Corpus of Electronic Texts Edition
Saltair na Rann (Author: Unknown)

poem 130

130.


7093] Rogab rígi, réim n-achtach,
Achab úallach imthaltach,
croda, conglandath, congail,
friandamnad, friatimmarcain.
7097] Fritimarcain cáich forecht
iarfinnaltaib fath firchert,
friadrad De, tolaib gál,
frimandrad n-angbaid n-ídál,
7101] Frihinnarba n-echtrann n-úag,
línib aclechtchlann comlúad,
frigním nglé nglériu cechcruth,
friréir nDé dohorddugud.
7105] In-amsir Hele cenchol,
conglere, cenimforddol,
fordeichtreib conagrad glé,
Achab án rogab rígé.
Rogab rígi, réim n-achtach.