Corpus of Electronic Texts Edition
Saltair na Rann (Author: Unknown)

poem 153

Deichdúan naheisseirge inso.

153.


8017] Bacoir docachcristaide;
cianochiad cachthratha,
huamun domnaig tristaide
sechtmain rialathi mbratha.
8021] Biaid fogur fenedach
congairib grandaib garbaib,
isindomnuch dedenach
rian-eisseirge domarbaib.
8025] Ticfa nel derg teinntide
atuáisciurd nime ninaig,
granna, gér, garb, geintide,
lethfaid dartalmain tinaig.
8029] Ticfa fleochud fuilide
asindníul dorcha dogor,
truag deochair diarcuiribne
linfaid inn-huili ndomon.
8033] IMtrath terta tinscanat
frossa fégfola fomnaig,
nitercca, niimscarat,
coti leth lathi indomnaig.
8037] Ticfat luaichthi lasracha,
ticfat toirne centola,
ticfat cruaidi casracha,
ticfat froslacha fola.
8041] O leuth lathi lanaide
cotrath nona nicletha,
fleochud fola falaide
fochetheora ardda inbetha.
8045] Tomadmann tuath talmanna,
cretha granna isglorae,
inmuir colin anmanna
tet daramuru mora.
8049] Mairg cechn-oen 'nafrithele
nachfoichlidar cofooil,
uamun brátha bithféle
ciadogneimmis bacooir.
Bacóir docach cristaide.