Corpus of Electronic Texts Edition

The Death-Tales of the Ulster Heroes (Author: unknown)

tale 5

Version D from the Stowe MS. D. 4. 2, fo. 54a3.

¶1] Ceat mac Mádach rotheilg in cloich .i. inchind Miscedhra rígh Laighen for Concubur hic Áth Dhaire Dá Bhæth. Finghen fáthliaig Concobuir is é ná roléig in cloich do thabairt asa chind. Muma immorro in cerd iss é dorat cumdach impe ria cenn amuich. Bacrach file do Laighnibh ro-indis do Chonchubar Críst do chrochad. I Maigh Lámrighe atchúaidh dó. Is annsin dorochair Concobar ac glanadh in mhaighe. Trí traighthi sechtmogat ina fot. Cóica traiged immorro i fedh Taidhg mic Céin, ut dixit poeta .i. Flann Mainistrech:—

1. Cóica traighedh tólaibh tlacht     fa slóghaib sainfear srianbalcc
   fad in airdrígh inar'⁷⁶ léir gart,⁷⁷     Taidhg mic Céin ótáit Cianacht.
2. Concobur, cloithech a celg,     mac noithech Nessa níabdherg,
   airdrígh Ulad, rodlecht de,     dia roslecht lerg Lámraidhe.
   Ina lecht, ní laimthi liacc,     fúair trí traighthi sechtmogat.

¶2] Is don cloich sin romudaig⁷⁸ Conchobur rochan in fili:—

1. A chloch thall for elaid⁷⁹ úair     Buite búain maic Brónaig báin,
   ropsa⁸⁰ mind i tressaib tóir     dia mba i cind⁸¹ maic Nessa náir.
2. Ciapsat⁸² náma dó rot-chelt,⁸³     secht mbliadna lána rot-alt:⁸⁴
   dia luid⁸⁵ do dígail Ríg recht,     is and fo-fríth⁸⁶ a lecht latt.
3. Láech frisralais co mbúaid⁸⁷ chain     fúair lat loimm⁸⁸ tonnaid íar sin:
   for mac Cathbath, cóinsit fir,     dális dig di⁸⁹ nathrach⁹⁰ neim.

---

p.20

4. Neimnech dotuc⁹¹ Cet an-dess     a tress ard Ailbe fria aiss,
   cenn ríg Emna orgsi leiss,     a inchinn Meis-gegra glaiss.
5. Dotarlaic⁹² dar árach úad⁹³     Cet mac Mágach⁹⁴ fri gliaid ngáeth⁹⁵
   ón muni rofitir cách     co Ath ic⁹⁶ Daire Dá Báeth.
6. Scoiltis dít, ba mór in⁹⁷ gním,     mullach in ríg rígi gíall,
   ar is é ba ferr do láech     darsa taitned gáeth is grían.
7. A ndor-airngred⁹⁸ duit ót áis,     mairg Laignech irraba⁹⁹ gnáis,
   nír' scarais¹⁰⁰ frisin ríg ráin     co rosfargbais¹⁰¹ i ndáil¹⁰² báis.
8. For Lettir Lámraigi luimm     rotgíallsat¹⁰³ druing na fían find,
   do¹⁰⁴ gleó frit chomthach ba gand     co torchar¹⁰⁵ and assa chinn.
9. Fotroilsig¹⁰⁶ Rí rodelb nem     do mac Brónaig úas brí¹⁰⁷ Breg,
   i ndún daingen i n-rotail¹⁰⁸     i fail ilar¹⁰⁹ angel ngel.
10. Ó chonattail fritt cen brath     Buti co rath rúamnai cloth,
    tairnit duit in tslúaig¹¹⁰ for ruth¹¹¹     co rochlóemchlais¹¹² cruth, a chloch.

    A.

11. Inchind Meiss-gegra 'sin chath,     ropo gleó fri demna¹¹³ troch,
    adart Buti co tí bráth     bud¹¹⁴ é th'ainm la cách, a chloch.

    A.

p.22