro bói ac sefnad
7693] & ac sír-shéinm
a timpain co fuined nell nona. Ocus amal do bói
7694] ad-chonnairc na tri coin chuice co ro laig- set ina fiadhnaissi ic
7695] eistecht in chéoil, & ní fhuair Cas Corach accmaing fhalmaissi
7696] orro, & tangadur uad bothúaid chum na h-uamad re deirid don
7697] ló, & tainic Cas Corach ar cula chum Cailti, & indissid in scel
7698] sin dó. ‘Eirig-siu amairech annsin doridissi’, ar Cailte, ‘& raid
7699] ríu comad fherr doib beith i r-rechtaib daíne ic eistecht re céol
7700] & re h-airfited ina beith i r- rechtaib con.’ Ocus tainic Cas
7701] Corach
reime arnamairech conice in carnn cetna, & ro indill a
7702] muintir imon carnn, & do-riachtadur na coin conice in carnn, &
7703] ro laigset ara rigthib oc eistecht rissin ceol. Ocus ro bói Cas
7704] Corach
ic á rad ríu. ‘Damad dáine sib’, ar se, ‘ar m-bunudh, ro ba
7705] fherr duib eistecht in bar n-dáinib rissin céol na in bar conaib.’
7706] Ocus at-cualadur-sum sin, & ro bensat na cochaill chiar- leabra
7707] ro bói umoib, uair ro bo maith leo in céol sírrechtach síde.
7708] Ocus amal ro badur taeb ré táeb & uillind re h-uillind at-chonnairc
7709] Cailte iat, & tuc a chorr-mér gaiscid i s-suainim na sleighe,
7710] co tarrla in t- shleg ina seol neme a mullach a h-ochta issin mnái
7711] ba sia uada dib ar n- dul trithfa a triur, co rabadur ina ceirtle
7712] contrata ar in sleig marsin. Amal adubairt Cailte:
    1. 7713] Ro marb Cailte cona neim
      in triaringnad anaichnid,
      7714] cor' thuitset fa lór truaigi
      re h-aithle na h- aen-uaire.

p.216

¶ 572.
7715] Ocus at-racht Cas Corach chucca, & ro ben a tri cindu dib.
7716] Conid Glenn na Conricht ainm in glenna i l-leith ituaid do
7717] Charnn Bricrenn o sin anall gus aníu.

¶ 573.
7718] ‘IS maith in t-engnum do-rignis, a Cailti’, ar Cas Corach,
7719] ‘& ní h-engnum senórach-sin aniu, & ro bói (ba) & roba maith do
7720] t' airfidech beith it fharrud. Ocus ca ferr in t-engnum do-rigniusa na
7721] engnum ind airfidig .i. do-rignis a m-brégad o rechtaib con í
7722] rechtai daíne.’

¶ 574.
7723] Ocus tangadur rompo {folio 145b2} dochum dúnaid ind óclaig
7724] 'arsin, & cind na tri m-ban- sin leo a m-buaid coscair & chom-maidme,
7725] & ro badur ann re teora lá & re teora aídchi.

¶ 575.
7726] IS í-ssin aes & uair do-riacht naem Patraic co Fert in Druad
7727] risa raiter Fert in Gedig issin tan-so .i. Gedech espoc do muintir
7728] Pátraic ro bói ann. Nó dono Geidech drái Medba & Aililla
7729] atorchair ann. Ocus is annsin do-ríacht Aed mac Muiredaig
7730] meic Fhinnachta, Connacht, co Raith Chaeirech Medba, risa raiter
7731] in Mairtini meic Conrach isin tan-so. Ocus ind aídchi-sin ro
7732] gab slaetan trom-galair d' indsaigi Bé Bind ingen Echach Leithdeirg
7733] Laigen, ben g Connacht, & fuair bás ann, & ro
7734] h-adhlaiced h-í i nd-Ard na n-Aingel, risa raiter Úaran n-Garaid
7735] isin tan-sa, uair míli d' ainglib tainic fa thri ann d' accal- laim
7736] Patraic and ac denam a trath. Conid aire-sin aderar Ard na
7737] n-Aingel
riss.

