Echde didu, i n-Aird Echdi boí i Cinn Tíre Fer (ecen caill). Batar teora baí sainrethcha lais oté aurbrecca aíminni. Is airi as-m-berar teora erca Echdi. Do-s-m-bert asind biuth mór dind fechtas, di-a-tubart criss Úair Galmáir & fidchill maic Solmon. Do-sathigtis (diah-) na teora baí seo a Aird Echdi i Semne & Láthairne. Coire umi ba h-é a loíg. Tri fichit sesre ba h-ed a lán in choiri ó cach óentráth co 'raill. Is de as-bert Cú Chulinn isint síaborcharput:
- Boí coire isin dún.
Lóeg na teora m-bó
tricha aige ina cróes.
Níbo luchtlach dó.- Tathigtis in coire sin.
Ba meldach in bág
Ní-téigtis úad aitherruch.
Co-fargbatis lán.- Boí mór n-óir is n-arcait and.
Robo maith in fríth
do biurt-sa in coire sin.
La ingin ind ríg.