Corpus of Electronic Texts Edition
Saltair na Rann (Author: Unknown)
poem 151
151.
{folio 39 a 2}
7789] I samaithrech, febda fecht,
aCoimdiu, domtharimthecht:
dilig dam cachcin romthe,
aCrist, ardotrocaire.
7793] Ardothitacht cain hicrí,
ardogein, amo noebri!
ardobathis mbuain hifus,
dilig dam cech n-immarbus.
7797] Ardochrochad colére,
omarbaib arth'eseirge,
tabair dam dilgud mothal,
aritFiadu fírthrocar.
p.115
7801] Ardofresgabail soer sel84
cosinn-Athair fornoebnem85,
feib roradis frim riatecht,
dilaig dam motharimthecht.
7805] Ardothitacht, déoda ingair,
domess forslog síl Adaim,
arnoengrad nimi cenchlith,
dilgiter dam mochinaid.
7809] Arbuidin nafátha fir,
ardrong molbthach namartir,
dilig dam cachcin romgab,
arfairinn nan-húasalathar.
7813] Archleir nan-apstal cenchol,
arsluag nan-uag ndeiscipol,
arcach noeb corath rigda,
dilig dam momígnima.
7817] Arcech noebuaig osbith bras,
arbantrocht naprimlaichas,
dilig dam cach cin fonim,
arMaire n-amra n-Ingin.
7821] Armuintir talman, torm ndil,
armuntir nimi noebgil,
tabair dam dilgud basdech,
domchintaib uair86 amaithrech.
ISamaithrech, febda fecht.