Corpus of Electronic Texts Edition
Aislinge Óenguso (Author: Unknown)
section 13
Do-gníther íarum cairdes leu .i. Ailill ocus Ethal ocus in Dagdae ocus soírthair
Ethal ass. Celebraid in Dagdae doib. Ticc in Dagdae dia thig ocus ad-fét a scéla dia macc. ‘Eirc immon samuin as nessam co
p.62
Loch Bél Dracon con-da-garae cuccut dind loch’. Téit in Macc Óc co m-boí oc Loch Bél Dracon. Co n-accae trí cóecta én find forsind loch cona slabradaib airgdidib co caírchesaib órdaib imma cenna. Boí Óengus i n-deilb doínachta for brú ind locha. Con-gair in n-ingin cucci. ‘Tair dom accaldaim, a Chaer’. ‘Cia do-m-gair?’ ol Caer.
‘Cotot-gair Óengus’. ‘Regait diandom fhoíme ar th' inchaib
p.63
co tís a l-loch mofhrithisi.’ ‘Fo-t-sisiur’, ol sé.