Nó dano maso intib fein nammá comthothir forcraid na foltni & na n-ingen, amail is chetfaid do fairind ar iss ed as chosmail forcraid cech baill do thinól & do thimarcain ind féin corop isin bull-sa fein fo-gaba ciped do phéin nó do fochraic dliges tria chomchétfaid & comopred in baill sin is ed as chretithe co n-dluthfa & co timaircfea thall in Comdiu isind esergi tria elathain di-asneti ind ecnai díadai curpu trúalnidi na n-dóeni