Corpus of Electronic Texts Edition
Saltair na Rann (Author: Unknown)
poem 143
143.
7501] Ri doRaiga, ruathar nglé,
indflesc dochlainn Iesse,
indóg findlem, glan agné,
Maire ingen Ebraidé.
7505] Insa dosraiga ochéin
oaimsir athar Abéil,
baili buan cechberlai bind,
Maire úag ingen Iochim.
{folio 38 b 1}
7509] Rí thanic donim nerta
diaroet chorp ndóinachta,
mó cech mbríg ardeseirc ndil,
dothesargain sil Adaim.
7513] Ri dorósat bith mbuidi,
conic traig ocus tuili,
robai nói mis, morda re,
imbrú naógda Ebraide.
7517] Ri thanic icolla crí,
hé donrosat donephní,
donfuaslaic dochum nimi
triachoimpert nahingini.
7521] Huaislium rígaib rígda gein,
rí rogenair imBetheil,
dorarngert cechfaith ochein
gigned iflaith Ochtauein.
7525] Diatánic Gabriel donim,
mor inglanmiad dondIngin,
mor inbrig De rodasta
doreir indríg dosraiga.
Ri doraiga, ruathar nglé