Corpus of Electronic Texts Edition
Togail Bruidne Da Derga (Author: Unknown)

section 35


322] ‘Eirg ina n-diaid’, for Conaire, ‘& toirg doib sé
323] dumo & sé tindiu & mo fuidellsa & aiscidi ammárach
324] & airead beiti im theaglachsa ní bía neach etarru ó
325] then co fraig’.
326] Luid in gilla ina n-diaid íarum, & nísn-árraid,
327] acht fris-gart in tres fear co n-epert:


328-332] Én, a meic, mór a scél.
scítha eich imda-rríadam.
im-ríadam eocho Duind Desscoraig a sídaib.
cíammin bí amin mairb.
móra aird airdbe as saegal.
sásad fiach.
fothath m-bran.
bresal airlig.
ar-liachtait faebair.
ferna tullochtaib tráthaib íar fuin.

én.


333] Tíagait úad íarum.