Corpus of Electronic Texts Edition
Saltair na Rann (Author: Unknown)
poem 135
135.
7217] Ri tarlaic inlíc ochéin
hicenn nadeilbi dontsleib,
isint-herdornn óg cenrig
icscribunn coir caindligid.
7221] Rii roscar inríg roclos
friarigi, friaardflatheos,
combái secht mbliadna foleith
amal nacethra iccomgleith.
{folio 37. b 2}
7225] Ri roheirn dál domuin troig
corala ár inmórsloig,
diatuc leo cenmerbe ammaig,
cenn deOlferne 'sincathraig.
7229] Rí rofaed inn-angel n-uag,
bagnim ndangen frihimluad,
feib imroraid, rigda scél,
dochobair mac n-Israhél.
7233] Dia rohort frisaerbuáid sain,
frióenhuair donanaimteib,
noifichit mili, met cath,
ocus coeca arcet corad.
7237] Rí roreraig, rigda triall,
iarn-edaib doEzechiam:
cóic bliadna déc, dochtaid dul,
doforcraid forasaegul.
7241] Ri ruc ingrein cuires cách
diaréim ruithess corognath,
fri deich n-úara foracul,
fogne búada buan brígrun.
7245] Andorigni morí raith
arsíl n-Adaim dobithmaith,
osbith builid, bág centreis,
islia tuirim is aisnéis.
7249] Formorgrain Med ocus Pers
Greic ocusRomain rigthess (sic),
forbriga betha comblait,
foraríga rí tharlaic.
Rí tharlaic inlic ochein.