Corpus of Electronic Texts Edition
Togail Bruidne Da Derga (Author: Unknown)

section 128


1226] ‘At-connarc and imdae as neasam do Chonaire .
1227] Trí prímlaích indi, ité cétlíatha. Teóra lenna dubglasa
1228] impu. Remithir meodón fir cach ball díb. Trí claidib
1229] duba dímóra leó, sithigtir claideb garmnai cach ae.
1230] No dedhlaistis finda for usciu. Lagen mór i l- láim
1231] ind fir medónaig; .l. semand trea. Daigere cuingi
1232] seisrigi a crann fil indti. Cresaigthi in fer medónach
1233] in lagin móir sin, inge ná tíagad a h-uirc eicgi essi, &
1234] benaid a h-urlond fria a bais co ba trí. Lónchore
1235] mór ar a m-bélaib. Méit core cholbthaigi. Dublind
1236] úathmar and. Mescthus beous isin duiblind sin.
1237] Mad cían co tari a fobdhub, lasaid for a crunn.
1238] Inda lat is drecc tened bís a n-óchtar in tigi.
1239] Samailte’ &rl.