¶ 576.
7738] Ocus tainic iarsin Connacht co Fert in Druad, mar i r-raibe
7739] naem Patraic, & do-righned tinol & toichestal chuicid Connacht
7740] leo ó ta Leic Essa Lomanaig, risa raiter Luimnech, co
7741] h-Ess Ruaid meic Moduirnn.

¶ 577.
7742] Dala Chailti, immorro, tainic roime cona muintir ó ta Lis
7743] na m-Ban
co h-airm i r-raib Pátraic & maithi Connacht, & tuc a
7744] chenn a n-ucht Pátraic annsin. & ro fheradur maithe Connacht
7745] faeilte re Cailte & ré Cas Corach mac Cáincinde. ‘Ocus dar
7746] ar m-breithir ám’, ar siat, ‘ní fhaccamar ó do scarabair rind dám
7747] budh annsa lind ina sib.’ ‘Dar mo breithir ám’, ar Cailte, ‘ní


p.217


7748] fhacca-sa dám bud annsa lem ina sib-si o do-chuaid in flaith Find
7749] as.’ Ocus ro eirig Cas Corach mac Caincinde, & tuc a chenn
7750] a n-ucht Pátraic, & ro slechtastar do. ‘Buaid n-urlabra ort,
7751] a meic’, ar Pátraic, ‘& cach tres focal adér fer t-eladna comad
7752] bind le cach h-é, & fer leptha ríg díb, & caindel cacha h- airechta
7753] ret' eladhain cháidchi.’ Ocus ba gairdiugud menman & aiccenta
7754] lé Pátraic a torachtain chuice na deissi-sin.

¶ 578.
7755] Ocus is annsin do fhiarfaig Pátraic scéla do Chailti o ro delaig
7756] ris co toracht chuicci doridissi, & ro indis Cailte scela fíre d(ó).
7757] ‘Ocus maith, a Brogain’, ar Pátraic, ‘scribthar & lesaigther let
7758] scela Cailti nach dechat a mudha, corub gairidiugud do drongaib
7759] & do deg-dáinib deirid na h-aimsire iat.’

¶ 579.
7760] ‘Ocus maith, a naem Pátraic’, ar Cailte, ‘crét do scela féin
7761] & do thuirrthechta o ro deiligisa riut gus aniu?’ ‘Atáit acum-sa
7762] duit-si ón’, ar Pátraic ‘.i. Maelan & Mugan & Brothrachan &
7763] Dobchú na celg d' indarba a h-Aenach Derg’, risa raiter Achad
7764] Abair Umaill
isin tan-sa.


    7765] Patraic cecinit:
    1. 7766] IN tipra d' áccus as tír
      's ma dá bratan cen im-shnim,
      7767] is merdait ann co brath m-bán ,
      adér riut. a Chailtican.

¶ 580.
7768] Fer Bend & Fer Bogha & Fer Gabla .i. triarbrathar ro
7769] badur ac dénam uilcc & écórach a n- iarthar Eirenn, & tri cét
7770] míle do demnaib imon Cruaich, co ro indarbus amach iat tar
7771] Ailen in t-Shnáma issin muir, corub rissin aderar Ailen na n-Deman
7772] issin tan-so.


    7773] Patraic cecinit:
    1. 7774] {folio 146a1}M' én & m' uisci & m' ilar
      is mo Chruach álaind idhan,
      7775] is siat-sin bus chomarchi
      do cach uaim a n- andliged.

7776] ‘Ocus maith, m' anum, a naem Patraicc’, ar Beineoin Mor
7777] mac Aeda, ‘cá dliged ar ar m- breithir immi-sin ac cach aen
7778] imthechus fonn na Cruaiche & ibhas uisci in Dabair?’ ‘A m-beith
7779] ar do chomus fhéin, etir t-shen & óc, & ro fhacus comad inad naem
7780] & fír in t-inad, & comad crínad clainde & ciniuil & aiccme do
7781] cach aen do-genadh ann olcc na écoir na imdell, & mo chin don
7782] tí don-gena a cadus & a cum- dach. Conid iat-sin, a m' anum, a

p.218


7783] Chailti’, ar Pátraic, ‘mo scéla & m' imthechta risin m-bliadain
7784] atái-si am' écmais.’

