Corpus of Electronic Texts Edition
Saltair na Rann (Author: Unknown)
poem 131
131.
7109] Rí dor'úargaib Héle fáith,
glére crúanmaith cechcomráid,
lestar lán, cenáeb n-engaig,
inSpírta saér sechtdelbaig.
7113] Teorabliadna, buan inscél,
bái tart fortúaith n-Israhél,
nirelic deochair Día dil
broen fleochaid doib donoebnim.
7117] Ann dognid Héle amra
infirt n-aurdaircc n-adamra,
oenmac nafedba fofeib
dothathbeogud ahécaib.
7121] Ort incóecait, bagnim glan,
dosacarddaib nan-ídal,
roloisc tene diblinaib
infeoil fíadnahardrigaib.
7125] Diabreithir baferr cechndáil
Héle condene noebnáir,
roloisc tene trom, tuaimnech
cét fer fortren, foruaibrech.
7129] Rohoirdnestar, araseircc,
Héle, Helesius airdeircc,
frignim cumtaig cóir cechgráid73,
combahé doib báprimfáith.{folio 37 b 1}
7133] Dorurgabsat Hele fáith
p.105
slúaig aingel nimi noebnáir,
fornem noebda niab nemed,
icarput dian dergthened.
7137] Tuistid talman, tolaib drong,
bladmar frifuismiud ferdrong:
isamru brígaib congaib
Rí osrígaib doruargaib.
Rí doruargaib Héle faith.