Corpus of Electronic Texts Edition
Tochmarc Étaíne (Author: [unknown])

version 2

Tochmarc Etaine andso.

{YBL column 876}{YBL Facs page 175}

¶1] Gabais Eochaid Airium rigi nErenn & ro giallsad coiceadaigh Erenn do & badar iatside .i. Concobar mac Neasa & Meiss Geadra & Tigearnach Tetbandach & Cu Rai & Oilill mac Mada Muirisci. Badar iad duinti Echach .i. Dun Fremann a Mide & Dun Fremand a Tetba. Ba hinmaine lais tra Dun Fremann Tetba oldas cach dun.

¶2] Furocarthar o Eochaid for firu Erenn feis Temrach do denam in bliadain iar ngabail rigi dó fri comus a mbesa & a cisa doib co ceann coic mbliadna. Ba hinann aitheasg la firu Erenn fri hEochaid. Ni teaclomtais feis Teamrach do rig cen rigain lais ar ni raibe rigan a fail Eachach in tan ro gab flaithius.79 Faidhis Eochaid, teachta in cach coicead uad fó Erinn

p.164

do cuindchid mna no hingine no mbiadh a dingbala & isbert ni biad ina farrad acht ben nat fes80 fer do feraib Erenn riam. Fofrith dó ocmnai i nlndbir Cichmaine .i. Etain ingen Etair & rosuc Eochaid iaram ar ba comadais dó ar cruth & deilb & cinel & ainee & airdercus.

¶3] It e tri meic Findgaill & Finde na rigna .i. Eochaid Feidleach & Eochaid Airim & Ailill Angaba.81 Carais Oilill Angaba82 iaram Etain oc fes Temrach iar feis di la hEochaid fo daig a ndogníd dia silliucl uair is desgaid seirci sirsilliud. Cairigis a menma Ailill don gnim sin dogeini & niba chobair dó. Focheard Oilill a serg de fó dáig ni dubairt fria nech & nach83 ebairt frisin n-ingin fodesin.

¶4] Dobreath Fachtna liaigh Eachach dia indsaigid in tan ro ngab ceill for ecaib. Adbert in liaigh: ‘Acht nechtar na da idhan marbta dui ne na hicat leaga .i. idu seirci & idu

p.166

eoit it é fil indatsu.’ ‘Niro adaim Oilill dó ar ba meabal lais. Foracbad iaram, Ailill a Fremaind84 Tethbai fri bas & luid Eochaid for chuairt,85 nErenn & foracbad Étain i fail Ailella co nderntais86 a tiugmaine lé .i. coro clasta a fert & coro ferta a guba.’

¶5] In teg a mbith Ailill a ngalar doteigead Etain cach día dia uthras & ba lugaiti a galarsom on eside & cen nobith Etain issin maigin sin ro bith som oca deiscin. Rathaigis Etain inni sin & foceard a menmain air. Atbert Etain friseom laa n-ann a mbadar ina tigh dib linaib cid dia mbai fochonn a galair. ‘Ata dot seircsiu,’ ol Oilill. ‘Dirsan a fhod co n-ebortaiss,’ ar si; ‘robadat slan o chianaib dia fesmais.’ ‘Cid andiu87 badam slansa mad ail duitsiu,’ ol Oilill. ‘Bid ail eicin,’ ar si.

¶6] Doteigeadh iar sin cach dia do folcad & do tinbi bid dó & do urgabail uisqi fora lamaib. Día teora nomadh iaram ba slan

p.168

Ailill dia othrus. Adbertsom fri hEtain:[gap: erased/extent: a few letters] ‘ina88 testo dom icsa,’ ol se, ‘cuin rom bia?’ ‘Rot89 bia amarach,’ ol si. ‘Taetsu ambarach im dailsi cusin du uasin lis.’

¶7] Bai Oilill oc frithaire na haidchi sin. Cotlaid iaram trath a dala & niro duisigh co trath teirt arna barach. Luid Etain ina dailsin co fecais90 in fer ara cind co cosmailius crotha Oilella & canais fria in aithesc rob ail do Oilill. Do moscail Oilill trath teirti. Con-is tard a toirrsi moir. Dodeachaig Etain isin teach iaram. ‘Cidh dogní toirsech?’ ar si. ‘Do fhaideadsu im dail,’ ol sé, ‘& na ranac ar do chind & dorochair cotdlad form conom erracht anosa. Is fir na rom icadsa fos,’ ar se. ‘Niba fir son,’ ol Etain, ‘ata lá a ndedaig91 alaile.’ {YBL column 877} Gabaidseom oc frithaire na haidchi sin & tene mor fora belaib & uisqi na fharrad dia tabairt fó suilib.

¶8] Trath a dala dothaet Edain ina dail co n-acca in fear cetna

p.170

amal Ailill. Luid Etain dia tig. Feicis Ailill oc cai iaram. Doluid Etain co fo tri & ni airnic Ailill a dail. Co n-accasi in fear cetna. Issed co n-ebairt: ‘Ni fritsu,’ ar si, ‘ro dailisa. Cia tu dodeachaich im dail? In fear frisro dailisa ni ar ulc na ar aimles tanac for do chind acht is ara chuis tesairgni damna righ Erenn don galar fotroibi.’ ‘Ba tocho duit tuidhecht im dailsea,’ ol in t-oclaech, ‘uair in tan robsad Etain Eachraide ingen Ailella fa mesi do chetmuinter & fa iar sarluach do primmuigib Erenn & uiscib & or & argat co tici do chutruma do fhacbail ar th'es.’ ‘Ceist,’ ol sisi, ‘cia hainmsiu?’ ‘Ni hannsa, Mider Breg Leth.’ ‘Ceist,’ ol sisi, ‘cid ron edurscar?’ ‘Ni hannsa, fithnaisi Fuaimnigi & brechta Bresail Edurlaim.’ Asbert Mider fri hEdain: ‘In ragasu limsa?’ ‘Nato,’ ol si, ‘Nocho rairaibsa rig Erenn ar fear nach fedur clann no cenel do.’ ‘Is misi em,’ ol Mider, ‘dorad fa menmain Ailella do sercsu co fata co torchair a fhuil & a fheoil de.92 & is misi tall de93 cach n-ocobar

p.172

collaidi air na beith milliud einig duidsiu ann. Acht taedsu liumsa dom chrich dia, n-abra Eochaid frit.’ ‘Maith lium,’ ol Edain.

¶9] Tig iaram dia thig. ‘Is maith ar comrac,’ ol Oilill, ‘seach rom icadsa in feachtsa & ni fil lot94 ar95 n-enig duidseo and.’ Tanic Eochaid dia chuairt iar tain & atlaigestair a96 beathaig a brathar & buidigthi fri hEdain eo mor a ndorigni. Finit Amen.

p.174