¶1] Bái Conchobar mac Nesai fechtus n-ann. Atfét dó Altus crochad Críst. Altus immorro is hé dothathaiged co clóemclódaib séd ó Tibir mac Augaist ríg Rómán co Conchobar mac Nesa. Ar ba cuma bátar rechtairea ríg Rómán in n-aimsir sin for medón in uetha & for indsip fuinid & turcbálai, co mba comderb isin mbith nach sgél n-airdirc forcumcad ann.
¶2] Ba derb 'diu la Conchobur fon n-innus sin in cruth forcúaid crochad Críst. Ar atfét dó Altus ba hé C ríst dorosat nem & talmain & is airi arfóit colainn ar tathcreicc in cineda dóenai. Ba cretmech Altus, is aire atféd cech maith im crochad Críst.
¶3] Concreid Conchobur do Chríst & is íarum asmbert Conchobur rofestais fir in betha a chumang oc cathugud fri hIudaidi crochsiti Críst, ma nubeth hi comfogus do Chríst. Is de ismbert Conchubar: ‘Ba haprainn nandáil cuart ríg narnaic atum fir hi richt cróad-churad cichtis mo beóil conciuchlis crúas már militha maidm netho móith n-imdai slúag searbairlech soistnefeit soircobur la Críst congaib geanam gáir báith for leth enæ lan Coimdid ba rolanscel cichointir crochath fir ba inmoo mo corp canæ n-artríg n-adamrai n-airerni atumcichtæ gním fir hi tinól tairisem triun uaisib in Coimded cháith cumachtaigh can be ein lam dee ndílgodag do cobur can forlonn foabeaba rinn cach comlann croithfinn la Críst arnenitir ní bu scíth cichestæ ar Críst cáth cumachtoch cid dudamr dun dercóinti din reil rochuinem nadnea nderagam.i. dígal duir choirp crochsiti ríg dorearoosat ronort47 inni menman med nadrig roachta mar roncráide crochad Críst ma chutooccaibmis atbelmais ba hasa artrag écomnart hóasal rí rocés croich coirtar doine ndicmairc diasait noregainn hi mbás atumflait for leicib fa chel necombaine inmain artriun do comrath mo chridea cloas imartrach atguhai arumeda inscibin na roacht fír furtacht Críst fritombrón báis cuadhair airomun airimud tomdrub cen duileman dígail.’
¶4] Is iar sin cotnoscrastur amail bid oc techt hi rói cathai ar bélaip Críst co sesceand asa chinn an inchinn Meisgedra & conidebilt ind ar sin. Ised isberat dee iarum is é cét-gentlide48 docóid hi flaith nimea, fobith robad hathais dó ind fuil donescmacht49 & rocreit é do Chríst.