Corpus of Electronic Texts Edition
Saltair na Rann (Author: Unknown)

poem 138

138.


7297] Ri rosáer Abel centair
dogradmiad domuin dermair,
daroega, frisuilge seirc,
triahuimle, triaglanedpairt.
7301] Rí rosaer fritormach triath
Noe nóebglan mac Lamiach,
ocus Abram fiadcachdrung
dearmgrad Caldeorum.
7305] Ri rosáer Loth, lathar ndil,
dintslog, isadahingin,
diatargbad inplág badbda,
diatardad sár Sodomda.
7309] Ri rosáer Isaac ochéin
dondidpairt isindardsléib,
diatuc int-aingel inmolt
diambai fonchlaidiub glénocht.
7313] Ri rosáer Iacob doaitt
doláim Isau meicc Isaic,
diandechaid fothuaith combuaid
dothig Labain meic Bathuail.
7317] Rí rosáer fritreba tóir
Ioséph ossar clainne Iacóib, {folio 38 a 1}dianfarslaic Dia trialáthar
dolámaib aderbráthar.
7321] Ri rosáer Ioseph, fo fecht,
asincharchair in-Egept,
combahairri oscechclainn
orofúaslaic fís Forainn.
7325] Ri rosáer Moisi, met rath,
dosruth Níl cenabádad,
díar'erail Día, derbod raind,
forTermod ingin Forainn.
7329] Ri rosáer Moise, mor scél,
ocus popul n-Israhél,

p.108

doMuir Romuir, rigda smacht,
isdodiglaib nan-Egept79.
7333] Ri rosáer, segda atóir,
dogin Balaim meic Beóir,
dialuid clann Israhél áin
doaittreib tíre Cannáin.
7337] Ri rosáer, saerda inscel,
sluag noebda mac n-Israhél,
diarosfuc, ruamna cenlén,
darsruth n-uarda n-Iordanen.
7341] Ri rosáer Iessu mac Nún
diambai ictogail naprimdún,
conasluag dichra, dána,
dochathaib naCannana.
7345] Ri ran rodasáer secho
Raab diráenaib hEricho,
diarlegsat, duiri athbach,
secht muir innaprimchatrach.
7349] Ri rosáer Oeth80 ócda
dochlaidiub naCiclopda,
ocus Geodeon, gním ndana,
doburba nambarbarda.
7353] Ri rosáer Samson cenhír
dolámaib naFilistín,
diar'bris díarig roimsi rath
primdoirsi namorcatrach.
7357] Ri rosáer Susannam slain
diatucad isinmordáil,
donguforgull roches cath,
dian-erracht cach diaclochad.
7361] Ri rosáer Hele fáith
ocusEnoc án imthláith.
fogriandaib caidib cengeis
indiamraib blathib Parduis.
7365] Ri rosáer Dauid alchur
diambai aoenur is'dithrub,
diatuc incairig coglan
agailig indleoman.
7369] Ri rosáer Dauid dána
dochathaib nacombága,
diatuc cenn Gólai, gním ngúr,
combae forbélaib Saúl.
7373] Ri rosáer Ezechiam slan
ciarb'focus adédendal,
diarohícad cosolmai
dongalur, dondinnlobrai.
7377] Ri rosáer Daniel, deilm nglan,
acuthi naleoman,
ocusNeman, rosóe lí,
asindindlobrai grandí.
7381] Ri rosáer Michiam, mod mblaith,
dodiumus uaibrech Achaib,
ocus Ionas fiadcachclainn,
díatanic abrú bledmaill.
7385] Ri rosáer, baleor dobuaid,
naNinuiandai frioenhuair,
dia rostarmchell, mor inmairg,
tob tened dicachoenaird.
7389] Ri rosáer Toba, derb de,
diambai itroga nadaille,
isnatrimeic cosindrath
rodasaer is'tsurnn tened.
7393] Ri rosáer Petur cechcruth
bahecgal rianabádud,
dial-luid coCrist, cengói ngle,
diambái fordói nafairge.
7397] Ri rosáer Petar centair,
bahettal in-aurgabail,
dianforslaic angel Dé dil
acosraib, acumrigib.
7401] Rí rosáer Eoin bai tan
trianagnim ngleóir ngléglan,
digae gona indnemi glais
ocus dindolai amnais.

p.109


7405] Rí slógdil rosaer cenlen
Maire mórdil Magdalen,
cenathelluch, deoda tlus,
d'atherruch in-immarbus.
7409] Rí saer Teclai ndíascaig ndil
onabíastaib béldergaib,
isint-anfabrocht forruth
bahadbalbocht dindfuatluch.
7413] Ri rosáer Pol, bláith aniab,
ocus noeb naslóg Siliem,
batar fochircolggaib cath
icrinchumgaib nacatrach.
7417] Romsaera Dia trebar trén
arDemun conadubnél,{folio 38 a 2}feib rodasaer, slicht roscar,
cechnoeb remitrubarmar.
7421] Rí cengáeli caine imrúin,
ri conáibe oscechnoebdúil,
fogni cachminn, mocachmiad,
ri narind rosáer Abial.
Rí rosáer Abial centáir.