Corpus of Electronic Texts Edition
Aislinge Óenguso (Author: Unknown)
section 3
Atn-gládastar for leith.
p.46
Ate! nítat béodai do imthechta, ol
Fíngen, Sercc écmaise ro carais. Ad-rumadar mo galar form, ol Óengus.
p.47
Do-rochar i n-dochraidi ocus ní rolámar a epirt fri nech, ol Fíngen. Is fír deit, ol
Óengus. Do-m-ánaic ingen álaind in chrotha as áilldem i n-Ére co n-écusc derscaigthiu. Timpán inna l-láim, conid senned dam cach n-aidchi. Ní báe, ol Fíngen; do-rogad duit cairdes frie; ocus foítter úait cossin m-Boinn, cot máthair, co tuidich dot accaldaim.