Corpus of Electronic Texts Edition
Lebor na hUidre (Author: [unknown])


4335] Tucait innarba na nDessi i mMumain inso
4336] [H] & aided Chormaic


4337] [M] CID dia tá cóechad Cormaic hi Temraig Ni handsa fer amnas
4338] ro boí dona Déssib Maigi Breg .i. Óengus Gai buafnech
4339] .i. gai nemnech co slabradaib. Teóra slabrada esti triar for
4340] cech slabraid. Is airi atberthe Oengus Gai buafnech de .i.
4341] dígail gres ceneoil dogníd .i. bale i ndénta fingal l^ etualand
4342] d'immirt for fannaib ní anedsom so n-indechad. Ruc Cellach
4343] mac Cormaic ingin a brátharsom .i. [H] Forrach ingen Soraith .i. meic Artcoirb
4344] [M] Is and boi Oengus ic dígail gressi ceneoil i cociud Conacht in
4345] tucht sin. Téit Eogan d'insaigid Oengusa.{folio 53b} is rochlíamain
4346] damsa mac Cormaic a Oengus or se. Dó dotaig ar Óengus ar
4347] ní ricubsa co ndernur inní fris tánac. Tanic Oengus matan
4348] moch iar sudiu & sé scíth ocurach iar barbad dremmi ro immir
4349] in fingail. co mnaí & sí a hoenur oc ergnom cota methli.
4350] Deoch & mír dam a ben or se doig am ítmar acurach. Ní
4351] [H] hairchisi [M] th'op(ar) or si andá opar in lochta asa cuit seo. Ba scíth
4352] lasain mnaí a ndognid Oengus. Olc or si do dán bith oc
4353] búadred na Herend & t'enech d'ácbáil fo bíad. Dochu lim. or si
4354] andá dígail saraigthi do brater écnigud óenmná dait. Nos geib
4355] ferg & tomlid na hocht mbargin & dobeir a dí láim fon mudi &
4356] tocbaid fair & nir ét in ben a thairmesc. Fecid in ben ocá
4357] cháiniud. Tócbaid in derba fair & dobeir bulli in cend na mná
4358] conid romarb. Gebid ferg & luindi & tic immach & tecmait da
4359] sleig inna dib lethfoltaib cor scail a folt mo chend.


4360] Luid iar sin do saigid Temrach Atchimsea or in dercaid
4361] láech orcnech garb grellíath & turi rígthigi fria ais & tarfas dam
4362] gné fergi fair. Is é Óengus or Cormac & tabar d'oid hé. A
4363] dalta hi farrad Óengusa .i. Corc Duibni mac Corpri Musc meic
4364] Conaire meic Etersceoil ro boiside o feraib Muman i ngiallai


p.138


4365] fri láim Cormaic I tech nÓengusa ro aithniset fir Muman a
4366] ngiall dia airchisecht. Luid didiu Óengus issa rígthech i rrabi
4367] Cormac ní tharat im Cellach i n-eslis Oengus. téit co mboí iter
4368] Cormac & fraig. Cid not beir and sin a gilli or Óengus la
4369] tabairt forgoba inna bruinni co mboí isin cleith fris anall. Oc
4370] tabairt dó in gai a bruinnib in meic taraill brefe na slabraidi
4371] dar súil Cormaic co ndernai da leth di ina chind. Co n-ecmaing
4372] a hirlond i n-étan ind rechtaire .i. .i. Sétna meic Blaí. co mboí triana chend síar.
4373] Immalle dorochratar in mac & in rechtaire .i. Sétna meic Blaí. & ro mebaid súil
4374] Cormaic & ní roacht greim fair co rránic a tech. & ro marb
4375] nonbor do churadaib Cormaic oca thofund & a dalta leiss .i.
4376] Corc Duibni & atrulláeside a giallai.


4377] Ní deochaid dí Cormac hi Temraig ónd uair sin ar ni hada
4378] rí co n-anim inti conid i nAchaill .i. áit hi fil Scrín Cholaim Cille indiu ar Themair ro boí. Issin
4379] bliadain ar chind dano fúair Cormac aidid hi Tig Cletig.


