Corpus of Electronic Texts Edition
Saltair na Rann (Author: Unknown)
poem 157
157.
8149] Coiced laithe lígaide
dia-dardain, tolaib tine,
ticfet toirne díglaidi
conscértar renna nime.
8153] Nicheil cachduil delgnaide
timmarta condattrúaga,
domun duR condedgaire
roscar friabriga buana.
8157] Beti dorchai triamannai,
betit adhuatha adbail,
srebai solmai síabardai
linfait ónim cotalmain.
8161] Toethsat ruibni rétlannai
sis asostaib asesta;
nisfoelsat atetbannai,
formuchthair grian isesca.
8165] Coe granna ocus golgaire,
duba dian ocus toirse,
cenaine, cenforngaire,
censíd, censuba soillse.
8169] Sruama serba, seimlide,
fochasrachaib dosfemed,
muada merda meirblige,
isnalasrachaib tened.
8173] Dia deoda doroegasa
tarcai turu condaithe,
marcachnoeb romsoerasa
archuru inchoiced láithe. Coiced.