¶ 582.
7785] ‘Ad-rae buaid & bennachtain, a naem Pátraic’, ar Cailte: ‘is
7786] mor in sochur-sin ro fhacais do Gaéidelaib issinn inudh-sin.’

¶ 583.
7787] IS annsin ro scailed a pupull tar Pátraic ind áidchi-sin,
7788] & do-rigned longport ac g Connacht ann ré h-ed caeicis ar
7789] mís nó co toirsitis cóic oll-choicid Eirenn do dénam fheissi na
7790] Temrach. Ocus do-rigned tech derrait diamair do Chailti acco
7791] iter thech rig Connacht & pupall Pátraic, & is uime do-rigned
7792] a tech amlaid-sin, comad urgairdiugud do cechtar de eistecht ris.

¶ 584.
7793] Ocus is annsin ro gab Cas Corach mac Cáincinde a
7794] thimpan, cor' chuir ina suan sír-chotalta iat. Ocus ro eirgetar arnamairech,
7795] & tucad fidchell da n-indsaighid da h-imirt, & do
7796] frith espaid tri fer don fidchill, & adubairt in : ‘Ni fuighther
7797] fir bus chosmail ria a n-Eirinn na a n-Alpain.’ Ocus is
7798] annsin adubairt Cailte: ‘Na h-imridh in fidchill’, ar se, ‘nó co
7799] n-dechur-sa d' iarraid fhidche at-chonnarc ic á folach fecht aile.’
7800] Ocus tainic reime sair co cenn Sleibe Clithair, risa raiter Sliab
7801] Baghna
issin tan-so, & at-chonnairc carthe com- daingen cloiche
7802] a n-dorus in t-shída amuich, & tuc a da láim uimin carthe, & tuc
7803] a talmain h-é, & faircle com-daingen cloiche ro bói ar in fidchill
7804] a n-inadh in chairthe, & faircli fuithe, & tuc in Solustairtich
7805] as .i. fidchell Guill meic Morna, & rucustar tri fir óir &
7806] tri fir airgit aisti, & do cuir in fidchill itir in da chlar com-dluta
7807] chloiche chétna, & tainic reime d' indsaigid rig Connacht, &
7808] tuc na fir 'na laim, & dornn ind fhir fa mó don t-shluag iss ed
7809] do bith in cach fhir díb. ‘Ocus in raibi ní budh mó inás-so?’ bar
7810] in . ‘Ro bói immorro’, ar Cailte, ‘tri cóeca fer n- óir & tri
7811] cóeca fer n-airgit.’ ‘Cret tuc ort’, ar in , ‘gan in fidchill do
7812] thabairt let dam-sa?’ ‘Ní fidchell do t-shiris orum’, ar Cailte,
7813] ‘acht tri fir chum t' fhidchle, & tucusa gein & aithgein duit, &
7814] ní dingen-sa a gluassacht assin n-inad ina tuc in t- óclach assa
7815] fidchell h-í.’ Ocus tucad na fir ar in fidchill 'arsin. ‘Ocus
7816] cia ic á raibe ind fidchell?’ ar Connacht. ‘Ac Goll mac


p.219


7817] Morna’, arsi Cailte. ‘Dursan gan a tabairt duit-si let dam-sa’,
7818] ar Connacht. ‘Na cuir-si ris-sin, a ’, ar Cailte, ‘uair ní
7819] thiber in fidchill duit etir, & ní thibar ní bus mó da foirind.’

