Corpus of Electronic Texts Edition
Fled Bricrend (Author: Unknown)

section 84

Bai Cuchulaind didiu h-oc fritairi na h-oidchi & batar mitúrus-sa imdha foair. Trath ba medon oidci do ierom, co qualui in fotrann cuci. ‘Alla alla’, or Cuchulaind, ‘cia fil alla? Masad caruid, condosnadaid; mas dod namhoid, condomralaid.’ Gairm namnus fair {folio 8a2} lasodain. Concloich Cuchulaind foraib ierom, conid marb tarraidh talumh a nonbor. Addaig an cendail occo isin suidhe nfaire. Modh nad modh indesid inna suide, congair in nonuur aili airi. Rusmarb tra na tri nonuurai fo an žnnus cetna co ndernoi oencarn dib eter cendail & fadbh.


p.173