Corpus of Electronic Texts Edition
Saltair na Rann (Author: Unknown)

poem 161

161.


8281] Indomnuch nacomdála
iarn-eisseirge condremna91,
nibaceim soer sograda

p.122

tecait druing duba demna.
8285] Tuir nan-arbar n-iffernna
cendil acarcraib comul,
fogarbdath acrithfedma
linfait inhuili ndomun.
8289] Dofoethsat nahídala,
dee duib nangeinte cuilech:
nisfoelsat angnímrada
dobith fiadgnúis indRuirech.
8293] Ruibni ruada richessa,
tene derg troethas duisse,
duilgi trúaga trichessa,
con-ilur fergg friangnússe.
8297] Congluaisfi fonn fudomna
domuin dein, dál condubai,
artúaisfi condodomnai,
cenbuaid, cenbrig, cenbrugai.
8301] Coe granna ocus glammairecht
condith cenchoimsi ngretha,
cencennsa, censadailecht,
censíd frisoillsi sretha.
8305] Sreba siabra saraigter
snimaig forhinn nalasra,
cretha ciara granaigter
gnimaig forcinn nacasra.
8309] Guidem frisinmorchoimdid
incech huair arcomráda,
arsoerad diartrógdoidngib
indomnuch nacomdála.
Indomnuch nacomdála.