Corpus of Electronic Texts Edition
Fled Bricrend (Author: Unknown)

section 81

Luid ierom Loegairi Buadach an cet adhaigh di fairi na catrach, uair itte ba sinnser doib a triur. Rusbui isan t-suidhe faire iersuide co dereth aidhci co nfaco in scath quci indiar


p.172

radarc hi sulai don farci. Ba dimor & ba granna & ba h-athuathmar lais a med an scaith, ar i indus lais co nriacht conuici ethiar a airdi, & ba foderc do foles na fairci fo a gabul. Is amlaid tanic & laun a di glac leis do lomanuib daruch & dobi oiri quingi sesrigi in cec lomcrann dib, & nir aitherracht bem do buain craind dib acht aon beim di claidiub. Doleg gecan dib fair, lecthi Loegairi secha. Caomclaid fo di no fo tri & ni ranic cnes no sciat do Loegairi. Dolleici Loegairi gai fairsiom & ni ranic.