Corpus of Electronic Texts Edition
Aisling Tundail (Author: [unknown])

section 3

¶1] {MS page 773}Iarna radha sin doibh et mórán día lethedibh atchi in anuim cuice soillsi móir fo indsamail retlan. Rofeg for in suildsi fodhaigh foiridhni d'fagbail. Ba hudmall enirt an dercoth sin. Ba he a aingel coimtechto-sum innsin. Rofailtig in t-aingel fria & atbert: ‘Fó a Día, a Tunntail!’

¶2] O rochí Tunntul in macamh et rathaigis aga failtiuchad, atbert co nheclo et gairdechus: ‘Trúag soin, a tigerna! Rotimchellsiot galair ifirn mé et táim a ngoisde an bhais.’

p.96

Dixit angelus: ‘Tám riam it farrad & ní rogairmis amne mé cusanos.’ ‘A tigerno, cait a mbfacu mé riam no cait a cuala do son romilis?’ ‘Do lenus in gach conair a ndechus riam ibh’, ar in t-aingel, ‘et nirbam cen acht(?) airibh .i. ó rochinebair.’ Sinith a laimh cusin ndeilbh ba hetchi don tslúagh doirchi od & atbert: ‘Ag súd anní isa hairli danronais sechom-sa. Acht chena tigfidh dilgud ó Dia fort, cenip foairilli om ocht. Acht cheno bid egen det ruibhiochttoin begán do fpen isin már fodruilliu. Len misi,’ ar in t-aingel, ‘& cecip ní foillsighfithir daitt congaib co daiggen cuimnioch hé Deich soife i curp afrithisi.’ Homnichis an anam og a clvais.

¶3] O'ttchiatt na demain na conisatt anní rotriallsott do gnim ria, ro fecsatt for ecnach & imdergotth Chríst. Attbertadar: ‘Nach derna anní rotingell riamh .i. loch a gnima fein da cech æn.’ Lasodhain rogabhsatt ag tuargain & ag truastadh a ceile, a na coniccsid olc frisin anoim. Ro-imdichset co ndimdo et tuirrsi iar bfagbail brento mair.

¶4] ‘Len misi, a anoim’, ar in t-aingel. ‘Truach sen, a tigerno. Romgeba in fairend sa im diuich, dia ndichis-si rom’, ar in anoim, ‘& didiu fomcartfat isin teinidh suthain.’ ‘Na huaimnigh, a anaim’, ar in t-aingel, ‘fobith ni tualaing íatt cor ínar n-agaid, ma atá Dia linn, amail adeir an psalm: Cadent a latere túo mille et decem millia a dextris tuis, oir biaidh mile dott clí & legion dott deis.’