Corpus of Electronic Texts Edition
Fled Bricrend (Author: Unknown)

section 97

Boi didiu Loegairi Buadach hi fos an oidci sin. ‘Cia do na curaduib cosnus an curadmir’, ol .uí., ‘firfhus cennuch frium-sa anocht? Caiti Loegairi Buadach?’ ol .ui. ‘Atu sunn, a bhachlaich’, or Loeguiri. Fonaisci fa an innus cetna & ni tanic Loegairi. Ticc dono iernamuarach & imnaiscid do & Conull, & ni tharnacair Conall Cernach.