Corpus of Electronic Texts Edition
Aisling Tundail (Author: [unknown])

section 17

¶1] Ní cian roascnatar intan adconncudar lín diairmi di daoinibh & doconncutar cuid da n-aithentoib ann i cuma cáich.

¶2] Atconncutar da righ Erenn etarro beos .i. Conchubar et Donnchad. Ba cocthach imresnach etarro sud ina mbethaid. ‘Cret dobeir maraon annso iet?’ ar Tundal. ‘Doronsat cora ina mbethaid’, ar in t-aingel. ‘Conchobar immorro, do gab saoth & galar mór é, et dobert moitt, da tisedh on teidm

p.112

sin go mbiadh ina manach goa bás. Donnchad immorro robói ré hedh do bliadhnaib a cuibrech ria mbás, gur' scail a innmus ar bochtaib Erenn. A Thundail’, ar in t-aingel, ‘aithnim-si dit na nethe si d' innisin do lucht an cenntair.’