Corpus of Electronic Texts Edition
Buile Shuibhne (Author: Unknown)

paragraph 34

    Suibhne

    1. 752] 'A bhen dobheir aithne form
      753] do rennuibh do rosg roghorm,
      754] robhúi tan ba ferr mo gné
      755] i n-airecht Dál Araidhé.
    2. 756] Rochláochaighes dealbh is dath
      757] ón air tánag asin chath,
      758] robo misi an Suibhne seng
      759] atchúaladar fir Éreand.
    3. 760] Bí-si gut fhior is gut thoigh,
      761] nocha biu-sa a Ros mBeraigh,
      762] ní chomhracfem go bráth mbán,
      763] misi agus tusa, a bhenaccán.'

    A bhen.