Corpus of Electronic Texts Edition
Serglige Con Culainn (Author: Unknown)

section 26


278] ‘Ní fresnesea co labur.’
279] ‘Ní aisnéisea co glórach.’
280] ‘Ní fuirse.’
281] ‘Ní chuitbe.’
282] ‘Ní faithchither senóri.’
283] ‘Nípá míthomtinach ó neoch.’
284] ‘Ní géis co ansa.’
285] ‘Ní ettis nech cena domanches.’
286] ‘Caín-ois. Caín-éra . Caín-airlice.’
287] ‘Bát umal múnta ó gáethaib.’
288] ‘Bat cumnech coisc ó t-senaib.’
289] ‘Bát seichmech ríagla athardai.’
290] ‘Nípat úarchraidech im chardiu.’
291] ‘Bat gusmar im náimtiu.’
292] ‘Nípa frithenech debtha h-i tilchomraicib.’
293] ‘Nírbat scélach athchossánach.’
294] ‘Ní fáisce.’
295] ‘Ní thaisce inní ba torba’
296] ‘Consecha do chúrsachad i n-gnímaib antechtai.’
297] ‘Ní chomainse th' írinne ar thoil daíne.’
298] ‘Níba tathboingid ar nárbat aithrech.’
299] ‘Níbat comromach ar nábat miscnech.’
300] ‘Nírbat lesc ar nárbat meirb.’
301] ‘Nírbat róescid arnábat dóescair.’
302] ‘Ardotchuibdig fri sechem na m-bríathar sin, a meic!’


p.11