Corpus of Electronic Texts Edition
Buile Shuibhne (Author: Unknown)

paragraph 22


473]

Táinic Suibhne roimhe iarumh co riacht an
474] chill ag Snámh dhá Én for Sionainn, dian comainm
475] Cluain Boirenn an tan sa; día na haoine dídine an
476] tsainridh ráinic-siumh annsin. As ann iarumh bádar
477] cléirigh na cille ag dénamh an uird nóna ocus mná ag
478] túargain lín & ben ag breth leinb. ‘Nior bhó cóir
479] éimh,’ ar Suibhne, ‘don mhnáoi aoine an Choimdedh
480] do mhilledh. Feibh thúairges an ben an líon,’ ar
481] sé, ‘as amhlaidh sin rotúairgeadh mo muinter-sa
482] isin chath a Maigh Rath.’ Rochúalaidh-sion iarum
483] clog an esparta aga bhúain, conadh ann adbert:
484] ‘Ba binne lem-sa éimh,’ ar sé, ‘guth na ccúach do
485] chloinsin ar bruach na Banna do gach leith inás
486] grig-gráig an chluig si atchluinim anocht,’ co n-ébert
487] an laoidh:


p.18