Part 148 of Saltair na Rann

Corpus of Electronic Texts Edition

Saltair na Rann (Author: Unknown)

poem 147

147.

7633] Ri cos'tuctha dagalar
bodor ocusamlabar,
immuich arbélaib intslúaig
rodashicc isindoenhuair.
7637] Ri conattaig, tuiccsi dáil,
deog d'uisque forsinmbannscáil,
dian-ebairt frie centlais
bái coicer innacomgnais.
7641] Ri rohic, amra tola,
mnai truaig dindrobur fola,
diataraill alám focleith,
finna abrothirni innétaig.
7645] Rí rohicc mac nafedba
diantuc othoraib demna,
amra firt fiadrongaib dál,
diarohiccad inbacclám.
7649] Ri condranic forsinmaig
frideichnebur doclannaib,
nícian rolla fordala
comtar coema comlana.
7653] Ri robennach secht mbargin
la bec d'iascc, nírbo daidbir,
facbait secht cleib d'fuidlib de
sloig nacetheoramíle.
7657] Ri rocháimchlai cruth cia cóir
intan luid islíab Taboir,
diatarfaid, gléalt cenhacht (?),
adéacht trianadoenacht.
7661] Tan bateist coicfer, gnim n-og⁸²,
Petar, Iohain isIacob,
congaissi ceilli, clú cass,
Moise ocusHele admass.
7665] Rí bethad buadaig, buan blad,
cli imgretha gluair ili gor:::
nicerr fribrig buidni bla

p.113

ferr cachríg ri cos'tuctha.
Rí cos'tuctha dágalar.