¶ 585.
7820] Ocus ní cian ro badur ann co faccadur Aillenn Fhialchorcra
7821] ingin Buidb Deirg meic in Dagda, da n-indsaigid & tri .l.
7822] ban do mnáib Túaithe Dé Danann ina farrud, & ro t-shuidh(es)tar
7823] ar in firt fótbaig i f- farrad naem Pátraicc & Connacht & ro
7824] bói in ingen ac indissin a toisce ann. ‘Ocus caide do frecra
7825] urri-ut, a Connacht?’ ar Pátraic. ‘In ní adérús-sa & bus
7826] maith let (do) denam dam iss ed dogén-sa’, ar in . ‘Is maith
7827] lem-sa a tabairt {folio 146a2} duit’, ar Pátraic, ‘uair ro gellus ria
7828] co tiubartha-sa h-i acht co léiced a creidem doilfi draidechta
7829] uaithe & co slechtad sí do t-shoiscel Rig nime & talman.’ ‘In
7830] faemai-si siut, a ingen?’ ar in . ‘Faemaim’, ar inn ingen.
7831] Ocus ro eirig in ingen cona bantracht, & ro t-slechtadur uile do
7832] Pátraic, & ro chengail Pátraic iat & ro phós, corub h- í-sin
7833] cét-lánumain ro pos in Tailgenn i nn-Eirinn amal airmid udair.
7834] ‘Ocus luach in posta’, ar Beineon Mor mac Aeda. ‘Rachaid um’,
7835] ar in ‘.i. ragha baile cacha tuaithe o Leic Lomenaig rissa
7836] raiter Luimnech, co Leic Essa Ruaid.’ ‘Ocus luag uait-si ina
7837] adhaig siút, a Patraic’, ar Beneoin, ‘do lucht in chuicid.’ ‘Do-bér
7838] immorro’, ar Pátraic, ‘.i. tri rig do gabail Eirenn uaithib,
7839] & rath Eirenn fo deired acco gan dibad.’ Ocus scribais Brogán
7840] na fácbala-sin do choiced Connacht, & scribais neoch tucad do
7841] Pátraic. Ocus ro fháeidur in lánamain-sin ind áidchi-sin ar
7842] feis leaptha & lám-déirgthi .i. Aed mac Muiredaig meic Findnachta
7843] & Aillenn Fhialchorcra ingen Buidb Deirg meic in Dagda.

¶ 586.
7844] Ocus ro eirig in co moch arnamairech, & ríg-lia cloiche
7845] ro bói ar in tulaig acco. Tuc in a druim rissin carthe &
7846] do fhiarfaig do Chailti: ‘Cid imma tucad Lia in Imracail ar in
7847] lia-so?’ ar se.

¶ 587.
7848] ‘Fecht n-aen da tangadur Meic Morna co Cuaill Chepain
7849] i nd-Echtge Connacht’, ar Cailti, ‘ac fogail & ac díbeirg ar Fhind
7850] & ar in Féin, & do-riachtamar-ne tri catha na Féine co mullach


p.220


7851] t-Shleibe Cairnd tes i crich Corca Mruad, & ro bói ceist ac Find
7852] im dála Mac Morna .i. ní fhitir ind annsa Mumain bodes do-chuadar
7853] nó in sechu bothuaid í cuiced Connacht. Ocus adubairt
7854] Find rena dá mac féin dul a cuiced Muman d' fhis scel
7855] Mac Morna .i. Uillend & Cáince cona fhéin & cona foirind, &
7856] do chuir Aedan & Cathal, da mac rig Ulad, & da cét óclach
7857] maraen riu, i cúiced cháem- álaind Connacht d' fhis Clainde
7858] Morna
. Ocus ro badur dá mac rig Laigen ina fiad- naissi .i.
7859] Conla & Cellach a n- anmanna. Ocus tangadur-sin da cét óclach
7860] a n-degaid a comalta, & tar- raid cach ara cheile díb co rabadur
7861] ceithri cét óclach a n-aen- inad, & do-riachtadur chum inn inaid-
7862] sea
’, ar Cailte, ‘& do t-shirdis cach láe o Ath Colta co h-Ath
7863] m-Bercha
ac iarraid Mac Morna, & ticdis cach n-aidhchi conici
7864] seo. Ocus ba h-ingnad lé Find dala a muintire, uair ní tainic
7865] fis uaithib da indsaighid.’

¶ 588.
7866] ‘Ro eirgemar-ne tri catha na Féine & do fhuaramar slicht-lorg
7867] in t-shlóig romaind, & dar lind ba h-é slicht Chlainde Morna, &
7868] ro iad cach a laim a cheile umpu, & ro luath-marbad, etir gilla
7869] & óclach, na tri cét fer ro badur. Ocus ind uair thainic lá cona
7870] lán-shoillsi arnamairech is ann tucsat aichne ara muintir féin, &
7871] ro léicset annsin tri gaire mora eistib ic á cáinead a muintire
7872] ro marbsat a n-imrull, & adubairt Findg-lia cloiche d' iarraid
7873] ar in cethrur caem sin .i. air da mac rig Ulad & da mac rig
7874] Laigen. Ocus do eirgius-sa’, ar Cailte, ‘& Oissin co Raith Medba,
7875] risa raiter Raith Chaerech Medba isin tan-sa, & fuaramar in
7876] ríg-lia cloiche ann, & tuc- samar conici seo h-í, & ro t- sháidemar
7877] os chind na fer-sin annso.’

