Atá doiligh mor and, ol Cathfad, acht as geis don rig cen a n-doraid Bricne do denam. Do bithus Cu Chulaind immorro antí foidis léa mnai, ol se. Goirther Cu Chulaind dund! ol Concvpar, dús an fedfamæis talgadh a brotha. Tic iarum Cu Chulaind. Eircc damh, ol sé , & tuc laut dam evlma failit a Slep Fvaid. Teid iarum Cv Chulaind & nu-s-timaircc leis ina fvair di mucaib & d'aigib alltaib & d'ernvilib gacha fiada folvaimnige olcena i Sleip Fvaid & nu-s-beirr a n-oinimain leis co m-bvi for faithce na h-Emno. Teidi didiu a fercc lassotain for cvla do Coin Culaind.