Corpus of Electronic Texts Edition
Saltair na Rann (Author: Unknown)
poem 127
127.
7045] Oadrad indidail áin
dorat Día digail ndermáir,
forclainn Solman, sruth nasreith,
coroscartha frideichthreib.
7049] Síl Solman forróed, réim nglé,
rodastróeth rí rindnime,
cenforgal, cenmiad mathius,
cenordan, cenárdflathius.
7053] Mac Solman Robuam rofich
fordethreib conadligthib,
ocus hIrobuam roclos
fordeichtreib rogab flatheos.
7057] Solam básui saigtís druing
frifoglaimm n-ecnai n-eruill,
roscar fribúaid isfriblaid,
ohuair adartha indidail.
Oadrad indidail áin.