¶ 589.
7878] ‘Ad-rae buaid & bennachtain, a m' anum, a Chailti!’ ar in
7879] sluag uili, ‘is mor in fis & in faillsiugud fírinde do-beri duind
7880] ar cach ní {folio 146b1} fhiarfaigther dít.’ Ocus is desin atá
7881] Lia in Imracail ar in lia-so, d' imracal Fhind & na Féinde, cor'
7882] marbadur a muinter fein a richt Chlainde Morna.

¶ 590.
7883] IS annsin do-chuadur co Temraig, & ro indessetar mor
7884] d' fhis & d' fhir-eolus i fiadnaissi fer n-Eirenn .i. Cailte & Oissin,
7885] & ro lessaiged cach ní adubradur ac ollomnaib Eirenn.


p.221


7886] ‘Ad-rae buaid & bennachtain, a uaissle’, ar fir Eirenn.
7887] ‘Gin co beth d' fhis na d' fir-eolus a n-Eirinn uile acht in meide
7888] ro facabair accu anos ro bo tinolta fir Eirenn uili i nd-aen-inadh.’

¶ 592.
7889] Ocus is annsin ro eirig Cas Corach mac Caincinde, &
7890] adubairt: {SG page 231}‘Maith a m' anum, a Cháilti’, ar eissium, ‘is mithigh.
7891] Is mithig dam-sa imthecht festa, & bennacht cacha dalta fort-su.’
7892] ‘Bennacht cacha h-oide ic a roibe dalta ort-sa’, ar Cailte, ‘uair is
7893] tú is ferr eladha at-conncamar riam.’ Ocus adubairt ri Eirenn .i.
7894] Diarmait mac Cerbaill: ‘ollamnacht Eirenn uaim-si dait in comfhat
7895] rabur-sa i r-rigi.’

¶ 593.
7896] IS si-sin uair & aimsir tangadur tri nonbair d' iarsma na
7897] Feinde ro bói i f-farrad Chailti ar in tulaig leth aniar do Themraig,
7898] & tucsat da n-úidh & da n-aire beith a n-ingnais a luith
7899] & a lán- choiblidh, & gan a beith do rath orro nech ac comrad
7900] ríu, & tucsat a m-bel re lár talman issin tulaig-sin, & fuaradur
7901] bás ann, & ro cuired fo thalmain iat, conid Cnoc na Nonbur
7902] ainm in chnuic-sin dia n-eis.

¶ 594.
7903] ‘Truag dono sin’, ar Oissin, ‘iss ed sin ro mairistar d' iarsma
7904] na muintire moire maithe ar triath & ar tigerna accaind .i.
7905] Fhind mac Cumaill.’ Ocus ro badur na senoire co toirrsech
7906] truag in lá-sin tar eis na tri non- bur-sin ó nar' mair do tri
7907] cathaib na Feinde achtmad Oissin & Cailte & na tri nonbair-
7908] sin. Ocus ro badur fir Eirenn uile ina tast gan fer do labra
7909] re cheile díb ara mét ro chuir orro a n-dernnsat na senóraig do
7910] thoirrsi tar éis a Féine & a muintire. Ocus adubairt Oissin:

    1. 7911] IN fuil sunn nech ro fheissed
      gémad fann, gemad eissel,
      7912] in fhail ar fácad cuach Find
      'na aenuran a Cromglind.

¶ 595.
7913] ‘Ocus ní rabusa riam’, ar Cailte, ‘lá nach budh éscaid lém
7914] labra riut, a Oissin, acht mad aniu.’ Ocus adubairt Cailte:

    1. 7915] Atá sunn nech ro fheissed
      mar ar' impo for deis- sel,
      7916] in fail ata 'sin glind glais
      ní fholaig acht feth fithnais.

