Corpus of Electronic Texts Edition
Saltair na Rann (Author: Unknown)
poem 129
129.
7077] IArn-écaib hIrobuam ráin
dodeichtreib, deithbir golgair,
in-Israhél, foglór gal,
robái mór n-arracht n-ídal.
7081] Bái mór n-ergal ndegrach ndian,
bái mór doulc, doanríad,
eter déthreib, tolaib treb,
ocus deichtreib nan-imned.
7085] Bái dóib fritindriud mór cath
dian-indriud isdiatróethad,
cechsluaig 'mosech, foraig thaig,
dogeintib isd'echtrannaib.
7089] Bái, badeithbir, toirsi thrúag
fordeichtreib conamórslúag,
slúag nuall nan-idal cechthreib
imhIrobuam iarn-écaib.
IArn-écaib hIrobuam ráin.