Is cóir a fis co filet da esérgi and .i. cétesergi & esergi tanaisi. Is i in cétesérgi8 .i. esergi na h-anma óna pecdaib hi sualchib tri athrigi do denam, & ní fil acht dona fírenaib namma ind esérgi-sin. Is í immorro ind esérgi tanaise ind esergi bias i l-ló bratha dona ulib dáinib a bás, & cid óen & cid inund in bás-sin iar n-aicniud choitchinn araide techtaid delba & gnei écsamla fair ar immad na terchor & na tecmong triasa fagaib cách and.