Isbert Lendubair ingen Eogain maic Derthacht, ben Connaill Cernaig maic Aimergin:
.R.
- Ar is mesi cruth cell congraim
coblethar ceimb crut cain curcastai
a tech medrach Medquartai righ ria mnaib Ulad.
Ar is mo celi coem Conull coscurach credmaír
coblethar cem n-ard nadguidhe
i nuchtai ergal errind ria cach.
Cain tinnta cucum co cernaib co cennaib
con rucai calcae cruaidii comraicthi Ulad.
Arsaidh cech nath | conid dia tul targlai
arslaith a natha | arfich a ngresae
commaich laeich ar a bi lecht líac
laimethar mac ain Aimirgin acollaim.
Ar is Connall ar lin a cern | cingius ria cech laech.
Qid na budsi an Lendobair-si | li sulaie caich
cichsid ria cech mnai a tech ricc?