Corpus of Electronic Texts Edition
Aislinge Óenguso (Author: Unknown)
section 4
Tíagair cuicce. Tic iarum in Boann.
Bíu oc frepaid ind fir-se, ol Fíngen,
d-an-ánaic galar n-ainchis. Ad-fíadot a scéla don Boinn.
p.48
Bíd a freccor céill dia máthair, ol Fíngen.
D-an-ánaic galar n-ainchis; ocus timchelltar h-úait Ériu uile, dús in n-étar h-úait ingen in chrotha so ad-condairc do macc. Bíid oc suidiu co cenn m-blíadnae. Nícon frith ní ba chosmail di. Is iar sin con-gairther Fíngen doib aithirriuch. Nícon frith cobair isindísiu, ol Boann. As-bert Fíngen:
Foítter cossin n-Dagdae tuidecht do accaldaim a maicc.