¶ 596.
7917] Oissin dixit:

    1. 7918] IN fil sunn nech ro fheissed
      gémad fhann, gémad eissel,
      7919] cia do-rat cenn Curraig chain
      issin chnoc os Badamair?

p.222


7920] ‘Tusa ro ben a chenn de’, ar Cailte, ‘& t' athair ro loit h-é’, ar
7921] Cailte, ‘& missi ro muir in cnocc.’

¶ 597.


    7922] Oissin dixit:
    1. 7923] Da m-beth sunn nech ro fheisid
      mina impodar deis- sel,
      7924] ann rus-geogain Find bodéin
      o rus-dichenn Oisséin.

¶ 598.
7925] Ocus adubairt Cáilte:

    1. 7926] Rucus lim in cenn 'arsin
      gusin cnuc os Badhamair,
      7927] co fuil ann o ssin ille
      issin cnucc 'na comnaidhe.

7928] ‘Ocus in cumain let-su, a m' anum’, ar Oisin, ‘cia ro diubraic
7929] Goll mac Morna maiten ós Beluch Gabrain?’ ‘Missi ro diubraic
7930] h-é’, ar Cailte, ‘cor' chuir in cathbarr óir ro boi imma
7931] chenn de, & ro ruc coibeis craind na sleige da fheoil de.’ ‘Ocus
7932] uallach ro bas {folio 146b2} fai-sin’, ar Oisin, ‘ger 'bo mor in chned
7933] ro gab in cathbarr {SG page 232} imma chenn, & ro gab a airm, & adubairt
7934] re braithrib nach raibe poind air.’ Ocus adubairt Oissin:
    1. 7935] IN fuil sunn nech ro fheissed
      gemad fhann, gemad eissel,
      7936] cia ro diubraic Goll co mm-baid
      maiden ós Beluch Gabrain.

7937] Ocus adubairt Cailte:
    1. 7938] Missi ro diubraic a
      a Oissin gusin caem-lí,
      7939] urchur fagha cert do-chuaid
      a n-diaid meic Morna mor-cruaid.

¶ 599.
7940] IS annsin do fhiarfaig Eirenn dib-sum: ‘Cia ro marb
7941] Cairpre Lifechair mac Cormaic i cath Gabra?’ ‘Oscur mac
7942] Oissin’, ar Cailte, ‘ro marb h-é.’ ‘A fhírinde as maith do denam’,
7943] ar Oissin. ‘Cia chena ro marb h-é?’ ar in . ‘Orlám Fotharta
7944] andes’, ar Oissin ‘.i. óclach gráda ro bói acum-sa & 'gom athair
7945] reomum.’ Oissin adubairt:

    1. 7946] Orlam mac rig Fotharta
      nochar'b é in fer co maithfech,
      7947] brathair Brónaig, ní brég lib
      ro marb Cairpre Lifechair.

¶ 600.
7948] ‘Ocus Osccur dono, cia rus-marb?’ ar Eirenn. ‘aen-urchur
7949] Cairpri Lifechair meic Cormaic ro marb h-é.’ ‘Ocus Mac
7950] Lugach
, cia rus-marb issin chath?’ ar Diarmait mac Cerbaill.
7951] ‘Bressal mac Eirge, mac ríg Gall- Gaeidel anall, & taissech teglaig
7952] rig Eirenn h-e.’
7953] Ocus rob h-í-sin adhaig déidinach feissi na Temrach, &


p.223


7954] ro badur ac ól & ac aibnius ann ind aidchi-sin, & ro eirgetar
7955] na sluaig 'arnamairech, & ro scailset fir Eirenn da crichaib &
7956] da cóicedaib féin & da n-inataib bunaid. Ocus at-racht Eirenn
7957] co moch arnamairech co Lic na n-Druad fri Temraig anairtuaid,
7958] & Bé Bind ingen Alaisc meic Aengusa, ingen rig Alban, a ben.