4380] Doratsat tra na Dessi .uii. catha iar sin do Cormac &
4381] ro mebdatar forsna Desib. Batár tressiu fortlisi fer nÉrend fo
4382] deóid la Cormac. Bá maith cid a cenelsom na nDessi .i. cland
4383] Fíachach Suigthe meic Fedelmede Rechtada meic Thúathail
4384] Techtmair. Oc Dumu Dér iss and celebraisit mná na nDessi
4385] do Themraig .i. dera fola ro teilcset ic scarad fri Temraig .i.
4386] fría tír & fria talmain co bráth. I mMaig Inir is and tucsat in
4387] cath ndédenach. is inir in cath sa innosse or Cormac. bid ed
4388] ainm in maigi {folio 54a} [H] co brath Mag nInir. Lotar na Desi iar sin co
4389] mbátar oc Ard na nDesi i mMaig Liphi. & atraigsetar iar sin Lagin
4390] do gabail in tíri sin forro di cach leith. Ro bátar iar sin hi cosnam
4391] fri Dunlang fri ríg Laigen & fri ilcenelaib ailib sechnon na Hérend. &
4392] dociuchratar a trénfir & a laith gaili and. Mór do chathaib tra
4393] ro chuir Oengus & Corc Dubni and sin. Dorochair Oengus and sin i
4394] lLaignib fri maccaib Corpri Lifechair .i. Fiacho Srobtine & Echaid
4395] Domlen & Eocho in chacaid i ndigal Chellig [gap: extent: uncertain] sula Cormaic. [M] Lotár
4396] didiu co mbatár i ndesciurt Lagen [H] na Desi [M] .i. i tír aessa na
4397] imirgi. Tíagait iar sin for muir aníar oc Miledoch .i. míle tige .i. inde Milidach nóminatur
4398] doronsat and.


4399] Lotár iar sin la muir síar co rrancatár Tech nDuind iar
4400] ndErind. Sund rom altsa or Corc Duibni atrebom sund .i.


p.139


4401] Corpri Músc mac Conaire dia tát Muscraigi Muman is é doroni
4402] fria derfíair .i. fri Duibind ingin Conaire in tan ro boí i rrigi
4403] Muman. Bátár mesaite a torthe. Gó na flatha fótera so or
4404] Corpri fingal aní doronus. In fil ní de fil da mac .i. Corc &
4405] Cormac i n-oentairbirt ructha. Ro chorc indala n-aí araile
4406] i mbroind a mathar. Loscther or fir Muman conná raib a
4407] n-anfíal is tír. Tabar damsa or in druí ro boí isin dunud in
4408] Corc ucut cono rucursa a Herind conná raib a n-anfíal and.
4409] Doratad dó & rouc leiss i n-indsi & a chaillech. Boí a ainm na
4410] calligi & bo find óderg leo. Dobertheá dinech for Corc for
4411] druim na bó cacha óenmaitni. A llá sin dano cind bliadna
4412] conos lá in bó uadib issin muir co nderna carraic di issind
4413] fairrce .i. gentliucht in meic dochóid furri. Bó Boí ainm na
4414] cairrce & Inis Buí ainm na indsi. Tucad in mac iar sin i
4415] nHerind afridise. Geib th'ua it ucht a Sárait or Boí fri ingin
4416] Cuind Cetchathaig.
    1. 4417] A Boí.
      4418] céin bes in cethrur innuae. l^ innui
      4419] cia no charthaso ba lat
      4420] mac dot ingin mac dot mac.


4421] or Buí. Is and asbert Sárait fri Boí inso .i. fri mummi a meic

    1. 4422] Mo dá mac
      4423] nirbo chóir a ngradugud
      4424] Corpri Músc do dul coa fiair
      4425] Corpri Niad dom sárugud .i. im marbad Nemid


4426] .i. a sarugud do Chorpri Rigfota im marbad a fir eter a dí láim
4427] .i. Nemed mac Srobcind hi cath Grutine oc marbad Ingciuil
4428] ro boí for inchaib Nemid co torcratár a nnís i cath Grutine la tri
4429] maccu Conaire do dígail a n-athar for Ingcel. hi fail Nemid
4430] ro boí a mmáthairseom coro marb Corpri Rigfota eter a dí láim
4431] conid de sin ro gabsi in rand. Is é in Corc sin tra dodeóchaid


