Ni dingnet immorro na firéoin nách monor aile thall acht aní do-rairngert in fáith Dabíd co n-érbairt: Mon-genair don fhairind attrebait it tegdais-siu, a Chomdiu, not-molfat & not-adamraigfet do grés triasna saeglaib suthainib.7 Ni ó briathraib immorro nó ó gothaib corpdaib sechtair do-génat na nóim in molad-sa for Dia, acht o theorfegad spirtalla & o scrutan inmedonach a n-dligid & a n-intliuchta.