Corpus of Electronic Texts Edition
Serglige Con Culainn (Author: Unknown)

section 39


682] [LU2] Foíd Cú Chulaind iar sin lasin n-ingin & anais mís ina
683] farrad. Ocus celebraid h-i cind mís di, & atbertsi frissium: ‘In
684] bale,’ ar sí, ‘atbérasu frimsa dul it chomdáil ragatsa.’ Ocus is
685] and dorónsat comdáil ic Ibur Chind Tráchta. Ro innis do Emir
686] aní sin. Dorónta scena acciside do marbad na ingine. Tánic &
687] cóeca ingen lee connici in comdáil. Is and ro boí Cú Chulaind
688] & Lóeg oc immirt fhidchilli, & níro airigset na mná chucu. Is and
689] ro ráthaig Fand, ocus asbert fri Lóeg: ‘Fégsu, a Laíg, aní
690] atchíusa.’ ‘Cid insin?’ ar Lóeg. Dercais Lóeg, & is and ro rádi
691] ind ingen inso .i. Fand :