p.140


4432] lasna Deise anair. [H] Anaid Corc thess Batar na Desi for fainnel
4433] as cach inud na chéli o amsir Chormaic co amsir Óengusa meic
4434] Nad Fraich. Asbertatar a ndruid friu conna gebtais fos acht tria
4435] ingin ríg Laigen d'ailemain doib. Conid é doratsat Ethni .i. Uathach cucu for
4436] altrom {folio 54b} [gap: extent: 8 letters]b doberthe di combad prapiti no asad E
[gap: extent: 4 letters]
.i. ingen
4437] Crimthaind. Tabraid damsa for Oengus do mnaí [gap: extent: 5 letters] [M] .i. for ndalta.
4438] & dobersa ferand duib [H] na tinscra .i. ferand rig [M] fíl damsa la
4439] Osraige frind andes & is cet duibsiu a forsingud foraib. Doberar
4440] dó ind ingen. Tiagait fodes i mmedon in tíre. acht chena
4441] nírb áelid dóib ar buí in slúag forro for cech leth. Is amlaid ro
4442] bátár amal mucca eter conaib. In rotach leósom im for cach
4443] leth. in cath di cech leith díb cech oenlathi in maidb remibseom
4444] for cach leth. Cách fénnid & cach foglaid dodeochaid asa tir
4445] doberedsi ór & airget dóib ar cungnam risna Désib. Dil mac uí
4446] Creca o Druim Díl druí dall di Osraige is uad terchanad forna
4447] Deise co mmaided forro. Ingen uallach leis maith lei teglachas.
4448] ro gab co Ethne. no aithiged co Ethni. conas taratside dochum
4449] fir dona Desib. Noco maith ar noediu or Ethne atá th'athair
4450] friar muintir. ni chumgaimsí am ni de or si Eírg damsa or
4451] Ethne .i. Uathach & tabair múin imme dús in dingebad dín. Robad maith
4452] a lúag duit. maith ám or si. Luid síar ind ingen co Díl.
4453] Can so a ingen or se. ón Chasiul sa atúaid or si. In fir bith
4454] duit hi fail na Ethni corpthi sin atúaid. is fir or si. Maith ám
4455] or se. Dotidnadso dodeocadsa (or sí) Pait meda ro gabussa ar
4456] bith ós chind cáich. ataif(etsa) tenid dait tomail co rrucursa do
4457] bennachtain. Ibthi didiu co maith. Ataig a díchelta ass iar sudiu.
4458] Is olc or (se) in sathe ro gab duib i cind for tíri .i. na Dessi.
4459] Cumma sin or (se) ragait ass i mmedon laí i mbárach. Atósa ic
4460] tarchitul forsin dlaí ucut fil imm asso loiscfidir in Inneóin
4461] i m(bar(
[gap: extent: 3 letters]
))
biaitseom i nUrd alláthíar co n-acatar a dé. Leicfidir
4462] bó mael derg taris síar. nos genat in óengair focichret. ragait
4463] ass noco taidlébat a tir se co bráth. Maith or ind ingen cotail

p.141


4464] in tan bas mithig lat Contule iarom. Berid ind ingen dloí ind
4465] assa colleic co ranic Cassel ría matain. atnaig Ethne fades
4466] cosin dloí co ranic na Desse. Loiscthir in dloí seo for Ethni
4467] & tabar bó máel derg dun nicon frith in bó. Maith or in druí
4468] dona Desib ragatsa i rricht na bó dom guin sair ar sairse ona
4469] Dessib dom claind co brath. Dogníther amlaid. Leicthir in
4470] bo sair. Is and bátar Osraige i nIndiuin. Cid dogníat na
4471] Desse innossa or Dil. Tene do loscud & bó do lécud forsind
4472] áth aníar. Nibo in(main) ní ón or se. In fil in dloí isind assa
4473] or se. Nád fil or in gilla. Olc ón om or se. Ná gon(at) ind fir
4474] in boin or se nos lécet seco. Nos gonat gilli na n-ech iarna cúl.
4475] Cissi gáir seo or se a gilli. Na gilli oc guin na bó. Fe (ammae)
4476] mo carpat dam or se. A hOrd slatir in Indiu
[gap: extent: 2 letters]
o Indeoin
4477] co Lainnin. nicon bia tairisium fair. Ba f[gap: extent: 1 letter]r ón ro srainset
4478] na Desse taris aniar[gap: text ends imperfect/extent: uncertain]


p.142