Corpus of Electronic Texts Edition
Fled Bricrend (Author: Unknown)
section 9
Mad lat em cauradmir mo tighisi, bid lat curadmir
n-Emna do gres. Is coir cauradmir mo taighi de chosnam, ol
.ví., ni cauradmir tighi meraighi. Atá dabach a tallai triar
and di laithib gaili fer n-Ulad ier na línadh di fhín
aicinta a
tiribh Franc. Atá torc .uíí. mbliadan and;
ó robo leo orc mbec,
ní dechaid ina beolai acht lichta lemhnochta & menadhuch and
erruch & fircroích & firlemnacht a samrud,
etne cno & fircruithnecht
p.151
hi foghamur beoil & enbruithi a ngaimrud. Ata botuir
ann dinad at lana a .vii. mbliadna; ní dechaid fraech na faigdech
ina beola, acht firlemhnacht & luigfer glaisfer &
arbur. Atad .u.xx. bairgen cruithnechta and ier na fuine trie mil; .u. meich
.xx. tra ised dopronnad frisna .u. fichtiu bairgen sin, & cetri
bairgena in cech míach. Issed sin iarom curadmir mo tighe, or
Bricriu. Huair is tusa loech is dech fail la h-Ultu, is det is
coir a tabairt & isat donutracarsa. In tan iarom bus erlum
taisbenadh na flithi díud lai, erged do arussai suas,
& ba do
doberthur a cauradmir. Betid fir marbhai ann, no dogentar
samlaid, ol Loegairi. Faitbister lasodain, & pa maidh leis a
menma.