¶1] Budh dáil mór la hUlltu a Muigh Muirthuimni. Doluidh50 iarum Bochrach fili & drái51 do Loighnibh docum na dála iar toidhicht dó a Laighnibh iar foghluim filidechta. Fiafraiges52 Concubur scéla Alban & Leatha Mogha dó.
¶2] Atá sgél mór éimh ol sé, dorónnadh isin bith thoir .i. crochad rígh neimhi & talman la hIubhdaibh & is é rotirchansat fáidhi & dráidhthi. Do íc & do teasraguin dáini an domuin do phecadh Ádhaim dodeachaid ó næmneimh co roét coluinn ó Muiri óighinghin cen láthair freasguil, cor'luidh53 a crand croichi la hIudhaib do ícc an ceineóil dænna. Imon cáisc docúaidh úainn & atraacht isin treas ló iarna césadh .i. roinnis dono Altus, iss é tiged54 co n-aitheasguibh & cu sédaibh & co máinibh ó Tibir Sesair Aughuist rígh Rómán & ó ríg an domhuin co Concubur mac Neasa do Eamhuin Macha. Ar ba cuma bádar reachtuireadha rígh an domuin isinn aimsir sin for meadhón an beatha & a n-innsibh fuinidh55 gréine & turgabála, co mba comhderbh isin bith uili nach sgél airderc56 foscumadh ann.
¶3] Ba derbh le Conchubhur fón innus sin an cruth forcúaidh crochadh Críst. Ar ro-innis Altus dó ba hé Críst dorinni57 neamh &
¶4] Nó is amlaid so atcæmnacair hé. Budh58 Concubur i ndáil & maithi fer nÉirenn uime an lá rocrochadh Críst.59 Antan dodechaidh teimheal forsin ngréin & rosúi60 ésga a ndath fola rofiarfaigh61 Concubur immorro do Cathbad62 dúss cid rombádar na dúile. Do comhalta-sa, ar sé, in fer rogéanair a n-óenaidchi frit, anosa martar docuirthi(?) fair & doradadh a croich63 hé & isé sin chanuid anní sin. Atraigi trath Concubur súas la sodhuin64 & gabaid a gaisgedh fair & atbert: Is é sin éimh ol sé, mo comalta-sa & mo comáis & is é rogéanair a n-ænoidchi frium & rogob iarum deargail ótá sin co ro-acht isin fairrgi & cur'luidh65 innti conruigi a fiacuil. Is oc in deargail iarum rogobh Concubur an láid66 si: Ba aprainn na hIdhuil co hard iar n-éguibh righ & rl.
¶5] Ocus as iarsin asbert Concubur: Rofeasdais fir in beatha mo cumang ac cathugud fri67 hIudaidhibh68 tre crochad Críst dia mbeinn a comfogus dó. Is iarsin attraacht & rosgobh forsin deargail cur' sceinn incinn Mesgeagra69 as a cinn & conearbailt Concubur fochétóir. Conadh desin adberat na Gæidhil70 conadh hé Concubur cét-geinntlide71 docóidh docum neimhi a nÉirinn, fobíth robo baithis dó in fuil dobidg72 asa cinn. Et as annsin rucadh ainim Concobuir a n-ifrinn gu comraiced73 Críst fria74 ac te:uir75 na broide a hifrinn, co tuc Críst leis anim Concabair docum neimhi.