Corpus of Electronic Texts Edition
Aisling Tundail (Author: [unknown])

section 8

De stagno tempestiuoso et ponte periculoso

¶1] As iar suidhe atconncatar loch leathan lán ainfeadhach, co na facatar na nimhe uasaibh, bá si airde a tonngair. Lin dirimhe


p.100

hi suide di bhestibh uathmara examla, accus siád for denmnibh et dasacht ag togro fordivcluime na n-anmonn ttrúag. Bui drochat úathmar tarsin loch. Ba ilithir bas, 2000 troiged a fod. Roderscnaigh dan comainm riamh ar ulc. Robhatar tairinge9 iairn iarna sadad inn. Tigtis ilpiasta an lochu do slugoth-cognom na n-anmonn noreimnighetis in drochat. Metigthir carpatt cach péist dibh. Cetho aodho ona10 mbelaib. Indar lá haos a fairccsi go bfiuchfad an loch dan tenith sin.

¶2] Atchi anam n-airidhe ag cí & golgaire et ag a cosaid feisin ó cairibh ile. Is amlaid robúi et oire11 mar do dornanaibh cruithniochtto for a muin. Roforcongradh fair ar eigin in droichet d'imdecht amlaid. Gerba himegoil lais na tairnge, as mo ro-uamnaigh tuitim isin loch. ‘A tigerno, cd12 he sutt?’ bar Tundal. ‘As í sutt do fpian imairgide-siv’, ar in dagthechttoiriu, ‘et dott hinnsamhail olcheno nech doní fur no goitt di bhiucc már. Acht nibh cumo airillid13 a pianoth. As i sutt as digal don cách berus ní a haitibh {MS page 792} coissercctha et go sonnradhoch in lucht crabhaidh diní sin.’

¶3] ‘A Tunduil’, ar sé, ‘is eigin doitt-si dol tarsin ndrochet ott, et bo ainmín egceillidh ar chinn agat et a tabairt imlan dam-sa allatall de. Dethbhir sen, favith rogoidis bhoin ott caroid Crist.’ ‘A tigerno, nachar aisiges an mboin sin fochétóir?’ ‘Doronais, a Tundail, onar cumcuis a dicleth, et día coinnista, ní leigfithea ar lo. As aire sin rotpianfuidther ar ái do toile, cenip fo digail na toili et an gniomo.’

¶4] Lasodhain fochétóir atconnairc an mboin n-egcennois for a bheola. Roglac hí ge nirb acabhor lais. Triallais dochum14 an droichit o vilibh briocchaibh. Feaccoid na béiste for beicedaigh ag súr a n-airbir bith gnathaig feisin. Tet Tundal cusin droichit. Nirbo cennais an mboin dó. Intan nobidh Tundal ina sesamh,


p.101

notuited si. Intan nobidh in bó ina sesamh, notuited anam Tundail. Gachrafeacht doibh amlaid. Rigit il-leith an droichit. Is ann dorala fer na cruithnechta remerbartomar ina co(i)nne. Rogabh for guide Tundail gan tocht ní badh sía. Amlaid do Tundal ag a atach-somh im a leigedh secho. Rogabsad aráon ag cái & ag dibraccoid, ar ní cumaing neachtarath dibh soadh ina frithing.

¶5] Is andsin atconnairc Tundal an t-aingel ina seasamh ar a oinigh, gerbó ina diaidh fosraccaibh. ‘Dia do betha, a Tundail’, ar é, ‘accus leig uaid festa in mboin sin. Na bidh do dethite impe ní is sía.’ Rotaisealb Tundal a casa 'arna tolladh o bheraibh an droichit accus atbert na cæmsoth siubail ní badh mó. ‘Cuimnigh’, ar in t-aingeal, ‘utmoille na cos sin do dortadh fola, conidh aire sin tuirsi itt lenmoin.’ Rofurthacht an t-aingel é iaramh. ‘A ticcerno, cait a raghom anoso?’ ‘Atat tra’, ar in t-aingel, ‘cestunaich úathmara ag anadh frinn. As ingnadh an earnad(?) dogniatt. Ata a tegh osda loclan do oigedhaibh15 accus ní lugaide cuingid tuille aoighedh16.’