Corpus of Electronic Texts Edition
Buile Shuibhne (Author: Unknown)

paragraph 11


188]

Ó rochomhracsiot iarom na catha cechtarrdha
189] robhúirset an damhradh dermháir adíu & anall amail
190] dámha damhghoire co ttuargaibhset trí tromghaire
191] ós aird. Ó'dchúala thrá Suibhne na gáire móra sin
192] & a fhuamanna & a freagartha i néllaibh nimhe & i
193] fraightibh na firmaminnte rofhéch Suibhne suas iarum
194] co rolíon nemhain & dobhar & dásacht & fáoinnel &
195] fúalang & folúamain & udmhaille, anbsaidhe &
196] anfhoistine, miosgais gach ionaid ina mbíodh & serc
197] gach ionaidh noco roichedh; romheirbhlighset a
198] meóir, rocriothnaighsiot a chosa, roluathadh a
199] chroidhe, roclódhadh a chédfadha, rosaobadh a
200] radharc, rotuitset a airm urnocht asa lámhuibh co
201] ndeachaidh la bréithir Rónáin ar gealtacht & ar
202] geinidecht amail gach n-ethaid n-æerdha.


p.8