¶ 602.
7959] ‘IS áil lem-sa’, ar se ré mnái, ‘dul ar saer-chuaird Eirenn.
7960] & is áil lem do beith-si i Temraig ic frithailem na senórach
7961] arna ría ail nó aithis missi ó fheraib Eirenn.’ ‘Do-gentar a reir
7962] mar oirdechair-si & mar adérat féin’, ar in rigan. Ocus tangadur
7963] araen rompo issin tech i r-rabadur na senoraig .i. Oissin
7964] & Cailte, & ro indis in doib-sin. Ocus is amlaid ro bói
7965] Oissin: iss é fer ba fial-náirige ro bói a n-Eirinn h-é, & adubairt:
7966] ‘Ní h-amlaid do-gentar, a ’, ar eissium, ‘acht bíd do ban-cheile
7967] it' fharrud féin & aithin don rechtaire sinde.’ ‘Máss ed, tabair
7968] in rechtaire chucaind’, ar in ; & tucad h-é féin & a ben ann.
7969] Ocus adubairt in ríu: ‘Ac seo mar ordaigim duib biathad na
7970] senorach .i. secht fichit bó do chur i fer-gurt gabala, & a m-blegon-
7971] sin dóib cach n-aidchi, & proind deich cét o feraib Eirenn doib
7972] a lind & a loim i Temraig, & fothrucud cach re lá, & esrad úrluachra
7973] ina lepdaib, & cona tair deired in lenna d' ól in tan bias
7974] in lind nua urlum acco. Ocus atait secht meic accut-sa’, ar
7975] Eirenn, ‘& muirbfither accum-sa iat & tusa leo da raib ní
7976] a n-airesbaid dóib.’

¶ 603.
7977] Annsin adubairt Oissin:

¶ 604.
7978] ‘Nir' h-inganta’, ar eissium, ‘Lighi ind Abaic a Temraig, da
7979] tictis fir Eirenn uile da fhegad, inar m-beith 'gar n-aithne ar
7980] Mael Muirir mac n- Dubain, ar rechtaire na Temrach, & do Chuarnait
7981] ingen Béccain Bóaire ar a mnái.’ ‘Ocus maith, a m' anam, a
7982] Oissin, cret eissein in t-abhacc?’ ‘Turchairthe flatha fuair Conn
7983] Cétchathach
’, ar Oissin ‘.i. abhocc, & tri duirrnd Cuind Cetcathaig
7984] ina airde, & iss e fidchellach & brannaige as ferr do boi a
7985] n-Eirinn h-e. Ocus uile galra in domain do beith ar nech acht
7986] co tucad a lam air ro fhoirf(ed) {folio 195b2} & fir Eirenn do
7987] breith i láthair catha & comraic do- ghénad-sa sídh eturru, &


p.224


7988] cloch ro bói sunna i Temraig’, ar Oissin, ‘is uirre-sin ro bói a
7989] leapuid. Ocus ra h-ingnad dala a leaptha’, ar Oisin, ‘.i. in fer
7990] ba mhó d' feruibh Eirenn do bídh a choimsi i leapaid in abhuic,
7991] & in náidhe ba lugha do-gheibhthea ní bidh acht a coimsi
7992] innti. Ocus ba h-é-sin & in Lia Fáil bói i Temhraig dá ingnad
7993] na Temrach.’

¶ 605.
7994] ‘Ca h-ingnad ro bói ar in Lia Fáil?’ ar Diarmaid mac
7995] Cerbaill. ‘Gach aen ara m-biadh leith- br(ia)thar d' fheraibh Eirenn’,
7996] ar Oisín, ‘do-beirthea ar in leicc-sin h-é, & damad díleas é gile
7997] & dergi do-nídh do, & a chur ar in Lia Fáil & dámad ain-díleas
7998] h-é ball dubh do bheith a n-inad suaichnid fair. Ocus in tan
7999] ticedh Eirenn fuirre do ghéised in lecc fái co freacraitís prím-thonna
8000] Eirenn h-í .i. Tonn Clídhna & Tonn Tuaidhe & Tonn Rudhraigi.
8001] Ocus in tan ticced cóiced fuirre ro bhúiredh in lecc fái.
8002] Ocus in tan téighedh ben aimrit fuirre drúcht dubh- fhola no mhaidedh
8003] trempi. Ocus in tan téigedh ben do b
[...]
ticedh braen alaid
8004] tríthe.’ ‘(Ocus cia ro thócaib) in leac-sin nó ruc a h-Eirinn í’ ar
8005] Diarmaid mac (Cerbaill). ‘Oclach mór-menmhach ro ghabh ríge
[gap: text ends imperfect]