Corpus of Electronic Texts Edition
Aislinge Óenguso (Author: Unknown)

section 7

Do-lluid cinn blíadnae co tech m-Buidb co Síd Ar Femen. ‘To-imchiullus Érinn n-uili co fuar


p.52

in n-ingen oc Loch Bél Dracon oc Crottaib Cliach’, ol Bodb. Tíagair úaidib dochum in Dagdai. Ferthair fáilte friu. ‘Scéla lib?’ ol in Dagdae. ‘Scéla maithi; fo-fríth ind ingen in chrotha-so as-rubartaid.’ Timmarnad duit ó Bodb. Táet ass Óengus linni a dochum dús in n-aithgne in n-ingin, conda accathar. Brethae Óengus i carput co m-boí oc Síd Al Femen. Fled mór lassin ríg ara ciunn. Ferthae fáilte friss. Bátar trí láa ocus teora aidchi ocond fleid. ‘Tair ass trá’, ol Bodb, ‘dús in n-aithgne in n-ingin conda aiccther’.

p.53

Ci ad-da-gnoe, ní-s cumcaim-si a tabairt acht ad-n-da-cether namá.’